بسم الله الرحمن الرحيم ..

وبه نستعين ، والصلاة والسلام على أفضل المرسلين وخاتم النبيين ، سيدنا محمد عليه أفضل الصلاة والسلام ..

-----

طبعاً كلنا تابعنا الأحداث المؤسفة اللي حصلت في الفترة الأخيرة في بلدنا ..

وأظن أكبر مصيبة في الشارع المصري حالياً ، هي البلطجة .. ولكن من أقوى وأخطر أنواع البلطجة اللي إحنا بنشوفها بقالنا فترة ..

هي إقتحام ملاعب كرة القدم ، الموضوع اللي بقى شيئ في منتهى الإستفزاز ..

------

طبعاً بعد أحداث مباراة الزمالك الشهيرة ، وحبس بعض الأفراد ..

ثم إطلاق سراحهم مرة أخرى ، كان أكبر تصريح من المسؤولين للجماهير المشاغبة بـ إفتعال المشاكل ..

بالبلدي (( الجمهور قال ، لو عملنا شغب ، هيتم الإفراج عننا زي جمهور الزمالك ))



--------------------------------------------------------------------------------


وبنسمع تهديدات من السيد\سمير زاهر ، وبـ جدية ، إن الدوري هيتلغي ، ولازم يكون في أمن والكلام ده كله ..

وأظن إحنا سمعنا الكلام ده بعد مباراة الزمالك والإفريقي ، لكن الدوري كمل ، وقاللك في تعهد من الوزير بتأمين المباريات ..

طيب وأهو الدوري كمل ، والموضوع إتكرر مرتين في المدرجات ، ومرة في الملعب ..

مرتين في المدرجات ، كانت من جمهور الإسماعيلي في مباراة الجيش ، ومباراة تانية مش فاكرها ..

فضلو يكسرو في المدرجات والكلام ده كله ..

وإتكرر مرة في الملعب من جمهور الإتحاد ، لإقتحامهم الملعب وضربهم للاعبين ..

وبعدين : ......................



--------------------------------------------------------------------------------


أنا بـ صراحة ، شايف إن الدوري هيكمل ، مهما هدد ومهما قال ، برضه الدوري هيكمل ..

لأنه بـ بساطة ، هيقول نفس الكلام : (( كل اللي باقي 6 جولات ، وهيتم تأمينهم على أعلى مستوى والهري اللي بيهريه كل مرة ده ))

والمسكن اللي هيدوه للجماهير ، هي إن مباراة القمة هتتلعب بدون جمهور ، أو ممكن تتنقل من القاهرة ..



--------------------------------------------------------------------------------


لكن لو فعلا ، غضب الجمهور ده ، فضل زي مـ هو ، يبقى لا حل سوى إلغاء الدوري هذا الموسم ، وياريت زاهر يضحي ولو مرة ، بالسبوبة والإعلانات اللي بتجيله من ورا الدوري ..

------

وشفنا بيان ناري تم إطلاقه من نادي وادي دجلة ، أنا شايف إن أهم جملة فيه ..

((( إذا كان المسؤولين لا تقدر على تأمين الدوري ، فلماذا إقامته من الأساس .. )))



--------------------------------------------------------------------------------


دلوقتي بقى عايز أوريكو الخبر الكوميدي ، اللي فضلت أضحك عليه تقريبا دقيقتين لما قريته ..

إبراهيم حسن: على مسؤولي الأندية عدم "تسخين" الجماهير ..
نصح إبراهيم حسن مدير الكرة بالزمالك مسؤولي الأندية بعدم شحن الجماهير خلال المراحل الحساسة المقبلة من الدوري الممتاز.

وقال حسن لـFilGoal.com "يجب أن تطلق حملات إعلامية لتهدئة الجماهير، ولا يخرج أي مسؤول ليسخن الأجواء قبل المراحل الحساسة".

وتابع "كرة القدم تحتمل المكسب والخسارة، ولا داعي للحساسية أو الغضب".

وتأتي تصريحات مدير الكرة بالزمالك عقب اقتحام جماهير الاتحاد السكندري أرض الملعب عقب خسارة فريقهم أمام وادي دجلة مساء الثلاثاء.

وأضاف حسن "أرفض أن يتم إلغاء الدوري الآن، فكل الفرق تعبت طوال الموسم ولا يجوز إهدار حقها بعد كل ذلك".

وأكمل "المشكلة أمنية بحتة ولا تتعلق بالأندية على الإطلاق، وعلى الجميع التكاتف الآن من أجل مصلحة مصر".

-------------

وبحب أقول في النهاية ، إن بلدنا فوق كل شيء ، ولو هنلعب دوري ، كل يومين يتكسر بسببه إستاد يتصلح بالشيئ الفلاني ، وإحنا إقتصادنا زي الزفت ، وفـ عرض جنيه واحد ، يبقى بلاها النشاط الرياضي كله ، ولو حتى لـ مدة أكتر من سنة ..

بناء بلدنا ، أهم من أي حاجه تانية ..

+

أنا فعلا مبرميش عتاب على جماهير الإتحاد ..

لأن إستهتار المسؤولين هو اللي خلاهم يعملو كده وميخافوش من العقاب ..

............................................

بحبك يا بلدي

............................................

بالله عليكم دى عقوبات الموقعه على الآتحاد السكندرى رغم عشقى للآسكندريه ؟؟؟؟؟؟؟؟؟؟؟؟

ولا عشان مجلس الآتحاد السابق والحالى رفض الآنضمام لجبهة المعارضه المطالبه بأسقاط هذا

المجلس الفاشل ؟؟؟؟؟؟؟؟؟؟؟؟؟؟