فحبيت افتحلكم قلبى يمكن الاقى عند حد فيكم حل لمشكلتى الى متهيقلى ملهاش حل ، انا يشباب بأختصار حاسس ان غريب ! حاسس انى غريب فى كل حاجة ، مش عارف ساعات وانا مستنى اركب الاتوبيس احس انى عايز انزل تحتة وهو ماشى وحس بصراع كدة لثوانى ! وارجع افوق الاقينى مدمع ووشى يصفر ودى حاجة ، حاجة تانية بقالى كام سنة كدة بأيت انطوائى بحب اعيش لوحدى وحاسس ان مفيش حد فى الدنيا فاهم دماغى ولا حد بيحس بيى ، حتى اصحابى والى بحبهم جدا بحس انهم مش فاهمنى ، مش عارف على اية ! وديما حاسس ان كل الناس تافهة
والله حاسس بضيق وبحس انى ببعد عن الناس وخصوصا البنات ، اقدر اقول انى مبقاش ليا تعامل معاهم نهائى ! مع انى والله رومانسى جدا وممكن اى حاجة بسيطة تبكينى ، وديما احب اتفرجع على الافلام الرومانسية عشان اعيش جو الحزن ، وديما بحب الحزن والخوف وبقيت مدمن اعيش فى الجو ده .
انا مش عارف ازاى ممكن اطلع من الحالة دى ، لان والله مستقبلى كل مهدد وقاعد من الشغل ومليش نفس لاى حاجة ، وحاسس ان كل دة بسبب ان مفيش فى حياتى بنت احبها وتحبنى ، بس انا معنديش الثقة انى ابدأ الخطوة دى ، عشان كدة انا طالب منكم واقصد البنات ، بما ان ولاد حوا معظمهم متشابهين فى الطباع ، وطبعا انا مليش اى تجاب سابقة ، عايز اخد نصيحتكم قبل مبدأ اتعرف على حد ، ويارت تشاركوا فى الموضوع صدقونى ممكن كلامكم يفرق معايا كتير
، لو قابلك واحد بحالتى دى ممكن ترتبطى بية !
1- شاب 23 سنة ، جامعى ، عاطل لأسباب نفسية ، مش عشان مفيش شغل .
2-كل الى هيحتاجة منك الثقة فية ، لانة اصلا مش واثق فى نفسة .
2- رومانسى جدا يمكن أكتر منك وساعات ممكن تحسى انك اجمد منة .
3- حساس و حنين قوى وممكن لو دمعتى قدامة ينهار .
4- غريب شوية وبيحب حاجات غريبة .
5- بالنسبة للفلوس كل رأس مالة 1000$ وشغال بيهم فى العملات ( بورصة يعنى ) .
6- بيعشق الحزن وممكن يحزن فى اسعد اللحظات (مدمن حزن) .
7- عندة أمل غريب انة هيصبح مليوناير فى يوم من الايام ومكن يوكلك كل يوم فول عشان الفكرة دى .
8- ممكن يتفرج يوميا على فيلم Scent of a Woman وميزهقش .
9- واخير مش وسيم قوى ، بس مش وحش برضو
بصراحة وبدون ان مجاملة لو اتقدملك حد كدة توافقى ترتبطى بية ؟ او تتعرفى علية ؟
مستنى ردودكم بفارغ الصبر
