السلام عليكم ورحمه الله وبركاته انا اتعرفت على انسانه من فترة على النت وحبيتها اوى حب جنون بموت فيها وهى بتقولى انا مرتحالك جدا ومعجبه بشخصيتك بس انا خايفه عشان دى اول مرة انا مش عارف اعمل ايه بجد انا مش قادر استغنى عنها ودلوقت مش بتفتح الايميل بتاعها عشان بتقولى انا مش عاوزة اتعب ولا انت تتعب انت كمان هى لسه مخلصه ليسانس اداب جامعه عين شمس قسم علم اجتماع من حلميه الزيتون انا بجد عمرى ما حبيت ولا هحب زى الانسانه دى ارجوكو اعمل ايه

كلمه انا متاكد منها البنت دى لو بتحبك هتكلمك و هتشتاقلك زى ما انت مشتاق ليها

لكن الكلام ده يبقى لعب ملهوش لازمه


يعنى كبر الجمجمه

ايه يا محمد داخل فيه شمال كده ليه ايه كبر الجمجمه دى

بص يا متعب هوا زى مقالك محمد لو بتحبك هتشتاق لك وانا شفت موضوع نفسي احب وارتبط بجد عجبنى اوى كلام العضوه ومن الحب ما قتل سيب نفسك للحب بس نصيحه بلاش تربط نفسك بيها وتربطها بيك لو ظروفك متسمحلكش بالارتباط بيها في اسرع وقت ااقولك بقي ليه في اسرع وقت انت بتقول انها مخلصه ليسانس اداب يعنى عندها 20 سنه مثلا وبما اننا في مجتمع شرقي وهيا لسه متخطبتش فاكيد اهلها ممكن يوافقو على اى عريس مناسب ياريت تبقي فاهمنى عشان دى مشكله شفتها مع ناس كتير فبلاش توقع نفسك فيها لان كل ما زاد الكلام وزادت مده الارتباط على النت هتتعلقو ببعض اكتر ولما تيجى لحظه الفراق وتفترقو هتلعن اليوم الى اتولدت فيه
فاسمع نصيحتى ورتب امورك من دلوقتى انا مش بقولك متحبهاش لا حبها عشان الحب ده احلى شي في الدنيا
بس فكر بعقلك برضه
صحيح احييك من قلبي بشده على اختيارك لاسم متعب كاسم مستعار انا حقيقي بموووووووووت في متعب بتاع الاهلى ههههههه

عموما ربنا يوفقك ويوفقنى والقي حد يحبنى انا كمان

تعالالى يا عم متعب وانا اعقلك....لى احد الاصدقاء ..تعرف على انسانة من خلال النت..وعايشين قصة حب لاكثر من ثلاث سنوات...ويريد ان يتقدم لخطبتها..هى من محافظة وهو من محافظة اخرى...ولكن يخشى من سؤال واحد عندما يتقدم(انتا عرفتها ازاااااااى)...لوقال من خلال النت هتبقى داهية وحطت على راسه وراسها...وما زال الى الان يبحث عن طريقة للدخول الى اهلها...المجتمع ما زال يرفض موضوع الارتباط عن طريق النت ...وهناك حالات فردية تنجح ولكن الغالب يفشل....ومسالة الحب دى شرحتها قبل كدة..وقلت انه مسالة تعود فقط....لكن جرب وكلم واحدة تانية هتلاقيك اتعلقت بيها....انا لا اشجع العلاقات من خلال النت الا فى حالات نادرة جدا....

فعلا عصفورالمطر كلامة صح هتقول لاهلك اتعرفت عليها ازاى عموما ربنا يوفقك وصدقنى هيا لو بتحبك هتشتاقللك ولو لك نصيب فيها اكيد هتكونوا لبعض

بص ياسيدى افرض اللى انتا بتحبها على النت دة طلعت وحشة هتعمل اة هتفضل تحب فيها بردة