تلاقي الواحد من دول علي طول مكشر ومتعصب
...
ولو سالته يقولك ضحك ايه وقله ادب ايه امال الاحترام والوقار راح فين !!!
هو ااااااااااااايه ده؟؟؟؟؟
ايه علاقه الاحترام والادب بالابتسامه او الضحكه؟؟؟
ومين قاااااااالك اصلااا ان الضحك عيـــب او انه قله ادب؟؟؟
طيب بالراحه بقي كده تعاولا نحسبها من كذا ناحيه
اولا لو حسبناها دينيا هنلاقي دينا الجميل وصي الانسان انه يكون دايما مبتسم في وجه اخيه
لا وايه كمااان ابتسامتك في وجه اخيك صدقه يعني عباااده وعليها تؤجر
يبقي منيييين جبت ان الابتسامه او الضحك المقبول عيب او قله قيمه وعدم احترام؟؟
دينك عمره ما وصاك بحاجه تقلل منك بالعكس
ديننا كله خير وحب ورحمه وفيه اسمي العادات والتقاليد
مش عيب لما تضحك مع ابنك او بنتك صدقني احترامهم ليك مش هيقل ويمكن يزيد
مش عيب لما تضحكي مع صحباتك في حدود الادب بينك وبينهم وتكوني سبب في تفريج هم واحده وتاخدي كمان اجر
مش عيب لما تبتسم في وجه عمالك او موظفينك ومش هيقلل من ولائهم ليك
بالعكس ممكن يكون حافز ليهم يحبوك ويشتغلوا بضمير وحب
مش عيب لما تضحك في وش راجل عجوز اوست كبيره مريضه بالعكس ممكن تخفف عنهم الم كبير
الضحك عمره ما كان قله ادب طول ماهو في مكانه ومخرجش عن حدود الدين
اضحكواااا وابتسموا من قلوبكم وكونوا سبب في رسم بسمه علي شفاه الاخرين
تبسمك في وجه اخيك صدقه
^^طيب استنوا بقي اقولكم علي حاجه بجد حلوه اووووووي
عارفين ان ربنا سبحانه وتعالي بيضحك لانسان في الدنيا ؟؟
ايوووون ربنا سبحانه وتعالي بيضحك لقاااائم الليل
ميييين بقي نفسه ربنا سبحانه وتعالي يضحك له ؟؟
طبعا اكييييييييييد كلنا نفسنا ربنا يرضي عنا ويضحك لنا ويرضينا
اسمعوا بقي كده معايا الحديث ده
عن عبد الله بن مسعود أنه قال ألا إن الله يضحك إلى رجلين رجل قام في ليلة باردة من فراشه ولحافه ودثاره فتوضأ ثم قام إلى الصلاة فيقول الله عز وجل لملائكته ما حمل عبدي هذا على ما صنع فيقولون ربنا رجاء ما عندك وشفقة مما عندك فيقول فإني قد أعطيته ما رجا وأمنته مما يخاف
الراوي: - المحدث: الهيثمي - المصدر: مجمع الزوائد - لصفحة أو الرقم: 2/258
خلاصة حكم المحدث: إسناده حسن
متنسوووش الابتسامه دايما