دعوة فرح
كرت دعوة بعتهولي
تعزمني فيه عالفرح
عزمت قلبي على جرح عمري
وقلبي عمرو ما نجرح
طيب ليه عزمتني......
نفسك تشوف دمعي في عيني
ولا عشان بتحبني عزمتني
أشوف ايديك في ايدين غيري
ونسيت حب حبتهولي
وقلبي اللي داب في حنينك
نسيت وعد وعدتهولي .
وعهد كان بيني وبينك.
لا يمكن غيري تاخد مكاني
وتاخدها بين أحضانك
طيب ليه عزمتني....
نفسك تشوف دمعي في عيني...
ولا عشان بتحبني عزمتني ..
أشوف ايديك في ايدين غيري
وجيت عشانك مش جيت أبارك..
جيت اشوفك يوم فرحك...
جيت بجرحي ....مش جيت أهني ...
جيت اتأكد من غدرك
جيت اتحرر من وعودك ومن عهودك....
جيت من قلبي ومن حياتي امحي وجودك......
.وكان نفسي أقولك وحشتني
طيب ليه عزمتني ..نفسك تشوف دمعي في عيني ....
.ولا عشان بتحبني عزمتني.....
.أشوف ايديك في ايدين غيري
كان نفسي تسيل دموعي .وتمتع فيهم عيونك...
.كان نفسي يضعف قلبي ....وتحس نارو وتشفي غليلك
كان نفسي بجرحي أكمل فرحك....
.كان نفسي بدمعي ارسم بسمة على شفايفك ...
.لكن يا خسارة بعتك زي ما بعتني
طيب ليه عزمتني ....نفسك تشوف دمعي في عيني...
.ولا عشان بتحبني عزمتني ...
.اشوف ايديك في ايدين غيري
بقلم الاستاذ ادم ادم
إنسان بكل صفات البشر