تخيلوا لو اتنين سمعهم تقيل اتكلموا مع بعض
ايه اللى ممكن يحصل؟؟
تعالوا نشوف
اتنين رجاله واقفين على محطه الاتوبيس؟؟؟
الاول:الاتوبيس ده رايح مصر الجديده
الثانى:ايه..على الحديده..يالهوى..انت كده عايز احسان
الاول:بذرة الكتان لا دى تلاقيها عند العطار
الثانى:جزار...اااه...قول كده..عايز لحمه
الاول:معاك حق والله الدنيا زحمه أصل ده ميعاد خروج الموظفين
الثانى:نور الدين...لا والله ...ما اعرفوووش
الاول:مابتشربوش...ليه؟ كفى الله الشر
الثانى:رأس البر...عندك حق ده مصيف هادى
الاول:عايز تركب المعادى دى منطقه جميله
الثانى:بليله..! انت شكلك كده جعان
الاول: تعبان اه والله باين عليك...طيب ما تروح للدكتور
الثانى:الحنطور...اه والله على الاقل بيوصلنى لحد الباب
الاول:ايه ...هباب... وانا اللى كنت فاكرك محترم
الثانى :يالهوى...اتخرم....هو مين ..؟
المهم يمر شاويش من بتوعنا فيلفت انتباهه الحديث
الشاويش: بتعمل ايه يا جدع منك له؟؟
الاتنين:ايه يا شاويش احنا مستنين الاتوبيس
الشاويش:يانهاركوا اسود ومش فايت....جواسيس.....
قدامى على القسم.....