بعد تردد الاخبار عن عدم محاكمة قتلة المتظاهرين و فى ظل الدعاوى الى ثورة ثانية و جمعة الغضب 2 صدر اليوم اول حكم لقاتل المتظاهرين امين شرطة محمد النسى الى فضيلة مفتى الديار المصرية كان هذا البنى ادم قد وجهت اليه تهمة قتل 20 متظاهر و اصابة 15 اخرين فى احداث المظاهرات الخاصة بثورة 25 يناير حيث اطلق المتهم الرصاص الحى عشوائيا على المتظاهرين مما ادى الى هذا العدد الضخم من المتوفين و المصابين .
كان الحكم قد صدر من محكمة جنايات شمال القاهرة بالتجمع الخامس برئاسة المستشار جمال القيسونى و التى يقع مقرها فى التجمع الخامس.


و حسبنا الله و نعم الوكيل

هو ده المطلوب محاكمة الصغير قبل الكبير في قتل المتظاهرين لان الخنزير اللي اطلق الرصاصه كان بأمكانه يتقى الله ولا يستجيب لاي اوامر . ولا طاعه لمخلوق في معصية الخالق
عقبال بئ وائل الكومي >
لكن الشئ المؤسف فعلا ان حكومتنا اصبحت لا تستجيب الا بالضغط فهل هذا معناه اننا لم ننتخلص من الفساد بعد

الحكومه تلعب معنا لعبة القط والفار

عقبال الباقى يارب وكل الفاسدين

امين امين يارب العالمين

قتل 20 متظاهر؟؟؟
وجاله قلب إبن الـتييييييييييييييييييييييييييييييييت ده يعمل كده
حسبى الله ونعم الوكيل
دا لو كان بيصطاد عصافير ما كانش هايموت منهم العدد ده
المهم العالم اللى فوقيه واللى أعطوا أوامر بذلك
مايكونش ده مسكن لينا عشان نهدى شوية وخلاص

لكن الشئ المؤسف فعلا ان حكومتنا اصبحت لا تستجيب الا بالضغط فهل هذا معناه اننا لم ننتخلص من الفساد بعد

لأ
دا معناه إننا معانا حق
ونظرتنا وتقديرنا وتحليلنا للأمور صح
لكن والله جيشنا محترم (برغم الفساد اللى جواه)
وهذا يحسب له

دا كبش فدا للناس القتلة الكبار وإمتصاص لحالة الغليان وفقدان الأمل عند المصريين حاليا.