(مغامرات اثرية)
(الى مقبرة الخان )

اسمحولى يا جماعة اقدملكم سلسة مغامرات اثرية
ويارب الجزء الاول يعجبكم

الشخصيات :- د/ يوسف المصرى : يوسف شاب فى الثامنة والعشرين من عمره وبالرغم من صغر سنه فهو دكتور فى كلية الاثار جامعة القاهرة ويكلف بمهمة لاكتشاف مقبرة الخان ( جنكيز خان ) فى اطار عملية التبادل الكشفى بين مصر والصين


عمرو المهدى: زميل يوسف فى هيئة التدريس فى الكلية وزميله من ايام الدراسة ويعاونه فى كافة اعمالة ويمتلك الى جانب عمله شركة سياحية

جيهان عادل: زميلة كل من يوسف وعمرو من الدراسة وعضوة معهم فى هيئة التدريس ويوجد بينها وبين يوسف مشاعر خاصة يخفيها كل منهم عن الاخر

يونج: المترجم الصينى الذى سيعاون الشباب اثناء مهمتهم يجيد العربية نظرا لدراسته فى الازهر الشريف

روبرت جونز : شخص غامض يقابله الشباب فى الصين ولكن علاقته لن تنقطع بهم حتى اخر المهمة


تيمور: المستكشف المنغولى الذى سيعاون كل من يوسف ورفاقه فى كشفهم عن المقبرة

هذا الى جانب بعض الشخصيات الثانوية التى ستظهر كضيوف شرف



محور الاحداث : يذهب كل من يوسف المصرى ورفاقه الى منغوليا لاكتشاف مقبرة الخان
وكان يوسف يحلم بمثل هذه المهام فقد كان دائما يحلم باكتشافات مثل انديانا جونز ليجلب المجد لنفسه ولزملائه

ان شاء الله هكتب الحلقة الاول قريب

اولا يا جماعة انا اسف على التأخير وهكتب الحلقة الاولى دلوقتى ويارب تعجبكم

(الحلقة الاولى)
(يستيقظ يوسف فى الصباح على صوت الباب )

عمرو:- صباح الفل يا د. جونز

يوسف:- جونز مين يا عمرو

عمرو:- الله .............. انديانا جونز الشهير بيوسف المصرى

يوسف :- شكلك فايق على الصبح ..... خش تعالى

( وبعد ان يدخل عمرو يجلس امامه يوسف)

يوسف:- انديانا جونز ايه يا عم عمرو ........ انت فايق

عمرو:- يا بنى انت مستقل بنفسك ولا ايه ......... وبعدين انت شكلك بيبقى نسخة من انديانا جونز بالبرنيطة بتاعتك دى اللى بتلبسهافى كل كشفية نطلعها

( يعطيه يوسف كوبا من الشاى )

يوسف:- طب خد يا خويا ......... شكلك فايق زى ما قولتلك

عمرو:- ايوة مانت متعرفش

يوسف:- اعرف ايه........ نتيجة البعثة ظهرت ؟

عمرو:- انا وانت وجيهان ...... بالاسم

( ينتفض يوسف من مكانه )

يوسف:- ايوة كده ......... حبيبى

عمرو:- صباح الفل يا د.جونز

(طار يوسف من السعادة لسماعه ذلك الخبر فهو احس انه تنتظره ايام مليئة بالاثارة ولطالما كان يحلم باكتشاف تلك المقبرة ......... وفى الصباح فى اليوم التالى كان يوسف فى محاضرة فى التاريخ الفرعونى)

يوسف:- وزى ما شوفنا يا جماعة ان الحضارة المصرية كانت من اعظم الحضارات اللى عرفها العالم القديم ......... كده المحاضرة انتهت ............. لو اى حد عنده اى استفسار فى اى حاجة ..... انا موجود فى مكتبى لمدة ساعة وبعد كده همشى ........... اشوفكم المحاضرة الجاية ان شاء الله

( بعد ذلك ذهب يوسف الى مكتبه فرآه من بعيد مكتظ بالطلبة فقد سبقوه الى هناك فالطلبة يحبون الدكتور يوسف ومعجبين بعقليته الى درجة كبيرة ........... فتأكد انه ان ذهب الى مكتبه لن يخرج منه الا فى اليوم التالى فتسلل ليخرج من الكلية والتقى بعمرو وجيهان )

جيهان :- ازيك يا يوسف

يوسف:- ازيك يا جيهان عاملة ايه

جيهان:- الحمدلله تمام ........ جهزت نفسك عشان السفر

يوسف:- طبعا من زمان ............ كان نفسى من زمان اروح الصين ومنغوليا

عمرو:- والحمدلله ......... حتى منظمة اليونسكو مش بترفضلك طلب

جيهان:- ههههههههه ......... مش ناوى تعدى على والدك ووالدتك قبل ما تسافر

يوسف:- ان شاء الله بكره هعدى عليهم وهقعد معاهم شوية

عمرو:- الا قوليلى يا جيهان صحيح ........ ازاى مامتك وباباكى وافقوا على سفرك بكل سهولة كده

جيهان:- اقولك يا سيدى...... بابا مبيقولش حاجة....,,,,, بدام شايف ان ده فى مصلحتى ومستقبلى .......... اما ماما ........ كانت بتعارض فى الاول.......... بس بعد ما شافت انى ناحجة فى حياتى الحمد لله فى السن الصغير ده .......... عرفت ان كل اللى بعمله ده هينفعنى فى شغلى وفى مستقبلى

عمرو:- انا لحد دلوقتى والدى لسه مش مصدق انى دكتور فى الجامعة

يوسف:- الحكاية بسيطة يا جماعة .......... احنا كنا بنحب دراستنا جدا فكنا متفوقين فيها........ فبالتالى عملنا دراسات كتير فى وقت قليل والحمدلله قدرنا نحقق جزء من احلامنا

عمرو:- جزء ......... يا راجل قول الحمدلله .......... دا احنا لحد دلوقتى زمايلنا اللى كانوا معانا لسه بيحسدونا على اللى احنا فيه

جيهان:- يا سيدى الحمدلله

( فى مساء اليوم التالى ....... كان يوسف جالس مع والده ووالدته قبل ان يستعد للسفر ....... وكالعادة والدته قلقة عليه )

الام :- الصين..........................

يا رب الحلقة الاولى تعجبكم وان شاء الله الحلقة الثانية بعدها على طول

جميله جدااااااااا يا اسلام وان شاء الله متابعه معاك

متاخرش علينا في الحلقه الجايه

شكرا على الاهتمام يا قمر

وان شاء الله الحلقة الجاية قريب

(الحلقة الثانية )

الام:- الصين .......... صين ايه يا بنى ......... انا خايفة عليك

يوسف:- يا ماما متخفيش ......... ده شغلى... وانا بحبه........ ومقدرش اتأخر عنه ........ وبعدين يعنى مش هتفرحى لما تلاقى اسم ابنك مكتوب كده فى الجرايد ............. وبعدين انتى نسيتى انى دكتور ولا ايه

الام:- دكتور على نفسك يا خويا

الاب:- هههههههه ........ ربنا معاك يا يوسف يا بنى

الام :- ايوة يا خويا ...... ما هو طالعلك ........ بيموت فى التاريخ وبيحب الاثار زى عينيه

الاب:- ههههههه ....... الحمدلله....... انتى عارفة ان كان حلم حياتى اشوفه دكتور كبير فى الجامعة ويقدر يعمل اللى انا مقدرتش اعمله

يوسف:- الله .... طب ما انت خريج اثار برده يا بابا

الاب:- ايوة يا بنى..... بس مكنش ليا طموح زيك ......... عشان كده كنت بدعى ربنا كل يوم انك تطلع بتحب الاثار والتاريخ زيى

الام:- اهو طلع اكتر منك

يوسف:- هههههههه

الاب:- قولى بقى......... ايه برنامج البعثة؟

يوسف:- المفروض ان فى حفائر دلوقتى فى العاصمة فى منغوليا ......... بس احنا هنروح بكين وبعد كده هنروح على منغوليا وهيبقى معانا مترجم من الصين بيتكلم عربى ............ لان الصين هى اللى بتتولى كل المشاريع دى .......... لان منغوليا زى ما حضرتك عارف ......... تعتبر من الدول النامية واقتصادها ضعيف

الاب:- سبحان الله......... تاريخ عريق وحضارة كبيرة.......... وحاضر بسيط الى ابعد الحدود

يوسف:- هى دى الدول يا د. صلاح ........ حضارات تقوم وحضارات تزول

الاب:- طيب وانت ايه وجهة نظرك بالنسبة للحفائر اللى فى العاصمة دى

يوسف:- أقولك بصراحة

الاب:- يا ريت

يوسف:- مش مقتنع بالحفريات دى خالص

الاب:- ليه؟

يوسف:- لانى دارس تاريخ البلد دى ........ ومكان العاصمة الحالى كانت عبارة عن بلد صغير من ضواحى منغوليا زمان........... أيام جنكيز خان ......... فمش ممكن الخان العظيم هيدفن فى ضاحية صغيرة من ضواحى البلد ......... اى نعم المنطقة كانت مليانة بالاشجار والغابات ........ وانا اعرف ان جنكيز خان كان موصى انه يدفن هناك .......... بس اللى ادفن بعض من ملابسه وادواته بس ........ انما انا متأكد ان التابوت والمومياء مش هناك خالص

الاب:- وعمرو وجيهان مقتنعين بوجهة نظرك دى

يوسف:- ههههههه........ هما اول ما سمعوا الكلام ......... اندهشوا انى عارف تاريخ البلد بالتفاصيل دى .......بس انت عارف يا بابا لما اكون هشتغل فى مكان ......... لازم اعرف كل كبيرة وصغيرة عنه........... بسهما اقتنعوا بوجهة نظرى ........... المقبرة مكانها مش هنا خالص

الاب:- امال تعتقد هتكون فين

( ينظر اليه يوسف نظرة ثقة )

يوسف:- قراقورم

الاب:- فين؟

يوسف:- قراقووورم

.................................................. ....

ايه يا جماعة هى القصة طلعت فشنك ولا ايه

دا انا قولت هتعجبكم

حلوة اوي بجد
ثانكس

يار ب تكون عجبتك
وبقيت الحلقات تعجبك ان شاء الله

حلوووووووووووووووه اوي يا معم
استمر بقى ومنتظرين الجديد

جميله قوووى القصه

استمر ومتبعاك ان شاء الله

thx gamda mooooooooooooooooooooot

حلوووووووووووووووه اوي يا معم
استمر بقى ومنتظرين الجديد

شكرا على المررو يا معلم وان شاء الله الحلقات الجاية تعجبكم

جميله قوووى القصه

استمر ومتبعاك ان شاء الله

شكرا على مرورك اللى نور القصة

وان شاء الله تعجبك

thx gamda mooooooooooooooooooooot

yoooooooou walcome

يارب تكون عجبتك

( الحلقة الثالثة )
عمرو :- يوسف......... افتح يا يوسف أنا عارف أنك جوه ......... افتح يا بنى مش هينفع كده أنا واقف بقالى ساعة ........... حرام عليك يا جدع

( كان هذا صوت عمرو وهو يطرق باب منزل يوسف ............. ولكن يوسف لايزال عند والده ووالدته ......... وظل عمرو واقف حتى أتى شخص من خلفه )

يوسف :- انت عايز مين يا استاذ ؟

( ينظر عمرو اليه ثم ينظر الى الباب )

عمرو:- الله ......... هو انت مش جوه

يوسف:- انت مجنون يابنى انا مش قولتلك انى رايح عندنا البيت عند ابويا .......... وبعدين مش فيه اختراع اسمه موبايل ......... متصلتش بيا ليه

عمرو:- يا عم ما انا عمال اتصل بيك تليفونك مقفول

( ينظر يوسف الى هاتفه فيجده مغلق)

يوسف:- اه صحيح ......... الظاهر انه فصل شحن وانا مختش بالى

عمرو:- طب ممكن ندخل بقى ........ لانى واقف بقالى ساعة

يوسف:- ههههههههه ......... يخرب بيت جنانك ............ زمانك سيحتلى فى العمارة كلها ........( وهو يفتح الباب)......... ادخل يا خويا ........ خش

( ينظر عمرو الى يوسف وهو يحضر ملابسه وشنطة سفره )

عمرو:- برده واخد البرنيطة دى معاك

يوسف:- ههههههه ........... برنيطة........ اسمها قبعة يا جاهل

عمرو:- قبعة ....... طيب يا خويا....... انا مش عارف انت بتصمم تاخد البتاعة دى معاك فى كل استكشاف ليه

يوسف:- لعلمك بقى ... البتاعة اللى مش عجباك دى بيبقى وشها حلو عليا ......... وهيجى يوم وهسبتلك فيه ده

عمرو:- ماشى يا سيدى ....... بس لعلمك المهمة دى شكلها هتبقى صعبة جدا ......... المقبرة دى عيون العالم كله هتبقى عليها ........ ربنا يستر......... الكنوز اللى زى دى مبتفضلش كتير ......... وحاسس والله ان فى ناس من دلوقتى مراقبينا عشان يوصلو للمقبرة وطبعا يوصلوا لكنوز الخان العظيم

( ينظر اليه يوسف وهو يسحب مسدسه )

يوسف:- متقلقش............ طول ما انا المسئول عن البعثة دى ......... مفيش حاجة هتروح

عمرو:- على فكرة يا يوسف ......... فى ناس مستعدة تعمل اى حاجة وكل حاجة عشان توصل للكنوز دى

يوسف:- عارف......... وعامل حسابى

( فى الصباح يستيقظ يوسف على صوت الباب ........ يفتح فيجده عمرو )

عمرو:- صباح الفل يا د. جونز ......... يلا يا حبيبى عشان منتاخرش على المطار

( ينظر اليه يوسف )

يوسف:- تصدق يا عمرو انى بشوفك اكتر ما بشوف ابويا وامى ........ خش يا خويا ..... خش

عمرو:- يا عم يعنى انا غلطان انى جاى اصحيك بدرى .......... واعمل حسابك اننا هننزل بدرى عشان انا قولت لجيهان اننا هنعدى عليها ناخدها فى سكتنا واحنا رايحيين

يوسف:- جيهان ؟

عمرو:- ايوة جيهان عشان منقعدش نلف على بعض ونروح سوا

يوسف:- ماشى

( يذهب الثلاثة الى المطار وأثناء سيرهم وهم ينتهون من الاجراءات تصطدم جيهان بشخص اجنبى)

جيهان:- sorry
روبرت :- لاداعى للاعتذار
جيهان :- انت.... بتتكلم عربى
روبرت:- انا امريكى ولكنى اجيد العربية

( وأثناء ذلك يسمعوا الاعلان عن رقم الرحلة والطائرة المتجهة الى الصين )

الاثنان :- هذه طائرتى ......... دى طيارتى

روبرت:- هل انتى ذاهبة الى الصين

جيهان:- ايوة

روبرت:- فرصة سعيدة

جيهان:- nice to meet you

روبرت :- سأراكى مجددا بكل تأكيد ......... الى اللقاء

( تندهش جيهان لبعض الوقت ثم تتابع سيرها )

( فى الطائرة كان يوسف يجلس بجانب جيهان بينما عمرو فى مقعد خلفى ويدور بينهما هذا الحوار )

يوسف:- على فكرة انا كنت هرفض البعثة دى لو انتى مكنتيش جيتى معانا

جيهان:- ليه يا يوسف......... دا انت كان حلم حياتك رحلة زى دى من زمان عشان تكون اول واحد يكتشف المقبرة دى .......... مش مهم انا يا سيدى

يوسف:- ايه اللى انتى بتقوليه ده.......... لو انتى مش مهمة ........ امال مين اللى مهم

( تنظر اليه جيهان فى رقة ثم تدير وجهها فى خجل )

يوسف:- انا عايزك تعرفى حاجة واحدة يا جيهان ......... ان انتى بالذات ليكى معزة خاصة فى قلبى وان انتى الوحيدة اللى بعتبرك اهم من شغلى ......... ولو كنت هحقق مجد او شهرة يبقى لازم تكونى معايا وبعد منك عمرو ......... بس انتى........ اهم من اى حد ......... وربنا وحده يعلم

( تخجل جيها ثم تنظر اليه )

جيهان:- وانت كمان يا يوسف ليك معزة خاصة عندى........ ولولا تشجيعك ليا ........ مكنتش قدرت اعمل اى حاجة ولا اوصل للى انا وصلتله ده........ وكان زمانى بقيت زى ما ماما كانت عايزانى اعمل........ أتجوز واقعد فى البيت وخلاص ......... مش قادرة تقتنع ان الحاجات دى نصيب

يوسف:- ان شاء الله نصيبك هيكون كويس ..... وبيتمناكى

( ثم ينظر اليها يوسف فى رقة ويبتسم لها )

( تصل الطائرة الى الصين وتهبط فى مطار بكين .......... ويكون فى انتظارهم شاب صينى )

يونج:- اهلا بكم فى الصين .......... انا يونج ......... ساكون مترجم لكم وساصحبكم فى رحلتكم الى ان تعودوا الى القاهرة .

جيهان :- تشرفنا

يوسف:- بس انت بتتكلم عربى كويس اوى يا يونج

عمرو:- انت اتعلمت عربى فين

يونج :- لقد كانت دراستى فى جامعة الازهر الشريف ......... لذلك اجيد الحديث بالعربية

يوسف:- انت مسلم ؟

يونج:- الحمدلله ......... الان سآخذكم الى الفندق الخاص بكم وبعد غد سنعبر الحدود الى منغوليا ............... وسأصحبكم الى الفندق الخاص بكم هناك فى العاصمة والى موقع الاستكشاف بعد ذلك

جيهان:- هو مفيش طيران فى منغوليا ؟

يونج:- لا....... يوجد مطار فى العاصمة .......... ولكن خطرط الطيران صعبة الى حد ما وستستغرق وقتا طويلا ........... اما الطريق البرى فهو اسهل لنا

يوسف:- للدرجة دى يا يونج اقتصاد منغوليا ضعيف

يونج:- لا يا د. يوسف ولكن الشعب المنغولى يعيش حياة بسيطة الى حد كبير ولا اريد ان اقول انها حياة بدائية ........ ولكن هذه هى منغوليا دولة نامية

( بعد يومان يصطحب يونج الشباب فى سيارة للذهاب الى العاصمة المنغولية )

يونج:- سنصل الى العاصمة المنغولية فى صباح الغد باذن الله

يوسف:- ماشى يونج ........... الى مقبرة الخان

عمرو:-ههههههههه

.................................................. .........

ههههههههههههههههههههههه جامد يا ماو

شكرا على المرور يا قمر نورتينى

قصة رائعه واسلوبك في سرد الاحداث المتلاحقه اكثر من رائع

استمر مع متابعه دائمه انشاء الله

نورتنى بمرورك يا معلم

ويارب تكون عجبتك والموضوع القصة كمان يكون عجبك

تابعنا بقى قى الحلقات اللى جاية

حلوه اوى اوى
انامتبعاك
وعجبنى اسلوبك اوى فى سرد الاحداث
تسلم
وميرسى للتنبيه

الله الله عليك

كنت فين من زمان لم تنبهنى لهذه الرائعة

والله قصة جميلة وجدا وبها نقطة ثقافية هامة عرفتها لأول مرة

( يوسف:- لانى دارس تاريخ البلد دى ........ ومكان العاصمة الحالى كانت عبارة عن بلد صغير من ضواحى منغوليا زمان........... أيام جنكيز خان ......... فمش ممكن الخان العظيم هيدفن فى ضاحية صغيرة من ضواحى البلد ......... اى نعم المنطقة كانت مليانة بالاشجار والغابات ........ وانا اعرف ان جنكيز خان كان موصى انه يدفن هناك .......... بس اللى ادفن بعض من ملابسه وادواته بس ........ انما انا متأكد ان التابوت والمومياء مش هناك خالص )

ومعلومة تانية ان فيه مكان اسمه ( قراقووورم ) اول مرة اسمع عن الاسم ده

من فضلك نبهنى وخليك معايا على خط الملف الشخصى ولأنى جدتك عجوز وبتنسى ولأنها فعلا قصة رائعة ومعلش حا اتعبك

الف الف شكر يا مبدع

حلوه اوى اوى
انامتبعاك
وعجبنى اسلوبك اوى فى سرد الاحداث
تسلم
وميرسى للتنبيه

متشكر على الرد وان شاء الله تعجبك اكتر واكتر من الحلقات الجاية

الله الله عليك

كنت فين من زمان لم تنبهنى لهذه الرائعة

والله قصة جميلة وجدا وبها نقطة ثقافية هامة عرفتها لأول مرة

( يوسف:- لانى دارس تاريخ البلد دى ........ ومكان العاصمة الحالى كانت عبارة عن بلد صغير من ضواحى منغوليا زمان........... أيام جنكيز خان ......... فمش ممكن الخان العظيم هيدفن فى ضاحية صغيرة من ضواحى البلد ......... اى نعم المنطقة كانت مليانة بالاشجار والغابات ........ وانا اعرف ان جنكيز خان كان موصى انه يدفن هناك .......... بس اللى ادفن بعض من ملابسه وادواته بس ........ انما انا متأكد ان التابوت والمومياء مش هناك خالص )

ومعلومة تانية ان فيه مكان اسمه ( قراقووورم ) اول مرة اسمع عن الاسم ده

من فضلك نبهنى وخليك معايا على خط الملف الشخصى ولأنى جدتك عجوز وبتنسى ولأنها فعلا قصة رائعة ومعلش حا اتعبك

الف الف شكر يا مبدع

ههههههه
مبدع ايه بس دا انا لسه فى البداية بس ان شاء الله ناوى اكمل فى القصة دى وفعلا بكتب فى الجزء الثانى دلوقتى

وان شاء الله الجزء الاول يعجبكم

وبيشرفنى ردودكم طبعا

قصه جامده

الله عليك

يسلمووووووو

شكرا يا قمر نورتينى

ويارب باقى الحلقات تعجبك وتابعى معانا

معلش يا جماعة انا بجد اسف على التأخير بس ان شاء الله

الحلقة الرابعة قريب اوى

في انتظار الحلقه الرابعه