بسم الله الرحمن الرحيم

فى تطور مفاجئ للاحداث فى مصر ظهرت على الفيس بوك لأستكمال تحقيق مطالب ثورة 25 يناير
دعوة جديدة من بعض شباب 25 يناير على الفيس بوك من اجل "ثورة غضب ثانية" يوم الجمعة "27 مايو"
وبدأت صفحة ثورة الغضب المصريه الثانيه كما يقولون عليها

بسؤال مباشر وهو: بعد مرور حوالي 4 شهور على الثورة المصرية ..أنت حاسس بالتغيير فعلا ؟؟

مطالب صفحة ثورة الغضب الثانية 27مايو"انا محستش بالتغيير ونازل تاني ميدان التحرير":-

1 - تشكيل مجلس رئاسى مدنى ثورى لتنفيذ طلبات الثورة كاملة.

2 - تطهير الشرطة من قيادات الفساد واعادة الامن والامان لمصر.

3- تطهير القضاء والنيابات العامة ، لتطبيق العدل ويكون الضامن لتحقيق المطالب الثورية .

4- تطهير المحليات والمحافظين ، للتخلص من بقايا فساد النظام السابق.

5- تطهير الاعلام تطهير حقيقى ، فلا تقدم ولا حريات فى بلد اعلامه مسيطر عليه فاسدون.

6- الإفراج عن جميع المعتقلين السياسيين من يوم 25 يناير وما قبلها والافراج عن الضباط الاحرار، ضباط 9 ابريل.

7- محاكمة كل المفسدين وعلى رأسهم الرئيس المخلوع محمد حسنى مبارك.

8- استرجاع كل اموال الشعب المنهوبة ، وفى حالة عدم استرجاعها ستتحول المحاكمات الى محاكمات ثورية استثنائية لا رحمة فيها.

من ناحيه أخرى جاءت هذه المطالب بالرفض من جانب بعض الشباب المصرى على الفيس بوك

وقاموا بانشاء صفحة بعنوان " اللجان الشعبية لحماية مصر من مؤامرة جمعة الغضب 27 مايو"

هدفها :-

- تكوين لجان شعبية لضرب بيد من حديد على اي متسبب في الانفلات الامني او مهاجمة الشرطة والجيش يوم الجمعة 27 مايو فيما يسمي "جمعة الغضب2"

كما أوضحت صفحة اللجان الشعبية لحماية مصر ان صفحة جمعة الغضب المصريه الثانيه تهدف فى الأصل الى :-

- تهدف لحملات تعبئة ضد المجلس العسكري لاجباره على تسليم ادارة البلاد الى مجلس رئاسي بدعوى استكمال اهداف الثورة

لذلك جاري الاستعداد لتكوين لجان شعبية في مختلف المحافظات تحسبا لاي احتمال وارد

ومن جانبآ فى نجوم مصريه نضع بين أيديكم تسأل هل أنتم مع ثورة غضب مصريه ثانيه
أم مع اللجان الشعبيه لحماية البلاد من هذه الثورة الغامضة

مينفعش الكلام ة دة هببببببل
التغيير هيحسو بيه ازاى وهما من جواهم متغيرووووووش االجيش تعب حرام عليكم بجد
اهم خطوة حصلت ناو
اللثورة الثانية دى غير شرعية على الاطلاق هتودى مصر في دااااااهية
لازم تحمو مصر مش تخربووها
الظالم راح متبقوش ظلمة زيوو وفكرو في مستقبل

انا ضد اي تجمعات سواء ثورة او لجان شعبيه
وياريت المجلس العسكري بصفته الحاكم للبلاد يعتقل اي عشرة اشخاص مجتمعين
لان التجمعات اصبح فرصه للفتن والبلطجه وكفايا كده ياريت الامن يضرب بيد من حديد
على كل المتجاوزين وكفايه دلع وكفايه خراب للبلاد
مبارك الكذاب صدق يوم قال شباب شرفاء استغلتهم بعض القوى السياسيه
يا ريت ما نشمتش حد فينا ونفضل شرفاء
والتغيير واضح والانجازات كثيره وبالتدريج كل شئ ينتهي انما بالمظاهرات والتجمعات
ارهقنا الجيش وبنبهدل في بلدنا وكل يوم فتن وخراب

ده لعب عيال المفروص احنا نتغير البلد لما بشوف اخباره بنسي ان دي مصر اشعر ان دي اخبار العراق او اي بلد اخري متفجرات هنا وهناك واشتباكات وقتل وبلطجه وسرقه وخطف بنات وقتل نساء عايزين ايه تاني خافوا علي مصر حرام عليكم

انا مع

" اللجان الشعبية لحماية مصر من مؤامرة جمعة الغضب 27 مايو"

شكرا شيماء

والله ده استهبااااااااااااااااااااااااااااااااااااااااااال دول عالم فاضيه 27 مايو عايزين ايه تانى فعلا انا عالم فاضيه اتقوا الله فينا بقى حرام عليكوا

هم عايزين الدنيا تتهد وتتبنى فى يوم وليله دا ربنا بنى الارض فى 6 ايام ايه

مش احنا لسه فى مرحلة انتقاليه ايه ده

معلش ياشيماء الموضوع بجد يضايق
شكرا ليكى على مجهودك الجميل ده

تعرفى يا شوشو انا كنت مخنوقة لما عرفت بموضوع الثورة التانية دى والحمد لله انك كتبتى عنها

اولا انا مش مع فكرة ثورة تانية خااااااااااااااااااااااااااااااااااااااااااااااااا اااااااااالص


يعنى ايه مفيش تغيير اومال اللى حصل ده ايه شوفوا كل رموز الفساد اتقبض ...عليهم وبيتحاكموا وكل فاسد بيقع وحده وحده حتى سوزى هانم هتتسجن وحسنى كمان الدنيا اتخلقت فى سبع ايام مش فى يوم لازم نثق فى القضاء والجيش بتاعنا انما ثورة تانية يبقى بنثقل كاهله قووووووووووى

انما الامور لما بتزيد عن حدها بتتقلب ضدها شوفوا الفتن والبلطجة والانفجارات اللى بتحصل ... مصر فيها اللى مكفيها والجيش مش هيعرف يسيطر بعد كده ووالله لو نزلوا تانى اللى معرفوش يدخلوا بلدنا ويخربوها هيعرفوا يدخلوا المرة دى

اومال عايزين مصر تكبر ازاى واحنا واقفين محلك سر بدل ما يعملوا مليونية جدية ينزلوا ويفكروا ازاى يصلحوا مصر ونرفع اقتصادنا عشان السياحة ترجع.... الغردقة مفيهاش سائح واحد عشان خايفين من الانفلات الامنى اللى فى مصر وشوف ملايين شغالين فى السياحة حالهم وقف ومش عارفين ياكلوا ولادهم والمخزون اللى عندنا خلاص وقربت تحصل مجاعه ارجوكم بلاش ثورة تانى كل يوم بنسمع حاجة جديدة وكل شىء بينطلب بيتنفذ ليه نوقف الحال تانى وهو اصلا واقف فيه ناس مش لاقيه تاكل مش لاقيه بيبكوا الدموع دم واحد زى الممثل محمد صبحى عمل فكرة صندوق يتجمع فيه ملايين عشان العشوائيات احنا كمان نفكر ازاى نعمل صندوق نرفع الاقتصاد كل شاب عنده فكرة ترفع مصر يقدمها للوزارة ونفكر ازاى ندعوا السياح يرجعوا مصر تانى بس لازم نبطل اعتصامات وحاجات من دى هما جبناء وبيخافوا وعايزين اماااااااااااان بس بلاش ثورة بلاش ارجوكم

بدل ما يعملوا صفحه لثورة جديدة يعملوا صفحه يدعوا الشباب لرفع الاقتصاد لتجميع اموال نساعد بلدنا ندخل على المواقع الاجنبيه وندعوا السياح للمجىء لمصر كده يعنى بفكر كل شاب وفتاه نقدر نرفع بلدنا بس بلاش ثورة تانية بلاش

مش عارفه ليه ساعات بحس ان احنا مش بينفع معانا غير ايد من حديد انما لما كلامنا يتنفذ بنتمادى فيها وغير كده هما مش بيعبروا عن رأى الاغلبية مش بيسمعوا غير لنفسهم وكلامهم

نفسى الجيش يعمل اى حاجة ويمنع الثورة دى انها تحصل لان بجد البلد هتتهد فوق دماغنا كلنا ونرجع نقول ياريت اللى جرا ما كان

لازم نصبر هو يعنى القضاء يحكم على اللى اتقبض عليهم من غير ورق ولا اثبات ولا محاكمة يحكموا وخلاص ده القانون ولازم ياخد مجراه

ارحمونا ارجوكم الناس مبقتش لاقيه اللقمة انزلوا كمان مره والناس هتخرج تقتل وتسرق عشان تاكل عيالها

استرها يارب وارحمنا

ولا ثورة غضب ولا لجان شعبية
لإن كده هاتبقى مجزرة
-------------------------
وكمان ما ننساش إن طاقة كبيرة جدا من الجيش ومن الحكومة
رايحة فى إخماد الفتن الطائفية اللى كل شوية عمالة تطلع
-------------------------
يعنى الناس دى شغالة فى جو ملئ بالتوتر والضغط النفسى والعصبى
طب بالله عليكو إحنا لو مكانهم هانعرف نشتغل أصلاً؟؟؟؟
-------------------------
دا غير إن القضايا كتير والفساد كتير
وأى واحد بيقرصه برغوت فى أقفاه (سورى فى الكلمة) يروح يرفع دعوه للنائب العام
واللى عربيته إتسرقت ولا اللى عليه ديون واقفين عريانين وعاملين مظاهرة
طب الناس ده بنى آدمين مش عفاريت
هاتعمل إيه؟؟؟ ولا هاتصلح إيه؟؟؟ ولا هاتحل إيه؟؟؟؟
لو كل واحد خلاه فى شغله . كل حاجة هاتخلص إن شاء الله
لكن كلنا سيبنا أشغالنا وواقفين للحكومة وللجيش بالمرصاد
وبقى كل واحد فينا حامى حمى الديار
-------------------------
للأسف زى ما الثورة جائت بمميزات كتير
لكن سابت فى الشعب المصرى سلبيات برضه كتير

لو كل واحد خلاه فى شغله . كل حاجة هاتخلص إن شاء الله
لكن كلنا سيبنا أشغالنا وواقفين للحكومة وللجيش بالمرصاد
وبقى كل واحد فينا حامى حمى الديار
-------------------------

كلامك كله مظبوط وخصوصا الجزئيه دي فعلا لو كل واحد فينا خلاه في شغله وفي بيته كان كل حاجه هتخلص . لكن للاسف احنا خلاص كنا في جره وطلعنا لبره كل واحد عنده مطلب بيعمل مظاهره .
لو كنا في اشغالنا وفي بيوتنا على الاقل لن نعطي فرصه للبلطجيه والمخربين والمندسين بالظهور بهذا الشكل الكثيف والمرعب لكن كثرة التجمعات اصبحت فرصه للبطلجيه وخربت البلد يعني احنا بنساعد في التدمير . البلد واقفه والاقتصاد بيتدمر وبرضو هم ولا حاسين ولا خايفين على البلد وكل شويه يقول لك التغيير طيب انت مش مساعد اساسا على التغيير . بجد انا عن نفسي والله ما نازل تاني ولا لجان ولا مظاهرات ولا اي حاجه لان كده بداء يتلعب بينا وحرام علينا بلدنا وجيشنا اللي تعب معانا .
دي لو ناس بتحس كان اعتبرت لندائات الجيش بعدم الاعتصام والنظر للبلد ولا نسينا ان لولا الله ثم الجيش كان فشلت ثورتنا ورجعنا لبيوتنا قفانا يقمر عيش وحسني مبارك ونظامه دفعونا الثمن غالي .

لا مع ذلك ولاتلك. دا كلام مضيعة للوقت العمل الجاد هو خير سند لهذة الثورة.