ازيكو الاول
بصو يا جماعه في موضوع كده عايزه اخد رائيكو كلكو فيه

هو موضوع خاص ببنت هي شاطره جدا وعندها طموح ونفسها تتخرج وتسافر برا تشتغل وتحقق ذتها وكده واخر حاجه بتفكر فيها الارتباط
هي عمرها ما حبت لانها شايفه ان الحب ده غلط الا في الخطوبه بس ونفسها زوجها يكون اول حب ليها
المهم البنت ديه ربنا بيحبها جدا وهي بتعمل كل الي عليها لربنا وكل الناس بيحبوها
اوي
حتي لدرجة صغر سنها بس عقلها وذكئها الي ملهوش حدود وانها بجد كل الناس بيحبوها بيتقدملها عرسان كتير جدا رغم اختلاف السن وهي طبعا بترفض عشان دراستها وحلمها بتاع السفر والشغل وكده
بس امبارح جتلها فرصة العمر وهي محتاره ومش عارفه تعمل ايه

الفرصه
ان حد معرفه ليهم من زمان بس كلامو قليل معها ومع اهلها الحد ده هو اتخرج من سنتين من كلية تجاره وهاجر امريكا وبقالو سنتين هناك
واختو كمان متجوزه صاحبو وخدت الجنسيه الامريكيه وهو قريب ياخدها عشان شغلو هناك يجبرو انو يعيش هناك
المهم البنت تعرف اختو وبتكلمها علي الاميل بس فترات متباعده
وفي يوم الحد ده بصو هو اسمو عبدالله خد اميلها
وكلمها وهي البنت مش بتحب تكلم شباب رغم ان عبدالله ده اهلها عرفينو وواثقين فيه بس
هي راحت قالت لممتها عبدالله اخد اميلي ايه رائيك اكلمو عادي
ممتها قالتلها عادي عبدالله زي اخوكي ومحترم
المهم البنت بدات تكلمو بس قليل عشان هي مش حابه انها ترغي كتير معاه بس في يوم عبدالله قالها انا معجب بيكي جدا هي مخلتوش يكمل وقفلت معاه
بس بقي اختو كلمتها وقالتلها عبدالله بيحبك ونفسو ينزل يخطبك
وكل لما كان بيعرف ان بيجيلك عريس كان بيتجنن وبجد مش عايزك تضيعي من ايدو
واختو دخلت للبت من نقطة ضعفها وهي
السفر
قالتلها مش انتي
نفسك تسافري
هو يا ستي يخطبك لحد ما تخلصي وتحضري ورق جامعتك وتتجوزو وتاخدي الجامعه في امريكا
وبجد انتي هتحبيه اوي لانك انتي في بالو ليل ونهار وبيموت فيكي
قالت للبنت الكلام ده والبت من ساعتها محتاره وهتجنن تعمل ايه
واختو قالتلها مستنيه ردك عشان لما ننزل مصر علي العيد زياره

هنيجي نخطبك
ومش عايزين
نحرج نفسنا فقوليلي رائيك الاول عشان لما تقول لاهل البنت
بجد البنت محتاره جدا
هي معجبه بعبدالله اوي واي بنت تتمني واحد زيو في ادبه وثقافته وتدينه رغم انو عايش في دوله اوربيه
وغير كده بيحبها اوي والبنت مش عارفه تعمل ايه ترفض العرض الكويس ده ولا تقبله هي كانت حاطه في دماغها انها هتخلص كليتها هنا في مصر وتشتغل وكده وتسافر مع نفسها عمرها ما فكرت انها تتجوز بدري كده يعني هتكون 20 سنه
وتعيش في امريكا كمان
بجد هي محتاره ممكن تساعدوها برئيكو

بصراحة مش عارف
بصى ياغادة قوليلها لو بجد هى بتحبة ومناسب ليها وعارفاهم وكدة ومطمنة ليهم والاهم
ان الموضوع جاى من ناحية الفر حلمها بس المهم هو هايقف جنبها لحد ماتكمل طموحها وكدة ولا
لو هيقف جنبها لحد ماتكمل وهاتقدر تتجوز وتدرس خلاص ويتهيئلى هاتبقى فى امان مع جوزها عن ماتكون لوحدها فى بلدد اوروبية.........وربنا يوفقها
ودة رايى

ميرسي ليك يا عاشق
يلا يا جماعه مستنيه رائيكو انتو كمان البت هتتجنن

انا رائى طالما هى معجبه بيه وهوكمان بيحبها


وكمان هتحقق حلمها وتسافر


يبقي مفيش مشاكل اكيد لازم توافق

ده طبعا لو كان هيساعدها فى تحقيق طموحها

اكيد لازم كمان الاول تعمل صلاه استخاره

وربنا يوفقها يارب بالخير


بجد بقه صعب الايام دى تلاقي حد بيحبك ومتمسك بيكى

بلاش تضيعى الفرصه الحب بقه قليل اوى الايام دى

انا مش عارف لانى مش فى الموقف

بس لو انا ولى امرها كنت هبقى قلقان عليها وهى برة اكيد وهى جنب ابوها افضل

بس لو هى فعلا بتحبه مش علشان هايسفرو برة لا علشان هى بتحبه بجد والاهل واثقين فيه

ساعتها تتوكل على الله

بس قبل كل دة لازم تصلى صلاة استخارة

بصي كل حاجه قسمه ونصيب ومحدش يعرفالخير فين
تصلي صلاه الاستخاره وتتاكد انه بجد بيحبها ولا لا بس زي منتي بتقولي هو متمسك بيها وعايزها ولو غرضه مش خير مكنش كلم اخته في الموضوع وكمان هو قال هيدخل من الباب وهيخطبها و في الاهم لو اهلها من النوع المتفاهم تعد تتكلم معاهم ونسالهم وتناقشهم ويبقي في حوار واكيد هما اكبر منها وهيعرفو اكتر منها
واهم حاجه تحط في بالها ان الي ربنا كاتبه هيحصل ربنا معاها ولو بجد انسان محترم
وكويس متضيعش الفرصه من اديها وتتوكل علي الله وان شاء الله تقدر تكمل دراستها وهو معاها وتعيش حياه حلوه ربنا يوفقها للي فيه الخير
ووابقي طمنينا عليها
باي ياقمر

اولا مش معني ان حلمها هيتحقق وهو " السفر " يبقي
توافق من غير تفكير
لا طبعا لو هي تعرف عبدالله دة كويس جدا
وعارفة اخلاقة كويس برضو
يبقي خلاص مفيش مشاكل خالص
بس لو هي مش متأكدة منه من سلوكياته اخلاقة كدة
بتسمع عنه بس يعني يبقي
تحاول تسال عن اخلاقة
بس طبعا السؤال مش هيكون لأهله هو
لان من الطبيعي هما هيقولوا انه كويس
تسال عنه ناس تكون تعرفهم ويعرفوه هو كويس
من بعيد لبعيد يعني
واذا كان كويس يبقي خلاص توافق

بصى انا راى انها توافق لو هوة بيحبها بجد زى ما انتى بتقولى الان مفيش حب اوى حدة دلوقتى لو هوة انسان كويس تتمسك بية وتحاول تقنع اهلها بس ميبقاش سبب موفقتها السفر بس لا تفكر فى حياتها معاة الاول وطبعا اولا قبل كل دة صلاة الاستخارة

ميرسي ليكو يا جماعه علي ردوكو بس انا عايزه ابلغكم بقي باخر الاحداث

لى رد تانى ان شاء الله
بس دلوقتى منقول لقسم قلوب حائره

انهارده اخت عبدالله كلمت مي
قالتلها ازيك وكده
وبعدين قالتلها فكرتي
قالتلها انا منمتش
من الحيره
قالتلها حيرة ايه
ده عبدالله بيموت فيكي
وانت عارفاه كويس جدا انو محترم وهيصونك
مي قالتلها بصي اصل انا لسه قدامي الثانوي وكده ومش هينفع
اخت عبدالله
قالتلها وهو هيشغلك
ده هو في امريكا وانتي في مصر ويا ستي
ابقي
كلميه
في الميل
كل ما يوحشك
وتوحشيه
وهو
يتصل بيكي
فترات
متباعه
واظن
انك
كده
كده
لازم تقعدي معاه قل اي حاجه
وبعدين ما انتي بتكلميه في النت وعارفاه
سكتت مي وهي في حيره جامده اوي
وقالتلها انا هقرر انهارده وهقولك قراري وبعدين هقول لماما عشان تقول لاخواتي ونرد علكو
سكتت اخت عبدالله وقالتلها طيب عبدالله جنبي وعايز يكلمك
مي قالت لا
عبدالله
اخد المايك
مي قالتله مش هينفع يا عبدالله نتكلم
قالها محنا عادي بنتكلم
قالتله الاول شيء
كنت بعاملك وانت بتعاملني
علي اساس
الاخوهقالها طيب انا عايز اقولك حاجه قبل ما تقفلي
قالتله اوكي
قالتله بس ممكن مايك لا خليها كتابه
هو عارف ان مي بتتكسف من خيلها
المهم وافق
وكتبلها
مي انا بحترمك جدا وبحب فيكي
كل حاجه
ميزاتك
وعيوبك
بحب فيكي تدينك
وبرائتك وادبك واهلك الكويسين وطموحك الي اول حاجه شدتني ليكي انك نفسك انك تحققي ذاتك وتسافري برا
ساعتها حسيت بنفسي قبل ما اخلص انوي كان نفس حلمي حلمك
قولت طيب ليه ما اساعدهاش وتحققو معايا وبجد يا مي انا مستخسر واحده بمواصفاتك لحد غيري انا عني عليكي من زمان بس كنت بسكت عشان انتي كنتي لسه في اعدادي وانا كنت معملتش حاجه في مستقبلي
بس سكت وقولت ربنا يسهل ولو ليا نصي فيها هاخدو
مي ساكته ومكسوفه من نفسها اوي عبدالله قالها انا عارف انك كنتي مخططه انك تخلصي ثانوي وجامعه هنا وبعدين تدوري بقي علي شغل وكورسات ووجع دماغ بجد
وانتي بتحكيلي
حسيت ان حملك ده عل كتافي انا بس
فكرت مع نفسي
طيب ليه مارتبطش بيكي مستني ايه لما تضيعي من ايدي
مفكرتش في سنك خالص لانك ساعات بتبقي اذكي مني وانصح مني وبحس اني بكلم عبقريه
انتي الي هتنوري حياتي مي انا بفكر فيكي ليل نهار حتي في شغلي بفكر فيكي ببقي هجنن واكلمك بس عارف اني مواعيدي مش موافقه معاكي كنت بستحمل
بس خلاص قولت لا انا لازم اقولك واقول لاهلك واشوف ردوكو
لاني علي اخري وانتي
متاكده ان كل يوم ماما تقولي اشوفلك عروسه طيب شوف انت
وانا رافض
مي قالتله عبدالله انا مش عايزه اعطلك معايا انا نفسي احقق حلمي
قالها والله هتحققه
قصدي هنحققو سوي
انتي بس شد حيلك وخلصي الثانوي هانت وبعدين تعالي هنا يا ستي والله هتكملي ومش هتبقي محتاجه لغات ولا اي حاجه وهتشتغلي اول ما تتخرجي والله هساعدك لاني بحبك
مس معرفتش تقول ايه وقالتله طيب سبني كام يوم افكر كده واصلي استخاره وبعدين اقولك واقول لماما واهلي يعني
قالها وانا مش هزن عليكي بس الي عايزك تتاكدي منو اني بحبك ومستعد اعمل اي حاجه عشانك حتي لو قولتيلي انك هتخلصي جامعه الاول هستناكي مش مهم يا ستي المهم اني اعرف انك تبقي ليا مش لغيري
مس ودعته وقفلت معاه ودلوقتي قاعده بتفكر تاني وتالت قبل ما تقول لمامتها

اناشايفة ما دام هى معجبة بيه اوى كدة وهو اخلاق وتدين وكمان بيحبها
لا وهتحقق حلمها كمان وتسافر يبقى المشكلة مش مستاهلة اكيد توافق

لا شكله بيحبها بجد


وهى كمان معجبه بيه


بجد لازم توافق

الحب مش سهل الايام دى

ممكن يسألوا عن أخلاقه ودينه وبعدين,
تشوف اذا كان هيساعدها فى تحقيق طموحها,,
وطبعا تصلى صلاة استخارة,,
وهى اذا كانت بتحب السفر يبقى تسافر مع جوزها احسن ما تسافر لوحدها,,

بصي يا غاده اولا لازمن ولابد انها تقعد معاها وتعرفو وش لوش لان حكايت النت والاهل الي بيشكروو فيه مش كل حاجه وصدقيني عن تجربه لوحده قربتي انها فعلا ارتبط بواحد وسالت عليه ومع انو كان قريبها الا ان كذب عليها في شوية حاجات مهمه المهم هيا تقعد وتكلمووووووووووووووووووووووووووووووووووووووووووو
وتشوف لو استريحت معاه تعمل استخاره لربنا وتشوف موقفها هيكون ازاي وكمان تحط قدام عنيها حلمها انها لازم تحققو سواء قررت الارتباط بالشخص دا او انها مش ترتبط بيه لان العلم حاجه ضروريه واساسيه جدا جدا للمرائه المتزوجه وغير المتزوجه

واسفه لو طولت عليكي واتمنى بجد اكون قدرت افيدك

بص هو انسان كويس ومحترم زاى ما انت بتقولى وكمان بيحبك جدا
ليه تحتارى وافقى وماتترددش بس اهم حاجة علشان تكون العلاقة ناجحة التفاهم
وكل شى قسمة ونصيب

السلام عليكم
بصي يا اخت ( الطفلة البريئة ) اعتقد انها من الأحسن تخلص دراستها الأول حتى تكون كبرت شوية على الغربة 20 أو 21 سنة حتى وهي بجانب زوجها ان شاء الله . .
وثانيا على حسب كلامك انه متدين واخلاقة كويسة يعني هيراعي ربنا فيها وان اهلة ناس لهم سمعة كويسة ومنها انها هتحقق حلمها يعني برضو هي مستفيدة وبعد التفكير والمشورة بين اهلها تصلي الإستخارة وربنا يقدم اللى فية الخير وطبعا لازم تطمن اهلها عليها من هناك بالإتصالات الكـتيرة ورببنا يوفقهم .

بجد متشكره ليكو كلكم علي تفكركم وارائيكم وبجد انا ببلغها بكل الاراء وهي ما زالت بتفكر بس هي كده باين عليها هتوافق اظاهر حبتو ادعولها بقي وباذن الله اول ما تحصل حاجه هاجي ابلغكم

واضح ان فى حب متبادل بين الطرفيين وده شىء جمييل
بس هى لازم تكون واقعية شوية وتبص لقدام
دلوقتى اما هى تتجوزة
هو واحد متعلم ومثقف وبيشتغل برا
وهى معاها اعدادية
اكيد الفرق شاسع فى المستوى العلمى وممكن هى تحس بفرق بعد كده
بعدين افرضى لاقدر الله انفصلو عن بعض بعد الشر يعنى
هتعمل اية؟؟
ولا هتعرف تشتغل ولا هتععرف تعيش حياتها بصورة طبيعية

لو هو بيحبها يستناها
على الاقل علشان تكون لايقه بيه وبنفس مستواة
هو ممكن يستناها لحد ماتاخد الثانوية وبعدين تسافر معاها وتحول انتساب فى المرحلة االجامعية

وبالتوفيق

انا شايف مادام بيحبها اووووي كده وهيحققلها رغبتها في السفر والشغل

تبقي توافق علي طول

--------------------------------------------------------------------------------

واضح ان فى حب متبادل بين الطرفيين وده شىء جمييل
بس هى لازم تكون واقعية شوية وتبص لقدام
دلوقتى اما هى تتجوزة
هو واحد متعلم ومثقف وبيشتغل برا
وهى معاها اعدادية
اكيد الفرق شاسع فى المستوى العلمى وممكن هى تحس بفرق بعد كده
بعدين افرضى لاقدر الله انفصلو عن بعض بعد الشر يعنى
هتعمل اية؟؟
ولا هتعرف تشتغل ولا هتععرف تعيش حياتها بصورة طبيعية

لو هو بيحبها يستناها
على الاقل علشان تكون لايقه بيه وبنفس مستواة
هو ممكن يستناها لحد ماتاخد الثانوية وبعدين تسافر معاها وتحول انتساب فى المرحلة االجامعية

وبالتوفيق



ميرسييا الهام يا جميله بس علي فكره يا قمر هو هيسبها لحد ما تكون داخله اولي جامعه وتدخلها في امريكا مش هتتجوز باعداديه هههههههههه ديه اهم حاجه عندها دراستها امال ايه الي محيرها غير الدراسه

ميرسي يا اطيب قلب محمد القلب الطيب

انا من رايى ان هى لازم توافق عليه لانى شايفة انه بيحبها قوى وهى مش هتلاقى حد يحبها كده انا عن نفسى لو كنت مكانها كنت وافقت

انا رئي انك تستخارى ربنا وتشوفى اية رئيك ولو انتى مرتحالوة اقبلى ولو قلقلانة صلى صلاة استخارة وشوفى لو انتى مسلمة ودة رئي وخيييييييييييييييييييييييييييييييير ان شاء الله

ميرسي يا جميله
بس علي فكره مش انا الي العرض قدامي
ديه انتميتي

انا شايفه ان الحب احلي احساس وعمله نادره دلوقتي
وهو بيحبها قوي كده
وكل ما هتقضي معاه عمرها هيحبها وهيقدرها وعمره ما هيزعلها
وطبعا كل حاجه قسمه ونصيب بس بجد متسيبوش من ايديها وطبعا تستخير ربنا قبل كل شيْ
وهو هيوفقها ان شاء الله

ميرسي لردك يا قمر حلوه متسيبوش من ايديها ديه
اصلو لقته هههههه

الحياةالزوجية مبنية على الحب دى افضل حياة الحياة الى مش وراها مصالح شخصية هى الى بتستمر وبتنجح وانت بتتكلمى عن انسانةزات طموح وهدف بس الحب عمرة ماكان وسيلة نحقق بيها طمحنا اونوصل بية لاهدفنا لان الحب فى حد زاتة هدف وغاية كل انسان ولو كان الحب موجود بين الطرفين بصرف النظر عن المصالح المشتركة اكيد سعتها الموضوع هيتغير وهتلاقى الانسان دة اكتر انسان يساعدها علشان تنجح

شكرا ليك


وقريب هقولكم اخر خبر

والله رايى بداام بيحبك خلاااااااااص
وربنا يوفقك فى حياتك ولا خياتهااااااا
ههههههههه