قالى الوداع قلتله قشطه يا مان





*بعد ماعرفوا بعض بأسبوعين......

هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟

*فاتت سنة غرام وهيام وأحلى كلام.........

هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير

*فاتت كمان سنة وهو ولا هنا وهى هتطق من الغيظ......

هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى

*أسبوع...اتنين...تلاته.تليفونه غير متاح...مابيردش ....وأما رد....

هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت

هى: اوك..اشطه يامان...سى يو...باى

الخلاصة

- مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى
يا رب يعجبكم

شكرا ليكي يادينا علي الموضوع الجميل دا
وبالفعل انتي جبتي الخلاصة
اسهل كلمة بتتقال واسهل كلمة بتتنسي
دلوقتي مفيش حب بجد
ولو في عمره ما بيكمل
الكل دلوقتي بيقول مصلحتي اولا
علي الرغم من ان فيه ناس بتحب بجد
بس زى ما قولت مش بيكمل
شكرا كمان مرة علي الموضوع الجميل
والاسلوب الرائع دا

لا موضوع حلو
جميله اوي انك قدمتي موضوع مهم جدا في صوره لذيذه
فعلا دلوقتي كلمة بحبك كانها عاديه ولا ليها قيمه
ناس قليله اوي الي بيفهمو قمتها
بس تعرفي ليه بقت ملهاش قيمه
عشان الشباب هما الي رخصوها
كان زمان البنت عمرها ما تحب من ورا اهلها خالص واول ما تسمع كلمة حب من حببها كانت تسمعها والدبل في ايديهم بيبقي ليها طعمة تاني
وبيبقي احساس حلو
دلوقتي لا كلو بيقولها لكلو ويقضي وقتو مفيش حد بقي جد كل واحد بيتسلي والعيب في البنات والشباب
الي بيخلو كل حاجه سهله وملهاش قيمه واتنزلو عن المباديء
يلا ربنا يهدي ولو كل بنت بجد مقبلتش تحب من ورا اهلا عمر ما هيحصل فيها كده

موضوع جميل اوى

وفعلا مفيش حب بجد الوقتى


ميرسي علي التوبيك

جااااااااااااااااااااااااااااااااااااااااااااااااا اامد

ههههههههههههههه

فعلا عندك حقك طبعا بقت اسهل كلمه تتقال بين اى واحد وواحده

مابنى على باطل فهو باطل

الحب الصادق فى الحلال (الزوناج) ولا الا اذا كان هناك توافق

شكرا ليكي يادينا علي الموضوع الجميل دا
وبالفعل انتي جبتي الخلاصة
اسهل كلمة بتتقال واسهل كلمة بتتنسي
دلوقتي مفيش حب بجد
ولو في عمره ما بيكمل
الكل دلوقتي بيقول مصلحتي اولا
علي الرغم من ان فيه ناس بتحب بجد
بس زى ما قولت مش بيكمل
شكرا كمان مرة علي الموضوع الجميل
والاسلوب الرائع دا

لا هو في حب بس لازم يكون ربنا موجود ف تعاملتهم
وميرسي لمرورك يا احمد نورتنى

لا موضوع حلو
جميله اوي انك قدمتي موضوع مهم جدا في صوره لذيذه
فعلا دلوقتي كلمة بحبك كانها عاديه ولا ليها قيمه
ناس قليله اوي الي بيفهمو قمتها
بس تعرفي ليه بقت ملهاش قيمه
عشان الشباب هما الي رخصوها
كان زمان البنت عمرها ما تحب من ورا اهلها خالص واول ما تسمع كلمة حب من حببها كانت تسمعها والدبل في ايديهم بيبقي ليها طعمة تاني
وبيبقي احساس حلو
دلوقتي لا كلو بيقولها لكلو ويقضي وقتو مفيش حد بقي جد كل واحد بيتسلي والعيب في البنات والشباب
الي بيخلو كل حاجه سهله وملهاش قيمه واتنزلو عن المباديء
يلا ربنا يهدي ولو كل بنت بجد مقبلتش تحب من ورا اهلا عمر ما هيحصل فيها كده

يسلموووووووووو ع ردك يا قمر

موضوع جميل اوى

وفعلا مفيش حب بجد الوقتى


ميرسي علي التوبيك

لا في بلاش التشائم دا
نورتى يا قمر

جااااااااااااااااااااااااااااااااااااااااااااااااا اامد

ميرسي لمرورك

ههههههههههههههه

فعلا عندك حقك طبعا بقت اسهل كلمه تتقال بين اى واحد وواحده

مابنى على باطل فهو باطل

الحب الصادق فى الحلال (الزوناج) ولا الا اذا كان هناك توافق

طبعااااااااا معاك
يسلمووووو للمرور