انك تتقايم وتتعوج وتعيش دور النجومية على خلق الله
الناس اللى بتعايش عليهم الدور ده هما السبب انك بقيت بني ادم معروف وليك شهرة
بس للاسف احنا شعب اتربي على المظاهر والاهتمام بتوافه الامور وعدم احترام البنى ادم الصح
بقينا نجرى وراء اى لاعيب كورة او أرتست او مطرب ونخليهم يعيشوا الدور علينا
تلات تربع العالم المشهورة دلوقتى فى مصر اقطع دراعي ان كانوا معاهم شهادة بعد الاعدادية
بس علشان الميزان اتقلب فى بلدنا وبقي العالي واطي والواطي عالى
بقينا نقييم البنى ادم على اسس مش فيير خالص
الكابتن شيكا لحد دلوقتى مش قادر يستوعب هدية ربنا ليه
واللى هيا موهبته الكروية ومش قادر يستغلها بالشكل الصحيح
يا كابتن على فكرة يا نجم ( النعمة بتزول ) ومش بتدوم
حتى اسال ( قديما ) الكابتن محمد عباس
واسال ( جديدا ) الكابتن ابراهيم سعيد ... وغيرهم كتيييييييييييييير
بس للاسف انتا اخترت طريق اللى يروح ميرجعش
الكابتن ميدو العالمي
العظمة لله يا ابن حسام وشوف حالك من 3 سنيين بس وشوف حالك دلوقتى
وعلى ما اظن ان ( الولد ) لاعب الانتاج الاعلامي دعوته جابتك الارض .... ولسه
يعنى ايه اضرب واشتم شباب جايين يتصورا معايا ويسيطونى !
هى الناس ديه افترت على خلق الله كده ليه !!!
اكيد الشباب الحلوة اللى راحت تتصور مع الكباتن شيكا وميدو ( زملكاوية )
علشان مفيش مشجع ( اهلاوي ) يقبل على نفسوا يسيط الكباتن دول على ( قفاهم )
اظن بعد اللى حصل مع الـ 3 شباب الزملكاوية دول من كباتن الزمالك
هيفكروا كتير جدا فى تشجيع نادى حاضن الكباتن الحلوة ديه فى صفوفه
واللى حصل فى موسم فريق الزمالك السنادي وقرب خسارة دورى كانوا راكبينوا
وفى الاخر ينزلوا النزلة الوحشه ديه
اظن ان الزمالك هيخسر مشجعين كتيييير فى نهاية الدوري
نقاش جاد ...
هو ينفع نادي عايش طول تاريخه تحت ضغط الحالة النفسية ( التواطئ و الإضطهاد )
يروح يجيب مدير فني ومدير كوووورة عندهم ( فوبيا ) التواطئ والإضطهاد !!!
طيب تييجي ازااااااااااااي ؟