تفاصيل عرض سرعات اوبتيموم الجديدة من شركة تي اي داتا لخدمات الانترنت te data اسعار انترنت اقل مع تحديد سعة التحميل و المعروف باسم عرض tedata optimum speed و تطبيق السياسة المعروفة باسم سياسة الاستخدام العادلة الغير عادلة بالمرة
في محاولة يائسة من شركة تي اي داتا لارضاء العملاء المعترضين علي اسعار الانترنت السريع في مصر adsl تظهر علينا الشركة و كأنها ابتكرت شيئاً جديداً في محاولة جديدة منها لخداع المستخدمين تحت شعار كل يقدر يدخل علي الانترنت بالسرعات الجديدة
فالسرعات المعلنة ليست جديدة كما ان التخفيض في الاسعار ضعيف جداً و الخدعة الاكبر ان هذه السرعات مكبلة بسعة تحميل محددة و عند تجاوزها خلال الشهر تقل السرعة الي 128 كيلو بيت حتي نهاية هذا الشهر

السرعة 1 شهر 3 شهور 6 شهور 12 شهور سعة التحميل
512 ك ب / ث 75 220 440 855 5GB)
1024 ك ب / ث 10GB) 100 295 585 1140
2048 ك ب / ث 20GB) 150 445 875 1705
4096 ك ب / ث 250 740 1460 2845 40GB)
8192 ك ب / ث 80GB) 400 1180 2330 4550
16384 ك ب / ث 160GB) 700 2065 4080 7965

24576 ك ب / ث 160GB) 1250 1950 3690 7290



كما ان الاشتراك في تلك الباقة الجديدة ليس مجاني للتحويل الي تلك الباقة عليك دفع 50 جنيه
و الاسعار مازالت مرتفعة و سيتم التوقيع علي اشتراكات جديدة للراغبين في هذا النظام سواء كان مشتركين جدد او قدامي تنص علي شروط سياسة الاستخدام العادل المزعومة
هذا العرض غير مؤقت و سيتم التعامل معه كباقة جديدة مع بقاء الباقتين الاخرتين المحدودة و غير المحدودة

شكرا كتير مشرفنا العام أرتيو على المجهود الكبير

دا نصب عيني عينك

دا نصب نصب بمعنى الكلمة

الصراحة اصلا خدمة TE- Data

خدمة تعبانة جدا ,, وبيطلعوا عين الواحد فى خدمة العملاء

وحرامية فى العروض

احسن شركة فودافوان الصراحة ,,, الشحن عن طريق التليفون اشحن ب 100 وهما يسحبوا 95 بدل بهدله مواصلات ولاه تتطلع بعربيتك فى الزخمة .

واتصالات بردو حلوه

****************


والاسعار لسة مرتفعة

شركه نصابه

شكراااااا ليك .. بس فعلا العروض مش الهيا يعني

بيضحكوا علي المستخدمين
و يقولوا سعر اقل و مبيقلوش تفاصيل الخدعة في اعلاناتهم

والله ده مش كلام خاااااااالص .المفروض ان السرعات والاسعار اللى هنا اكتر من تمن السرعات فى امريكا .طبعا هناك مافبيش حاجة اسمها نص ميجا وواحد .ده اختراع المصريين ....

شركه نصابه .

المقاطعة هية الحل الوحيدة لو الناس امتنعت عن الدفع هتيجى لا يفل الحديد الا الحديد وهما ليهم القبض ولو واحد مدفعش يقطعو عنة انما لو مثلا 50 الف مدفعوش المطالب هتتنفذ غصب عنهم

تي داتا اكبر شركة حرمية بتسرق فلوس الناس وقريبا حتكون ثورتنا عليها وعلى اصحابها اللي بيسرقو الشعب
لازم كلنا نقاطع تي داتا ونحول على اي شركة يكون عند اصحبها ضمير

بارك الله فيكــم

بس انوووو اننا نعمل مقاطعه وان شاء الله الناس كلها هتستاجيب

والله أحلى حاجة فى الدنيا نقف ولو فى التحرير يوم واحد يوم جمعة نسميها جمعة تطهير الانترنت وبكدا الأسعار هتنزل أووووى كمان وشكرااااااااااااااااااااااااا لكل الأعضاء

نتوقف عن الدفع وانا اضمنلكم كل الناس اللى اعرفها

كل بتوع الانترنت لصوص تتعاقد على سرعة معينة ويوصل لك نصها بالعافية شوية حرامية

للأسف معظم الناس اللي كاتبه الردود اللي فوق دي ... مش فاهمين الوضع كويس وفيه ناس بتتكلم وخلااااص بدون اي علم .
الأستاذ اللي بيقول فودافون واتصالات ... طب يا ريت تجرب بنفسك الدعم الفني الخاص بيهم - زفت على المستوى التقني -
الاستاذ اللي بيقول دعم فني تي اي داتا بيتعبوه ... من بعد شهر 3 اللي فات مبقاش فيه حاجه اسمها فترات انتظار طويله - اكتر من دقيقتين - بقى الرد في نفس اللحظه .
الاستاذ اللي بيقول الاسعار والنت في امريكا ارخص والميجا اختراع مصري .. يا ريت يا جماعه نقرا ونعرف بدل ما نقول كلاااام على الفاضي بجهل غير مقصود - طبقا لاخر احصائيه مصر هي تاني ارخص دوله عربيه من حيث اسعار الانترنت , طبعا اسعار الانترنت في اوروبا الوطن العربي اغلى من مصر .
الاستاذ اللي مش عاجبه سيساة الاستخدام العادل .. لازم تبقى عارف ان تي اي داتا و غيرها مش بيطبقو السياسه دي بمزاج ابوهم لان فيه جهاز اسمه الجهاز القومي لتنظيم الاتصالات ntra هوه اللي بيحدد ولازم غصبن عن الشركات تلتزم بقراراته . مع العلمان مفيش شركه من الشركات مطبقاه دلوقتي و كل اللي طبقوه قبل كده سواء تي اي داتا او لينك .. طبقوه بشكل احصائي بناءا على طلب الجهاز القومي لتنظيم الاتصالات لحساب مدي استخدام الشعب المصري - مستخدمين الانترنت في مصر - للانترنت وكمية الباند - السعه المستهلكه يعني - في السوق المصري .
الاستاذ اللي مش عاجبها باقات الاوبيوم الجديده .. فيه ناس استهلاكهم للانترنت ضعيف جدا .. فحرام يدفعوا سعر حاجه هما مش بيستخدموها .. وعلشان كده جت فكرة السرعات المخفضة التمن - فحضرتك عايزها اشترك فيها او لم مش مناسبك متشتركش - بس خليك عارف انها مناسبه لناس تانيه كتييييير .
اسف على التطويل بس يا ريت يا جماعه قبل ما نعد نشتم ونزعق ... يا ريت نقرا بس شويه .

مفيش شركة في مصر نضيفة لان كلهم حرامية ونصابين والفساد سيظل لازق في الشعب وانا زهقت من البلد

هذه الاسعار غلية جدا. انا لي واحد صحبي بيدرس في انجلترا بيقول ان عندهم اقل سرعة هي 10000 وبما يعدل حوالي 180جنيه مصري في الشهر

السلام عليكم ورحمة الله وبركاته

تاااني يا جماعه ... يا ريت نتحرى الدقه في المعلومات اللي بنقولها
علشان اوضح ليكم .... مقارنه بسييييطه بين الاسعار والسرعات مثلا في امريكا ... شوفوا اللينك ده ... فيه اهم واكبر شركات انترنت في امريكا - والمفروض العالم -
ww.dslshoppingguide.com/dslcompare.htm[/url

حتعرفوا ان الحمد لله الانترنت في مصر سعره وسرعاته كويسه جدا ... لا وكمان العروض مش بطاله .

ملحوظه : يا ريت تزودوا حرف w قبل اللينك علشان تقدروا تفتحوه .

دى شركة نصابة عشان بيقطعو النت فى اول الشهر ثلاثة او اربع ايام