ويا مساء الانوار
مساء الانوار
حبايبى .يا مسا الانوار..جيت ومعايا احلى حوار
كمان فيه كثير من الاخبار. وانفرادات وفيه اسرار

وفيه تقرير وعامله حمار. وكام زومبه وشعله نار
وفيه مداخلات من الدعبس . ورسايلكم وحلقه نار
وفى الاخر مع هيثم عن التحكيم وبعده ستار
وفاصل بعده نتواصل واوعى تكون وراك مشوار
....................
هنستعرض سوا الاخبار.نقول اسرار .مسا الانوار
عندك احمد السيد .برئ من تهمه الرشوه برغم انه اعترف بيها
لكن شايفين .مافيش حاجه ولا تهمه .وبيسافر ودى عقوبه يقضيها
كمان عندك ضيا السيد وتزويره لعقد شريف.ودى الاهلى اعترف بيها
خلاص عاقبوه وكمان كافأوه .مدرب منتخب ناشئين بفكر اللى ناسيها
وصلنا الان خبر عاجل شريف موجود مع القيعى .وبيبو مش طرف فيها

....................
تعالوا نشوف فريق اعداد .مسا الانوار ومين هما
عامر ياوكيل .معد عويل .واهلاوى وكمان رمه
تاريخ عمولات فى الاستضافات هاتدفع تبقى عاالقمه
لانه رزيل يقول تقارير بدون مبدأ ولا زمه
ومييت تقرير ومييت تبرير لو الاهلى عمل ازمه
ولو ازمه مع الابيض .يضيف على الكلمه مييت كلمه
ضمير احمر بيتغير وبيراعى اولى النعمه
طبيعى منين يجيب مبدأ سفيه وبيدعى الحكمه
....................
ومخرج دائم الارجاع وعنده بتاعه لونها بتاع
بدا ابداعه بالكشرى وبعده الشاى عليه نعناع
بواحد كشرى بالشطه وكام كلمايه للانطاع .
قدر يوصل يكون مخرج .مع انه يدوب تباع
وقرد يحرك الكاميرا بكل سفاله واستنطاع
مافيش لاحياد ولاذمه وده مبدأ لنادى رعاع
حفظنا وشوش جماهيره جابولنا كأبه ويا صداع
....................
يعيد ويزيد فى اللقطه لو الاهلى بطل فيها
ويجرى بسرعه باللقطه لو اتجامل وفاز بيها
يركز فى كلام شيكا لكن لعاشور بيخفيها.
وكلمه عمرو نقراها لكن للصقر يداريها
وغطس تريكه يتحور لحكامنا وبلاويها
ودخله الترا الاحمر يصورها بما فيها
لكن مع الترا الابيض عنيه قلبه بيعميها
فى ايده الكاميرا بتزور وكلمه حق تنفيها
دى ناس واطيه بلا مبدأ.ماتنتظروش خير فيها
مع الشيخ طه والتحليل .مسا الانوار ومافيها
وفاصل بعده نتواصل ..قناتنا اوعى تطفيها
ومتنساش .تقول لنجاتي
يا نجاااتي انفخ البلاليين

ياريت تكمل الجميل وتكتب لنا كلام جميل في عقد جدو اللي قام بتزويره ابراهيم حسن وكان المحترم حازم امام ح يدخل السجن بسببه