رسميا الكسب غير المشروع يحقق مع منى الشاذلي وعمرو اديب واخرين



صرحت مصادر مسئولة عن احالة بعض من مقدمي برامج التوك شو مثل العاضرة مساءا و القاهرة اليوم و 90 دقيقة الى التحقيق من قبل مسئولي الكسب غير المشروع

ويأتي فق مقدمة المحالين للتحقيقات كل من منى الشاذلي وعمرو اديب وذلك لاثارتهم الراي العام في الفترة الماضية واذاعتهم لبعض الاخبار هي الاشبة بالكاذبة مما ادى لاثارة البلبلة بين الشعب واثارة الراي العام على المجلس العسكري

لم يقتصر قرار الاحالة على مقدمي البرامج بل ايضا على مجموعة من الصحف التي تناولت موضوعات الافراج عن المسئولين والتحقيقات بشكل غير واقعي ادى لاثارة البلبلة

متهيالى ان الخبر ممكن يكون غير صحيح
ومنى الشاذلى متهيالى مش تجيب اخبار غير صحيحه

مش عارف الخبر ده صحيح ولا لأ
بس اللى أنا عارفه ان عمرو أديب (اللى كنت بأحبه و أحترمه) بقى برنامجه عامل زى المصطبة مع الأخ محمد شردى اللى مش عارف مين اللى خلاه مذيع تلفزيونى, قاعدين يلتوا ويعجنوا فى أمور هايفة و يصوروها على انها كوارث ستحل على البلد, وبعدين ييجى فى النص يقولك عايزين المستثمرين الاجانب ييجوا مصر (ييجوا ازاى بوشكم ده), وبعدين العيل الصغير فى مصر عارف ان عائلة اديب بالكامل هى الصديق الصدوق لعائلة مبارك, ولكن أثناء الثورة عمرو عمل فيها ذكى و مسك العصاية من النص ثم بعد نجاح الثورة ييجى سى عمرو يفتكرنا هطل و يقعد يعيط و ينزل دمعتين و يتكلم بحرقة عما تعرض له من ذل واضطهاد هو وبرنامجه فى عهد مبارك يا أخى عيب دانت كنت بتمجد فى مبارك بالذات أكتر من علاء و جمال دلوقتى بقيت بتعانى و مضطهد
يا أخى مش مشكلة انك كنت بتحب مبارك و عائلته سواءا كنت مخدوع ولا لوجود مصالح بينكم أو حتى لله فى لله, بس خللى عندك مبدأ و وفاء أو حتى قول أنا كنت غلطان و مش فاهم حاجه بس تستهبلنا كده عينى عينك وتقولى (مضطهد وبطيخ) ده اللى مش مقبول و خليك زى أخوك المحترم عماد أديب الذى لم ينطق بكلمة سيئة عن مبارك حتى الآن ليس لشىء غير انه رجل محترم لا يتلون كالحرباء

هؤلاء رجال كل العصور فبل الثورة وبعد الثورة

الخبر من موقع جريدة الاهرام

نورتوا الموضوع

عامةً أنا مش برتاح ليهم كلهم
وبحس فى إسلوبهم إن هدفهم فى الحوار هو السبق الصحفى والنجومية والتألق فقط لا غير
غير مذيعين كتير تانيين
شوفوا عمرو أديب
وكلامه عن حسنى وعن الحزب الوطنى قبل الثورة فى لقائه مع البرادعى
وشوفوا كلامه بعد الثورة

الخبر مش راكب على بعضه ايه علاقة الكسب غير المشروع بنشر اخبار كاذبة تثير الفتن ده جهاز خاص بالتحقيق في مسائل الكسب والذمة المالية وموضوع الاخبار المثيرة للراي العام دي مسؤولية جهات اخرى تماما ياريت تصحيح الخبر للافادة

مشكور اخي على المجهود