قولنا ميت مليون مرة ماتشات الزمالك الى جايه صعبه جداااااا لكن مافيش فاييده الناس واخدها الغرور وقالوا لا سهله !!
قولنا يا جماعه لازم نلعب بحماس وجديه من اول دقيقه .. مفيش فايده !!
قولنا يا جماعه فيه اخطاء دفاعيه قاتله .. ولا حد سمع والمكسب بيداري على الاخطاء !!
قولنا يا جماااااعه حسين محمدي لعيب شوط واحد فقط والافضل انه يكون بديل وينزل الشوط الثانى بيكون ايجابي جدااا .. ادوهاا طنااش وبردو لما الزمالك يكسب كله بيعدي !!!
قولنا يا جماااعه ما تتريقوش على لعيبه الاهلى دفاعم وحش لكن مش اوحش من دفاعنا .. هجومهم ضعيف لكن اهى ماشيه .. قولنا لعيبه عواجيز وسنهم كبير لكن بيلعبوا بحماس وجديه عكس لعيبتنا الصغيرن !!!
الان تساوت النقاط وعلى الزمالك ان يراجع حساباته و يعيد ترتيب اوراقه وان ياخد بالنصائح السابقه والا ...
والا ف الدوري سيضيع على الزمالك و مبروك الدوري على عواجيز الاهلى ...
لن انكر دور الحكم فى التاثير على نتيجه اللقاء عن طريق عدم احتساب ضربه جزاء واضحه للزمالك وعدم احتساب هدف صحيح لعبد الشافي ولكن مستوى المقاصه لم يكن بالفريق القوى انما الزمالك كان هو الضعيف المستانث وكان يستحق الهزيمه لعدم اللعب باصرار الفوز ...