اعلام وراثة
الشاعر عماد محمد سالم
احنا خدنا ف الدراسة
كل شيء بيروح و ييجي
غير سيادتك و الرياسة
احنا ورثك
مصر ملكك
ليك علينا كل ساعة
نسمعك سمعا وطاعة
ف النوادي و الاذاعة
بالشجاعة بالمجاعة
مصر ملكك
بالوراثة
بالخباثة
بالكياسة
المعارض له رصاصة
و الاكابر بالحراسة
يبقوا قوة
و انت اكبر م الفتوه
داللي خدناه ف الدراسه
كل شيء بيروح و ييجي
غير سيادتك و الرياسة
الموارد بددوها
والمواجع زودوها
والرجوله خصخصوها
والأنوثه عمموها
ف الشوارع
شاب والع
حلم ضايع
بالوراثه
داللى خدناه ف الدراسه
كل شيئ بيروح وييجى
غير سيادتك والرياسه