■■■■■■■■■■■■■■■■■■■■■■■■■
واحد قتل حماته وفى القسم الظابط بيسأله اسمك ايه؟ قال له: اكتب فاعل خير .... انا مش بحب التفاخر
■■■■■■■■■■■■■■■■■■■■■■■■■■■
في بقرة دخلت السجن ليه ؟؟؟ شافوها تأكل حشيش
■■■■■■■■■■■■■■■■■■■■■■■■■■■
تاكسى نادى الشمس.. ناديها انت
■■■■■■■■■■■■■■■■■■■■■■■■■■■
واحد مسطول قال للتاني انا بابا هو اللي بني الاهرامات رد عارف البحر الميت قاله :- اه بابا اللي قتله
■■■■■■■■■■■■■■■■■■■■■■■■■■■
اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!!!
■■■■■■■■■■■■■■■■■■■■■■■■■■■
ليه الكتكوت مبيكدبش على الفرخه؟؟ علشان هيه الي فقساه
■■■■■■■■■■■■■■■■■■■■■■■■■■■
واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد....
■■■■■■■■■■■■■■■■■■■■■■■■■■■
واحده عجوزه ماشيه في الشارع ...لقت مرايا على الارض ... اخدتها وبصت فيها.... فقالت: ليهم حق يرموها
■■■■■■■■■■■■■■■■■■■■■■■■■■■
قهوجى خلف ولد من غير وش
■■■■■■■■■■■■■■■■■■■■■■■■■■■
واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش !!
■■■■■■■■■■■■■■■■■■■■■■■■■■■
مره واحد بلدياتنا ، جه يًًزوّّر فلوس ، فقال يجرب ورقة عشرين جنيه ، فراح رسمها كويس أوي ، وكتب بدال العشرين .. تمانتاشر ونزل مصر عشان يفكها ، فقال لواحد ممكن تفكهالي جنيهات ، فقله الراجل زورتها ازاي ، فبلدياتنا خاف ، و خد بعضه و رجع بلدهم و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفكلي تمانتاشر جنيه دي جنيهات ، فقله ما فيش جنيهات فكه ، تاخد ورقتين بتسعة ..
■■■■■■■■■■■■■■■■■■■■■■■■■■■
مرة واحد راح السودان بالليل مالقاش حد
■■■■■■■■■■■■■■■■■■■■■■■■■■■
مرة واحد بلدياتنا الباب افل على صباعه الباب ازرق
■■■■■■■■■■■■■■■■■■■■■■■■■■■
مره واحد بلدياتنا دخل خلاط الأسمنت طلع منه قال والله منش داخل الملاهي تاني
■■■■■■■■■■■■■■■■■■■■■■■■■■■
مره فيل اتقدم لنمله فاهلها ماوافقوش فقالت لهم: حرام عليكم طب و الفيل اللى فى بطنى
■■■■■■■■■■■■■■■■■■■■■■■■■■■
عشرة صعايدة بيتعلموا ربط الكرافتات تسعة ماتوا وواحد فى حالة حرجة
■■■■■■■■■■■■■■■■■■■■■■■■■■■
مرة واحد بلدياتنا زار الهرم ,فقال يابوى كل دى حتت جبنه نستن
■■■■■■■■■■■■■■■■■■■■■■■■■■■
مره واحد لبان أشترى عمارة (ملك) مراته راحت تلم القشطة من علي السطح
■■■■■■■■■■■■■■■■■■■■■■■■■■■
واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
■■■■■■■■■■■■■■■■■■■■■■■■■■■
واحد بلدياتنا بيهشك ابنه، و قع النايل سات!
■■■■■■■■■■■■■■■■■■■■■■■■■■■
واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور
■■■■■■■■■■■■■■■■■■■■■■■■■■■
مره 1 بلدياتنا راح للبقال فقال له عندك سكر فقاله ايوه فقاله بلدياتنا ربنا يشفيك
■■■■■■■■■■■■■■■■■■■■■■■■■■■
اتنين بلدياتنا راحوا يصطادوا واحد صاد والتاني ضاد
■■■■■■■■■■■■■■■■■■■■■■■■■■■
واحد كسلان دخل للحلاق فقاله الحلاق شعر ولا دقن قاله شعر قاله ارفع راسك قاله خلاص خليها دقن
■■■■■■■■■■■■■■■■■■■■■■■■■■■
ميكانيكي اشترى سرير نام تحتيه
■■■■■■■■■■■■■■■■■■■■■■■■■■■
واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو!
■■■■■■■■■■■■■■■■■■■■■■■■■■■
واحد لقى اوتوبيس مكتوب عليه السيدة زينب قلع الجزمة وركب
■■■■■■■■■■■■■■■■■■■■■■■■■■■
واحد مسطول بيقول لصاحبة المسطول ألنهاردة كام فى الشهر فقال لة أربعين فرد علية المسطول الثانى وقالة لحقنا نوصل لنصه
■■■■■■■■■■■■■■■■■■■■■■■■■■■
اتنين بلدياتنا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.
■■■■■■■■■■■■■■■■■■■■■■■■■■■
مرة اتنين قرع اتشاكلوا على مشط
■■■■■■■■■■■■■■■■■■■■■■■■■■■
مرة واحد غلس قابل واحد غلس قالة تيجي نغلس قاله لأ قاله ليه قاله غلاسه
■■■■■■■■■■■■■■■■■■■■■■■■■■■
مره واحد بلدياتنا نزل البحر كان في سحب كسب عربيه
■■■■■■■■■■■■■■■■■■■■■■■■■■■
التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد
■■■■■■■■■■■■■■■■■■■■■■■■■■■
ما وجه الشبه بين الموز و التفاح؟ الاثنين لا يصنع منهم عصير جوافه
■■■■■■■■■■■■■■■■■■■■■■■■■■■
ليه بيشيل بلدياتنا مسدسه ؟؟ علشان يطخ مشوار
■■■■■■■■■■■■■■■■■■■■■■■■■■■
خمسة بلدياتنا بيلفوا لمبة فى السقف ...أربعة مسكوا اللمبة وواحد لف السقف !!!
■■■■■■■■■■■■■■■■■■■■■■■■■■■
طبيب نفسى اشترى ساعة سيكو عالجها بالصدمات
■■■■■■■■■■■■■■■■■■■■■■■■■■■
واحد بلدياتنا راكب القطر ومعاه ابنه ومش عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده .. فدخل ايده جوة وقال له ما فيش حاجة.
■■■■■■■■■■■■■■■■■■■■■■■■■■■
واحد ترزى اجوز واحدة قصيرة فك تنيتها
■■■■■■■■■■■■■■■■■■■■■■■■■■■
واحد ترزى ماشى فى حتة مقطوعة خيطها
■■■■■■■■■■■■■■■■■■■■■■■■■■■
مرة إتنين حشاشين قاعدين يحششوا فى الترب ..طب عليهم البوليس.. فواحد منهم هرب و التانى راح إستخبى فى الترب..فشافه الظابط, فجاله يقوله انت بتعمل ايه هنا عندك..رد عليه الحشاش وقاله يا بيه هو الإنسان مخلوق من ايه؟ فقاله من تراب ..فرد عليه الحشاش..طب على النعمه انا لسه مخلوق دلوقتى
■■■■■■■■■■■■■■■■■■■■■■■■■■■
واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى
■■■■■■■■■■■■■■■■■■■■■■■■■■■
واحد بلدياتنا رجع البيت لقى فيه دبان غير الكالون
■■■■■■■■■■■■■■■■■■■■■■■■■■■
كلب فاقد الذاكرة فماشى عمال يقول صوصو.. لأه.. نونو.. لأه ززززززززززززززززززززززوم
■■■■■■■■■■■■■■■■■■■■■■■■■■■
بلدياتنا نزل يستحمى فى الترعة السمك جاله تينيا
■■■■■■■■■■■■■■■■■■■■■■■■■■■
واحد بلدياتنا بيهشك ابنه خبطه فى طياره
■■■■■■■■■■■■■■■■■■■■■■■■■■■
واحد بلدياتنا وقع من الدور العاشر .. جاله صداع
■■■■■■■■■■■■■■■■■■■■■■■■■■■
المذيعه بتسأل واحد اصلع:تحب تسمع اغنيه ايه قالها: فرق كبير
■■■■■■■■■■■■■■■■■■■■■■■■■■■
مدرس عربى دخل الفصل قال النهارده حصة املاء .... يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس
■■■■■■■■■■■■■■■■■■■■■■■■■■■
واحد غبى شاف قشرة موزه على الأرض فقال يييه هاتزحلق تانى
■■■■■■■■■■■■■■■■■■■■■■■■■■■
مره واحد عنده جموسه حرقها عشان ينزل اللبن مغلي
■■■■■■■■■■■■■■■■■■■■■■■■■■■
سأل الشرطي إمرأة تقود السيارة هل رأيت إشارة المرور.. قف ؟؟؟؟؟ فأجابته : نعم ، فقال لها : إذا لماذا لم تتوقفي ؟؟؟؟ فأجابته : لأنه مكتوب عليها قف وليس ...... قفي
■■■■■■■■■■■■■■■■■■■■■■■■■■■
كلب جاله ذبحه صدري علشان كان بيهوهو على واحد أطرش
■■■■■■■■■■■■■■■■■■■■■■■■■■■
مره واحد بلدياتنا واقف في الشارع و بيتكلم في المحمول و عمال يزعق و يقول:بس دوري تاني ، دوري كويس. قام واحد معدي في الشارع جه قال له: في إيه، قام بلدياتنا قال له: طلبت رقم قامت طلعتلي ست عمالة تقول (ألرقم الذي طلبته غير موجود في الخدمة)
■■■■■■■■■■■■■■■■■■■■■■■■■■■
بيقولك ولد صغير كل يوم يعدي على البقال يقوله عندك شيبسي يقوله البقال ايوه يقوله طيب اديني كيس لايز....اليوم اللي بعده يقوله عندك هوهوز يقوله ايوا عندي الولد يقوله طيب اديني اتنين توينكيز....و كل يوم بالشكل ده. البقال اشتكى لأبو الولد الصغير و حكاله فالاب انفعل جدا و قال للبقال: عند عصايه؟ قاله: ايوا الاب قاله : اديله بالألم
■■■■■■■■■■■■■■■■■■■■■■■■■■■
مرة واحد بلدياتنا بعت لصاحبه صورة له في البلد وهو واقف بين حمارين فعمل مفتح وكتبله: ملحوظة أنا الى واقف في
النص
■■■■■■■■■■■■■■■■■■■■■■■■■■■
واحد قال لأبو العربي إلحق يا وله أختك واخدها الوله ميمو في الغابه اللي ورا بيتكم ، رد أبو العربي المفتح قال : إيه يا وله نخلتين عملتهم لي غابه
■■■■■■■■■■■■■■■■■■■■■■■■■■■
مره واحد طيار اسمه هريدى كان فى رحله و بعدين فجأه المحرك اليمين بتاع الطيارة عطل..فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق..بعد شويه الركاب سمعوا كابتن هريدى بيقول: كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق..بعد شويه الركاب سمعوا كابتن هريدى بيقول: كابتن هريدى يحييكم من البراشوت و يتمنى لكم رحلة سعيده
■■■■■■■■■■■■■■■■■■■■■■■■■■■
مرة واحد فكهاني بيغازل مراته بيقوللها ياأم خدود زي التفاح وضحكة زي الفراولة وبق زي الكريز راحت مرات النجار شافت كده فغارت.. راحت قالت لجوزها غازلني قاللها يا أم عنين شبكت قلبي بمسامير ياللي حبك مقطعني بمنشار ...يا لزقة بغره
■■■■■■■■■■■■■■■■■■■■■■■■■■■
مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتضرب
■■■■■■■■■■■■■■■■■■■■■■■■■■■
سوسو و توتو واقفين بيشاورا لعربية على الطريق وقفت لهم عربية بعيد شوية سوسو قال لتوتو يا خسارة وقفت في المكان اللي كنا هاننزل فيه
■■■■■■■■■■■■■■■■■■■■■■■■■■■
واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدور
■■■■■■■■■■■■■■■■■■■■■■■■■■■
مره واحد سباك رشح نفسه علشان عنده مشروع ميخرش الميه
■■■■■■■■■■■■■■■■■■■■■■■■■■■
ثلاثه اتفقوا علي مين يجيب اكبر قطه,الأول قال انا هاقعد شهر و هاجيب القطه, فعلا بعد جاب قطه كبيره,التاني قال انا هاقعد خمس شهور وهاجيب قطه اكبر من الأولاني وجاب واحده اكبر من الأولاني جه التالت قال هاقعد سنه و اجيب قطه اكبر من القطتين دول و قعد خمس سنين المهم راحوا يدوروا عليه لقوه قاعد مع فيل وعمال يقوله هاتنونو يعنى هاتنونو.
■■■■■■■■■■■■■■■■■■■■■■■■■■■
مرة واحد اهوجى اشترى عربية طلع الكراسى برة
■■■■■■■■■■■■■■■■■■■■■■■■■■■
بتاع عصير قصب عمل فرحه بعد العصر
■■■■■■■■■■■■■■■■■■■■■■■■■■■
مره واحد بلديتنا لقى خاتم سليمان جه يدعكه فعص العفريت
■■■■■■■■■■■■■■■■■■■■■■■■■■■
واحدة بتتكلم مع صاحبتها بتقولها أنا جوزي نساي جدا كل يوم يقولي أنا نسيت مفتاح المكتب.. أو نسيت مفتاح الشقة.. قالت لها طب أنتى أرحم مني أنا جوزي كل يوم يقولي أنا شفتك فين قبل كده
■■■■■■■■■■■■■■■■■■■■■■■■■■■
مرة حوت دخل كنال بورسعيد وبيبلع كل حاجة يحدفولة ثلاجة يبلع.. بوتوجاز يبلع غسالة...؟ و ف مرة ابو العربى ماشى اتزحلق وقع فى الكنال بلعة الحوت جة اخو ابو العربى قال لأم العربى لازم نطلع ابو العربى من بطن الحوت....قام اصطاد اخو ابو العربى الحوت وقال لأم العربى.. علىّّ النعمة من نعمة ربى.. فتحت بطن الحوت.. لقيت ابو العربى فاتح بوتيك
■■■■■■■■■■■■■■■■■■■■■■■■■■■
واحد بلدياتنا فى المصيف إتصور بمايوه و بعت صورته البلد بعتوله هدومه
■■■■■■■■■■■■■■■■■■■■■■■■■■■
اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا
■■■■■■■■■■■■■■■■■■■■■■■■■■■
واحد لقى الفانوس السحرى ..خرج لة العفريت وقاله انا احققلك كل اللى تتمناه الراجل قاله نفسى تحللنا موضوع الحروب والنزاعات والبلاد اللى بتتحرق والناس اللى بتموت دى ..العفريت فكر شوية وقالة لالا دا موضوع صعب قوى عليا شوفلى موضوع اسهل شوية ..فالراجل طلع صورة مراتة من جيبة وقال للعفريت انا عايش مع الوحش دة من عشرين سنة صلحلى منظرها شوية علشان الواحد يقدر يكمل معاها..العفريت بص قوى للصورة وفكر شوية وقالة انت قلت حاجة عن الحروب والنزاعات
■■■■■■■■■■■■■■■■■■■■■■■■■■■
واحد احول بص بعنية الاثنين من خرم الباب
■■■■■■■■■■■■■■■■■■■■■■■■■■■
بياع جرايد ابوه مات مشى فى الجانازة يقول اقرا الفاتحة
■■■■■■■■■■■■■■■■■■■■■■■■■■■
مرة واحداهوجى اشترى تلفزيون ماركة توشيشا
■■■■■■■■■■■■■■■■■■■■■■■■■■■
عجوز بيقول لواحد خلاش عجشنا فرد الواحد و قاله يا عم انت لسه شباب فقاله العجوز أديك خمشة جنيه و قول كده قدام مراتى فرد الواحد و قاله هات عشرة جنيه و أطلعك عيل
■■■■■■■■■■■■■■■■■■■■■■■■■■■
مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى
■■■■■■■■■■■■■■■■■■■■■■■■■■■
اتنين بلدياتنا بيلعبوا شطرنج واحد اكل لواحد الفيل التاني قام سم له البهايم
■■■■■■■■■■■■■■■■■■■■■■■■■■■
مره واحد بلدياتنا دخل الحمام, لقى المساحة ,فقال يابوى كل دى ماكينة حلاقة
■■■■■■■■■■■■■■■■■■■■■■■■■■■
كمسري أبوة مات ماشى في الجنازة يقول يا حضرات الجنازة فاضية آدام
■■■■■■■■■■■■■■■■■■■■■■■■■■■
مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة
■■■■■■■■■■■■■■■■■■■■■■■■■■■
مدرسة بتسال واد هى القطة بتنونو ولأ تبتصوصو قال لهابتنونو ياميس قالتله شاطر اقعد.. سالت واد كمان هى القطة بتنونو ولأ بتصوص...وقاللهابتصوصو...قالتله انت اسمك ايه قاله محمود ابن اللواء حسن ..قالت لبقيه الفصل... يا ولاد القطة...بتصوصو ولمازورها يوجعها بتنونو
■■■■■■■■■■■■■■■■■■■■■■■■■■■
ذهب ثلاثة أولاد الي محل الالعاب .طلب الولد الاول بالونة فصعد البائع فوق السلم لكى يحضر له البالونة ونزل وطلب الولد الثانى أيضا بالونة وقال له البائع لماذا لم تخبرنى قبل ان انزل فصعد مرة اخرى واحضر البالونة وقبل أن ينزل سأل الثالث اذا كان هو الاخر يريد بالونة فقال له لا فنزل البائع وسأله ماذا يريد قال له اريد بالونتينا
■■■■■■■■■■■■■■■■■■■■■■■■■■■
مره مأذون مالاقاش شغل طلق مراته
■■■■■■■■■■■■■■■■■■■■■■■■■■■
واحد جه ينزل من باب العربيه لأى الدنيا بتمطر نزل من الباب التاني
■■■■■■■■■■■■■■■■■■■■■■■■■■■
مره واحد راجع البيت محشش ومهيس طحن..فضل يخبط علي باب بيته:افتحي يا وليه يا ام سيد...يا ام سيد...محدش فتحله الباب,الراجل اتنرفز و اتعصب راح شايط صفيحة الزباله الي جمب الباب...الصفيحه طارت ف الهوا و فتحتله دماغه.الراجل:افتحي يا ام سيد الصفيحه هتموتني
■■■■■■■■■■■■■■■■■■■■■■■■■■■
واحد عندة مزرعة فراخ و الفراخ مش بتبيض فسأل جاره اللى عنده مزرعة زيه فقاله إمسك فرخة وسكينة وقول للفراخ الى مش هاتبيض هادبحها زى الفرخة دى
فعمل بالنصيحة وجاء بعد يومين فرفع أول فرخة لقى خمس بيضات والتانية 10 بيضات والتالتة 15 والرابعة وجد تحتها بيضة واحدة فقال لها ليه إنت بيضتى بيضة واحدة
فقالت لة أرحمنى دة...أنا ديك.
■■■■■■■■■■■■■■■■■■■■■■■■■■■
جماعة بلديتنا حبوا يعملوه مزرعة فراخ مرة زرعوا الفراخ بمنقارها الفراخ ماتت المرة التانية زرعوها برجليها الفراخ برضه ماتت قاموا بعتوا لقريبهم العالم فى بلاد برة فقالهم ابعتولي عينة من التربه احللها.
■■■■■■■■■■■■■■■■■■■■■■■■■■■
ابو العربى سمع ان صاحبه اليابانى عيان فسافرله.وهو معاه فى الانعاش قله اليابانى يوكوهاما قام رادد متخفش بنتك فى عينى فقله يوكوهاما قله مقلتلك بنتك فى عينى ومات الراجل .وابو العربى قاعد بيعزى فيه قال فين يوكوهاما ابوها موصينى عليها فقله واحد من القاعدين هو قلك يوكوهاما فقله اه قله دى معناها قوم من على انبوبة الاكسجين
■■■■■■■■■■■■■■■■■■■■■■■■■■■
مره واحد مسطول راح لمحل ساندوتشات وقاله والنبي اعمللي اتنين جبنه رومي فرد عليه صاحب المحل :معلش يا بيه العيش خلص والله قاله خلاص اعملهم لانشون
■■■■■■■■■■■■■■■■■■■■■■■■■■■
واحد كل يوم يصحى من النوم يلاقى نفسه مدهوش - راح للدكتور - الدكتور ادى له علاج تانى يوم راح له - الدكتور قال له ايه الاخبار - قال له يا دكتور انا قمت من النوم لقيت نفسى مش مدهوش ذى كل يوم قمت اندهشت
■■■■■■■■■■■■■■■■■■■■■■■■■■■
مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه فالجني قاله: ليه بس يا عم احنا عملنالك حاجه
■■■■■■■■■■■■■■■■■■■■■■■■■■■
واحدة بتقول لجوزها خليك رومانسي زي جارنا ابو محمد ما هو رومانسي مع مراته قالها و ابو محمد بيعمل ايه مع مراته قالتله كل يوم الصبح قبل ما يروح الشغل يبوسها و يقولها مع السلامة يا حبيبتي و كده يعني قالها انا موافق بس ابو محمد هيوافق
■■■■■■■■■■■■■■■■■■■■■■■■■■■
واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك.
■■■■■■■■■■■■■■■■■■■■■■■■■■■
مرة واحد قابل واحد زميله بيجرى سأله مالك قاله مراتى قاله مالها قاله أكلت 5 كيلو سمك جالها تسمم.. قاله لاحول الله وانت رايح تجيب لها الدكتور قاله لا رايحل أجيب لها 5 كيلو كمان
■■■■■■■■■■■■■■■■■■■■■■■■■■■
فرخه اتجوزت فيل، خللفوا ولد سمموه تشيكن فيليه
■■■■■■■■■■■■■■■■■■■■■■■■■■■
مرة جزار خلف بنتين واحدة سماها كيلوباترا و الثانية سماها كيلولحمه
■■■■■■■■■■■■■■■■■■■■■■■■■■■
مرة واحد كبابجى اتجوز فرش لمراته السرير بقدونس
■■■■■■■■■■■■■■■■■■■■■■■■■■■
واحد بلدياتنا غرق مات محروق
■■■■■■■■■■■■■■■■■■■■■■■■■■■
اثنين اصدقاء شاربين وراكبين العربية الاول بيقول للثانى حاسب هتموت الراجل حاسب
الثانى رد علية انزل شوفة ليكون مات نزل الاول وقال لة هات ورة سنة كمان شمال شوية بس مات
■■■■■■■■■■■■■■■■■■■■■■■■■■■
مرة واحد بلدياتنا راح يستحمي فى الترعة , البلهاريسيا راحت تحلل . . . .
■■■■■■■■■■■■■■■■■■■■■■■■■■■
واحد بلدينا اشترى عده موبايل بقرص
■■■■■■■■■■■■■■■■■■■■■■■■■■■
مسطول يسال مسطول ثاني : متعرفش فين شارع 26 يوليو ؟ رد الثاني مقالولكش سنة كام ؟
■■■■■■■■■■■■■■■■■■■■■■■■■■■
واحد كان عنده مزرعة فراخ و كان كل يوم يدخل العشة و ميلاقيش بيض فيقعد يزعق للفراخ و قال لهم الفرخه اللي مش حلاقيها بايضة 10 بيضات حدبحها فدخل تاني يوم ميسك كل الفراخ اللي ماباضضتش و راح دابحهم..دخل بعد كده لقى الفراخ جايبين 8 و 9 بيضات فدبح جزء منهم لغاية ما فضلت فرخه واحدة دخل عليها فلقاها ماباضضتش الا 3 بيضات فقال لها إنتي مبضتيش عشر بيضات ليه قالتلوا أستر علىّ والنبي أنا ديك
■■■■■■■■■■■■■■■■■■■■■■■■■■■
مرة واحد كهربائي اتجوز واحدة اسمها نجفه علقوها منه ..
■■■■■■■■■■■■■■■■■■■■■■■■■■■
مره ضابط في الجيش طلع على المعاش اخذ مكفاءة نهاية الخدمة اشرى بيها ارض و زرعها الغام
■■■■■■■■■■■■■■■■■■■■■■■■■■■
مرة ابو العربى ركب مركبه فقامت عليه موجه راح مطلع المطوه قال له بلآش انت يا بحرّّّّّّّّ
■■■■■■■■■■■■■■■■■■■■■■■■■■■
مره واحد رجع البيت لمراته وهوا بينهج, قالتله مالك, قال لها أصل أنا كنت باجري وارا الأوتوبيس علشان نوفر الخامسين قرش بتوع الأوتوبيس, قالتله ياريتك جريت وارا تاكسي ووافرتلنا خمسة جنيه.
■■■■■■■■■■■■■■■■■■■■■■■■■■■
واحد بلدياتنا رخصته انتهت راح قال لأبوه قاله مهومن لفك طول النهار.. ..مرة واحد عداه العيب استنى اللى بعده.. ..واحد كسلان شاف قشرة موزة وهو ماشى قال ربنا يعينى على الوقعة.. ..واحد بلدياتنا عمل باب ازاز للشقة راح ركبله عين سحرية..
■■■■■■■■■■■■■■■■■■■■■■■■■■■
واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة