في برنامج البيت بيتك حلقة يوم الاثنين 3 اغسطس 2009 استضاف المذيع تامر عبدالمنعم لاعب نادي الزمالك الجديد احمد حسام ميدو، وكان ابرز ما جاء في الحوار :
ناس قالت انك جيت مصر لان مجلكش عروض في اوروبا؟
ميدو : تقديم العروض في اوروبا بينتهي في 31 اغسطس يعني قدامي شهر، كان ممكن استنى، وكمان فيه 3 فرق انجليزية وفريقين اسبانيين عرضوا عليا، لكنم انا شايف نفسي فالزمالك ونفسي اكون ليا دور في اني ارجعه لايام البطولات، وانا اعد الجماهير بالبطولات وعودة روح فريق نادي الزمالك.
عمرو زكي وميدو ؟
ميدو : مفيش اي خلاف بيني وبين عمرو زكي وهو اخويا وهو عارف كدا كويس، وانا طلبت من ادارة النادي انه يفضل معايا فالزمالك لاني فعلا محتاج واحد ماهر وقوي زي عمرو يسندني فالهجوم.
انت ناوي ترجع مصر على طول؟
انا جاي اعارة فقط 6 شهور وانوي اني ارجع اوروبا بعد ما تخلص واكون حققت للزمالك بطولات، ناس كتير كانت معارضة اني ارجع ومنهم اهلي كمان.