نجوم مصرية
منتديات نجوم مصرية منتدى المواهب منتدى موهوبين الادب والشعر



تابع نجوم مصرية على أخبار جوجل




انا كنت فين من احلامك

 

قولتلك انى خايف تكونى مش بتحبينى وانتى قولتى انت عمرى نبض قلبى وفرح سنينى

قولتلك خايف يوم نبعد خايف اتوه واتعذب قولتيلى انا دايما جمبك يا حبيب قلبى ولمس حنينى

وانهرده انا جى اقولك فين كلامك فين غرامك انا مش قصدى انى اعاتبك واضح انك خدتى قرارك

بس جى علشان اقولك انا كنت فين من احلامك

بس ممكن مره اعرف ذمب قلبى هو ايه انو عاش معاكى يحلم حلم كان عايش عليه

حلمى بيكى كان حقيقه ولا وهم عشت فيه



جى اقولك الحقيقه كل شىء باين عليكى انتى ما حبتنيش بس عشقتى حبى ليكى

اد ايه كان قلبى طيب اتوهم بسحر عنيكى

كنت معاكى بعيش السهر وبقولك احلى الكلام وانتى تقولى ياروحى ياقمر كل ده حب وغرام


شفتى ازاى كنتى حياتى كنتى امالى وامنياتى خايف بعدك عنى يطول وتبقى ذكرى فى ذكرياتى

خايف حبى ليكى يزيد وانا وروحى نبقى عبيد بس الاصعب عندى ياعمرى اعشق فيكى وانتى بعيد

ردى حببتى يا احلى عيون يا حب حقيقى مالى الكون خاسيب نفسى لظنون انك بعتى عشرتى ليكى

لو سمعانى ردى عليه لو حسانى وبتفكرى فيا مش هتلاقى عاشق ابدا حبه يساوى لمس اديا

ارجعيلى ياعمرى تانى بحبك بشوءك بغرام ايامك

وانهرده انا جى اقولك فين كلامك فين غرامك انا مش قصدى انى اعاتبك واضح انك خدتى قرارك
تابع نجوم مصرية على أخبار جوجل



بس جى علشان اقولك انا كنت فين من احلامك






المقال "انا كنت فين من احلامك" نشر بواسطة: بتاريخ:
عاشقة البحر
بجد روعة حلو جداااااااااااااااااااااااااااااااا
عيناء احمد
ليه بتقول كده انت بلذات تقول كده وانت اكتر واحد كنت عارف انت ايه بالنزبالى وكنت حاسس بكده تقول كده وانت اعرف ان د بغصب عنى انا مش بعتك ولا كنت اقدر ابيعك ولا ابيع حب عمرى ياكل حاجه ليا بس بجد يغصب عنى وعنك ولازم تعرف كده ومفروض مكنتش تقول انى مش كنت بحبك لاانك عارف انا قد ايه بحبك صدقنى بغصب عنى ياحلم عمرى هتوحشنى كتير جدا جدا وياريت متبقاش قاسى عليا كده
سااااره
القصيده حلوه اووووووي........
سااااره
انافي حاجه كتبتها عن الحب هيه مش حلوه اوي بس علي ادي ياريت اسمع رايكم فيها وانامش بزعل من اي راي سواء حلو او لاه.......اناسميتها وهم الحب.......الحب ده وهم وكبير ظلم واكيد هنردو يوم وده مش بعيد.....زي ماشوفنا الظلم لازم اكيد هنرد لقلب اتكسرشخص اتحرم من قلب كان فكرو الحبيب...طلع الحبيب زي الغريب ...كان ليه كده عامل حبيب....غاوي العذاب والذل....غاوي الالام والمر....واحنا اكيد هنرد علي من ظلم....علي من كسر قلب وبرئ رد البرئ هيكون شديد ....اصل البرئ جواه غريق....وجد الحبيب فيه الطريق....طلع الطريق كلو سراب....هندوس عليه تحت التراب...عمر البرئ مايحن لو حتي شاف الدم اودام عنيه بيسيل....لو حس قلبو حن هيحرقو بالنار علشان يكون جبار علي من اسي عليه باعو وراجع ليه فاكر اليه هيحن....بقي البرئ جبار ممكن يدوس بالنار علي اي حد غريب او حتي بردو قريب لو حس فيه بالغدر.....خلاص بقي غدار يرجع في اي قرار لو حس فيه بمرار جاي واسمو الحب....الحب ده كذاب هوه صحيح جذاب ولكنو زي البحر....واسع كمان وكبير...لكنه غدرو سريع....بالظبط زي البحرمن بره شكلو جميل...من جوه غدرو كبير....عايز تشوف الحب بص لموج البحراهو هوه ده الحب....واسع كمان غدار....من بره بس جداربيجذبك اليه علشان تدوق المر....ابعد وسيب المر لكل ساذج حر عايز يشوف الحب....اهوهوه ده الحب ....خليه يشوف الحب
جيسى جيسى
انت احساسك عالى اوى والقصيده دى جميله اوى بس ياريت ماتكونش حقيقه
لانى حاسه فيها بجرح كبير
ربنا يوفقك يارب دايما
جيسى جيسى
بس ليه الحزن دا
هو طابع فيك ولا ايه اتمنى تكسر الحزن دا
الرومانسى الحزين
شكرا جيسى ع احساسك سواء كانت حقيقه او مش حقيقه فالحزن موجود فى كل حاجه بنعيشها فى الواقع او فى الخيال
الطفله البريئه المغمضه
الله جميله جدا واحساسك عااااااالي اوي
بجد مؤثره
تسلم ايدك
برنسيسه
تسلم ايدك بجد رائعه
meme banota
قولتلك خايف يوم نبعد خايف اتوه واتعذب قولتيلى انا دايما جمبك يا حبيب قلبى ولمس حنينى


وانهرده انا جى اقولك فين كلامك فين غرامك انا مش قصدى انى اعاتبك واضح انك خدتى قرارك


تسلم ايدك بجد رووووووووووووووعة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
فتاة احلامك وفتى احلامك
انت شايف نفسك ايه وصلت لحد فين قي حياتك حققت احلامك جزء منها لاقيت فتات احلامك تب عملت علشانها ايه

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية