انا بقي رايحه اولي ثانوي
هجنن
ومش عارفه اختار اي لغه
قولت خليني فقيقه واختار الماني
عشان انا كنت حضرت كده كام حصه مع مدرس فرنساوي وحسيت انو عادي كلام انا بقوله زي ميرسي وبنجور
قولت بقي اخد الماني اهي لغه جديده ومعرفهاش وبكده بقي اكون معايا كورس انجلش وعندي فكره علي الفرنس والالماني

ولكن للاسف اهيء اهيء

حضرت حصه فرنساوي من كام يوم مع طلاب اولي ثانويالي اختارو فرنساوي
ولقيت المدرس شرحو جامد اخر حاجه وقعد يقول الفرنساوي ده سهل وهنفخ في هيخلص

المهم قولت اجرب بقي الالماني والايطالي
حضرت امبارح مع مدرس الالماني

وخير الله اما اجعله خير
لقيته عمال يقول ان الفرنساوي صعب وورانا دراجات الناس الي قبلينا في الفرنساوي ودراجات معفنه وكويس انهم نجحو مع ان دراجتهم عاليه في باقي المواد الا الفرنساوي

وورانا درجات الناس الي كانت الماني واو دراجات جامده كلهم مقفلين الدراجات النهائيه مشاء الله

المهم بقيت محتاره اعمل ايه ده بيقول الفرنساوي سهل وده بيقول الالماني اسهل
قولت ما بدهاش انا اسئل الناس الي اكبر مني في تالته ثانوي او اي حد بقي
روحت سئلت الي كانو فرنساوي ناس بتقول حلو اوي وناس بتلعن اليوم الي اختارت فرنساوي فيه

روحت اسئل بقي الي في الماني
لقتهم كلهم قالولي ده سهل مووووووووووووووت وجامد وشغلو حلو في المستقبل
وربنا معاكي انا بقي هتجنن
لسه حالا بقي
دخلت موقع كده من جوجل علي بوابة الثانويه العامه قولت اسئل بردو لقيت معظم الناس كاتبه ان الالماني سهل ميه
والنص التاني كاتبه اختاري فرنساوي قولت بقي
اسئل حبيبي الي هما مين
الي هما انتم الي هتقولولي اختار ايه
وانا بقي مش هسئل حد تاني بس انتو يلا بقي قولولي اختار ايه

بصو يلا بقي سيبو رائيكم وانا هقوم اروح الدرس عايزه ارجع القيكم كلكم قيللي اختار ايه لاما انتو حرين بقي مش هيحصلكو كويس

الافضل الفرنساوى

لانة سهل جدا

لكن احيانا الامتحان بيجيى صعب شوية

لكن الغالبية فى فرنساوى

انا فى الثانويه خدت فرنساوى ومش حبيته قوى لكن صحابى اللى خدو المانى كانو بيقولو انه سهل جدا عشان كدا انا بنصحك تختاري المانى

ميرسي لردكم يا اجمل اعضاء

فين باقي الناس بقي

بصى انا باخد فرنساوى و بجد المادة سهلة جدا و لذيذة اوى فعلا فيه ناس كتيرة بيقولو ا ان الامتحان بيجى صعب و انا مش هنكر بس انا مقتنعه بحاجة لو انتى ذاكرتى كويس جدا صدقينى هتنجحى فيه و هتحلى و غير كده لو دخلتى حقوق مثلا يعنى هتخديه بالفرنساوى و هيعملولك امتحان فيه غير كده كمان اللغة التانية ف مصر هى الفرنساوى و بجد لغة جميلة و لذيذة يمكن الجرامير بتاعه كبير بس تحفة غير كده لايق على البنات ههههههه و الله بجد ادخلى فرنساوى
انتى عارفه انا حضرت كذه حصة المانى اللغة اصلا غريبة و كلامها كله ملعبك فاختارى فرنساوى احسن و برده القرار قرارك
ربنا يوفقك يا رب

انا مكنتش بفهم حاجه في الفرنساوي وجبت 44 ومكنتش بزاكر كمان
خليكي في الفرنساوي

اهيء اهيء تصدقو انكم حيرتوني معاكم
كل اصحابي قالو الماني ودخلت منتدي الثانويه العامه قالولي الماني واخويا قالي الماني قولت اتاكد منكم تقولولي فرنساوي
يا حيني عليكي يا غاده هتعملي ايه يابنتي في الي انتي فيه تعرفو والله انا مجنونه وممكن اريح دماغي واخد ايطالي يبقي ولا فرنساوي ولا الماني ههههههههههههه
بصو هفكر تاني واقولكم قررت ايه

بصى انا واخده فرنساوى وبجد سهل جدا جدا جدا
هى نطقها مقرف شوية بس سهلة اووووووى
واهم حاجه فية السبلنج والاكسو اللى على الحروف دى اهم حاجه
بس بجد هى سهلة اوووووى وانا جبت فيها 49ونص
فى السنة اللى الامتحان كان جاى فيها صعب
ودى مش هتتكرر تانى
يعنى امتحانك اكيييييييد هيجي سهل وهتجيبي 55 مش 50
اطمنى يعنى
وربنا معاكى

الالمانى جامد اووووى
و مدام الفرنساوى اللى عندى فى المدرسة قالت ان الالمانى اسهل
وانا فى الالمانى نقصت درجة واحدة من غير مذاكرة بجد الالمانى سهل ماية

هو الفرنساااااااااااااااااااوى حلو بس عشان انا كنت فى لغات فبقلك خدى المااااااانى

الا لماني حلو ياغاده

انا من رئيي ان الفرنساوى احلي يا جميل
اولا انه الغه لثانيه في مصر بع الانجليزيه والتانيه في العالم بعد الانجليزيه
وكمان فعلا الجرمر بتاعه متعه
وربنا يوفقك ياقمر

ميرسي بجد يا جماعه
ليكو واحب اقولكم اني حضرت ال3 لغات
وعجبني مووووووووووت الفرنساوي في نطقه بس للاسف الجرمر صعب جدا واصل كده كده محدش بيستخدم الفرنساوي بعد كده في الجامعات ماعدا بقي كليات اللغات والادب والسن وكده يعني
فقررت ان اختار لغه سهله ترفع مجموعي مش توجعلي نفوخي وكده كده مش هستفاد بيها
والله لحد امبارح كنت مقرره ايطالي لاني لقيته سهل لا مش سهل ده تافه الحمار يفهمو سوري هههه
بس بقي اخواتي قعدو يزنو عليا الماني قالو هو اصعب من الايطالي بس سهل بردو وهو منتشر عن الايطالي
وقالولي كده كده انتي بتاخدي كورسات يبقي خليكي في الالماني وبجد انا حضرت حصتين الماني لقيته فعلا سهل
بشكركم كلكم انكم قولتولي ارائيكم ومسبتونيش وربنا يخليكو ليا يا احلي اعضاء

بصي الفرنساوي سهل مووووت بجد والله انا بموت فيه وهو اصلا ماده دلع اخر حاجه تلاقي لكلام مدلع كده
لكن الاماني ماده رخمه
انا اختي دارسه فرنساوي وبتاخد كورس الماني اليومين دول وبتقول ان الفرنساوي سهل جدااااا اكتر من الماني
بصي لعملي صلاه استخاره وربنا هايوديكي للطريق الصح

بصى يا قمر هو من ناحية السهل والصعب
فالالمانى اسهل بكتير من الفرنساوى
لكن لو انتى محددة الكلية اللى انتى ناوية تدخليها ان شاء الله
فاسألى عن المواد اللى فيها اذا كان فيها المانى او فرنساوى
يعنى مثلا انا كنت فرنساوى ودخلت اداب انجلش
وعندنا الفرنساوى مقرر فكان الموضوع سهل بالنسبة للى واخد فرنساوى قبل كده
لكن بتوع المانى بقى كانوا بيعانوا اويييييييى
وده طبعا لانهم ميعرفوش اى حاجة عن الفرنساوى

المهم لو طلعت الكليه بتاعتك مش فيها فرنساوى
انصحك بالالمانى على طووووووووول
وده طبعا لانه اسهل ومش فيه جرامير كتير

بصي يا قمر انا كنت باخد المانى وكان سهل موووووووت
بس الفرنساوى لغه متعه كدا ولع وايه حاجه كده لذيذه موت لو انتى حاباها كلغه خديها وهتجيبي فيها مجموع كويس
لو بتدورى على الاسهل يبقي عليكى وعلى الالمانى
والمهم برده في اى لغه انك تهتمى بيها وتذاكرى كويس جدااااااااا

الاسم/اسامة عاطف احمد
ممكن اعرف نتيجة التنسيق الدبلو مات انا جايب 85%
رقم الجلوس 649723
رقم الايصال 051913

بصي يا جميل قرري مع نفسك وماتخديش راي حد لان ده مستقبلك وصلى صلاة استخاره واكيد ربنا هيوفقك اللي يريحك وما تحناريش والمكتوب لك ان شاء الله هتشوفيه واللي تخافي منه ما يجيش اسهل منه

الالماني ماده تافه جدا جدا جدا ولو عايزه تجيبي مجموع اختاري الماني لانه سهل اوووووووووووي اسهل بكتير من الالماني انا عايزه اقولك والله والله واللهانا الالماني مش زاكرته غير اخر شهر ومكنتش اعرف في حتي الحروف بس الحمد لله زاكرته وقدرت الم الماده في خلال شهر وجبت فيه مجموع لكن الفرنساوي استحاله تعرفي تزاكريه في خلال شهر نصيحه اختاري الماااااااااااااااااااااااااااااااااااااني والله سهل اووووي

ايه ياست غاده مالك حيرانه ليه
انتى لو بتدورى على السهل وانك تجمعى درجات وخلاص يبقى ايطالى
انما لو عايزه لغه فى نفس الوقت حلوه وسهله وال50 مضمونه فيها يبقى المانى
مع انى السنه بتاعتى كان اول مره يجى الالمانى فيها صعب
بس متقلقيش انتى معاكى كل حاجه هتبقى كويسه باذن الله
وفكك من الفرنساوى انا عملت زيك كده والماسيو فضل يدينى كلمات سهله اوى بس بعد اسبوع بالظبط حولت على طول فبجد الالمانى لذيذ جدا ولحد دلوقتى معلق معايا وبحب اذاكره دايما علشان منسهوش
وتبقى طمنينى وتقوليلى ايه الاخبار

صراحة انا من راى كدارس 4 لغات

انجليزى وفرنساوى والمانى وايطالى

انى لقيت اسهلم تعامل الانجليزى كلغة عامية فى الحديث.

احسنهم اتقان وتميز الفرنساوى كلغة سهلة وسلسه يسهل حفظها وحفظها كقواعد ،

اكثرهم ميولة للنجاح والحصول على اعلى درجات الالمانى ويعتبر لغة سهله جدا جدا جدا واسهل ما فيها قواعدها مفيهاش شىء صعب . بتدور حول نطق واحد وتعتبر فيها من الانجليزى كتيييير.علشان كدا بيعتبروها سهله .

ابعدى بقا عن الايطالى لانوا سهل بس حيكون صعب عليكى شوية .

وفى الاخر بصى للغة الى حتقدر تستفيدى بيها لغة التعامل مش لغه كوسيلة للنجاح فيها علميا فقط لا مستقبليلا .

اذا اخترتى بشىء عليكى اتقانه .. فالمرء كان بعلمه ولا يخيب ظن الناظر ( او - العابر)

ياعينى عليكى ياغادة
دنتى احتارتى اكتر منتى
ههههههههههههههههههههههههههه
انتى احسلك تقعدى فى البيت
هههههههههههههههه
ياستى اتكلى على ربنا واختارى اى حاجة الى ارتحتيلة
واعملى الى عليكى وسيبى الباقى على ربنا

ميرسي يا قمر
انا الحمد لله حضرت كل اللغات
وقدرت احدد اخد
ايه والحمد لله اخت الماني

جدعه يابت يا غاده
وانا فى الخدمه ياقمر
معاكى قاموس المانى متنقل

ههههههههههههههههه
قشتا يا قلبي
ماشي
بس بردو يعني اختك معاها شويه الماني
بس مقليكيش بقي
الهير بتاع الالماني بتاعنا
قشتا عليه راح عاش في المانيا سنتين وهيظبتنا يعني

يالة عقبال متخلصى وتبوظى زى
وتقعدى فى البيت وتشتغلى بلقمتك زى
هههههههههههههههههههههههه

هههههههههههههههههههههههههه
ليه بس ياقمر
بتدعي عليا دنا نفس اغمض عيني وافتحها الاقي نفسي متخرجه وبشتغل في دوله اوربيه
بس انتي بقي قاعده في البيت ليه

هقولك رأيي انا بقي
وانتي عارفة رايي يعني اية

الافضل انك تاخدي فرنساوى
انا كنت واخد فرنساوى
المهم ان الفرنساوى دا مش محتاج غير مذاكرة ومتابعة علي طول
لو ركزتي فيه اكيد هتجيبي الدرجات النهائية
يعني اللي جابوا الدرجات النهائية احسن منك في اية
ولا اية برضو

بصى بقى انتى وجعتى راسك على الفاضى
انت كنت اخترتيى اى لغه
لان مش مهم اللغه المهم انك تكونى نويه تذكريها بجدوتحبيها ومش تقصرى فيها
لان الله لا يضيع عمل عاملا ابدا و اسالى مجرب
استعينى بالله و قولى فى نفسك انك مش هتسيبى اللغه ديه الا لما تجيبى اخرها
و ربنا معاكى