|
فى خطوة تتميز بالشجاعة من قبل الحكومة المصرية أبلغ وزير الخارجية المصرى نبيل العربى الخارجية الأمريكية برفض مصر رفضا تاما للمعونات الأمريكية المشروطة حيث عرضت أمريكا على مصر مبلغ 150 مليون دولار كمعونة مقابل تنفيذ بعض الشروط التى يجب على الحكومة المصرية تنفيذها كما كان يحدث فى عهد مبارك ويأتى ذلك الرفض إحتراما لإستقلالية الحكومة المصرية وكذلك ردا على رفض الجانب الأمريكى التنازل عن الديون المصرية للجانب الأمريكى والتى تصل ثلاثة ونصف مليار دولار حيث رفض الجانب الأمريكى ذلك بحجة أن الموازنة الأمريكية لا تكفى وكان الجانب الأمريكى قد تعود مع النظام القديم على منح الحكومة المصرية معونة كبيرة مقابل تنفيذ أحد المشاريع الفاشلة فى أحد المجالات
|
|
صح كده
وبرافو يا حكومة ويارب تمشى على هذا المنوال مش عاوزين شروط تتفرض علينا فيما بعد خبر جميل وشكرا مشرفنا العام استاذ |
|
احسن بردو وبعدين هي 150 مليون دي فلوس طبعا النظام السابق كان معتبرها فلوس لانها بتدخل جيب فرد واحد او اثنين انما للشرفاء لا تعني شئ ولا تسمن ولا تغني من جوع وفي نفس الوقت لو كانت 150 مليار من امريكا مش عاوزينها احنا ناكل طق ونسيب طقه ولا الحوجه للكلاب . |
|
اولى خطوات التحرر ويصراحه انا معجب بأداء نبيل العربى مش مجرد صوت عالى زى عمرو موسى
|
|
اولى خطوات التحرر ويصراحه انا معجب بأداء نبيل العربى مش مجرد صوت عالى زى عمرو موسى
|
|
خبر هاااااااااايل _ بجد _ نبيل العربي بتعجبني افكاره وقراراته وافعاله جدا
كنت كتير اسمع واحد يقوللي : مصر عايزه حد يحبها اكتر من كده ودلوقتي بس بقول :اخيراااا رجعت لمصر باولادها _ الكرامه والشفافيه ونسيم الحريه وجاء الوقت اللي تختار فيه مصر : هي بتحب تتعامل مع مين ؟ وبالشكل والاسلوب اللي يناسبها هي _ ويحافظ علي كيانها وكرامتها شكرا مشرفنا العام / استاذ علي البشري الرائعه دي |
|
تحيا مصر .. نبيل العربى دا اسد
|
|
ياحكام مصر يا شرفاء دوسو علي المعونة الامريكية بالجزمة وهذا الشعب الذي لا يعرف الذل وراكم
|
|
يا سلام فعلاً خبر ممتاز لا نريد معونة مصرية لأمريكا
لأ مش غلط فعلاً المعونة كانت ذى ما أنا كاتب لأن على حسها كنا بنشترى منتجات أمريكية غالية وكانت مشروطة وكان نسبة كبيرة بتروح جيوب عملاء لأمريكا وكمان كانت لمشاريع فاشلة يبقى مين اللى بيدى ومين اللى بياخد وكمان على وش هذا الخبر صديقكم أصبح عضو ذهبى فى منتدانا الرائع |
|
قرار شجاع جدااااااا من حكومتنا العظيمه
بجد الثوره انجبت ناس شرفاء بجد وبيحبوا مصر وكشفت اكبر عصابة مافيا وحراميه على مستوى العالم وانا واحد من الناس اللى كنت واخد مقلب وقاكر انها خضره الشريفه |
|
نبيل العربى رجل محترم ...... وهذا اول الطريق استرداد كرامة مصر التى اهدرها النظام الذليل السابق
|
|
صح كدة مش عاوزينهم يذلونا بالمعونة
و بعدين اصلا المعونات دى كانت بتروح لجيوب الريس وولاده و حبايبه مش للشعب المصري يعنى كدة او كدة مش مستفيدين منها يبقي قلتها احسن |
|
خبر جميل .. يجعل لمصر درع وسيف
|
|
الحمد لله عشت وشعرت بالكرامة في وطني احنا مش محتاجين لحد بس هم يجيبوا فلوس مبارك اللي عندهم ويغوروا
|
|
الحمد لله إن الواحد شاف اليوم اللى نقول فيه لأمريكا ولإسرائيل (لأ)
والله عليكى يا مصر وإنتى مصر وربنا يكملها على خير إن شاء الله |
|
150 مليون إيه يا عالم يا معفنه , ده إحنا لو رجعنا الفلوس اللى سرقها مبارك بمساعدتكم هنبقى أغنى منك وهنديك معونات كمان . عالم غبيه والله
|
| مواضيع مشابهة: | ||||
| › حركة 6 ابريل تعلن رسميا عن سر رفضها لفايزة ابو النجا وزيرة للخارجية | ||||
