|
فى ظاهرة فريدة وغريبة تعبر عما يمر به المصريين من ضيق فى العيش وفى الرزق وكذلك فقدان ثقة فى الحصول على حقوقهم فى ظل التباطؤ الواضح فى إتمام المحاكمات للمفسدين وكذلك فى خطوات الإصلاح جلس مواطن مصرى يدعى عبدالناصر الجلفي في الأربعينيات من العمر وجلس وراؤه أربعة أطفال يتراوح أعمارهم مابين 7 سنوات إلى 16 سنة ورفع الرجل لوحة مكتوب عليها أسرة للبيع بالمزاد العلنى ويقول عبدالناصر بعد فشلي في توفير نفقات المعيشة لشهور طويلة وبعد أن أصبحت مهددا بالطرد من سكني بسبب تراكم الإيجار الذي امتنعت عن دفعه في هذه الظروف قررت أن أبيع أبنائي عفاف7 سنوات ومحمد 9 سنوات وداليا 16 سنة وعلي 12 سنة والمحزن حقا هو قول الرجل أنه سوف يصبح هو وأولاده عبيدا لم يشتريهم وأنه يفضل أن يكون المشترى غير مصرى بعد أن أفقده مجلس الوزراء والمجلس العسكرى ومن قبله النظام الفاسد الثقة فى إصلاح مصر ولأنه فى بلده لم يجد رغيف العيش ولا الحياة الآدمية الغريب فى الأمر هو إستسلام الأولاد لفكرة الأب بل وجلسوا خلفه يرددون بعض الأناشيد الوطنية التى قام الأب بتحفيظهم إياها
|
|
يا اخي حرام عليك . انت بصراحه راجل مش كويس يعني ايه تبيع اولادك يا راجل بلاش مبالغه حرام عليك وكنت فين طول السنين الماضيه لماذا لم تقف على الرصيف وتعرض اولادك للبيع يا راجل حرام عليك احنا بنحاول نحسن صورتنا ونحافظ على كرامتنا . ارحمونا يا اخي وبلاش تخبيط فارغ نحن جميعاً ضد الفقر وضد الفساد وضد النظام السابق وضد سياسة المجلس العسكري حاليا ونطالب بكل المطالب المشروعه وعلى راسها العيشه الكريمه لكن ليس هكذا تورد الابل يا اخي ليست هذه طريقه تعبر بها عما انت فيه |
|
يا اخي حرام عليك . انت بصراحه راجل مش كويس يعني ايه تبيع اولادك يا راجل بلاش مبالغه حرام عليك وكنت فين طول السنين الماضيه لماذا لم تقف على الرصيف وتعرض اولادك للبيع يا راجل حرام عليك احنا بنحاول نحسن صورتنا ونحافظ على كرامتنا . ارحمونا يا اخي وبلاش تخبيط فارغ نحن جميعاً ضد الفقر وضد الفساد وضد النظام السابق وضد سياسة المجلس العسكري حاليا ونطالب بكل المطالب المشروعه وعلى راسها العيشه الكريمه لكن ليس هكذا تورد الابل يا اخي ليست هذه طريقه تعبر بها عما انت فيه |
|
أخى العزيز هذا إعتراض رمزى على الأوضاع وأعتقد أن الرجل لا يعنى بيع أولاده ولا ينوى ذلك ولكنها وسيلة لإظهار الأحوال السيئة ولا تنسى اخى أنه بذلك يكون أفضل ممن أشعلوا النار فى أنفسهم وإعتبرهم الناس أبطال وعلى رأسهم التونسى بو عزيزى مشعل الثورات العربية
بصراحه يا مشرفنا الغالي انا شايف انه لو ولع النار في نفسه اهون من انه يعرض صورة انه يبيع اولاده طبعا بعيدا عن شرعية الانتحار . يعني ايه منظرنا امام الناس عندما يشاهدون المصريين يبيعوا اولادهم رجعنا للعبوديه ولا ايه بس . بصراحه تصرف مش ظريف ابدا وهناك الف طريقه للتعبير اقل اهانه من هذا العمل |
|
لا حول ولا قوة الا بالله
|
|
بصراحه شىء غريب جدا
انا عارفه ان اكيد ظروفه وحشه وانه فقد الثقه فى اصلاح البلد بس بجد حرام يعمل كده فى اولاده شكلهم بجد وجع قلبى ومينفعش خالص يعمل كده ممكن يعمل اى شىء تانى بس كده صعب وحرام اوى |
|
دا عمره ما يصعب ع الواحد ما يشتغل ويكسب من عرق جبينه بدل ما يرمى ظلمه ع البلد كلنا مظلومين زيه معرض ولاده للبيع وكل ده مش هيفيد بحاجه ربنا يهدى الجميع
|
|
هى رسالة عن وضع اجتماعى سىء جدا ولكنها رسالة لن تجد لها أى رد
ربنا يتولاه هو وأبنائه ويتولانا جميعا شكرا مشرفنا العام استاذ |
|
بصراحه محدش بيحس بحد الرجل مش بيشتغل ياكل اربع عيال منين ولا هو كلام وخلاص
ولو على الشغل انا بشتغل مدرسة نشاط و قبضى 84 جنية هو دة اللى باخده من الحكومة وده يرضى حد |
|
يا جماعه اللى بيحصل ده فعلا يدل اننا لسه فينا ناس متخلفين كتير ايه الهبل اللى الراجل عمله ده فعلا هنفضل من الدول المتخلفه طول ما فى ناس بالشكل ده عايشه فى مصر ولا هينفع فينا ولا ثوره ولا غيره النظام اتغير ولكن العقول لم تتغير .. الله يرحم شعب مصر و البقاء لله فى عقول المصريين
|
|
يا إخوانى اللى عمله الراجل ده مجرد شىء رمزى عايز يعبر بيه عن واقع
|
|
لا حول ولا قوة الا بالله الللي عمله الراجل ده مش من قلبه بس هو بيحاول يفهم وضعه للناس وانه فعلا مفيش اي تغيير حصل وبالعكس ده زاد اكتر من الاول يعني الراجل يعمل ايه واللي بيتكلم ويقول حيبقي منظرنا وحش قدام العالم هو م امتي مظرنا كان اصلا كويس العالم كلهها عارف ان مصر فيها ناس كتير مش لاقيين ياكلوا ولا يسكنوا حتي يعني ايه مظرنا يبقي وحش هي بالمنظر ولا بالاصلاح يغور المنظر بدال ما تيجي علي حساب االانسان المصري البسيط اللي مش لاقي رغيف عيش والله حرام اللي بيحصل ده وربنا شايف ومطلع كل راع مسئول عن رعيته ربنا يجازي اللي كان السبب وربنا مبينساش خلقه
|
|
ياناس ده راجل عنده حق وبيطالب وبيقول من خلال عرضه ده كفاية ظلم حتى بعد الثورة لسة فى فساد كتير ومش قادر أصرف على عيالى ومش قادر أوفر ليهم حتى مأكلهم وبشوفهم بيتعذبوا وانا ليس بيدى حيلة
|
|
بسم الله الرحمن الرحيم
احب اشكر كل من رد علي الموضوع والله لو جلس في بيته والتوكل علي الله كان الله رزقه من حيث لا يحتسب لا تنسوا ان الله سبحانه وتعالي ذكرها في مواضع كثير من القران اتوكل علي الله وان شاء الله ماراح تخيب محبه مصر |
|
بصراحه يا مشرفنا الغالي انا شايف انه لو ولع النار في نفسه اهون من انه يعرض صورة انه يبيع اولاده طبعا بعيدا عن شرعية الانتحار . يعني ايه منظرنا امام الناس عندما يشاهدون المصريين يبيعوا اولادهم رجعنا للعبوديه ولا ايه بس . بصراحه تصرف مش ظريف ابدا وهناك الف طريقه للتعبير اقل اهانه من هذا العمل و خير الختام ذكر النبى عليه الصلاة و السلام ***** |
|
حال البلد بقى صعب جدا والعيش ة اصعب
وبالرغم من كل دة الاسعار بتزيد لا قوة الا بالله |
|
مش من حقو يقرر مصير الاولاد و يرميهم للعبودية هو عايز يبيع نفسه او يحرقها هو حر بنفسه بس الاولاد ايه ذنبهم لو مش قادر يصرف عليهم يعطيهم لدور الرعاية تتكفل بيهم احسن ما يعرضهم لحياة العبودية شو هو عايز يرجع العالم لزمن الجاهلية
|
|
واللي بيتكلم ويقول حيبقي منظرنا وحش قدام العالم هو م امتي مظرنا كان اصلا كويس العالم كلهها عارف ان مصر فيها ناس كتير مش لاقيين ياكلوا ولا يسكنوا حتي يعني ايه مظرنا يبقي وحش هي بالمنظر ولا بالاصلاح يغور المنظر بدال ما تيجي علي حساب االانسان المصري البسيط اللي مش لاقي رغيف عيش
اذا كان هذا تفكيرك اخي الزائر فاسمح لي اقول لك فعلا ما فيش فايده يا اخي الكريم انت باي لغة تتحدث . الم تخرج انت بنفسك في الثورة من اجل الكرامه وارفع راسك انت مصري ومن اجل التغيير ازاي بتتكلم الان وتقول من امتى كان منظرنا كويس طيب ما قولناش حاجه كان منظرنا زي الزفت ولا خلاف بس السؤال انت خرجت في الثورة ليه اليس من اجل التغيير ولا انت لم تخرج اصلا في الثورة ولا ايه بالظبط . يا اخي العالم كله فخور بالمصريين وانت جاي ترجعنا تاني للخلف وتقول من امتى كان منظرنا كويس . باذن الله عاد المصري الي شكلة ووضعة الحقيقي والذي كان عليه قبل مبارك ونظامه ولا عوده لعصر مبارك انسى بقى يا اخي انك انسان مهان امام العالم وبص للجاي ودائما خليك متفائل ومتطلع الي الافضل . وصاحبنا الذي يعبر عن حاله بعرض اولاده للبيع كان فين من زمان هل كان مترف وسعيد ايام مبارك ولماذا لم يتصرف هذا التصرف في ايام مبارك مش ممكن يكون خايف ويخاف على ايه اذا كان هو بايع اولاده يبكي على ايه تاني . يا ريت تقوله عيب كده ومش انت لوحدك الذي تعاني وفيه الف طريقه للتعبير عن حالك وحالي اكرم واشرف من هذه الطريقه . وياريت نتحمل شويه ليس من المنطق نتحمل 30 سنه ونعرض اولادنا للبيع في خمس شهور. الحلول والطرق العمليه افضل الف مره من هذه التعبيرات المهينه التي لا تجدي نفعاً |
|
حرااااااااااام عليك .... لا حول ولا قوة الا باللهـ ... دي مش تصرفات واخلاق المصريين
|
|
إنا لله وإنا إليه راجعون
وحسبنا الله ونعم الوكيل |
|
هذا دنب سب الشهداء لا غير الله يهدى ما خلق
|
|
اشتغل واصرف على لحمك بدل ماتبيعه حتى لو هتاكلوا عيش حاف
انا عرفه انه مجرد رمز بس مرفوض برضو |
|
لا حول ولا قوة الا بالله
|
|
بصراحةهو ممكن يكون عنده حاجة فى عقله هو فى احد فى الدنيا يبيعاولاده لاى سبب من الاسباب من المفترض انه يراعى الظروف اللى البلد بتمربيها احنا بنحاول نصلح صورتنا امام الاجانب وهو بيشوهها ايه الغباء ده
|
|
اتقي الله في عياللك
|
|
فى ناس كثيره فى مصر ما تعرف الفقر والجوع ولو ذاقت طعم الجوع ما كانت تتحامل على هذا الرجل هو اساسا لن يجد عمل ولو وجد ما فعل ذلك انا اعرف صنايعيه كثير جالسين فى بيوتهم والحال لا يسر اتقوا ربنا ولا تتحاملو على هذه الناس وليس فى يدى غير قول يتولاه الله وليس البشر
|
|
حرام عليكم بقى حسنوا صورتنا مش تشوهوا روح اتعب واشتغل واصرف عليهم مش تبيعهم وفاكر نفسك مظلوم ما كلنا اتظلمنا بس ما بيعناش ولادنا ولا اهلينا لا حول ولا قوه الا بالله العلى العظيم
|
|
ياجماعة انتوا كل همكوا الناس اللى برة تشوفنا ازاى ولا همكوا الراجل نفسه اكيد عمره ماهيبيع اولاده مش للدرجة دى دى حاجة بتعبر عن اللى هو فيه بس مش اكتر بيبن حالته ومستواه انه وصل لدرجة انه هيبيع اولاده فى يوم من الايام واكيد مش هيلاقى شغل فى الظروف الطين اللى احانا فيها دى دلوقتى تاكله هو واولاده الاربعة حرام يعنى ارحموه شوية
|
|
ما حدث من هذا الرجل رمز يدل على أن الأوضاع كما هى يعنى الثورة لم تحدث .
وسؤال ممكن حد يرد علية . أذا كان وزير المالية لا يستطيع رفع الحد الادنى للاجور والذى تمخض أخيرا على زيادة موظفى الحكومة فقط اللى فى الدرجة السادسة ( السعاة والفراشين وعمال الخدمة العامة ) من يحملون فقط شهادة محو الأمية . رفع مراتبتهم إلى 684 فقط بدلا من ال 700 جنية وذلك كلة لأن الحكومة لا يوجد لديها أموال لزيادة المرتبات لجميع العاملين بالدولة وليس الحكومة فقط . والشئ المؤسف أن الحكومة تجد فى ذات الوقت الأموال لصرف المرتبات العالية 50 الف و 75 الف و 100 الف و 300 الف حتى مليون جنية مرتب شهرى .. الخ لماذا الحكومة اللة مش لاقية فلوس لزيادة المرتبات لصغار العاملين يوجد لديها فلوس للمرنبات الكبيرة أذا كنتى يا حكومية مس قادرة تطبقى الحد الأدنى ؟؟؟؟ فلماذا لا يطبق الحد الاقصى ؟؟؟؟؟؟؟؟؟؟؟ |
|
اااااااااه يا بلد ااااااااااه عايده
|
| مواضيع مشابهة: | ||||
| › فيديو : مواطن يعرض اطفاله للبيع امام مجلس الوزراء | ||||
| › رسالة من تلميذ مصري الى المعتصمين فى ميدان التحرير | ||||
| › بسبب اصبع عامل فرع لمطعم مصرى شهير معرض للبيع العلنى | ||||