+
----
-
لكل شخص قصة حب عاش فيها

وتعايش معها بكل تفاصيلها
واحداثها
ضحك منها ايااااااااام
وبكى منها بعض الاحيان
وسعد بهاااا وحلق في عالم المحبين ايامن وليالي
ورسم خطوط للحظات اللقاء
وكتب فيها أجمل ماقيل بالحب
وخط على الورق الشعر والنثر للمحب
ولكن ......!!!
بعضنا ختم هذه القصه باجمل النهايات
وبعضنا انتهى حبه بالفراق
وبزواج الحبيب ... من شخص اخر
أو بفقدان الامل من الزواج بالمحبوب

سؤالي هو؟؟
اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟


وبرر موقفك اذا رفضت واذكر السبب اذا وافقت الحضور ؟؟

أتمنى التفاعل مع الموضوع بجدية

_________________

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر

احضر علشان اثبت لنفسى انه خلاص بقى لشخص تانى
وقتها هبداء حياتى جديدة بدون امل انه هيرجع تانى لى

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟

طبعا هاحضر بس

والله علي قد ما هكون حزين اووووووووي

علي قد ما هكون سعيد جدا لفرحها

واسلم عليها واتمنالها حياه سعيدة مع حبها الجديد

توبيك جميل و رايي انه لو كان الفراق بسبب لا ارادي اكيد هحضر ولو بسبب خيانة مستحيييييييييييييييييل

شكرا لتفاعلكم مع الموضوع
بس انا مش هقدر احضر عشان مشوفش في عيون الناس نظره شفقه
وممكن دموعي تخوني وتنزل غصب عني ومش هقدر اشوف حد تاني جنبه غيري

اقولك حاجة هروح وهحضر الفرح بس مش هقدر امسك دموعى وهتنزل منى من غير ما احس

انا عن نفسى صعب اروح لان انا لما بحب بحب بجد
وعشان انا مش بحب اكون ضعيفة ولو شفت حبيبى بيتجوز غيرى هضعف وانا لازم اكون قوية
وبين لية انو مش لزمنى حتى لو كنت قلبى بيتقطع

انا هحضر علشان الانسانه دى كانت مخلصه لى فى يوم من الايام وعلشان اثبت ان الموضوع انتهى

صراحة مش قادر ارد على الموضوع

لالالا طبعا مش هحضر عشان عمر ما اتخيل ان حبيبي في الفرح مع غيري وممكن انهار في نفس الوقت وبعدين كان في بنا حب في يوم من الايام وانا لو رحت الفرح هخليه يفكر فيا لو دقيقه وكده يبقي حرام عليا عشان هنكد عليه في يوم زي ده وبالعكس المفروض يشلني من حياته في لحظه زي دي عشان خاطر الانسانه اللي معاه مش ليها اي ذنب في الموضوع وميرسي اوووي وبجد موضوع حلو جدا والموضوع ده بالفعل كان هيحصلي بس ربنا ستر

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟

نعم سوف احضر .

عشان اثبت لنفسى انها خلاص مش لية دى لحد تانىىى

انا لو حبيت وادعت لفرحه هيكووووووون من جويا حزن بس هبين فرحى

انا هحضر وهكون حزين جدا بس هحاول ما بينش وهحاول ابتسم كمان..
وهقول لنفسي..
انسان طيب وبيهواكى واضح ان سعادته معاكى
علشان كدة ضحيت بهواكى اه ضحيت بالحب الغالى
لما عرفت حبيبك ده وانك عايشة غرامك ده
انا يا حبيبة قلبى وعبينى اطمنت عليكى

لا انا طبعا مش هقدر احضر فرح حبيبى لان وقت ما اشوفه مع واحده غيرى اكيد هفتكر الحب والمواقف اللى كانت بينا وهتعب اكتر من الاول بعد ماكنت خلاص ممكن انساه

عادي يعنيي

ممكن محضرش
لاني ممكن اموت من الحزن وانا شيفاه قاعد جمب غيري

مش هستحمل اشوفة جنب حد تانى وسوف اتذكر كل الايام التى مضينها سويا وهذة اللحظة تصبح قاسية عليا جدا ام اذاكانت سعادة فى الابتعاد عنى فسوف ادعو لة براحة البال والسعادة طول عمرة وسوف اتذكرة بكل خير ولكن مع عدم الحضور اكيدددددددددددددددددددددددددددا

لو كنا انا وحبيبى سبنا بعض بسبب غصب عننا اكيد حاحضر لانى مش حاكون كرهاه وحاكون باتمنى له السعادة واشوف فى عينيه الفرحة وادعيله ربنايوفقه فى حياته الجديدة وتحبه اكتر منى اكيد حاتعب من اللحظة دى بس سعادته اهم من اى حاجة

طبعا عمري ماهحضر ومش ضعف مني بس ازاي يكون جوايا الحزن ده كله واروح ابتسم واضحك كدة مش بظلم غير نفسي ببينله اني فرحانة وانا اصلا بموت وبتعذب

انا عن نفسى هحضر ولاهيهمنى بالمرة

هحضر
وهغنى اغنية وائل جسار
اعذرينى يوم زفافك
هههههههههههه

انا هاحضر علشان اشوفه سعيد واشوفه ولو لاخر مرة فى حياتى

نايس توبيك.

انا عمرى ما هحضر للان ازاى الانسان الى كان ملكى لوحدى واحلامنا مع بعض وبس فجاه بقه ملك حد تانى وخد احلامنا وراحلها انا مش هقدر اشوف المنظر ده ممكن انهار ويبان علياالحزن

هاى انا عضوه جديده فى المنتدى
عايزه اقولكم انى بعيش فى المأساه دى
انا بحب واحد قوى اجمل قصه حب منذ سنتين
هوه قريبى كانت فى الاول من طرف واحد وهو مكانش حاسس بيا
ولما قولتلو قاللى انا حاسس انى انا كمان بحبك
ووعدنى اجمل وعد فى الدنيا انه هيفضل طول العمر جنبى
وبعد اسبوع كلمنى و قاللى انتى زى اختى
وبعدين سمعت خبر فرحه من بنت عمى
بجد انا تعبانه لو سمحتوا حد يرد عليا يقوللى اعمل ايه

هحضر لان سعاته هى سعاتى حتى ولو مع غيرى والى بيحب حده بيتمناله الخير

مش هاروح في كتير بيعتقدو انهم لازم يروحو علشان يسبتو ليهم انه خلاص الموضوع انتها ويسبتو للناس كده بس بيبقي جواهم حزن وتعب بس انا من رايي قبل ماءسبت ليه وللناس العكس لازم اثبته لنفسي ماروحش واكبر دماغي وانساه يبقي ولا كاءن الموضوع فارق معايا وهو ده التحدي والاراده بجد

والله حاجه تحير ياااااااه انا لو قولت رأيى كامل مش هاخلص
هاحاول اختصر
بس فيه كام سبب يمنعونى انى اروح وكام سبب يخلونى اروح عشان كده انا اكيد هاكون محتاااااااااااا
جدا
بس لو فكرت كويس اكيد مش هاروح ازاى اروح واشوف حبيبتى مع حد تانى يااااااااه
لالا مش هاروح طبعا
وبعدين ده موقف صعب انه يحصل فى الحقيقه يعنى اقصد
ازاى هما انفصلو او اتفرقو وبعدها علاقتهم تسمحلهم انهم يدعو بعض كلا منهما على فرح الاخر مثلا؟متجيش
ابدا ولو هما بيشوفو بعض كده وفيه الود ده كله فلماذا الفرق ؟؟ او ازاى اتفرقو وبعدين بتقابلو عادى ويكلمو بعض لدرجة انهم فيهم حد بيدعو الاخر لحضور فرحه؟؟؟
اعتقد ان الموقف ده صعب انه يحصل ولكن ممكن برضو
ولو حصل لا معتقدش انى اقدر احضر ابدا

الحياه مش هاتنتهى من وجهه نظرى وطالما ماليش نصيب معاها هاركنها جانبى ليه
الله يساهلها فى حياتها الجديده وهاكون سعيد جدا لانها هاتفرح
وممكن احضر بس طبعا هاكون متفرج من بعيد