نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



تابع نجوم مصرية على أخبار جوجل




قولولي اتعامل معاها ازاي بأة و النبي ؟ ؟

 

السلام عليكم
بصوا يا جماعة انا عندي 21 سنة و بحب بنت عندها 24 سنة , ايوة اكبر مني ب 3 سنين
المهم
احنا بنحب بعض جداً بقالنا 6 شهور
و من شهرين كده المشاكل كترت اوي بيننا
بأختصار , انا كتير اوي بحس انها عايزة تسيطر او حاجه زي كده يعني مثلا اخر خناقة بيننا كانت امبارح , كنا بنتكلم على التليفون و كله تمام و بنهزر فا انا طلبت منها باسورد حاجه معينة على النت ( مع العلم انها لما طلبت مني نفس الشيء لم اتردد ثانية ) و لما طلبتها منها هي رفضت , و قعدت تقولي انت بتراقبني و بتاع المهم برضو مرضيتش تديني حاجه و هي قعدت تقول كلام مستفز قمت مزعأ فيها و قايلها : خلاص خلصنا بأة ,
لقيتها بتقولي بطل قلة ادب , انت اتجننت ؟ انت بتعلي صوتك عليا ؟ دي اسمها قلة ادب !!!!!!!!!!!!!!!!!!
طبعا انا تنحت !!!!
قلتلها انت بتقوليلي دي قلة أدب ! و اتجننت ! و اعلي صوتي عليكي !! قلتلي ايوة طبعا دي قلة ادب و إياك تقل ادبك عليا تاني و تعلي صوتك !
( مع العلم انها مش اول مرة تعمل حاجه زي دي , يعني قبل كده اتقفل في وشي السكة مرتين , و رجعنا اتكلمنا عادي و حاجات من هذا القبيل ) بس المرة دي كانت ابشعهم .
قمت قلتلها : عارفة اللي سكتناله دخل بحماره ؟ :d المهم , قعدنا نزعق و قعدت تقولي يلا اقفل , قلتلها سلام و قفلت , و اعدت تتصل و مردش عليها , اعدت تبعتلي مسجات انت بقيت غبي عليا اوي و بتاع , قمت رديت عليها , قعدت تقولي طالما انا وحشة و بهزأك ايه اللي مصبرك على كده ؟ و قعدت تستفزني و قفلت السكة في وشها , و اتصلت تاني و قفلت في وشها تاني , بعد كده مردتش عليها تاني لحد ما هي بعتت مسج و اعدت تقولي انت بقيت اغبى الناس عليا و انت كرامتك و كبريائك هما الي عملوا كده , و انا مش هضيع من وقت حضرتك انساني و ربنا يوفقك مع حد كويس , طبعا كل مرة هي بتقول كده و انا الي برجع الدنيا كويسة و بصلح الدنيا حتى لو انا غلطان , قمت النهاردة الصبح كلمتها و قلتلها خبرين حلوين بخصوص خطوبتنا المستقبلية ان شاء الله و كنت بكلمها كويس جداً و هي بتكلمني من تحت ضرسها , قامت بعتتلي مسج بعد ما قفلنا تقولي ربنا يوفقك انت تستاهل كل حاجه كويسة ربنا معاك , اللي هو كأن ده ميخصهاش رحت مكلمها مرضيتش ترد لحد ما ردت هي ساكتة و انا ساكت , قفلنا , بعتلها مسج عشان اخلص الموضوع قلتلها اوعديني انك بعد كده تسمعي كلامي و متصغرينيش قدام نفسي تاني , بعتتلي مسج قالتلي انا مصغرتش حد ادام نفسه و انا بسمع الكلام فا سوري مش هوعدك بحاجة ( و طبعا سبب الخناقة اساسا اني طلبت منها تعمل حاجتين و هي مسمعتش الكلام فيهم ) , و اتصلت بيا قمت انا منهار و زعقت فيها و انهارت جامد جداً و قفلت في وشها . و هي اعدت تتصل و انا مبردش و في الاخر بعتتلي مسج : خلاص انا مش هستنا عطفك عليا عشان ترد عليا انت خلاص انانيتك خلتك تفكر في نفسك و بس و غبائك ده خلاني كرهت نفسي و اعتبر ان موبيلي فصل شحن . بعدها بساعة كلمتها مردتش عليا .
تابع نجوم مصرية على أخبار جوجل





طبعا انا كل ده بحكي في موقف واحد بس مع العلم ان الموقف ده بيتكرر اسبوعياً

ياريت تقولولي اتعامل معاها ازاي هي عندها حب تملك و سيطرة و فيها شوية انانية و شك رهيب و اي حاجه هي بتعملها انا بعديهالها و لو انا عملت زيها عمرها ما بتعديها .

و محدش يقولي سيبها عشان ده حل مرفوض

معلش لو كنت طولت عليكم بس انا مش لاقي حد يساعدني .






المقال "قولولي اتعامل معاها ازاي بأة و النبي ؟ ؟" نشر بواسطة: بتاريخ:
Dr! Ahmed
تم تعديل الموضوع

هل تريد حذفة

ام ماذا ؟؟
hazem_messi
ههههههههههههههه سوال واحد واقولك رايى واعتبرة مش مساعدة قول وجة نظر

هوا انتوا مقضينها تليفونات............. يعنى مبتقعدوش مع بعض مبتتكلموش وش لوش

لو كدة يبقى مش حب دة لعب عيال

بص يصاحبى فى البداية لازمز يكون الحب مبنى على الاحترام ولازم تكون بتحترمك وبتقدرك
وبتثق فيك ركز على الثقة لانها لازم تكون بتثق فيك ثقة تامة والا الحكاية زى قلتها

وفى حتة حلوة مش معنا انكوا بتتخانقوا على طول انكوا متنفعوش

بس علشان هيا اكبر منك فهيكون عقلها اكبر منك اكيد فى التفكير وكل حاجة (دة مع العلم انكوا لو فى سن بعض بتبقى سبقاك طبيعى بسنتين)
يعنى كدة اكبر منك بخمسة مش 3

حاول تكلمها وتقولها انك الرجل ولازم تحترمك وتسمع الكلام والا كل واحد يشوف حالة

وهيا لو بتحبك بجد هتسمع كلامك ......... لان الى بيحب بجد بيبقا عندوا استعداد يتنازل ويضحى
فاذا كانت كدة يبقى لعب مش حب

غير كدة يابن الناس ........... مع احترامى الشديد تستاهل الى يجرالك

دموع تبتسم
بص يا صحبى مفيش فرق بين السن
كمان انت عديت سن النضج يعنى انت وهى تفكيركم واحد مفيش حد عقله اكبر من حد

نيجي بقى للكلام الكبير
بص يا صحبى بالنسبه لطلب الباسورد والحاجات دى
انا شايف لو فى ثقة يبقى مش شرط الخصوصية
لان الثقة هتدخل الشك ما بينكم دى حاجه
الانسانه دى عندها حاله تشبع من الحب
بطل تكلمها شوية لأنها زى ما قولنا عايشة حاله تشبع
بلاش تكلمها كل يوم
هتفكر ليه بعدت وهى هتحاول تقرب وتعرف فى ايه اكيد واخده على انك تكلمها وتنكد عليك وتتخانقوا كالعاده
خليها توحشك شوية وخليك توحشها شوية
لما بتدى حبك زياده الطرف التاني بيشبع فبالتالى مالوش لزمة

وبالنسبة للشك الرهيب دى بيبقى مرض جواها
قولها مش المفروض تشكى فيا لازم ثقتك تزيد عن كده

لو هى شايفة حاجه وحشه فيك وانت حاسس بكده
أوعدها إنك تتغير عشان دى أول خطوة لتصليح الموضوع ما بينكم
من نفسها هى كمان هتحاول تتغير
وده اللى هيتوقف على اننا نكمل ولا لاء

كمان متنساش وركز معايا اوى
أنا عملتلها ايه وإديتها ايه وساعدتها قد ايه وحبيتها قد ايه
هو الحب أخذ بس إزاى أكون متسامح
دى قضية أصعب ما يمكن
لازم تفكر إنت عملت ايه قبل ما تحاسب الطرف التانى
شوف ايه اللى انت مقصر فيه وراجع نفسك صح واتغير من جواك
كتير بنعمل وبنستهتر وكتير بنجرح ونزعل والطرف التانى ممكن يعدى وممكن لا
لازم تراجع نفسك بكشف حساب
عاشق ولا معشوق صح ولا غلط

لو عرفنا نحاسب نفسنا ونصلح من عيوبنا ولسه الطرف التانى مقصر
هنا بقى هتبقى فى وقفة كده وهتعرف إنت لازم تخطى بايه
لازم نصلح ولازم ناخد بالنا غير كده
العلاقة محدوده >>>>> الانفصال <<<<<


اسمع محمد محى إتخنقت
MIDOMAS
انت اكيد غبي جداااا
و الافضل انك تترك الفتاه لحال سبيلها
عشان انت بالشكل ده انت هاتقرفها في عيشتها
و ها تسود عيشة اهلها
و لازم تبطل الصوت العالي دة
لان صاحب الصوت العالي هوا الطرف الضعيف مش الطرف القوي
و يا حاج محسن الحب " حنية "
فاهم يعني ايه حنية ؟؟
و لو عايزها تتغير للافضل ابدأ بنفسك
و لو حاسس انها اتغيرت للاسوأ ابحث في داخلك عن العيب الذي دفعها لذلك
و ما ترميش كل اسباب المشاكل عليها هي
شوف نفسك بتغلط في ايه
مرة اخري بلاش الصوت العالي
و اسلوب الاوامر ده هايباعد المسافات بينكم كتير
تقبل تحياتي
عصفورة الشمس
انا ح قولك وجهة نظرى ك بنت ..
بالنسبة انك تطلب منها حاجة ومتردش فهذا شىء طبيعى لانه انت مش خطيبها ولا زوجها علشان تسمع
كلامك وترد عليك.. وكمان لا تنسى نقطة العمر هى اكبر منك فى مثل بيقول اكبر منك بيوم اخبر منك بسنةفطبيعى انها تحس تجاهك انها اذكى منك وهنا حتكون نقطة خلاف بينكم على طول حتى لو ارتبطت بيها
الحب شىء جميل لكن التفاهم اهم من الحب لما ينعدم التفاهم بين شخصين صعب جدا يكملوا مع بعض
حتى لو بيحبوا بعض ..

وكمان ليس لك الحق انك تطلب منها باسوورد او اى شىء من هذا النوع فى الوقت الحالى الا بعد خطوبة
وزواج وقتها مسموح لك تطلب هذا الطلب لانه يمكن تفكر انك بتشك فيها ..
الحل الوحيد انك تتقدم لخطوبتها ومن خلال الخطوبة ح تشوف ازا انت وهى متفاهمين مع بعض او لاء .
%u0643%u064A%u0645%u0648
يعني انتا بكسمك ملقيتش غيرنا تقوله علي النت كده انتا فضحت البت
مصطفى البوبو
انا بحب وهى كمان بتحبنى فمرة وانا بكلمها لقيتها مشيا مع واحد



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طفلي عنيد كيف اتعامل معه
عمرو اديب ينفجر فى حازم ابو اسماعيل " ازاى ماحدش عارف يلمه، قولولى ابن مين فى مصر ده "
كيف اتعامل مع زوجي نصائح هامة

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية