"بلطجي" لقناه الجزيره: العيال بيرموا علينا قنابل "بلوتوث".
_______________________________
- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.
_______________________________
- عقد الريس جلسة مع وزير الداخلية السابق حبيب العدلي قاله حزينا: منعت الحشيش يا فالح؟ أهو
الشعب صحصح.
_________________________________
- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة
________________________________
- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!
__________________________________________
- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.
_________________________________________
- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟
__________________________________________________ _
- رابطة نجاري مصر يسألون الأسطى مبارك: "ما نوع الغراء الذي تستخدمه؟"
_______________________________
- ارحل.. الولية عاوزة تولد والولد مش عايز يشوفك
_________________________________
- ارحل عاوز أتجوز
- ارحل مراتي وحشتني.. متزوج من 20 يوم
____________________________________
- ده لو كان عفريت كان طلع
___________________________________________
- لو ما استحمتش النهاردة في بيتنا.. هاستحمى يوم الجمعة في قصر الرياسة