بعد خروج منتخب مصر من تصفيات كاس أفريقيا اثر تعادله مع منتخب جنوب افريقيا تعادل سلبى بدون اهداف قدم حسن شحاته المدير الفنى للفريق والجهاز المعاون له استقالتهم ظهر اليوم من تدريب الفريق ...

وكان شحاته قد اجتمع اليوم مع سمير زاهر رئيس اتحاد الكرة ليبحثوا مصير المنتخب بعد خروجه من تصفيات كأس افريقيا امس الاحد فى مباراته مع جنوب افريقيا باستاد الكلية الحربية ... وقد انتهى الاجتماع بالتفاق بين الطرفين على استقالة حسن شحاته وجهازه الفنى بالكامل والتنازل عن الشرط الجزائى لأن الاستقالة جائت بالتراضى بين الطرفين ... وبهذا ننتظر اعلان مدير فنى جديد لمنتخب مصر بعد مشوار قطعة حسن شحاته معه وحقق به عدة بطولات لا ينساها احد .

يااااااااه أخيرا مع ألف سلامة وموش حلال عليكم الملايين ال اخدوتها من الضرائب ال دفعنها

يااااااااه أخيرا مع ألف سلامة وموش حلال عليكم الملايين ال اخدوتها من الضرائب ال دفعنها

شكرا لمرورك وده رايك ولازم نحترمه

لكن أظنه أفضل مدرب مصري لحد الساعة

يا راجل فى ستين داهية هو واللى معاه
طول عمرى بقول علية حمار وماشية معاه كدا وخلاص هو احنا اصلا عندنا كورة

بالسلامه
اي لاعيب بلايستيشن يمسك هيبقى احسن منه

عمل كتير غيرة يكمل

المشكلة مش مشكلة مدرب المشكلة في الاتحاد

ارى فى الردود سمات نكران الجميل وهذا لم ولن يكن سمة الشعب المصرى فشكرا لحسن شحاته ونريد الأفضل من البطل المصرى القادم

الباب اللى يودى يا معلم

بس اللى صعبان عليا ان المنتخب بلا مدرب بس عندى اقتراح ان المجلس العسكرى يمسكة فترة انتقالية هو وشرف لعل وعسى اللعيبة تسترجل شوية وتلعب زى الناس

حسن شحاته اسعد جماهير مصر من 2006 لغايه 2010 يستحق كل شكر والتقدير
هو كان غير موفق فى التضفيات دى على اطلاق والاعبين برضو ماتعرفش كان مالهم
احنا لسه هنلعب فى يناير تصفيا 2013 يعنى عدنا وقت شويه نفكر ونجيب مدرب يكون على مستوى عالى يقدر يعمل حاجه مع المنتخب الفتره الجايه دى