على حسين 2011
اصرخ بقى
الحزن جوه العيون
والشكوى فوق الشفايف
والعيشه صعبه ومفيش
واحد مهوش عارف
الظلم صاحى والخلايق
نايمه من خوفها
امتى يا سمرا التقى
واحد مهوش خايف
اصرخ بقى
قطع خيوط الشرنقه
علق حبال المشنقه
لكل شىء بيخوفك
اصرخ بقى
ضليع اوى فى التريقه
وفوق دماغك دقدقه
والدوشه صوتها مكتفك
بنخاف كتير من بعض
ونخاف اوى من الحياه
والوحده مره وكل واحد
وحدته قتلاه
متفرقين مع اننا
مركبنا كان واحد
والسكه واحده
بس برضه
كل خطوه فى أتجاه
اصرخ بقى
قطع خيوط الشرنقه
علق حبال المشنقه
لكل شىء بيخوفك
اصرخ بقى
ضليع اوى فى التريقه
وفوق دماغك دقدقه
والدوشه صوتها مكتفك