إيه مالكو؟ هي مزعلاكم عشان عاوزة تعمل أفلام فيها مشاهد سخنة؟
طب انتو متعرفوش اننا لنا دور في نشر الفجورر ده؟ مش احنا اللي بنتفرج على الأفلام والمسلسلات اللي فيها مشاهد حب وغرام؟ لما أهل الفجور بيلاقو سوقهم رايج بيسوؤو فيها، مش احنا اللي عمالين نتفرج على البطل والبطلة في مشاهد القبلات، والبطلة جسمها مكشوف والبطل هاريها أحضان؟ مش ده اللي بيحصل؟ ده حتى في رمضان عمالين نتفرج على المسلسلات.. خلاص نسينا دورنا في الفساد ده؟
احنا بنساعد على نشر الفساد ده، البيوت مفتوح فيها التلفزيونات على الأفلام والأغاني، واحنا فالحين نشتم الفنانين، إيناس الدغيدي عارفة ان احنا عاوزين مشاهد ساخنة، فقبل ما نلومها الواجب نلوم نفسنا الأول، أما اننا نلومها هي واللي زيها وننسى نفسنا فدي تعتبر سلبية مرفوضة.
مبتفكروش ليه في الدرجات العالية عند ربنا؟ ليه منكتبش كلام في القسم ده يكره الناس في الفن بدل ما احنا بنتفرج على الصور ونفتح التلفزيون على الفن ده؟
عاوزين نخلي القسم ده قسم لمحاربة الفن، أسرعوا ولكم الثواب، لازم نكون متطلعين للإصلاح عشان ربنا يحبنا ويعطينا ثوابه العظيم.
انتو متعرفوش يا أعضاء ان ثواب الإصلاح عظيم؟ مالكو مبتفكروش ليه؟