الا صحيح اية رايكو في الطوابير....هههههههه
بجد احنا البلد الوحيدة الي في كل حاجة فيها طوابير.....
اي حاجة
وطبعا انواع الطوابير كتير اوي ملهاش عدد.....ربنا يزيد ويبارك
انا عن نفسي شوفت كم من الطوابير المنتشرة في مصر ,من أول طابور العيش , وطوابير المصالح الحكومية وغيرها الكثير من الطوابير التي تعد صفة مميزة لمصر
, ولنبدأ بالطابور الأول (طابور العيش ),واللي الحمد له بدا يختفي
1- طابور العيش
وهو الطابور الأشهر عند المصريين , والي أعتقد أن معظم المصريين قد وقفوا فيه (فعشان تاخد الجنسية المصرية ممكن تقف في طابور العيش يوميا لمدة أسبوع , وبعد كده ممكن نديك الجنسية - أي خدمة يا عم - ) , وسهل قوي تعرف مكان أي فرن في مصر ( فبمجرد ما تشوف دخان طالع من مدخنة وجنبيه خناقة يبقي ده أكيد فرن ).
ويتكون طابور العيش في مصر من عدة أجزاء رئيسية :-
1- طابور رجالي بالطول ( لو كان صاحب الفرن راجل منظم ) .
أو طابور رجالي بالعرض ( لو كان صاحب الفرن ملوش في النظام والكلام الفارغ ده ) , فتلاقي جماعة متكومين عند الشباك , بتاع8 ولا 9 اتنين منهم بيشتروا وتلاتة ماسكين في خناق بعض ,واتنين بيحوشوا واتنين يبتفرجوا , أما الحريم فنصهم بيصوت والنص التاني بيشجع ,وتلاقي واحدة تقول لزميلتها إلي واقفة قدامها :
- أطيعة يا أختشي , يقطع الرجالة وسنينهم السودة , هي الواحدة مننا كل متتطلع بره البيت تلاقي الرجالة ماسكين في خناق بعض , مش كفاية الضرب إلي بياخدوه جوه البيت .
- يا ختي بلا نيلة , هما ينفع معاهم غير كده......ههههههههههههه
ههههه
2- طابور حريمي ( ويحتوي علي عدد كبير من النساء , والزي الرسمي لهم هي العباية السودة , وممكن يشذ عن القاعدة دي كم واحدة كده من الاطفال أو الشابات ) , و كل واحدة منهم عندها سارينة أعلي من صوت سارينة الاسعاف والي بتشتغل أوتوماتيكاول ما يحصل اي حاجة بينها وبين أي واحدة في الطابور, ومفيش بقا مانع من استخدام اسلحتها التانية .....ههههههه..... من شد الشعر والعض وغيرها من أسلحة المرأة الفتاكة ......هههههههههههههه
- معروفة مش لازم اشرح... .هههههه
نشوف بقى بعض الشخصيات إلي ممكن تشوفها في فرن العيش :
- رجل عدي الستين او السبعين, ومش لاقي حاجة يعملها الا انة يقف يوميا في طابور العيش , هههه..وياخد معاة أحد جرائد المعارضة ويعد يقرأ فيها طول الطابور وفجاة يندمج في أحد المرات مع العناوين الحماسية للجريدة.....هههههههه ويصرخ في صاحب الفرن (ياريس........ يا ريس مشي من الطابور يا ريس , كفاية بقى كوسة ومحسوبية احنا واقفين من زمان قوي وساكتين وأنتوا مش معبرنا ............ رغيف العيش يا ريس بقى كله حديد ومسامير .............ياريس أنا رجل عجوز مش قادر أقف في الطابور..............يا ريس ..... يا ريس .........هاتلي بنص جنيه عيش ) .
أو .....هههههههههه .....ممكن يقف يتفرج علي المشاجرات اليومية للسيدات في طابور العيش والي بيلاقي فيها متعة أكبر من متعة مشاهدته للمصارعة الحريمي ......ههههه الي بيجيبها ممدوح فرج في لمس اكتاف...هههههههه
- أحد الاطفال واقف طول الطابور يتنطط, فشوية تلاقيه أدامك وشوية وراك وشوية تلاقيه ماسك عيل زميله بيضربه...هههههه ,ومعاة في ايدة اليمين قفص اطول منة مرتين , وفي ايدة التانية ورقة متبهدلة او متكورة من العملات الورقية والي مش سايبها في حالها .... فشوية يعملها صاروخ وشوية تانيين يعملها مركب, وممكن تلاقيه مرة عمال يعيط.....ههههههه.... ويقولك ( عمو ..........عمو........عمو , ماما بعتتني أجيب بنص جنيه عيش , بس وأنا جاي الشيطان وزني واشتريت كيس قلبظ ......... ونبي يا عمو أمي هتموتني لو مجبتش العيش ونبي يا عمو اتبرعلي بنص جنيه و أنا هبطل أكل قلبظ تاني ) .
- أحد الشباب يجي من بعيد نافخ ريشه ,فرحان بنفسة ......إلخ , مالوش دعوة بالي.. في الطابور وينادي على أحد أصدقائه في الفرن:
ولا ياحمو ............ هات بجنيه عيش , ولكن الواد حمو يكون منهمك في إعطاء العيش للزبائن , فيعلو صوت الشاب : ولا يا حمو يا بن التيييييييييت , انت مش سامعني ؟ فين يا عم العيش أنا واقف بقالي عشر ثواني في الطابور , متجيب يا عم العيش خلينا نشوف مصالحنا , فيرد الواد حمو وقد نقح عليه عرق الصداقة :
- طيب هات القفص بتاعك.
- معاييش قفص .
- طب بعد إزنك كده يا كابتن ,.....هههههههههههه...... إدي الاستاذ ده العيش ده .
ويصرخ الموجودين في الطابور ( الله يخرب بيوتكو , احنا واقفين من الصبح , ما تمشي من الطابور يا حمو) , ويغض حمو الطرف عن كلام الواقفين مرددا في سره ( دا صاحبي وحبيبي , إزاي أسيبه في وقت زنقته يعني؟! )
ههههههههههه
يارب يكون عجبكم.....لو كان عجبكم اكتبلكو الانواع التانية......ههههه....اصلهم كتير
الطابور الوحيد اللى وقفتة