|
ايه قلة الادب الي هوه بيتكلم بيها دي و مكنش ينففع عمرو اديب يعمل غير كده وبعدين هوه الي قال امشي قاله امشي حتي لو غلطوا و قالوا مصري قطري كان ممكن يتكلم و برد ويعبر عن اعتراضه بطريقه محترمه مش بقلة ادب دا هو الي شكله قاصد يعمل كده
|
|
ما يميز أى انسان هو طريقة الحوار فالحوارات المهذبة هى التى تجذب المشاهد للمذيع أو لضيف أى برنامج حوارى وحتى الحوارات بأى مجال فلابد أن تكون حضارية وبدون تجريح ممكن يكون عمرو أديب يقصد أو لا يقصد فى طريقة تقديمه للضيف ومن أول وهلة نشعر أن الضيف انسان محترم ومثقف وعلى خلق وكما قالت زهرة الياسمين :- ياجماعة عمرو اديب مش غلطان كان الثاني قعد وصحح الخطا
وكل واحد فيهم شرح وجهة نظره بالاسلوب المهذب وكان سينتهى البرنامج والمشاهدين سعداء وعمرو والضيف اصحاب ولكن الضيف كان انفعالى ومتسرع وهى صفة سيئة بالتأكيد شكرا مشرفنا مصطفى |
|
لو كان البرنامج فاشل والإنترو والتقرير سخيفين كما وصفهم السيد عبد الرحمن يوسف القرضاوى لكانت موسوعة ويكيبيديا العالمية والتى تعتبر مصدر لتاريخ شخصيات أكبر من الأستاذ سخيفة وكاذبة أيضاً وأرجو من الجميع الدخول على الموسوعة ليروا بأعينهم إذا كان المعد كاذب أم صادق وليس ذنب المعد أن الأستاذ بطئ فى تعديل معلوماته الشخصية على موسوعة عالمية.
|
|
لما سيبقى الضيف متفق مع معدين البرنامج على حاجه ويديهم مصدر للمعلومات عنه بحيث انهم يقدموه منها وييجى يلاقيهم قايلين حاجه تانيه خالص تبقى ايه ردة فعله ... مع انى مختلف معاه انه قام وساب البرنامج لكن ماحدش يقدر يلومه على رد فعله
هو ده الكلام المظبوط . والبرنامج هو فعلا اللي غلطان مش الضيف والراجل واضح انه راجل حر فعلا وكان باين على وجهه وردة فعله ولو كان انسان زباله من امثال عمرو اديب كان ممكن يعدي الموقف وكأنه لم يكن |
|
انا شفت الحلقه وهو اللى قال حمشى عمرو قاله امشى يعنى ماغلطش فيه
انا مش بدافع عن عمرو لكن الضيف تصرفه مشين ومليان تكبر وعدم مسؤليه المفروض لو هو محترم وصاحب حق فعلا كان احترم المشاهد اللى قاعد مستنيه وكمل البرنامج وثبت انه مصرى ابن مصرى ورد الحجه بالحجه لكن ده انسان قليل الادب ومغرور ع الفاضى الصراحه استفزيت جدا من اسلوبه ونزل من عينى |
|
هي موسوعة ويكبيديا فيها اخطاء فعلا وده لاني ناس كتير بتكتب فيها وللاسف كنت اتنمي من ناس جاية تناقش مستقبل البلد انها تكون اكثر انضباطا وان تتحمل الاساءه الشخصيه أو الخطا الغير مقصود واياض كنت اتمني من اسره البرنامج عدم طرد ضيف يريد حقه المشروع في ان يقدم بطريقه صحيحه اعتقد ان هناك شيء يجري خلفه هؤلاء بخلاف مناقشة مشاكل البلد او حلها .........
|
|
انا قريت كلامكم يا جماعة واتفرجت على فيديو الحوار اللى دار بين عمرو اديب وبين يوسف القرضاوى وبصراحة صدمت من تعليقاتكم
تعليقكم يبين مستوى زكاءكم وقدراتكم في الحكم على الامور للاسف النتيجة ان اغلبكم اظهر انة لا يتحلى باى عمق في التفكير انا هفمكم الموضوع حصل ازاى كما قرات بين السطوور لو تلاحظو ان عمرو اديب كان بيايد مبارك على طول الخط هو واخوةعماد ودا لانهم عيلة من نوعية الناس الوصولين عديمى المبادئ والشرف وكلنا شوفنا وقت الناس ما كانت بتتدبح في الثورة كان هو واخوة بيقولو اية صحيح وقت الشدة بيبان الراجل من الخنيث والشريف من الخسيس طبعا بعد الثورة طلع زى الولية اللى اتكسر البيض منها وقعد يعيط ويقول مبارك كان مطهدنى ومش عارفة اية بعد ما كان بيشتم في الثوار وبيمدح في مبارك وعصر مبارك بعد كدة راجع نفسة وخصوصا لما لاقي ان الثورة والثوار شبها بعض الميوعة ولم تكن حازمة في قطع دابر كل من تثول لة نفسة ان يرجعها للوراء او ان يحطم انجزاتها فطلع ببرنامج هو ومعدية ورئيس تحريرة كان هدفهم انهم يحسنو من صورة النصاب حسنى وفرقة الحرامية اللى حوالية وبقي يستضيف ابو الغيط اللى طلع يقول ان مبارك ليس بفاسد ويستضيفو غيرة من الشخصيات اللى تاريخها قذر ودا في محاولة انهم يحسنو صورة حرامية البلد تانى غرض ليهم كان انهم يشنو حملات تشويه لكل المترشحين للرئاسة بغرض انهم يحرقو ورقتهم في نظر الناس ويبقي الكارت الاخير الرابح وهو كارت عمرو موسي ديل مبارك الطليق ولو تلاحظو اى مكان يروح فية علشان يعمل حملتة الانتخابية يجر معاه بلطجيةالحزب الوطنى طبعا ماهو اعتلى المناصب في عصر حسنى لم ينتبه يوسف القرضاوى لهذة النقاط وراح بحسن نية للبرنامج وقدم للمعدين معلومات عنة وكان فية اتفاق مسبق ودا مهم بالنسبة له انة يروح برامج التوك شو علشان دا بيدعم الحملة الانتخابية اللى هو ماسكها للبرادعى لكن ما كانشي واخد بالة انة رايح لكمين اعدة مسبقا رئيس التحرير وجوز المذيعين التران والمعدين وصاحب القناة اللى اكيد لة غرض ماهو .. هو اللى بيدفع لكل دول هم استخدمو زكائهم وهم عارفين ان الشعب المصري ليس على درجة كافية من الذكاء الاجتماعى ولا عندهم خبرة سياسية تخليهم يقرو اللى وراء السطور ... ووضعو كلام مستفز في التقرير ومغلوط وكمان كلام مديح على اساس ان الجمهور ما ياخدشي بالة ... استفزوة وقدمو معلومات مغلوطة وهم عارفين كويس شخصيتة وعارفين انة مندفع وهيرد بعصبية وبكدة يبقو حققو غرضهم من الحلقة وحرقو ورقتة وبالمناسبة يوسف رغم انة ضايقتنى طريقتة في الرد ... الا انى شيفاه اشرف من الف واحد زى عمرو اديب على الاقل في الوقت اللى كان عمرو اديب بيرقص لمبارك ... كان يوسف بينتقد سياستة صراحة في كل ندواتة الشعرية اللى كان بيعقدها في مدينة الاسكندرية وليس في قطر كما قال احد المعلقين فوق شوفو الفيديو دا معاى وبالمناسبة للناس اللى بتقول لبرنامج مش فاشل البرنامج وقع في سقطة مهنية كبيرة جدا لما اعتمد على انة يجيب معلومات غير موضوعية وحيادية وتخدم اجندات صاحب القناه فالبرنامج من الناحية المهنية فاشل فشل زريع ويمشي بطريقة عاش الملك مات الملك اما كون علية مشاهدات كتير فدا يرجع لاسلوب الادرجية والمصطبجية اللى بيتكلم بيه عمرو اديب واللى بيناسب اغلب طبقات الشعب اللى عاش لفترات طويلة في جهل سياسي واجتماعى فرضة عليهم الحرامى مبارك وفرقتة علشان يفضلو سرقين البلد ومدين الناس على قفاها وهم مش حاسين ولا فهمين |
|
يا اخت نيفين انتى مكبرة الموضوع اوى وحاطة كلام كبير اوى
مكيدة وفخ محسسانى ان احنا فى حرب اهلية كل دا مالوش لزوم خالص الاعداد غلط فى اية يعنى كلمة مصرى قطرى والباقى تقديم قصايدة ومحمد شردى قدمة بطريقة كويسة جدا وكان الحوار هيبتدى عادى وزى الفل وكان سى عبدالرحمن دا يرد على اى سؤال يسألوة براحتة وبمزاجة ويقول اللى فى نفسة كلة وما كانش حد هيقولة انت بتعمل اية وكان خلص البرنامج عادى خالص وكلة ماشى مبسوط انما انتى مكبرة ومهولة الموضوع جامد اوى ثانيا مش عشان انتى ما بطقيش عمرو اديب او غيرة ان دا يخليكى من موقف صغير ان تفكيرك يصورلك الخيالات دى كلها دا احنا على كدا ما نسمعش ولا مذيع بقى على كدا ما كانوا كلهم بيسقفوا لحسنى كل واحد عرف غلطة واللى حصل دا ما كناش متوقعينة ولا فى القصص وخلاص العملية انتهت مش هنعلقلة المشنقة وعمرو اديب انا ما سمعتوش قبل كدا انة هاجم البرادعى فى برنامجة عشان بيحب يعمل دعاية لعمرو موسى ولا غيرة وفيها اية حتى لو هو مؤيد لعمرو موسى ما كل واحد حر فى اللى يختارة واذا كنت غلطت وقلت انة كان فى قطر وهو بيهاجم حقة عليا عم الثورجى دا دا هو اللى راح خلع مبارك من عالكرسى ورجع الميدان فرحنا بالخبر مش دى النقطة اللى بنتكلم فيها با نيفين |
|
الولد اللي غلطان هوه لقي الشيخ عمر الكافي واكل الجو علشان كده من بدايته فقرته و هوه جاي يفتعل المشاكل
|
|
طب ما هو عنده الجنسية القطرية هو و ابوه
|
|
?????????????????????????????????????????????????? ??
|
|
انت اللى مش مركز يا ربيل في الكلام اللى دار في الفيديو الكلام ظاهرة كويس وباطنة ضرب من تحت الحزام ما تنساس ان نفس عمر اديب طعن في البرادعى وطلع على التيفزيون وقال دى بنتة لابسة مايوة وملحدة وابوها معاه جنسية امريكية وخمورجى يعنى عمرو اديب دا انسان قذر ..... بص اانا هرد على كلامك جملة جملة بس هروح اخلص شغل البيت وهرجع على المغرب اقنعك وهجيبلك فيديوهات تثبتلك وجهة نظرى ان عمرو اديب كان عامل فخ وان التقديمة البراقة اللى بتقول عليها دى حطو فيها كذا جملة تسيئ لة وتشكك في انتمائة لبلدة وانة بينفذ اجندة قطرية زي ماكانو بيتهمو الثوار وبيتهمو البرادعى .... عموما لينا لقاء بعد المغرب وانصحك في الفترة د ى تدخل على اليوتيوب وتدور على فيديو لشيخ حازم ابو اسماعيل او اقولك شوف الفيديو دا وانت تفهم وجهة نظرى
|
|
لعلمك انا شايف الحوار دا بقالى فترة ومش شايف انة غلط فى اى حاجة الراجل كان عايز يستفسر عن السياحة ومستقبلها فى نظر حازم ابو اسماعيل اكمن فى اجراءات مختلفة تماما عايز ياخدها من ناحية الموضوع دا ومتنسيش ان البلد فيها اقباط بنسبة مش صغيرة وهو بيتكلم على كل حاجة من وجهة الحرام والحلال وما عندوش وسط ودا ماينفعش فى دولة زى مصر فيها النسبة دى من الاخوة الاقباط وانا متفق معاة فى وجهات نظر بردة عشان ما تفتكريش انى معارضة فى كل حاجة ومختلف معاة بردة فى وجهات نظر تانية وعمرو اديب كان بيتكلم من وجهة نظر كتير من الناس بس انتى مش واخدة بالك
ثانيا ماكنش فية اى حاجة لا باطن ولا اى حاجة ولا من فوق حزام ولا من تحتة الراجل قدمة بطريقة كويسة مش شايف فيها اى حاجة وانتو اللى بتكبروا الموضوع بس مش اكتر ما تخدوش كل حاجة كدا عشان الامور تمشى عشان ياما هنلاقى وهنقف قصاد دا ودا |
|
انا مش مصدقة عينى وانا بقرا كلامك يا ربيل
واحدة واحدة بقة علشان هبدا معاك من الصفر اولا هنبدا من النقاط اللى احنا متفقين فيها ..... الشاعر اخطأ في طريقة ردة .... بس بردو هو لو انسان خبيث وتعبان كان اتلون انما دايما تلاقي العفو ى هو اللى في قلبة على لسانة لكن الخبيث يسمعك كلام حلو ويضربك في مقتل لكن ارجع واقول انة كان يجب ان يتحكم في اعصابة ومايردش بالاسلوب دا عمرو اديب منافق ودا دليل عمرو اديب يكره التدين والمتدينين ودا دليل (بيتهم السلفين انهم هيخطفو كل البنات الغير محجبات بدون ادنى دليل) عمرو اديب يستضيف رموز النظام الفاسد مثل ابو الغيط اللى بيطلع على القناة ويقول مبارك ليس بفاسد اذا لابد ان الثورة ظالمة والاعلامى هو اللى محترم ومبارك مش حرامى وابو الغيط ما حاصرش غزة تفتكر دا اعلامى محترم ولا دى قناة تعنى بالمهنية ؟ واحد زى دا المفروض يبقي محترم وحيادى زى دينا بتاعة دريم او احمد المسلمانى او وائل الابراشي او غيرهم من الاعلامين المحايدين الموضوعين وليس الارجوزات او يا اما يتشال طالما مش بيحترم نفسة وبينفذ اجندات خاصة بية نيجي بقة لنقطة الخلاف بينا " حكاية الفخ للشاعر" انا هضربلك مثل وخد بالك انت مثلا سالوك عن اخلاقي رحت رادد على الناس وقلتلهم " نيفين فنانة تعشق فنها وتتفانى فية لدرجة انها تسهر لساعات متاخرة ولا ترجع الا فجرا فهى انسانة مجدة ونشيطة وتحظى بحب الناس" الكلام ظاهرة عسل وسكر لكن لو انت مركز وزكى وعندك وعى وبتفهم اللى بين السطور كنت عرفت ان جملة تسهر حتى ساعات متاخرة ولا ترجع الا الفجر دى معناها انى جاية من بيت سايب وانى مش متربية ومافيش راجل يحكومنى تعالى بقة لموضوع الشاعر يوسف وقارنة بالمثل اللى انا زكرتة فوق بس قبل كدة عاوزاك تدور في نجوم مصرية على بيان من يوسف فية اعتذار منة على تصرفة وشرح لسبب انفعالة وانت هتفهم انى كنت على حق يوسف اتفق مع رئيس التحرير على تعريف معين لة تخدم حملتة وكان في امكان الرئيس دا انة يعترض او يرفض او يعدل المهم .. حصل اتفاق بينهم على صيغة تقديمية معينة ودى حاجة مهمة لاى شخص ماسك حملة انتخابية ولو كان رئيس التحرير مش موافق كان علية انة يصارح الشاعر اللى كان بدورة امتنع عن لحضور ولكن لا دا هم متعمددينها يضحكو علية ويقولولة هنعمل اللى انت عاوزة وهنقدمك بالطريقة دى ويدخل يلاقي هجوم غير مبرر واتهامات وسخرية وتهكومات وتشوية وهو فهم كدة وعرف انهم هيتعاملو معاه زى ما اتعملو مع الشيخ دخل لاقي تقديمة بتذكر انة قطرى مصرى وانة عندة ديوان بيتكلم عن عربي سكران وكلما شرب زادت شجونة الراجل قال لنفسة هو اية دا دا غير الاتفاق اللى الراجل وافقنى علية يعنى هو يستلطخنى ولا شايفنى عيل بيضحك على دقنة لمواخذة في اللفظ واكيد طبعا هو شاف اسلوب عمرو اديب مع الشيخ وعارف انة بيصادر الحرية في التعبير وبيشوه صورة اى حد يخالفة في الراى او المصلحة بدل ما يناقشة في برنامجة الانتخابي قعد يقول التماثيل حرام ولا حلال وقبل الشيخ ما يجاوب يقوم عمرو بية مجاوب هو بالنيابة عنة انت سمعت الفيديو ولا لا؟ راح شردى قايلة يا اخى خلية هو اللى يجاوب راح الشيخ قالة لا خلاص خلي عمرو يقول اللى في نفسة يمكن يفكر ينتخب نفسة ماهم بقو كتير دلوقتى تفتكر لو احمد المسلمانى هو اللى بيدير الحوار دا وعاوز يعرف مثلا اتجاة المتدينين تجاة السياحة والتعامل مع العالم الخارجى او القضية الفلسطينية وهل مثلا ممكن يجلبو حرب لمصر في غير اوانها تخرب البلد مثلا كان هتبقي دى طريقة الاسئلة ودى ادارة الحوار .... اراجوز بينط على الضيوف ويتهكم عليهم ويقاطهم ويصادر حريتهم في التعبير ؟؟ وعايش بطريقة معاهم معاهم عليهم عليهم ... مبارك زعيم ... مبارك ظالم يا اخى كان اشرف لة انة يسكت لا يمدح ظالم ولا حتى ينصر مظلوم طالما انه ضعيف لكن هو شخصية ما تفرقكشي كتير عن تامر امين ما يقدرشي يبقي محايد ويبقي محترم وموضوعى زى احمد المسلمانى لانة ببساطى وصولى وواطى ما ينفعشي تدافع عنة وتقول نعديها لانك لو عدتها هو مش هيعديها ومش هيبطل وكل يوم هيعمل مشاكل زية زى بتوع الوطنى ماهو معاهم واعتقد انة حوارة مع ابو الغيط وتقديمة مبررات للحزب الوطنى ومطالبتة للناس انها تعفو عن رموز الحزب الفاسد اللى رافضين انهم يرجعو فلوس اللى ناهبينها ومصدرين ثروات بلدهم لاسرائيل وقتلهم للتظاهرين ودهسهم بالسيارات وبيطلب مننا اننا ما نحاكمهومش وكانهم من طينة تانية فوق طينة المصرين وبيشبهم بعمرو ابن الخطاب |
|
بصى يا ستى انا هقولك انا بقى
احنا اتفقنا على الطريقة اللى مشى بيها خلاص وانها ما تنفعش تيجى كدا وثانيا انتى بتقولى انة غلط فية على اساس قالة كلمة مصرى قطرى والخمر وبتاع وعشان ماسك حملة للبرادعى انا من انصار البرادعى وبشدة بس هرد عليكى واقولك كان المفروض يكمل الحوار وفى النهاية يقول توضيح بسيط بالنسبة لكذا وكذا اللى اتقال فى البداية وكانت حتى قبل ما يقول كدا لما المشاهد هيسمع كلامة والحوار معاة من كلامة الناس هتقتنع بية من غير ما يوضح انة مصرى واتنازل عن الجنسية القطرية والبيان بتاعة اللى هو مطلعة ولا انا غلطان والمثل اللى انتى بتقولى علية ما يتشبهش بالكلام اللى المعد قالة بتاتا وثانيا مش اى حد يقول الكلام دا يبقى هنقول ان نيتة مش تمام من ورا الكلام دا ربنا اللى عارف احنا مدخلناش فى نفوسهم وعرفنا بل على العكس المفروض تفتكرى النية الكويسة مش التانية شخصيتة واسلوبة وكلامة هيفرض عليا انى احترمة من غير اى توضيح عشان دا هيبان من كلامة بالنسبة للحوار بتاع حازم ابو اسماعيل اى مرشح اكيد هتلاقى عندة برامج كويسة ومفيش اكتر من الكلام عندنا ودى هتلاقيها برامج اغلبيتها متشابهة باختلاف بعض النقاط البسيطة من ملف للتانى زى مثلا العلاقة مع ايران والنظر فى اتفاقيات الغاز واستغلال الموارد اللى عندنا والقمح وغيرة وانتى هتلاقيكى عارفة الكلام دا كلة وزيادة اما النقط اللى سأل عنها عمرو اديب فالنقط دى بغاية الاهمية عشان البلد مش كلها مسلمين زى ما قولتلك وانا لو كنت مكانة وبحاور حازم ابو اسماعيل كنت هتنينى معاة فى نفس النقط دى عشان استفهم دماغة ماشية ازاى لان البلد ما اتعودتش على حاجة قبل كدا اسمها حكم اسلامى اما بالنسبة للطريقة فدى بتختلف واللى بتميز مذيع عن التانى وكل شيخ ولة طريقنة زى ما بيقولوا ودا اللى بيميز واحد عن التانى هو الراجل كان بيسأل وحازم ابو اسماعيل كان بيجاوب بالنسبة لحوارة مع ابو الغيط انا ذات نفسى كنت عاوز اعرف اية ردة فعلهم وكلامهم هيبقى عامل ازاى بعد الثورة وهيقولوا اية ودى مش سقطة اعلامية بالعكس انا شايفها حاجة مميزة وثانيا انتى بتقولى ان الناس مش هتخيل عليها ان قناة هى اللى تقولهم سامحوا النظام ورجعوة يبقوا هيسمعو الكلام تانى يوم الناس دلوقتى فاهمة وبتعرف تميز وكمان عندك قناة الحياة استضافت ابو الغيط مش مكالمة يبقى اقول على شريف عامر متواطىء مع النظام وغيرة ما تخديهاش كدا والواضح ان اختلافك معاة مخليكى ملهية عن نقط تانية كويسة ومخليكى مش مستعدة تقبلى منة اى كلمة ودا اللى بتكلم فية طيب ما انا ليا اصحاب مختلفين معايا فى النقطة دى او على مرشح يبقى بالسلامة كل واحد من سكة لا طبعا اما اعتقدش انها تيجى كدا زى ما كل واحد لية عيوب لية بردة مميزات ولا انا غلطان وحتى لو هو غلط فى نقطة او اتكلم فى جزئية انا مختلف معاة فيها عن السلفيين او غيرة مع ان فيهم ناس لعنة وعاوزين الحرق عشان اللى زيهم لا يمتوا بأى صلة للسلف وخلينا متفقين فى دى وممكن يكون قصدوا على كدا بس دا ما يمنعش انى اكون متفق معاة فى نقط تانية مش مختلف معاة فى اى كلمة بيقولها واللى لسة هيقولها وانا عايزك انتى تدورى على الفيديو بتاع وفاة بنت هانى شاكر واسمعى تعليقة كامل الفيديو بتاع 19 دقيقة وشوفى هو علمانى ولا بتنجانى ولا معندوش ملة اساسا مع العلم بس بعد الكلام دا كلة انى حافظ القران وكنت ازهرى عشان ما يروحش دماغك بعيد يعنى انتى بتحللى الموضوع زيادة عن اللازم يعنى احنا يأما نسكت خالص يأما لما نيجى نتكلم نحلل الموضوع زيادة عن اللازم ونعمل نفسنا فالحين وان احنا ما ينضحكش علينا بسهولة ما عنديناش وسط ابدا فى اى حاجة بس مش القصد عليكى انا بتكلم بوجة عام بس انا احب احييكى عالمجهود اللى انتى بذلتية عشان تبينى وجهة نظرك وفى النهاية الاختلاف لا يفسد فى الود قضية وابدى اعجابى بكلامك ووجهة نظرك بس ما تحبيكهاش اوى بس وخللى المركب تمشى احنا سايبن العتاولة يسرقوا وجايين نمسك فى مذيع على كلمة وسايبين اللى بيسرقنا بقالة سنين بتمتع لحد دلوقتى وملهيين عنة بكلام ما يستاهلش |
|
يا نهار ابيض يا ريبيل انت ونفين انتم كتبتو كل ده امتى هههههههههههههههه |
|
الرغى هو اقوى سمات الشعب المصرى يا عبد االرحمن
عموما يا ربيل فية بعض كلام متنفقة فية معاك وبعضة نو وماكملتش قرائة للاننا الفجر وهروح انام واجى اقرا كلامك تانى بكرة |
|
دكر يا عمر ههههههه كنت هموت واعرف هتقول اية اما يغلط فى الناس بتاعتك ........... طلعت جامد طردتة ، هو مين دة صحيح ؟
|
