انتشرت كثير من الدعوات على الفيس بوك الداعية الى خروج الجماهير يوم الجمعة القادم 27 مايو لعمل ثورة غضب ثانية لان الثورة الاولى لم تنجح ...



وقد انقسمت القوى السياسية حول الخروج فمنهم من رفض الخروج ومنهم من لم يرفض والحقيقة اذا قرات جيداً فى مطالب من يدعون الى الخروج يوم الجمعة ستجدها منقسمة الى قسمين ...
القسم الاول : مطالب مشروعة وهى الخاصة بمحاكمة مبارك والفاسدين واقالة المحافظين التابعين للحزب الوطنى وحل المجالس المحلية المزورة وغيرها ... وهذه المطالب كلنا متفقين معها ولا ينكرها احد ولا ننكر ان الثورة الاولى لم تنته بعد بل يجب ان تستمر ..
القسم الثانى : مطالب بعمل مجلس رئاسى مدنى يحكم البلاد خلال الفترة الانتقالية وانتخاب لجنة لتأسيس دستور جديد للبلاد ...
هذا المطلب للاسف تجاهلت نتيجة الاستفتاء الذى اجراه المجلس العسكرى على التعديلات الدستورية وجائت النسبة باغلبية ساحقة يوافقون على التعديلات والتى تنص على ان المجلس العسكرى سيدير البلاد خلال الفترة الانتقالية حتى اجراء انتخابات مجلسى الشعب والشورى والرئاسة ثم يتم تسليم السلطة الى حكومة مدنية ... ويقوم مجلس الشعب المنتخب باختيار لجنة تقوم بوضع دستور جديد .
للاسف مايدعو له الداعون للخروج يوم الجمعة يعد التفافاً على اختيار الشعب ورأى الاغلبية وكأننا رجعنا الى نبرة النظام السابق فى ان الشعب لايعرف مصلحته ...

شاهدوا هذا الفيديو وفكروا قليلاً

طيب شوفوا دى كمان ...




ده استفتاء عمله الشباب الداعون الى يوم الجمعة القادم ... الساتفتاء على ايه ؟؟ على اسماء تبقى اعضاء فى المجلس الرئاسى المدنى .. يعنى هما خلاص قرروا انهم يعملوا مجلس رئاسى مدنى بالمخالفة لنتيجة الاستفتاء واختاروا الاسماء واستبعدوا كمان الدكتور سليم العول عشان مش موافق على ثورة الغض الثانية .. ايه رايكم ؟؟؟


وفى النهاية كل واحد حر فى ما يريده ولكن لست حراً ان تفعل شيئاً يضر بلدك ويضرنا كلنا ... والرجاء النقاش فى هذا الموضوع مع ضوابط الادب واحترام الرأى الاخر

ياريت الناس تهدى وتفهم بقى وتعرف الاهداف الحقيقية لدعاة الفوضى وجزيل الشكر للي عمل الفيديو واللي نزله على المنتدى

ياريت الناس تهدى وتفهم بقى وتعرف الاهداف الحقيقية لدعاة الفوضى وجزيل الشكر للي عمل الفيديو واللي نزله على المنتدى

العفور ياريس شكرا على المرور

انا ضد الفوضي الخلاقة التي ادعاها الامريكان
مصري وافتخر
اللهم احمي مصر من كيد المعتدي

حسبنا الله ونعم الوكيل ربنا يرد كيد كل من اراد مصر بسوء فى نحره امين يارب

يارب احمى مصر واجعلها امنه دايما

انا من الناس اللى مش موافقه عى يوم الجمعه ده علشان اححنا عملنا ثورة ونجحت الحمد لله
وعلينا الان ان ننتهى من الثورة ونبدا فى بناء واعمار مصر ونستنى ولو حسينا ان الثورة خلاص هتروح مننا وان خلاص الثورة دى كانت ايام وعدت ساعتها لازم ننزل وبقوة لكن احنا بقالنا 3 شهور على الثورة يعنى وقت قليل جدا لسه مش يلحق اى حد يعمل فيهم حاجه

شكرا على مروركم ياجماعة ومشاركتكم ... ومستنى اسمع باقى الاراء

انا من الناس اللى مش موافقه عى يوم الجمعه ده علشان اححنا عملنا ثورة ونجحت الحمد لله
ارجو تثبيت الموضوع فى العاجل
موضوع جيد جدا

يجب ان نتعلم الديموقراطيه ونتقبل نتيجة الاستفتاء الذى تم وان نحترم راى الاغلبيه ويكون الدستور الجديد بمعرفة اعضاء مجلس الشعب المنتخبين وبعد انتخاب رئيس الجمهوريه .
اما مايريده هؤلاء الرافضين لارادة الشعب التى تمت فى اسنفتاء حر لاول مره فهو قمة الدكتاتوريه ومن يعطى لهم الحق فى عمل دستور جديد ومن له الحق فى اختيار اللجنه التى تقوم بعمل دستور جديد للبلاد هذا قمة التخلف والرجعيه والاستبداد بالرأى .
نرجو الهدوء والعمل لمصلحة مصر فقط وليس لمجد شخصى البلد فى حاجة ماسه لدفع عجلة الانتاج حتى لاتنطلق ثورة الجياع ضد ثورة 25 يناير ونخسر كل شئ

و مالها الأسامى إلى موجوده من أول الدكتور محمد البرادعى لحد حمدين صباحى
على فكرة كل الأسامى إلى حضرتك أخدها شوت سكرين دى من أفضل العقول المفكرة فى العالم

أنا عايز أعرف ازاى الاستفتاء ده اتعمل؟ والتصويت تم ازاى؟ وكام واحد أدلى بصوته؟ وهل اللى أدلوا بأصواتهم دول يملكون الأهلية لذلك أو لأ؟ ولا هو لعب عيال وخلاص
يا أخوانا ده كفاية ان اللى طالع الأول محمد البرادعى وبفارق كبير كمان!!!!!!!!!!!!!!!!!!!!!!!!

و مالها الأسامى إلى موجوده من أول الدكتور محمد البرادعى لحد حمدين صباحى
على فكرة كل الأسامى إلى حضرتك أخدها شوت سكرين دى من أفضل العقول المفكرة فى العالم

انا ماعترضتش على الاسامى ... اعتراضى على ان اللى عامل استفتاء على اعضاء المجلس الرئاسى تجاهل اساساً ان الشعب قال مش عيزين مجلس رئاسى واختار ان المجلس العسكرى يحكم البلاد لحد مالانتخابات تتعمل واعتراضى كمان على انهم استبعدوا الدكتور العوا بسبب انه رافض لثورة الغضب الثانية .. هل دى ديمقراطية ؟؟؟

أنا عايز أعرف ازاى الاستفتاء ده اتعمل؟ والتصويت تم ازاى؟ وكام واحد أدلى بصوته؟ وهل اللى أدلوا بأصواتهم دول يملكون الأهلية لذلك أو لأ؟ ولا هو لعب عيال وخلاص
يا أخوانا ده كفاية ان اللى طالع الأول محمد البرادعى وبفارق كبير كمان!!!!!!!!!!!!!!!!!!!!!!!!

لو مستغرب من البرادعى أوى كدة بلاش نكدب على نفسنا لأن أحنا أى حاجة زمان لما كان الجرايد بتقولها و التليفزيون كنا بنصدقها كل إلى أتقال على البرادعى كدب النظام السابق و زى مانتوا شايفين الفساد ظهر أد أية فى الأعلام و المالتيميديا و قبل 2005 و فى الفتره دى كانت الجرايد كلها بتقول أن البرادعى يستحق نوبل و الجائزة لمن يستحقها و عشان فكر يعمل تغيير فى البلد أتقال على بنته و عليه كلام مالوش أى وجود من الصحه و دور على جوجل و أنت تعرف أن البرادعى دة فخر لكل مصرى أساسا و هتعرف موقفة من أمريكا و إسرائيل و دور برضة على سبب خروجه من الوكاله كان بسبب أية

انا ماعترضتش على الاسامى ... اعتراضى على ان اللى عامل استفتاء على اعضاء المجلس الرئاسى تجاهل اساساً ان الشعب قال مش عيزين مجلس رئاسى واختار ان المجلس العسكرى يحكم البلاد لحد مالانتخابات تتعمل واعتراضى كمان على انهم استبعدوا الدكتور العوا بسبب انه رافض لثورة الغضب الثانية .. هل دى ديمقراطية ؟؟؟

ماشى دى تحط الجيش فى موقف مش كويس و المجلس الأعلى شايف شغلة كويس بس أنت موافق على المشير طنطاوى ؟ طبعا المشير كان لزقة مبارك ماعلينا من موضوع اللزقة أسئل أى حد فى الجيش و هوا يقولك المشير دة أيه لكن برضة أنا مش مع أن المجلس الأعلى للقوات المسلحه يسيب البلد أنا مع أن يبقى فيه أيجابيه فى التحقيقات شوية لأن بصراحه ظباط الشرطة منهم ناس مش كلهم يعنى بقيت أسوء كمان من الأول لأن العمليه بالنسبالهم زى ماهيا بعد الترقيات إلى حصلت و على فكرة لو المجلس الأعلى للقوات المسلحه سلم السلطة للمجلس الرئاسى عن قناعة أنا موافق جدا لأنهم ناس مفكرة كلهم و متحرمين لكن لو مش موافق و لحد فتره رئاسية يبقى خلاص بقى يفضل ماسك الحكم

ماشى دى تحط الجيش فى موقف مش كويس و المجلس الأعلى شايف شغلة كويس بس أنت موافق على المشير طنطاوى ؟ طبعا المشير كان لزقة مبارك ماعلينا من موضوع اللزقة أسئل أى حد فى الجيش و هوا يقولك المشير دة أيه لكن برضة أنا مش مع أن المجلس الأعلى للقوات المسلحه يسيب البلد أنا مع أن يبقى فيه أيجابيه فى التحقيقات شوية لأن بصراحه ظباط الشرطة منهم ناس مش كلهم يعنى بقيت أسوء كمان من الأول لأن العمليه بالنسبالهم زى ماهيا بعد الترقيات إلى حصلت و على فكرة لو المجلس الأعلى للقوات المسلحه سلم السلطة للمجلس الرئاسى عن قناعة أنا موافق جدا لأنهم ناس مفكرة كلهم و متحرمين لكن لو مش موافق و لحد فتره رئاسية يبقى خلاص بقى يفضل ماسك الحكم

يااستاذى الفاضل بنقول تم عمل استفتاء شعبى والاستفتاء نتيجته كانت بتقول نعم للتعديلات والتعديلات من ضمن بنودها ان المجلس العسكرى يمسك البلد فى الفترة الانتقالية فموضوع المجلس الرئاسى كده محسوم ومافيهوش نقاش اما موضوع ان طنطاوى وحش او المجلس العسكرى وحش فممكن تقولى حل ممكن نعمل ايه ؟؟؟ نطلع مظاهرات ضد المجلس العسكرى مثلا ؟؟؟

ماله المشير طنطاوى

مش عارفه ايه ده بجد البلد بقت اسوء من الاول احنا ناقصين ثورات ومظاهرات احنا عايزين نهدى شويه علشان بلدنا تستقر وربنا يستر بكره بجد

ضد ثورة الغضب الثانية

شوفوا ياجماعة الرابط ده وبعدين احكموا القرار ماخوذ من قبل اى احزاب من ايام ماسبيرو
http://youtu.be/XeCv0doCvZE

يااستاذى الفاضل بنقول تم عمل استفتاء شعبى والاستفتاء نتيجته كانت بتقول نعم للتعديلات والتعديلات من ضمن بنودها ان المجلس العسكرى يمسك البلد فى الفترة الانتقالية فموضوع المجلس الرئاسى كده محسوم ومافيهوش نقاش اما موضوع ان طنطاوى وحش او المجلس العسكرى وحش فممكن تقولى حل ممكن نعمل ايه ؟؟؟ نطلع مظاهرات ضد المجلس العسكرى مثلا ؟؟؟

أقرا ردى كويس هتفهم أنى مش بقول نمشى المجلس الأعلى للقوات المسحله أطلاقا
أنا موافق على بنود معينه كانت محتاجة فعلا تبقى بقرارات سريعة لكن معظم أهداف الثورة التانيه أنا ضدها
بالنسبه للمشير طنطاوى أنا مقولتش نعمل مظاهرة و نخليه يمشى و دا واضح فى السطر التانى فى ردى دة و واضح فى الرد السابق و أقرا الرد كويس و أنت هتفهم أنا بقول لو المجلس الأعلى للقوات المسحله سلم السلطة للناس دى كان هيبقى كويس نسبيا عشان نكسب الفتره دى لكن برضة لو المجلس الأعلى للقوات المسلحه مش عايز كدة فعادى جدا و ننتظر حتى أنتخابات جديدة و دى برضة الأفضل لأن المركبه أم ريسين بتغرق لكن شوف كام ريس هيمسك و أقرا الرد كويس هتفهم أنا قصدى أية أنا قصدى أن فيه مطالب المفروض يتم الأستعجال فيها على الأقل بتنبيه مش بثورة كاملة

ماله المشير طنطاوى

مش عارفه ايه ده بجد البلد بقت اسوء من الاول احنا ناقصين ثورات ومظاهرات احنا عايزين نهدى شويه علشان بلدنا تستقر وربنا يستر بكره بجد

لما تدخلى الجيش هبقى أقولك ماله المشير طنطاوى
و أنتى بوجة نظرك أية الوقت إلى كانت البلد فيه أحلى من دلوقتى ؟

أقرا ردى كويس هتفهم أنى مش بقول نمشى المجلس الأعلى للقوات المسحله أطلاقا
أنا موافق على بنود معينه كانت محتاجة فعلا تبقى بقرارات سريعة لكن معظم أهداف الثورة التانيه أنا ضدها
بالنسبه للمشير طنطاوى أنا مقولتش نعمل مظاهرة و نخليه يمشى و دا واضح فى السطر التانى فى ردى دة و واضح فى الرد السابق و أقرا الرد كويس و أنت هتفهم أنا بقول لو المجلس الأعلى للقوات المسحله سلم السلطة للناس دى كان هيبقى كويس نسبيا عشان نكسب الفتره دى لكن برضة لو المجلس الأعلى للقوات المسلحه مش عايز كدة فعادى جدا و ننتظر حتى أنتخابات جديدة و دى برضة الأفضل لأن المركبه أم ريسين بتغرق لكن شوف كام ريس هيمسك و أقرا الرد كويس هتفهم أنا قصدى أية أنا قصدى أن فيه مطالب المفروض يتم الأستعجال فيها على الأقل بتنبيه مش بثورة كاملة



لما تدخلى الجيش هبقى أقولك ماله المشير طنطاوى
و أنتى بوجة نظرك أية الوقت إلى كانت البلد فيه أحلى من دلوقتى ؟

انا اقصد ان مجرد الكلام عن ان الجيش ممكن لو عايز يدى السلطة لمجلس رئاسى ده مرفوض لان الجيش مش من حقه يعمل كده لان الشعب هو اللى كلفة بالمهمة دى فعلشان يتنازل عنها لازم يرجع للشعب تانى

انا اقصد ان مجرد الكلام عن ان الجيش ممكن لو عايز يدى السلطة لمجلس رئاسى ده مرفوض لان الجيش مش من حقه يعمل كده لان الشعب هو اللى كلفة بالمهمة دى فعلشان يتنازل عنها لازم يرجع للشعب تانى

أستحاله أشكك فى نزاهة الجيش مهما حصل لأن أولا و أخيرا الجيش دة من الشعب المصرى لو الجيش مش كويس يبقى الدولة دى كلها مش كويسة و دا أستحاله و الجيش طبعا فوق كل الشبهات لكن فيه سؤال هسأله لحضرتك
أنت شوفت خطاب عمر سليمان ؟ سمعت أول كلمة قالها أيه ؟

شوف يا ابنى الاسكندرانى
انا استوعبت الموضوع جيدا
ولكن النتيجة الجوهرية بالنهاية
هى مسك ختامك للموضوع عندما قلت
وأأويدك بشدة


وفى النهاية كل واحد حر فى ما يريده ولكن لست حراً ان تفعل شيئاً يضر بلدك ويضرنا كلنا

وسبق رديت على الاستفتاء للابن المهندس بالرفض ولأن ستحدث مصائب ستضر بمصر

شكرا لك جزيلا مشرفنا الاسكندرانى ولمجهودك العظيم للموضوع وبالتواصل أيضا

يجب ان نتعلم الديموقراطيه ونتقبل نتيجة الاستفتاء الذى تم وان نحترم راى الاغلبيه ويكون الدستور الجديد بمعرفة اعضاء مجلس الشعب المنتخبين وبعد انتخاب رئيس الجمهوريه .
اما مايريده هؤلاء الرافضين لارادة الشعب التى تمت فى اسنفتاء حر لاول مره فهو قمة الدكتاتوريه ومن يعطى لهم الحق فى عمل دستور جديد ومن له الحق فى اختيار اللجنه التى تقوم بعمل دستور جديد للبلاد هذا قمة التخلف والرجعيه والاستبداد بالرأى .
نرجو الهدوء والعمل لمصلحة مصر فقط وليس لمجد شخصى البلد فى حاجة ماسه لدفع عجلة الانتاج حتى لاتنطلق ثورة الجياع ضد ثورة 25 يناير ونخسر كل شئ

هم فعلا يريدونها كذلك .. أن نخسر ثورة 25 يناير

وللاسف ان القله القليله تعودت علي ان تكون لها الغلبه والسلطه بالديكتاتوريه

ولا يحترمون رأي الاغلبيه التي نزلت في استفتاء شريف لاول مره في تاريخ مصر وقالت كلمتها

اسأل الان من هم الذين يتحدون رأي الاغلبيه ؟؟؟
ومن هم الذين لهم مصلحه بتغيير الدستور مبكرا وقبل الانتخابات البرمانيه وعلي يد اشخاص محدده ؟؟؟؟

يريدون اللعب بالوطن لكن المصريين رغم أمية أغلبهم فهم أذكياء
أما ساويرس الذي لن يغني عنه ماله وما كسب فلن تفلح مخططاته
رغم أنه أطلق خدمة الفيديو كول مجانا اليوم كرشوه للشعب الذي لن تجدي معه تلك الرشاوي

وهو المجلس الرئاسى وحش فى اية يعنى بدل قرارات المجلس العسكرى اللى ما بيشتغلش ويتحرك الا ما تقوم مظاهرة كأن دا البنزين بتاعة وبالنسبة للدستور احترام رأى الاغلبية مع انى ما كنتش موافق عالتعديلات غير كدا كل المطالب مشروعة وكانت المطالب الرئيسية بعد نجاح الثورة واحنا شايفين تأخر فى كل حاجة حتى الحرامية بيفرجوا عنهم كمان عايزين اية اكتر من كدا

وهو المجلس الرئاسى وحش فى اية يعنى بدل قرارات المجلس العسكرى اللى ما بيشتغلش ويتحرك الا ما تقوم مظاهرة كأن دا البنزين بتاعة وبالنسبة للدستور احترام رأى الاغلبية مع انى ما كنتش موافق عالتعديلات غير كدا كل المطالب مشروعة وكانت المطالب الرئيسية بعد نجاح الثورة واحنا شايفين تأخر فى كل حاجة حتى الحرامية بيفرجوا عنهم كمان عايزين اية اكتر من كدا

طالاما الشعب وافق على الاستفتاء وعلى ان المجلس العسكرى يدير شئون البلامد فى الفترة الاتتقالية يبقى ده امر محسوم وماينفعش حد تانى ييجى يتكلم عن مجلس رئاسى ...
ثانياً ممكن تقولى حضرتك ازاى هنختار المجلس الرئاسى طيب وهل تضمن ان المجلس الرئاسى اللى متكون من كل الطوائف مايختلفوش وتحصل بينهم مشاكل زى ماحصل فى مؤتمر الحوار الوكنى ... طيب مين هيعرف يرجع الامن للشارع لو رجع الجيش دلوقتى لثكناته "الشرطة" ماعتقدش ..

أستحاله أشكك فى نزاهة الجيش مهما حصل لأن أولا و أخيرا الجيش دة من الشعب المصرى لو الجيش مش كويس يبقى الدولة دى كلها مش كويسة و دا أستحاله و الجيش طبعا فوق كل الشبهات لكن فيه سؤال هسأله لحضرتك
أنت شوفت خطاب عمر سليمان ؟ سمعت أول كلمة قالها أيه ؟

فلنفترض ان ده تكليف للمجلس العسكرى ... الدنيا كلها عرفت ان المجلس العسكرى كان بيضغط على مبارك عشان يتنحى ولما احنا ضغطناع لى المجلس حجز مبارك فى شرم الشيخ وحقق معاه ولما ضغطنا اكتر حوله لمحكمة الجنايات .... وكل مانضغط اكثر ناخد حقوقنا
لكن تقدر تقولى دلوقتى لو احنا خرجنا على المجلس العسكرى ايه اللى ممكن يحصل؟؟؟

[QUOTE=Mano Crazy;1069349]لو مستغرب من البرادعى أوى كدة بلاش نكدب على نفسنا لأن أحنا أى حاجة زمان لما كان الجرايد بتقولها و التليفزيون كنا بنصدقها كل إلى أتقال على البرادعى كدب النظام السابق و زى مانتوا شايفين الفساد ظهر أد أية فى الأعلام و المالتيميديا و قبل 2005 و فى الفتره دى كانت الجرايد كلها بتقول أن البرادعى يستحق نوبل و الجائزة لمن يستحقها و عشان فكر يعمل تغيير فى البلد أتقال على بنته و عليه كلام مالوش أى وجود من الصحه و دور على جوجل و أنت تعرف أن البرادعى دة فخر لكل مصرى أساسا و هتعرف موقفة من أمريكا و إسرائيل و دور برضة على سبب خروجه من الوكاله كان بسبب أية

أنا ماليش علاقة بكلام الاعلام ولا غيره, أنا بتكلم ان فين البرادعى من مصر بقاله 40 سنة؟ يعرف ايه هو عن مصر و شعبها ومشاكلها؟ كل ما يعرفه عنها من الجرايد (الأجنبية طبعا), وبعدين هو ممكن يكون كويس و عبقرى فى شغله اللى معرفش هو ايه بالضبط (لأن حسب معلوماتى ان مؤهلاته الدراسية مالهاش أى علاقة بالعلوم و الذرة و معرفش ازاى بقى رئيس الهيئة الدولية للطاقة الذرية) ماعلينا, المهم ان مش شرط أى واحد عبقرى فى مجاله أيا كان يبقى رئيس جمهورىة, لازم يبقى رئيس الجمهورية اللى هينتخبه الشعب يكون من الشعب و عارف كل صغيرة وكبيرة عن مشاكله و احتياجاته طبعا مع الثقافة و الحكمة فى اتخاذ القرار و طهارة اليد
أما بالنسبة لجمعة الغضب 2 و مطالبها فمتهيألى الشعب قال كلمته واضحة وصريحة فى أول استفتاء نزيه فى تاريخ مصر الحديث, فأعتقد أى حاجة بعد كده تبقى لعب عيال و ربما لعب (كبار ليهم مصالح)
مش كده ولا ايه؟؟

وفين مايكل منير والقس فلوباتير ولا عاوزينهم عتصموا فى التحرير ونسبة الاقباط ياترى هتبقى كام فى المجلس وياترى هم 18 مليون زى ما بيقولوا وبالتالى لهم ربع المجلس ولا 3 مليون زى مابيقول السلفيين وبالتالى ملهمش تمثيل او يمثلوا بنص مسيحى. وكمان الستات وحقوق المراءة والست تهانى الجبالى ولا عاوزين المنظمات الحقوقية تزعل منا. ولا هيكون المجلس بالانتخاب والاخوان يكتسحوه وتطلعوا تانى تقولوا انهم ضحكوا على الناس باسم الدين وترفضوا الانتخابات وتعملوا مليونية مجلس جديد ولا هيكون بالتعيين والمجلس العسكرى اللى يعينوا وبرضوا تقولوا ان ماستشرناش الله لا يسيئكم بلاش هبل ودعاوى هدامة

أنا ماليش علاقة بكلام الاعلام ولا غيره, أنا بتكلم ان فين البرادعى من مصر بقاله 40 سنة؟ يعرف ايه هو عن مصر و شعبها ومشاكلها؟ كل ما يعرفه عنها من الجرايد (الأجنبية طبعا), وبعدين هو ممكن يكون كويس و عبقرى فى شغله اللى معرفش هو ايه بالضبط (لأن حسب معلوماتى ان مؤهلاته الدراسية مالهاش أى علاقة بالعلوم و الذرة و معرفش ازاى بقى رئيس الهيئة الدولية للطاقة الذرية) ماعلينا, المهم ان مش شرط أى واحد عبقرى فى مجاله أيا كان يبقى رئيس جمهورىة, لازم يبقى رئيس الجمهورية اللى هينتخبه الشعب يكون من الشعب و عارف كل صغيرة وكبيرة عن مشاكله و احتياجاته طبعا مع الثقافة و الحكمة فى اتخاذ القرار و طهارة اليد
أما بالنسبة لجمعة الغضب 2 و مطالبها فمتهيألى الشعب قال كلمته واضحة وصريحة فى أول استفتاء نزيه فى تاريخ مصر الحديث, فأعتقد أى حاجة بعد كده تبقى لعب عيال و ربما لعب (كبار ليهم مصالح)
مش كده ولا ايه؟؟

واضح فعلا أنك تعرف كل حاجة عن البرادعى ههههههههه
بص يا سيدى البرادعى كان فى يوم من الأيام قبل الحكومة المصريه ماتغضب عنه كان مساعد وزير الخارجيه المصرى و كان عايش فى مصر طول حياتة و بعد كدة بقى الطاقة الذريه و لما بقى فى الطاقة الذريه كل سنه برضة بينزل مصر و نزولة زاد فى سنه 2005 و هوا إلى دعى للتغيير من البدايه و راح لعائلة خالد محمد سعيد و كان فى مظاهرات فى الأسكندريه عشان خالد محمد سعيد و على طول بيدافع عن حقوق مصر و الدول العربيه و عدم تخصيب يورانيوم فى مفاعل ديمونه و عدم أحقية إسرائيل فى عمل نووى و دا سبب طردة من الوكالة الذريه أنا مش مجهز لحضرتك رد لكن بكلام حضرتك واضح أنك محتاج متابعة للموضوع على أبعاد أكبر من كدة بشوية و إنك تقرا معلومات دقيقة عن كلامى بالظبط و على فكرة سبب أنه ساب منصب مساعد وزير الخارجيه لأنه قدم فكرة كانت هتخلى مصر زى ماليزيا و الصين فى وقتها يعنى كان زمانا دولة منتجه و طبعا المشروع أتقابل بكل سخريه و ضحك عشان كدة ساب منصبه

يبقى أزاى تيجى بعد الراجل ماطلع عينه و تقولى الراجل معملش حاجة ؟
و أنت شايف مين إلى فعلا يستحق يبقى رئيس ؟

انا هقولك يا باشا
اولا الاستفتاء ما كنش ان المجلس العسكرى يمسك الفترة الانتقالية
ثانيا انا ما كنتش موافق عالتعديلات لكن رغم كدا احترمت رأى الاغلبية مع ان الاغلبية كانت وخداها انها حرب عالاسلام والاسلام لازم ينتصر بس معلش احنا لسة بنقول يا هادى فى موضوع الديموقراطية دا وهتيجى مع الوقت والناس يبقى عندها وعى سياسى اكتر من كدا
ثالثا انت بتقول الناس هتختلف عالمجلس الرئاسى والشخصيات وارد عليك واقولك ان المجلس دا من كذا فرد مش فرد واحد وعشان كدا الافراد دول لازم يرضوا كل الفئات من اخوان واقباط سلفيين تكنوقراط واللى انت عايزة قولة وبالتالى مش هيبقى فى اختلاف عشان فى شخصيات كتيرة ماعليهاش خلاف واحنا فى الاخر نختلف لكى نتفق

واضح فعلا أنك تعرف كل حاجة عن البرادعى ههههههههه
بص يا سيدى البرادعى كان فى يوم من الأيام قبل الحكومة المصريه ماتغضب عنه كان مساعد وزير الخارجيه المصرى و كان عايش فى مصر طول حياتة و بعد كدة بقى الطاقة الذريه و لما بقى فى الطاقة الذريه كل سنه برضة بينزل مصر و نزولة زاد فى سنه 2005 و هوا إلى دعى للتغيير من البدايه و راح لعائلة خالد محمد سعيد و كان فى مظاهرات فى الأسكندريه عشان خالد محمد سعيد و على طول بيدافع عن حقوق مصر و الدول العربيه و عدم تخصيب يورانيوم فى مفاعل ديمونه و عدم أحقية إسرائيل فى عمل نووى و دا سبب طردة من الوكالة الذريه أنا مش مجهز لحضرتك رد لكن بكلام حضرتك واضح أنك محتاج متابعة للموضوع على أبعاد أكبر من كدة بشوية و إنك تقرا معلومات دقيقة عن كلامى بالظبط و على فكرة سبب أنه ساب منصب مساعد وزير الخارجيه لأنه قدم فكرة كانت هتخلى مصر زى ماليزيا و الصين فى وقتها يعنى كان زمانا دولة منتجه و طبعا المشروع أتقابل بكل سخريه و ضحك عشان كدة ساب منصبه

يبقى أزاى تيجى بعد الراجل ماطلع عينه و تقولى الراجل معملش حاجة ؟
و أنت شايف مين إلى فعلا يستحق يبقى رئيس ؟

أولا يا مانو باشا أرجو أنك تقبل كلامى بصدر رحب و متزعلش منى لأن الخلاف فى الرأى لا يفسد للود قضية
ثانيا أنا مقولتش ان الأخ البرادعى معملش حاجة, لأ ماشاءالله عمل كتير جدا و تقلد مناصب ماشاءالله عليه بس كل ده لنفسه أكتر منه لأى حاجه تانية, طبعا كنا بنتشرف ان مدير وكالة الطاقة الذرية مصرى وكل حاجة, بس متقوليش انه وهو بيوصل للموضوع ده (وطلع عينه زى مابتقول)كان هدفه مصر والوطن والمصريين والكلام ده الله يخليك.
ثالثا انت بتقول انه كان عايش فى مصر مساعد لوزير الخارجية, انت عارف الكلام ده كان من امتى؟
البرادعى ساب السلك الدبلوماسى المصرى سنة 1980!!! يعنى من 31 سنة وحتى من قبلها و هو معظم وقته بره.
رابعا أنا أول مرة كنت أسمع حديث للبرادعى كان من حوالى 4 سنين, وكان واضح جدا للجميع انه بيواجه صعوبه كبيرة فى التحدث (باللغة العربية) و هو طبعا معذور لأن 70% من حياته بره مصر زى ما قلت.
فازاى هيحكم (جمهورية مصر العربية).
خامسا انت سألتنى مين يستحق يكون رئيس جمهورية؟ وانا من أشد أنصار الاخوان كما أعلنتها على الموقع ده أكتر من مرة, ولكن ان لم يترشح أحد من الاخوان فأنا أعطى صوتى لحمدين صباحى (صاحب التاريخ المشرف منذ السبعينات ومنذ ان كان عمره 21 سنة وهو يواجه الرئيس السادات بكل جرأه و أدب فى نفس الوقت), بالمناسبة هل كان يستطيع البرادعى أن يفعل ذلك فى هذا الوقت وهو كان أكبر فى السن و المنصب ولا كان سيفكر ألف مرة وفى النهاية لن يفعل؟
و أخيرا أقول للبرادعى وزويل و مجدى يعقوب و عشرات غيرهم, شرفتونى و شرفتوا مصر بجد ولكن لو ترشحتم لرئاسة الجمهورية أسف لن أنتخبكم