بجد اتخنقت و قرفت من حوارات التلفزيون و الاتحاد و الاندية و قاعدين على
طبلية المفاوضات عشرميت سنة علشان ايه الدورى المصرى.
يا فرحتى دول محسسنى اننا بنتفرج على ميسي و كريستيانو و رونى و توريس
دحنا مفيش اسبوع بيعدي من الدورى الا وفيه كزا مصيبة اذا كان من الحكام
ولا لاعب ضرب لاعب تانى ولا جمهور فجر الاستاد و لا يطلع شوبير و شلبي
و الغندور كا واحد يلقح كلام على التانى و خلاص و كله هيموت على الحسنة
اللى هياخدها من القناة بتاعته وفى الاخر طلع القرار الحلزونى ان الاتحاد يرفض
عرض التلفزيون اللى كان ب 70 مليون و محدش فاهم ايتها حاجة و الدنيا ماشية
هليهلي كدة و مفيش اى حاجة مترتبة ولا معمولها حساب من بدري.
والله ما فى اجمد من الوصلة والواحد قاعد ادامها بيتفرج على الدورى الانجليزي
وحلاوته و لسة الاسبانى و الايطالى و ابقى سلملى على البث التلفزيونى