طبعا ناس كتير دايخين علشان نفسهم يكسبوا من جوجل ادسنس .. و كتير نفسهم يشوفوا ضغطات و فلوس في حسابهم بتزيد .

طبعا قرينا كتير مواضيع ف ي المجال ده و كتير منها مفيد و كتير كلام و السلام كده يعني

طيب نعمل ايه علشان نكسب بقي؟!

انا فكرت نعمل الموضوع واجب يومي لينا زي التلاميذ في المدرسه كده بالظبط

هتعمل الواجب ... هتتعلم ... هتجيب درجات كويسه ... هتتنقل لمستوي اعلي ...

طيب اول حاجه احب اعرفها لاي حد جديد فادسنس علشان متتعبش روحك ... هتبدأ تشتغل يعني تنسي اليأس و الاستعجال

الصبر اول و اهم اهم اهم خطوه .. لان موضوع انك تكسب دولارات كتير فمجرد كام يوم دا كلام مش واقعي

طيب بعد الرغي هنعمل ايه؟!

طبعا عندك حساب ادسنس و مستعد تبدأ شغل و لو مش عندك في مواضيع ممتازه فالمنتدي تعلمك فتح حساب..

نبدأ الشغل ..

1- من منتدي نجوم مصريه و برنامج مشاركة الارباح هتشترك فيه و تحاول يكون ليك كل يوم مبدايا من موضوعين الي 3 و طبعا الزياده مطلوبه لكن نقول حد ادني موضوعين مميزين و مطلوبين زي الاخبار المهمه و الجاريه و محاولة وضع خبر عاجل . كده تبدا تحس انك بتكسب و تاخد دفعه كويسه جدا.

2- هتفتح مدونه و اهم حاجه موضوع مش مجرد انك فاهم فيه لكن لازم تقدر تكتب فيه دايما لان ممكن تكون فاهم فموضوع معين و متقدرش تكتب فيه بشكل مستمر .. طبعا المجالات كتير يبقي اختار مجال و حاول تكون مميز و بسيط في نفس الوقت .. و من ناحية مدونتك لو تقدر تضيف موضوع بشكل يومي دا هيفيد جدا في ارشفة مدونتك لان جوجل بتهتم بالحصري و المتجدد و دا اللي هيخليك تبدا تزود ترتيبك و تزود زوارك اللي هيكسبوك يا باشا لكن طبعا الصبررررررررررر.

3-هنضيف مدونتنا في المواقع اللي بتسجل مدونات و مواقع مشاركة المواضيع طبعا و دول كتييييييير ممكن كل يوم نضيف في واحد زي yousaytoo-bloggers-dig-etc و من اهمهم موقع yousaytoo لانه ينشر مواضيعك بمجرد كتابتها بالمدونه بشرط تكون مسجلها فيه.

4-هتبحث عن اكبر المنتديات العربيه و العالميه و تحاول تشترك علي قدر استطاعتك بيها و المهم اكتر انك تغير توقيعك لرابط مدونتك و تبدا تضيف ردود و مواضيع و خلي بالك كل ما اشتغلت بشيء من الفايده لغيرك و الجديه هترجع ليك ان شاء الله يعني مش مجرد اضافة مشاركات و السلام لان الاستهتار مش هيئدي لاي نجاح ... و اتاكد ان النت مليااااان منافسين اوياء جدا يبقي انت لازم تركز في كل خطوه.

5-الفيس بوك ... و ما ادرااااك ما الفيس بوك بقي .... طبعا لو عندك صفحه فيها عدد معجبين كبير يبقي شيء مفيد جدا جدا و لو مش عندك هتبدأ في فتح صفحه ليها علاقه بموضوع مدونتك و يا ريت نفس الاسم اللي هتختاره بعنايه ... طبعا بلاش تدور علي المواقه اللي بتجيب معجبين و السلام دي لانها ولا ليها اي منفعه ... مش مهم تكبر الصفحه ببطا .. المهم ان اللي يعمل لايك عملها مقتنع و ممكن يفتح صفحتك تاني.

6-كمان تويتر دا مهم جدا لكن معتقدش انك هتقدر توسع شهرتك فيه من البدايه يعني ممكن نخلي موضوع تويتر بعد مرحلة كسب ثقة عدد كبير من فيس بوك نقدر نشتغل علي تويتر .. و برضه بلاش المواقع اللي بتزود عدد المتابعين دي مش هتفيدك.

7-اجابات جوجل ... لو قدرت كل يوم تجاوب سؤال بس اجابه بجد مش اي كلام و تحط رابط مدونتك دا هيساعد بشكل كويس في زيادة عدد زيارات مدونتك.

نختصر الموضوع بقي كده بعد الرغي دا كله :

-موضوعين في نجوم مصريه(برنامج مشاركة الارباح).
-موضوع يومي بالمدون-اضافة المدونه لموقع جديد.
-الاشتراك بالمنتديات و اضافة علي الاقل 5 ردود يوميه مرفق التوقيع برابط المدونه.
-نشر صفحتك و تبادلها بشكل يومي.
-تويتر ( اتفقنا ننتظر عليه شويه).
-اضافة حد ادني رد واحد الي اجابات جوجل بشكل يومي.

يمكن الموضوع ياخد تعب شويتين تلاته فالاول بس بعد كده هيبقي اسهل كتير صدقني

بالتوفيق للجميع ان شاء الله و متياسش و الله في كليكات بدولار و في حاجات هتفرحك كتير بس اشتغل .


ملحوظه كلنا عارفينها و هي المحتوي الاجنبي طبعا بيكسب كويس عن العربي لكن ايا كان ان شاء الله هتكسب.

ميرسى على المعلومات والموضوع الرائع تحياتى ليك

موضوع مميز جداا
-الاشتراك بالمنتديات و اضافة علي الاقل 5 ردود يوميه مرفق التوقيع برابط المدونه.
وايه هى المنتديات دى لو ينفع تحط رابط لهم يبقى انت تمام

لآ انت كده تمام اوى وكتر خيرك . بس فى حاجة ان عاوز اقولها موضوع الاخبار العاجلة ده للمشرفين فقط ممنوع للاعضاء اللى زينا مش عارف الاحتكار ده والله

موضوع رائع والله

كلامك فعلا صح , واللي هيطبقة بشكل جيد هيكسب كتير خاصتا من الفيس بوك !

تسلم ايديك ..

موضع رائع بس لا جديد كلها طرق قديمة
وتحتاج الى الصبر انا انصح بتبادل زوار بمعنى كل واحد يركب اعلان لمدونتة او منتداة فى موقع التانى ودة هيساعد الكل فى الربح والحصول على زوار

مميز ومفيد وجاري تطبيق النصائح يسلمو كتير

شكرا لردودكم يا شباب ربنا يخليكوا و ان شاء الله اقدر احطلكوا روبابط لمنتديات كبيره تنضموا ليها و اولها نجوم مصريه منتدانا الجامد طبعا نركز فيه

لآ انت كده تمام اوى وكتر خيرك . بس فى حاجة ان عاوز اقولها موضوع الاخبار العاجلة ده للمشرفين فقط ممنوع للاعضاء اللى زينا مش عارف الاحتكار ده والله

آسف سيدي لا يوجد اي احتكار بقسم الأخبار العاجلة ، انا شخصيا مشرف عام بالمنتدى وكنت اقترح بعض الأخبار لوضعها كخبر عاجل ولم يتم ادراجها ضمن هذا القسم ، ان ادارة المنتدى تختار المواضيع المناسبة لوضعها بهذا القسم بعد اقتراحها من طرف الأعضاء والمشرفين ولا يوجد اي احتكار ، كما ان المشرفين بالمنتدى يقومون بعملهم مجانا اي دون مقابل فهم اشخاص متطوعون ويحق لهم ان ترفع مواضيعهم الى خبر عاجل قبل الأعضاء ، اننا نتعب أخي كثيرا في متابعة مواضيع المنتدى والرد على اسئلة الأعضاء وكتابة مواضيع جديدة .

موضوع ممتاز يستحق كاتبه كل الشكر ، نعم مفتاح النجاح الصبر

شكرااااا ليك و ربنا يقدركوا و فنجاح دايما ان شاء الله

http://forum.al-wlid.com
http://forum.sh3bwah.maktoob.com/
http://www.gulfson.com/vb/
http://www.jeddahbikers.com/vb/
http://vb.vip600.com
http://www.bramjnet.com/vb3/
http://www.damasgate.com/vb/
http://www.zyzoom.org/vb/
http://dvd4arab.maktoob.com/
http://www.adslgate.com/dsl/

دي بعض المنتديات المهمه و ان شاء الله هعمل موضوع اكتب فيه منتديات كتير و مهمه قريب

بالتوفيق

el homework :

-موضوعين في نجوم مصريه(برنامج مشاركة الارباح).
-موضوع يومي بالمدون-اضافة المدونه لموقع جديد.
-الاشتراك بالمنتديات و اضافة علي الاقل 5 ردود يوميه مرفق التوقيع برابط المدونه.
-نشر صفحتك و تبادلها بشكل يومي.
-تويتر ( اتفقنا ننتظر عليه شويه).
-اضافة حد ادني رد واحد الي اجابات جوجل بشكل يومي.

بجد كاتب الموضوع ده فاهم جداً
وياريت الكل يسمع كلامه

بجد كلام موزون وشكله مجرب قوى وطلع بخبرة كويسة
الصبر + الصبر + الصبر+ المواصلة والمدوامة + الحصرى

انا مش عارف الزائر ده مين و يا ريتني اعرفه علشان اشكره علي رده الجميل

الف شكر ليك ياريس علي المقال الجامد ده الخاص بالمنتدي والله الحمد لله الواحد ارباحه بدئت تتحس تدريجيا
اشكرك علي هذه الافكار

ربنا يوفقك و تكسب اكتر و اكتر ان شاء الله و يا رب اكون قدمت شيء مفيد