علقت الناشطة الحقوقية والسياسية نوارة نجم علي خطاب الرئيس المصري المخلوع حسني مبارك , بعد أن أصدر النائب العام قرارا باستدعائه ونجليه جمال وعلاء للتحقيق معهما بقولها :
"حيستدعيه عشان ايه؟ عشان الفلوس اللي هو هربها وببقول انا مستعد وفتشوني مافيش حاجة لا انا ولا مراتي ولا عيالي؟ احنا فلة شمعة منورة؟ طيب والجرايم اللي عملها؟ احنا كنا عايزين نلحق الفلوس عشان الشعرة من دقن الخنزير مكسب, بس الاراضي اللي باعها؟ النفس اللي كسرها؟ الخيانات اللي خانها للبلد؟ المصايب اللي عملها؟ ابسط حاجة مخالفته للنظام الجمهوري، تزويره للانتخابات، مدبحة كربلاء المصرية يوم 28 يناير كربلاء المصرية"
وأضافت نجم أن مصر يوجد لديها كربلاءات مصرية , وتحدثت عن ما فعله مبارك بعمال المحلة, والقضاة,وأسهمت في حديثها عن التعذيب الممنهج, والمحاكمات العسكرية للمدنيين, والحكم بقانون الطوارئ, واعتقالات أمن الدولة .
وإعتبرت نوارة أنه يجب التحقيق وبقوة مع مبارك حول فضيحة "حرب غزة" و التي شارك فيها وجلب العار لمصر, وحول فضيحة مباراة الجزائر ومصر, أوامره للجيش المصري بنسف ميدان التحرير وقالت:
"نروح نجيبه من قفاه من شرم الشيخ واحنا نحاكمه بمعرفتنا, وبعدين ده تحت اقامة جبرية، ايه التسجيل الصوتي ده؟ في التليفون ولا بعته بالميل ولا ايه؟ طب اقطعوا عنه التليفون والنت "
وختمت تصريحها : "عايز يقاضينا كمان.. عايز يقاضي الشعب، ويقول لنا انا اللي تخليت عن الرئاسة.. ده بيستفزنا .... بيستفزنا (تقريبا هنا فيه شد شعر!)".