بسم الله الرحمن الرحيم
وبه نستعين
فى البداية اخوانى اخواتى
أعضاء منتدانا الفاضل
حبيت أناقش قضيه مهمه
أو مشكله بمعنى أصح موجوده فى حياتنا بس محدش بيلتفت ليها

هذه المشكله مشكله خاصة وحدثت لزميله غاليه عليا من حوالى سنتين

كانت هذه الفتاه مخطوبه وفى هذا اليوم كانت تستعد للخروج مع خطيبها
واذا بوالدها يطلب منها ان تشترى له شيئا ما
فنزلت الفتاه مسرعه لانها تريد ان تشترى ماطلبه والدها بسرعه لتستعد للقاء حبيبها
وفى هذا الوقت قام خطيبها بالاتصال بها
فاخبرته بانها سارعت فى مجىء طلب لوالدها وتنتظر مقابلته
وبينما هى منهمكه فى الكلام مع خطيبها
وبتعدى الطريق
وفجأه قامت سياره بصدمها
وهنا على الفور قام أصحاب القلوب الرحيمه بنقلها الى المستشفى
واذا بالفتاه تصرخ من الألم
وكان أول رقم على هاتفها هو رقمى
فقام أحد مسئولى المستشفى بالاتصال بى
فذهبت على الفور
وهنا كانت الكارثه عندما أخبرنى أحد الأطباء بأنها تعانى من نزيف بالرحم
فقمت على الفور بالاتصال بوالدها
فجاءت جميع العائله الكريمة وكذلك خطيبها وأهله
وكلنا منتظرين الطبيب وماذا فعل فى غرفه العمليات
واذا بالطبيب ظهر وقال لنا للأسف قمنا باستئصال الرحم من أجل أن تعيش هذه الفتاه المسكينه



ولكن كيف لها ان تعيش؟؟؟؟؟؟؟

نفسيتها تعبت جدا
خطيبها وده اللى محدش يصدقه تركها عندما علم انه لا أمل لانجاب أطفال بعد الزواج
وكذلك بعد الحاح من والدته

*يعنى هى الدنيا خلصت ياابنى عشان تتجوز واحده مابتخلفش

واذا بهذه الفتاه المسكينه ترفض العيش
حاولت الانتحار اكثر من مره
وبفضل الله كنت انا معها وحاولت تهدئتها وتذكيرها بالمولى عز وجل وحكمته فى كل شىء

وطلبت منها ان تذهب الى طبيب نفسى
وبدأت رحله العلاج التى دامت لفتره عام ونصف
حتى اصبحت الفتاه تعيش حياه هادئه ورضيت بقضاء الله سبحانه وتعالى

ولكن المشكله هنا ياجماعه ان اللى بيتقدموا لخطبه هذه الفتاه كثيرين
وذلك لجمالها وأخلاقها
ولكنها كفتاه ترفض مبدا الكذب فتقوم بجعل والدها يخبر المتقد لها بظروفها
فاذا بمعظم الذين تقدموا لها يقومون بالانسحاب

وهنا سؤال يطرح نفسه,,,,,,,,,,,,,,,,,,,,

هل لو انت حبيبت فتاه بجد وعرفت ان حصلتلها الظروف دى وانها مش هتنجب ابدا
هل ستتركها تعانى؟
ام ستتزوجها؟

وياريت جميع الاعضاء اللى هيدخلوا ويجاوبوا
يقولوا اللى هم نفسهم هيعملوه والقرار اللى هيتخذوه
مش عاوزه ردود دبلوماسيه ولاتزويق فى الكلام
كل اللى بطلبه فقط الصراحه
واحنا بنحترم جميع الاراء
وشكرا,,,,,,,,,,,,,

موضوع مهم جدا ياريري
بجد انا اعرف قرابتي حصلها نفس الكلام بس
بعد ما تزوجت عرفت انها مش هتخلف والشيء بقي الجميل ان زوجها
قبل الوضع رغم ان صرف ملايين عليها عشان تعمل عمليات وكده لكن ربنا مقرضش
وهي بنفسها قالتلو اتجوز وهو رافض تمام الفكره رغم ان ممته وبباه واهله بيلحو عليه يتجوز وهو قال محدش ليه دعوه بيا انا مش عايز اطفال كفايه ان متجوز احسن ست في العالم


بجد يا ريري انا لو حصلي الموقف ده يعني لقدر الله جوزي هو الي طلع ربنا مش رايد ليه انو يبقي اب
والله مش بكدب هفضل معاه العمر كله ومش مهم الاطفال كفايه ان اكون مع واحد محترم ومتدين وبيحبني ومستعد يعمل اي حاجه عشاني
بجد انا بخاطب الناس الي قلوبها مفيهاش رحمه
وزي خطيب قربتك ده سوري متزعليش انا بوصفه بالندل
لانه بجد لو كان بيحبها كان عمرو ما هيسبها ابدا كان يتخيل ان هو الي مش هيخلف كان سعتها هيتمسك بيها ويرضي بقضاء ربنا
لكن للاسف محدش بقي في قلبه اى رحمه وكلو عايز مصلحته مش مهم يجرح القلوب المهم ميتجرحش

اولا ربنا يخفف عنها ويعوضها خير عما فقدته
وربنا كريم وإن شاء الله ربنا حيرضيها ربنا عادل واحن علينا من نفسنا
ودي حكمته عز وجل واللي حصلها ده لحكمه لا يعلمها الا هو

اطمني يا رانيا مش حزوق كلام واقول شعارات

انا كتير فكرت قبل كده وجاء في بالي اني مثلا لو اتجوزت ومراتي مبتخلفش ده هيكون عائق بالنسبة لاستمرارنا مع بعض
لو حصلها حاجة وفقدت اي جزء من جسمها حتخلى عنها
والله الذي لا إله الا هو فكرت في كده وملقتنيش بجاوب غير اني إن شاء الله حكون معاها وربنا يعوضني خير
اصلي نحسبها بالعقل كده
مين فينا ضامن انه ربنا حيرزقه بالبنين والبنات عندي زميلي ومراته الاتنين زي الفل التحايل تمام وكل حاجة عشرة على عشرة بس فين ارادة المولي ( مش مكتوبلهم دلوقتي ) وربنا يكرمهم يا رب
مين فينا ضامن الصحة الواحد في لحظة بتنقل من الاصحاء الي المرضى

بس تفكير البشر القاصر

هي الصعوبة في الموضوع انه قبل الارتباط بس بجد لو حصل اكيد حرتبط بيها المهم يحصل القبول والتفاهم

انا مش انسان مثالي بقول بوقين كده على المنتديات ومستني الناس تصفق انا فيه حاجات برضة تقدر تقول عليها تفكير عادي وزي ما بتفكر الناس
يعني انا مثلا لا يمكن ارتبط بمطلقة في الوقت الحاضر حتى لو فيها ميزات الدنيا كلها
تفكيري كده وحتلاقيني كاتب الكلام ده في موضوع مقال اعجبني بكر ام ثيب

بس كده كفاية

اولا شكرا ليكي علي الموضوع
بجد مهم جدا يارانيا والله
ثانيا
انا عن نفسي لو اتقدمت لواحدة وحبيتا بجد
وحصلها نفس اللي حصل لصاحبتك
انا مش هبعد ابدا هرضي طبعا بقضاء ربنا
حتي لو كان فيه الحاح من الدنيا كلها
مادام انا بحبها يبقي خلاص مفيش اي مشاكل من الناحية دي
حتي لو كل الناس وقفت قدامي
ودي ميزة فيا بجد علي فكرة هي اني بعمل اللي انا عاوزة مش اللي عاوزاة الناس او اي حد
بس بجد اللي بيعمل كدا يبقي مش بني ادم
او بمعني اصح انه مش بيحبها او بيختارلها لسبب تاني خالص
شكرا كمان مرة يارانيا علي الموضوع المهم دا

موضوع صعب وفى غايه الالم

واذا بهذه الفتاه المسكينه ترفض العيش
حاولت الانتحار اكثر من مره
وبفضل الله كنت انا معها وحاولت تهدئتها وتذكيرها بالمولى عز وجل وحكمته فى كل شىء

ده مرفوض تماما لازم الايمان بربها والصبر

اما بالنسبه للجواز اكيد كل شاب نفسه يبقا اب وليه اسره
بس ده مش زنبها ولا بيدها بس ممكن الى يتجوزها يتجوز عليها هل هيا هتقبل تعيش فى هذا الوضع؟؟؟
ممكن يا ريرى تردى هل هيا تقبل ان تعيش زوجه تانيه وهل انتى لو مكانها بعد الشر عليكى طبعا
كيف تتقبلى الوضع تتزوجى وتعيشى مع زوجه اخرى ام ماذا تفعلى ؟؟؟؟؟

قصه مؤلمه فعلا ربنا يصبرها

بجد قصه مؤثره جدا ربنا يصبرها ويعوضها بالخير


طبعا لو فى انسان بيحبها مش هيتخلى عنها ابدا


وصعب انها تقبل تكون زوجه تانيه

طب ماممكن يحصل العكس والراجل اللي مش بيخلف

انا عن نفسي لو بحبه عمرى ماهتخلى عنه ابدا


بجد موضوع مهم وكويس انك فتحتيه للنقاش

بجد موضوع جميل ياريرى وحاجه بجد ربنا يصبرها يارب ويعوضها خير وانشاء الله ربنا هيوفقها
بس المفروض مش يتخلى عنها خطيبها فى الوقت دا دا لو كان بيحيها فعلا

بجد يا رانيا كلام مؤثر اوووووووووووووووووي


بجد انا لو اتجوزت واحده وطلعت ما بتخلفش عمري ما هفكر اسيبها ابدا

وهارضي باللي ربنا كتبوا لينا

لا ن دي حاجة بتاعت ربنا سبحانه وتعالي

انا لو راجل هقبل الزواج بها لان هو ممكن يتزوجها وبعد ما يتزوجها يحصل الكلام ده وتفقد الرحم وقوم وقتها هو هيقدر يسبها دا قدر ومكتوب ويقول الحمد لله وبعدين في الاول ولاخر هو انسان حر وفي الاخر قل ما يصينا الا ما كتب الله لنا وشكرا يا جميل لموضوعك

انا عن نفسي لو كنت لحلها لجداكيد مش هتخلي عنها وهتجوزها وبالنسبة للاطفال ممكن نتبني طفل او اتنين ويبقي الثواب لينا احنا الاتنين

انا عن نفسي والله ماهتنازل عنها

ومش هيهمني كلام اي حد من اهلي

لاني هبقا عارف اني هعيش سعيد معاها

بجد دا رايي ومن جوا قلبي

موضوع مهم جدا ياريري
بجد انا اعرف قرابتي حصلها نفس الكلام بس
بعد ما تزوجت عرفت انها مش هتخلف والشيء بقي الجميل ان زوجها
قبل الوضع رغم ان صرف ملايين عليها عشان تعمل عمليات وكده لكن ربنا مقرضش
وهي بنفسها قالتلو اتجوز وهو رافض تمام الفكره رغم ان ممته وبباه واهله بيلحو عليه يتجوز وهو قال محدش ليه دعوه بيا انا مش عايز اطفال كفايه ان متجوز احسن ست في العالم


بجد يا ريري انا لو حصلي الموقف ده يعني لقدر الله جوزي هو الي طلع ربنا مش رايد ليه انو يبقي اب
والله مش بكدب هفضل معاه العمر كله ومش مهم الاطفال كفايه ان اكون مع واحد محترم ومتدين وبيحبني ومستعد يعمل اي حاجه عشاني
بجد انا بخاطب الناس الي قلوبها مفيهاش رحمه
وزي خطيب قربتك ده سوري متزعليش انا بوصفه بالندل
لانه بجد لو كان بيحبها كان عمرو ما هيسبها ابدا كان يتخيل ان هو الي مش هيخلف كان سعتها هيتمسك بيها ويرضي بقضاء ربنا
لكن للاسف محدش بقي في قلبه اى رحمه وكلو عايز مصلحته مش مهم يجرح القلوب المهم ميتجرحش

شكرا ليكى بجد ياغاده على رأيك
ربنا يكرمك ويبعد عنك كل شر
وجزاكى الله كل خير

هو انافعلا شايفاه ندل اوى
واللى هيجننى انه كان بيموت فيها
بس اول ماحصلها اللى حصل
سمع لكلام والدته
وعندك حق المصلحه بقت الاهم فى كل حاجه
مع انه لوحس ان ممكن الموقف ده يحصل مع اخته فى يوم من الايام
كان هيغير رأيه وتفكيره
ومكانش يتخلى عنها
بس عارفه اناقلتلها ايه؟
قلتلها انتى الكسبانه وهو الخسران
انتى الكسبانه لانك ابتعدتى عن شخص لايستطيع تحمل اى مسئوليه
وبياخد قراراته المصيريه من والدته واصدقائه

اولا ربنا يخفف عنها ويعوضها خير عما فقدته
وربنا كريم وإن شاء الله ربنا حيرضيها ربنا عادل واحن علينا من نفسنا
ودي حكمته عز وجل واللي حصلها ده لحكمه لا يعلمها الا هو

ااااامين يامحمد
وطبعا دى حكمه من ربنا
عارف انافرحتلها والله مع انى زعلانه على اللى حصلها
بس فى نفس الوقت سعيده انه بان على حقيقته
وانه طلع شخص لايستطيع تحمل أدنى مسئوليه
ويتخذ قرارته بناء على طلب والدته واصدقائه

اطمني يا رانيا مش حزوق كلام واقول شعارات

وهو ده اللى اناعاوزاه
مع انى متأكده من رأيك من قبل ماتكتب رد

انا كتير فكرت قبل كده وجاء في بالي اني مثلا لو اتجوزت ومراتي مبتخلفش ده هيكون عائق بالنسبة لاستمرارنا مع بعض
لو حصلها حاجة وفقدت اي جزء من جسمها حتخلى عنها
والله الذي لا إله الا هو فكرت في كده وملقتنيش بجاوب غير اني إن شاء الله حكون معاها وربنا يعوضني خير

ياسلام عليك
اناكنت عاوزه كده
قبل ردك تضع نفسك فى هذا الموقف
وانت كده عيشت نفسك فى الموقف
وحاسه كلامك طالع من القلب

اصلي نحسبها بالعقل كده
مين فينا ضامن انه ربنا حيرزقه بالبنين والبنات عندي زميلي ومراته الاتنين زي الفل التحايل تمام وكل حاجة عشرة على عشرة بس فين ارادة المولي ( مش مكتوبلهم دلوقتي ) وربنا يكرمهم يا رب
مين فينا ضامن الصحة الواحد في لحظة بتنقل من الاصحاء الي المرضى

بس تفكير البشر القاصر

هي الصعوبة في الموضوع انه قبل الارتباط بس بجد لو حصل اكيد حرتبط بيها المهم يحصل القبول والتفاهم

لا أجد مااقوله لك سوى ربنا يكرمك

انا مش انسان مثالي بقول بوقين كده على المنتديات ومستني الناس تصفق انا فيه حاجات برضة تقدر تقول عليها تفكير عادي وزي ما بتفكر الناس
يعني انا مثلا لا يمكن ارتبط بمطلقة في الوقت الحاضر حتى لو فيها ميزات الدنيا كلها
تفكيري كده وحتلاقيني كاتب الكلام ده في موضوع مقال اعجبني بكر ام ثيب

انافعلا قرأت المقاله وقرأت ردك
ودى احسن حاجه فيك
انك صريح
مش مع الناس
لكن الاهم صراحتك مع نفسك
وطبعا كل واحد حر
واكيد رأيك تمام
ومحدش قال انك بتزوق كلام عشان تكسب احترام الناس فى منتدى
محدش هنا شايفك ولاعارفك
بس كلنا عارفين انك حد محترم مثقف وطيب
او بمعنى اصح شخص مثالى
ولاداعى لقولك انك عاوز الناس تصفقلك
لان الناس مش هتصفقلك بس
اناواحده من الناس بسعد بردودك وبستفيد منها وبنحنى احتراما لفكرك المستنير

بس كده كفاية

شكرا لمرورك اللى منور مواضيعى دايما

فى الاول بس احب اقول ان بجد الموضوع حزين جدااااااااااااااااااا

بس اللى بيحب يا محمد عمره مايفكره يسيب اللى بيحبها علشان الظروف الحب بيقونا مش يضعفنا وكمان ده حكمة ربنا وربنا يسامح خطيبها ده علشان معندوش رحمة قبل ما حد يفكر فى الموضوع ياجماعة يحط اخته او قرابته فى نفس الوضع والمفروض ده قدر من ربنا ونصيب انها متكونش قدرة على الانجاب واكيد لحكمة يعلمها ربنا لوحده وربنا يارب يسعدها ويوعدها بجد بالانسان اللى يستحقها بجد


وكمان يا جماعة فى الحل اللى الحالات دى احنا لو دورنا حولنا هنلقى اولاد كتير كتير اتحرموا من الاباب والامهات ممكن نكمل بالامهات التى لا تقد ر على الانجاب انها بتربيه طفل يتيم محرمة من حنان الام والاب وايكون لها كابنها تمااااااااااام غير الاجر اللى عند ربنا


بجد انا زعلانة عليها جدااااااااااااااااااوبحق شهر رمضان ان ربنا مايقدرش لحد ابعد كده ويبعد عننا كل الامراضالمسلمين جميعاااااااااااااااااااااااااااااااااااااااااااااا ااااااااااااااااااااااا

اولا شكرا ليكي علي الموضوع
بجد مهم جدا يارانيا والله
ثانيا
انا عن نفسي لو اتقدمت لواحدة وحبيتا بجد
وحصلها نفس اللي حصل لصاحبتك
انا مش هبعد ابدا هرضي طبعا بقضاء ربنا
حتي لو كان فيه الحاح من الدنيا كلها
مادام انا بحبها يبقي خلاص مفيش اي مشاكل من الناحية دي
حتي لو كل الناس وقفت قدامي
ودي ميزة فيا بجد علي فكرة هي اني بعمل اللي انا عاوزة مش اللي عاوزاة الناس او اي حد
بس بجد اللي بيعمل كدا يبقي مش بني ادم
او بمعني اصح انه مش بيحبها او بيختارلها لسبب تاني خالص
شكرا كمان مرة يارانيا علي الموضوع المهم دا

اولا احب اشكرك على صراحتك وعلى موقفك الرجولى يااحمد
ثانيا معظمنا هنا بالمنتدى عارفين انك شخصيه قويه ولمابتعوز تعمل حاجه بتعملها
يبقى انت اكيد كده فى حياتك
وهو فعلا مش بنى ادم على رأيك
ربنا يكرمك
ونورتنى مره تانيه

بجد يا ريررررررررررررررررررررررررررررررى انتى جامدة مووووووووووووت فى كل حاجة

موضوع صعب وفى غايه الالم

واذا بهذه الفتاه المسكينه ترفض العيش
حاولت الانتحار اكثر من مره
وبفضل الله كنت انا معها وحاولت تهدئتها وتذكيرها بالمولى عز وجل وحكمته فى كل شىء

ده مرفوض تماما لازم الايمان بربها والصبر

عارفه والله يااحمد
بس ساعات الانسان بيضعف جدا وبيبقى فاقد الامل فى الحياه
هى اتصدمت صدمتين
اللى حصلها وكمان خطيبها اللى بتحبه اللى افتكرت انه هيقدر يعوضها قام سابها
انامش بدافع عنها وعن موضوع الانتحار
انابس بوضحلك الأزمه اللى هى مره بيها
ولكن انااكيد عارفه ان ده غلط وقبل مايكون غلط فهو حرام
واللى ينتحر بيموت كافر بالله

اما بالنسبه للجواز اكيد كل شاب نفسه يبقا اب وليه اسره
بس ده مش زنبها ولا بيدها بس ممكن الى يتجوزها يتجوز عليها هل هيا هتقبل تعيش فى هذا الوضع؟؟؟
ممكن يا ريرى تردى هل هيا تقبل ان تعيش زوجه تانيه وهل انتى لو مكانها بعد الشر عليكى طبعا
كيف تتقبلى الوضع تتزوجى وتعيشى مع زوجه اخرى ام ماذا تفعلى ؟؟؟؟؟

طيب وهو ليه يتجوز عليها يااحمد؟
مادام مستريح معاها وفاهمين بعض
ماهو ياابيض يااسود
يااما يختار يتجوزها وهو مقتنع
يااما يتجوز غيرها
مش يروح يتجوزها مثلا شفقه
وبعدين يتجوز واحده تانيه عشان تجيبله اطفال
كده يبقى هو ظلم الاتنين
ظلم الاولى لما فكر يشفق عليها
وظلم التانيه لما اتجوزها بس عشان تخلفله عيال وخلاص

واكيد مفيش واحده تحب جوزها يتجوز عليها
صدقنى حتى لو هى اللى طلبت منه كده
بتبقى جواها نار بتحرقها وتموتها ألف مره
وده رأيى اناشخصيا
واكيد صاحبتى دى رأيها كده برضه

شكرا ليك يااحمد
وكده وجهه نظرتك وضحت

قصه مؤلمه فعلا ربنا يصبرها

ربنا يصبرنا جميعا وشكرا ليك

بجد قصه مؤثره جدا ربنا يصبرها ويعوضها بالخير


طبعا لو فى انسان بيحبها مش هيتخلى عنها ابدا


وصعب انها تقبل تكون زوجه تانيه

طب ماممكن يحصل العكس والراجل اللي مش بيخلف

انا عن نفسي لو بحبه عمرى ماهتخلى عنه ابدا


بجد موضوع مهم وكويس انك فتحتيه للنقاش

منورانى ياهمسات بردودك الرقيقه
وكده انتى رديتى على احمد
صحيح يااحمد لو السبب فى الراجل
هل هو هيقبل انها تتخلى عنه ولاهى بس اللى دايما يجرح بيكون الراجل؟

بجد موضوع جميل ياريرى وحاجه بجد ربنا يصبرها يارب ويعوضها خير وانشاء الله ربنا هيوفقها
بس المفروض مش يتخلى عنها خطيبها فى الوقت دا دا لو كان بيحيها فعلا

منورانى ياسويتى بعد غياب طوييييييل

ان شاء الله ربنا هيوفقها لانها محترمه واخلاق
واكيد نصيبها لسه ماجاش
هو اصلا اثبتلى انه كان بيتسلى
مش بيحب بجد
وانه شخص مراهق

بجد يا رانيا كلام مؤثر اوووووووووووووووووي


بجد انا لو اتجوزت واحده وطلعت ما بتخلفش عمري ما هفكر اسيبها ابدا

وهارضي باللي ربنا كتبوا لينا

لا ن دي حاجة بتاعت ربنا سبحانه وتعالي

شكرا ليك على صراحتك يامحمد
ونورتنى ياطيب القلب

انا لو راجل هقبل الزواج بها لان هو ممكن يتزوجها وبعد ما يتزوجها يحصل الكلام ده وتفقد الرحم وقوم وقتها هو هيقدر يسبها دا قدر ومكتوب ويقول الحمد لله وبعدين في الاول ولاخر هو انسان حر وفي الاخر قل ما يصينا الا ما كتب الله لنا وشكرا يا جميل لموضوعك

ياسلام عليكى
شكرا لردك يااريج
نورتينى بجد
وحقل
قل لن يصيبنا الا ماكتب الله لنا

انا عن نفسي لو كنت لحلها لجداكيد مش هتخلي عنها وهتجوزها وبالنسبة للاطفال ممكن نتبني طفل او اتنين ويبقي الثواب لينا احنا الاتنين

ربنا يكرمك يامحمد يارب
وجزاك الله كل خير

انا عن نفسي والله ماهتنازل عنها

ومش هيهمني كلام اي حد من اهلي

لاني هبقا عارف اني هعيش سعيد معاها

بجد دا رايي ومن جوا قلبي

اشكرك على صراحتك
وربنا يكرمك
نورتنى بجد

فى الاول بس احب اقول ان بجد الموضوع حزين جدااااااااااااااااااا

معلش ياتاتا
غصب عنى
حبيت اطرح قصتها واشوف رأيكوا

بس اللى بيحب يا محمد عمره مايفكره يسيب اللى بيحبها علشان الظروف الحب بيقونا مش يضعفنا وكمان ده حكمة ربنا وربنا يسامح خطيبها ده علشان معندوش رحمة قبل ما حد يفكر فى الموضوع ياجماعة يحط اخته او قرابته فى نفس الوضع والمفروض ده قدر من ربنا ونصيب انها متكونش قدرة على الانجاب واكيد لحكمة يعلمها ربنا لوحده وربنا يارب يسعدها ويوعدها بجد بالانسان اللى يستحقها بجد

طبعا اللى بيحب بجد عمره مايسيب حبيبتها مهما كانت الظروف
وكمان اللى حصل ده مش بايدها
ده حكمه من ربنا

وكمان يا جماعة فى الحل اللى الحالات دى احنا لو دورنا حولنا هنلقى اولاد كتير كتير اتحرموا من الاباب والامهات ممكن نكمل بالامهات التى لا تقد ر على الانجاب انها بتربيه طفل يتيم محرمة من حنان الام والاب وايكون لها كابنها تمااااااااااام غير الاجر اللى عند ربنا

ربنا يكرمك ياتاتا على كلامك الجميل ده
بس فين الناس اللى بتسمع وتفهم

بجد انا زعلانة عليها جدااااااااااااااااااوبحق شهر رمضان ان ربنا مايقدرش لحد ابعد كده ويبعد عننا كل الامراضالمسلمين جميعاااااااااااااااااااااااااااااااااااااااااااااا ااااااااااااااااااااااا

ااامين يارب العالمين

بجد يا ريررررررررررررررررررررررررررررررى انتى جامدة مووووووووووووت فى كل حاجة

يانهار أبيض
ربنا يكرمك ياحبيبتى
والله ده بس من زوقك
وعشان انتى جميله وروحك حلوه بتشوفى كل الناس حلوه
ياريت متغيبيش علينا تانى عشان بتوحشينا

ربنا يصبرنا جميعا وشكرا ليك

نا حبيت افهم وجهت نظرك لو كان ده حصل
بس
وانا بالنسبه للموضوع وردى عليه هو
ان ربنا الى عاوز كده يعنى حاجه مش بيدها
واكيد هيجى الوقت الى ربنا بردو وربنا هيسهلها
وهتلاقى الشخص المناسب واكيد هتون مبسوطه
تحيتى ليكى ريرى

بصي

رانيا


مفيش في الدنيا دي ملاك نهائي

كلهم بيقول ان فين مصلحتي يعني محدش بيفكر في


الحب نهائي ومحدش يعرف معاني الحب الحقيقي نهائي


بس انا عن نفسي لو حبيت انسانه وهي مش بتماشي

عجزة نهائي بردك لزم تكون معايا



وربنا يكون في عون كل انسانه في هموما

وربنا يرزقها بي ابن الحلال لي يكون ابن حلال صح


وتقبلي مروري

شكرا على تعقيبك على ردي

الجزء ده من تعقيبك
وطبعا دى حكمه من ربنا
عارف انافرحتلها والله مع انى زعلانه على اللى حصلها
بس فى نفس الوقت سعيده انه بان على حقيقته
وانه طلع شخص لايستطيع تحمل أدنى مسئوليه
ويتخذ قرارته بناء على طلب والدته واصدقائه

بالظبط كده قد يكون ده ابسط جزء مما يننظرها من الخير انا محبتش الخص حمة ربنا في الجزء ده
علشان احنا مهما كان نظرتنا قاصره يمكن الجميع اول حاجة حتيجي في باله الجزء ده
وجاء في بالي كده بس فعلا قد يكون الخير اللي جاي او محفوظ لها في يوم الحشر بسبب هذا الابتلاء اعمق

دايما اقول لنفسي الجمل دي لما كل ما امشي في طريق والقيه سد
وما اخذ منك إلا ليعطيك
وما أبكاك إلا ليضحكك
وما حرمك إلا ليتفضل عليك
وما ابتلاك إلا لأنه يحب
الاربع جمل دول بالنسبالي كأنهم مسكن بس بقولهم بأحساس عالي بيهم

معظمنا يعرف قصة الكوخ المحترق والحكمة الالهيه فيها ولمن لا يعرف القصة ( عذرا يا رانيا )
هبت عاصفة شديدة على سفينة فى عرض البحر فأغرقتها..
ونجا بعض الركاب..
منهم رجل أخذت الأمواج تتلاعب به حتى ألقت به على شاطئ جزيرة مجهولة و مهجورة.

ما كاد الرجل يفيق من إغمائه و يلتقط أنفاسه، حتى سقط على ركبتيه
و طلب من الله المعونة والمساعدة و سأله أن ينقذه من هذا الوضع الأليم.
مرت عدة أيام كان الرجل يقتات خلالها من ثمار الشجر و ما يصطاده من أرانب،
و يشرب من جدول مياه قريب و ينام فى كوخ صغير بناه من أعواد الشجر ليحتمى
فيه من برد الليل و حر النهار.
و ذات يوم، أخذ الرجل يتجول حول كوخه قليلا ريثما ينضج طعامه الموضوع على
بعض أعواد الخشب المتقدة. و لكنه عندما عاد، فوجئ بأن النار التهمت كل ما
حولها.
فأخذ يصرخ:
"لماذا يا رب؟
حتى الكوخ احترق، لم يعد يتبقى لى شئ فى هذه الدنيا و أنا غريب فى هذا المكان،
والآن أيضاً يحترق الكوخ الذى أنام فيه..
لماذا يا رب كل هذه المصائب تأتى علىّ؟!!"
و نام الرجل من الحزن و هو جوعان، و لكن فى الصباح كانت هناك مفاجأة فى انتظاره..
إذ وجد سفينة تقترب من الجزيرة و تنزل منها قارباً صغيراً لإنقاذه.
أما الرجل فعندما صعد على سطح السفينة أخذ يسألهم كيف وجدوا مكانه
فأجابوه:
"لقد رأينا دخاناً، فعرفنا إن شخصاً ما يطلب الإنقاذ"

يا ريت تفتكروها القصة دي كويس لما تتعقد الامور في حياتكم وتمشي عكس هواكم

معلش يا رانيا في الرد الطويل ده بس حبيت اكتب شوية

تقبلي تحياتي

بسم الله الرحمن الرحيم

السلام عليكم ورحمه الله وبركاته

تحية طيبه لكل الاعضاء الذين شاركوا بارائهم من قبلى فهم بصدق قول اجادوا وبخير عمل قدموا وبافضل جزاء ندعوا لهم ،،

كما زكرت يستحثنى فيكم بلوغة عقولكم ورشدكم الى الصواب ويجمعنى بكم يوم نرضاه ونحبه ونرجو لقاه ،،،

اما بعد فقد تحدثتى اختى الكريمة عن واقعه هى بالحقيقة لكى تمثل ادنى العوائق بل اصعبها
كان الله فى عون الجميع من اخواتنا فى الله وجزاهم بالجنة خير الجزاء عوضا عن الدنيا وما فيها ،،

فالرسول صلى الله عليه وسلم يقول ،،( عن أبي هريرة أن رسول الله قال: ) إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعوا له ). صدق رسول الله صلى الله عليه وسلم ،،

زواج المراءة غير الولود ... هو فى الحقيقة بالنسبه لراى الدين هو مكروة ولكن بشروط سنتحدث عنها ...

وقد نهى الرسول صلى الله عليه وسلم عن التزوج من العقيم ، فعَنْ مَعْقِلِ بْنِ يَسَارٍ رضي الله عنه قَالَ : جَاءَ رَجُلٌ إِلَى النَّبِيِّ صَلَّى اللَّهُ عَلَيْهِ وَسَلَّمَ فَقَالَ : إِنِّي أَصَبْتُ امْرَأَةً ذَاتَ حَسَبٍ وَجَمَالٍ وَإِنَّهَا لا تَلِدُ أَفَأَتَزَوَّجُهَا ؟ قَالَ : لا ، ثُمَّ أَتَاهُ الثَّانِيَةَ فَنَهَاهُ ، ثُمَّ أَتَاهُ الثَّالِثَةَ فَقَالَ : ( تَزَوَّجُوا الْوَدُودَ الْوَلُودَ فَإِنِّي مُكَاثِرٌ بِكُمْ الأُمَمَ ) رواه النسائي . صدق رسول الله صلى الله عليه وسلم ..

وهذا النهى احبتى فى الله ليس بالتحريم فهناك ما نجد بمثل موضوعنا هذا ان العقم بسبب كارثه قد كتبها الله لها ...

اما بعد اخوتى فى الله فهذا النهى ليس للتحريم وإنما على سبيل الكراهة فقط ، فقد ذكر العلماء أن اختيار الولود مستحب وليس واجباً .

وكما يجوز للمرأة أن تتزوج من الرجل العقيم ، فكذلك يجوز للرجل أن يتزوج من المرأة العقيم .

قال الحافظ في "الفتح" :

" أما من لا ينسل ولا أرب له في النساء ولا في الاستمتاع فهذا مباح في حقه ( يعني النكاح ) إذا علمت المرأة بذلك ورضيت " انتهى .

هكذا يامرنا ديننا الحنيف ويوصينا به الرسول الكريم ...

اما بخصوص الاجابة عن سؤالك وهو هل ليس من حقها الجواز ،،

فالاجابة هنا مع النفس اجابة وعمل من عند الله ،، فالله سبحانه وتعالى يبدلنا ازواجنا بحوريات من الجنة .

يقول الله تعالى فى كتابه العزيز ،،

بسم الله الرحمن الرحيم ،،
المال والبنون زينة الحياة الدنيا والباقيات الصالحات خير عند ربك ثوابا وخير أملا
صدق الله العظيم

ايضا يقول الله تعالى ،،

بسم الله الرحمن الرحيم ،،

لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ ,
صدق الله العظيم .

احبتى فى الله فى نهاية حديثنا يجدر بنا معرفه شىء الا وهو اهم شىء فى حديثنا وهى قدرة الله عز وجل فوق كل شىء ..

فالسؤال هنا ماذا لو تزوجت بامراءة تنجب ورزقك الله منها بازولاد عاقين غير بارين بابائهم ولا مطعين ؟ ماذا سيكون موقفك ؟ وماذا سيكون فعلك ؟

انه الابتلاء من الله عز وجل لمن يساء للزكور ولاناث ... فلا تكن شىء لتوافق او ترفض وانما بيدك القبول بقضاء الله والايمان به ... فهو القضاء والقدر ..

وما بوسعنا غير ان ندعو لكل امراءة محصنه مسلمة طائعه لله عز وجل ابتلاها الله من عنده بان تصبر على البلاء وترضى بالقضاء فالله هو خير جازى وخير واصل لعباده رزقنا الله واياكم الجنه وجمعنا على خير لقاء .

واسف لاطالة الحديث ..

يقول المصطفى عز وجل بلغوا عنى ولو اية ..

تحياتى للجميع ..

السلام عليكم
انا اسف ان ردى متأخر سامحينى ظروف عملى بتبعدنى عن المنتدى

وبالنسبة للموضوع ده انا لو مكان الخطيب اتمسك بها لاخر يوم من عمرى

اكيد الانسان ده مش بيحب غير نفسه وبس ومش عنده شخصية علشان يسمع كلام والدته الغير صحيح انه يتركها علشان مش بتنجب

وصدقينى ربنا هيخلص حقها منه

بجد الموضوع اثر فى كل واحد قرأه وياريت تخليكى جنبها واكيد اكيد هتلاقى حد تحبه ويحبها ويكون افضل بمليون مرة من اللى قبله

وربنا معاها