رجع تانى يوم فى ليلية 29\6\2011
المتظاهرون وعملوا خيم زى اللى كنا بنشوفها فى احداث يناير
واتعملت عدد 2 خيمة كبيررررررررة تضم اعداد اكبر من الخيم الصغيرة
وتم غلق شارع القصر العينى
ويتوافد الان شباب كثير
بيقولو الشعب والجيش ايد واحد
القصاص القصاص
|
بعد احداث التحرير اللى حصلت واقتحام البلطجية لمسرح البالون
رجع تانى يوم فى ليلية 29\6\2011 المتظاهرون وعملوا خيم زى اللى كنا بنشوفها فى احداث يناير واتعملت عدد 2 خيمة كبيررررررررة تضم اعداد اكبر من الخيم الصغيرة
وتم غلق شارع القصر العينى ويتوافد الان شباب كثير بيقولو الشعب والجيش ايد واحد القصاص القصاص |
|
وبعدين فى هذه الأحوال التى تأخر ولا تقدم
ربنا يهدى الأحوال شكرا كتير عبدالله |
|
ربنا يهدينا للاصلح
يا جماعة ما تظلموش الشرطة كان فى بلطجية وشكلهم وطريقتهم وحشة قوى |
|
يا جماعة اقسم باله الناس دى عاوزة تستهدف مصر لازم الجيش يدخل ويشضربهم بالجزمة القديمة يا جماعة مصر بتقع مننا بسبب شوية عيال ولا ليهم اى لزمة فى ال دنيا
|
|
لكن احنا بالصيف فلا لزوم للخيام وزيادة المصاريف
يعني موت وخراب ديار ههههههه |
|
يا أخ (محمود) حرام عليك, مين الدول اللى شوية عيال و مايسووش؟ العيال السيييييس الفرافير اللى مش بيشربو غير مارلبورو أبيض و بياكلو الفول بالتوست و اللى بيلبسو الجينز الضيق و كل العيال اللى بيعملو كل حاجة غلط فى حياتهم كانو من ضمن شوية العيال اللى عملنالهم قيمة اللى يدوب ماعملوش حاجة غير انهم حررو مصر من الإحتلال الإسرائيلى, أيوة مبارك و رجالته زيهم زى الإسرائيليين نفس الوحشية و نفس الكره لمصر و نفس السرقة و نهب خير البلد اللى قاعدين فيها بس شوية منهم فى فلسطين و شوية فى مصر, أنا على فكرة الحمد لله انى من ضمن شوية العيال اللى انت و معرفش بصراحة مين معاك عملولنا قيمة, الف حمد و الف شكر ليك يا رب انى عيل من العيال اللى مايسووش اللى حرروا مصر و غيرو صورة المصرى بره مصر بدل ماكانت كلمة مصرى معناها "عديم الكرامة" خلينا كلمة مصرى معناها "الكرامة"
|
|
يارب احفظ مصر واحميها من كل شر
|
|
حلو شوية عيال دى بصراحة
شوية العيال بردو اللى وقعو نظام مبارك شوية العيال نازلين يطالبو بحق ناس ماتت عشان الحق عشان العدل والكرامة والحرية والمساواة عشان يطالبو بحق الناس الغلابة اللى مش بيطلعلها صوت واللى متعودين ياخدو بالجزمة ويسكتو فا انت لو هتسكت يا صديقى سيب العيال تاخدلك حقك عشان يبقى فى حق وعدل ! والناس اللى قتلو المتظاهرين يتحاكمو والناس اللى سرقت البلد تتحاكم شوية العيال مش بيخافو من الموت ومش بيسكتو عل حق الشهداء ولا حق بلدهم شوية العيال اجدع من 100000000000000 زيك يا صديقى وسيبك بقى من شغل السياسة وابعد عن الاهرام والاخبار وتصريحات لواءات الشرطة يخترعو كلام جديد يقولولنا فوضى خلاقة و عجلة التنمية السيد عصام شرف قال ان المليونية بتضغط عل النظام الحالى لتنفيذ طلبات جديدة وكان بيقول انها حاجة صحية دلوقتى سبحان مغير الاحوال اصبحت المليونية ظاهرة مرضية وتوقف عجلة التنمية ! اللى بيعمل فوضى عدم محاكمة الاسرة الفاسدة واعوانه |