بسم الله الرحمن الرحيم





هناك أنباء تتردد بقوة اليوم عن تعيين

اللواء محسن الفنجري مساعد وزير الدفاع وعضو المجلس الأعلى للقوات المسلحة وزيرآ للداخلية خلفآ للواء منصور العيسوى وزير الداخلية الحالى

يذكر ان اللواء محسن الفنجرى أصبح من يوم الثورة وبعد ألقائه بيانات الجيش أصبح قدوة ومثال يحتذى به

من هو اللواء محسن الفنجرى :-

اللواء محسن الفنجري من القادة العسكريين المصريين وتولى المناصب الآتية:

• • رئيس هيئة التنظيم والإدارة بالقوات المسلحة المصرية
  
  
  • مساعد وزير الدفاع بالقوات المسلحة المصرية
  
  
  • عضو بالمجلس الأعلى للقوات المسلحة

يا سلام يا شيماء لو كان هذا الخبر حقيقى

اكون سعيدة جدا

يارب يا شيماء يكون حقيقة

ولأن اللواء محسن شخصية ممتازة جدا وحازم جدا

شكرا شيماء مشرفنا العام

بكده المسأله تزداد تعقيدا

لان الشرطه لن تقبل ان يتولي رئاستهم من الجيش

بكده المسأله تزداد تعقيدا

لان الشرطه لن تقبل ان يتولي رئاستهم من الجيش

مش مهم عم ابراهيم الشرطة تقبل والا لالالالالالالالالالالا

المهم احنا عاوزين مين يساندنا ويكون أمين علينا

واحنا الشعب اللى حا نختار نضع مين فى أى موقع بالبلد

يعنى احنا كنا شفنا ايه من الشرطة غير الاهانة والتعذيب والقتل

احنا الشعب اللى حا نقف امام كل من يعارض

والكثرة بتفرض رأيها على الأقلية

وازيك بقى عم ابراهيم ويارب تكون بخير يارب

بكده المسأله تزداد تعقيدا

لان الشرطه لن تقبل ان يتولي رئاستهم من الجيش

بصراحه كنت دائما اتمنى ان يكون وزير الداخليه عسكري
لكن بعد موقف المجلس العسكري اصبحت عندي حساسيه
هو الفنجري من المجلس ولا بعيد شويه يا عم ابراهيم
اما من جهة الشرطه تقبل ولا ما تقبلش تضرب دماغها في الحيط

بصراحه كنت دائما اتمنى ان يكون وزير الداخليه عسكري
لكن بعد موقف المجلس العسكري اصبحت عندي حساسيه
هو الفنجري من المجلس ولا بعيد شويه يا عم ابراهيم
اما من جهة الشرطه تقبل ولا ما تقبلش تضرب دماغها في الحيط

يا جماعه لازم تفهموا ان تركيبة ضابط الشرطه مختلفه كثيرا عن ما نتخيل نحن
اداء الشرطه لن يكون علي المستوي المطلوب
بين الجيش والشرطه مصانع الحداد
لا يطيقون بعض .. وهذا الامر سينعكس سلبا علي امننا واستقرارنا
اري ان كان هناك أوغاد في الداخليه فهناك ايضا شرفاء
ابحث عن الشباب .. بين رتبة عقيد وعميد مثلا
ستجد الشرفاء يسدوا عين الشمس
بهذا سينصلح حال هذه الوزاره

يا جماعه لازم تفهموا ان تركيبة ضابط الشرطه مختلفه كثيرا عن ما نتخيل نحن
اداء الشرطه لن يكون علي المستوي المطلوب
بين الجيش والشرطه مصانع الحداد
لا يطيقون بعض .. وهذا الامر سينعكس سلبا علي امننا واستقرارنا
اري ان كان هناك أوغاد في الداخليه فهناك ايضا شرفاء
ابحث عن الشباب .. بين رتبة عقيد وعميد مثلا
ستجد الشرفاء يسدوا عين الشمس
بهذا سينصلح حال هذه الوزاره

شكرا كتير عم ابراهيم لتوعيتنا بهذه المعلومة الهامة

صحيح انا فرحت جدا من الخبر

ولكن من متابعتى لك عم ابراهيم ركزت كويس وفعلا كلامك مضبوط

كتير الفرحة بتخلى الواحد يعمى عن النظر لبعيد

ربنا يبارك فيك يارب

ربنا يجيب الخير لمصرنا الحبيبة فى كل مجالات الحياة وازا كان فى هزا الرجل خير لكمصر ربنا ييسر الامر

يعني ايه بقى كل خرابه فيها عفريت ولا ايه .
بتعقدها ليه يا عم ابراهيم بس . النظام سقط والسياسه تتغير ومصانع الحداد تنتهي .
عموما الامر برمته يحتاج الي ملك صالح
نسأل الله ان يولي فينا خيارنا ويلطف بنا ويجبر كسرنا ويعوض تعبنا والخير فيما يختاره الله .

عكس الذي تقولوه
الشرطه تخاف من الجيش
لان الضبط بالجيش اعلى من الشرطه
انا لما بقول تخاف مش قصدي بعبع يعني
انا اقصد الشرطه تهاب الجيش
ولو كان فعلا سيحصل اتوقع تحسن سريع جدا في الامن العام
والتوقف الفوري لتصرافات الشرطه التي مازالت مستمره على ممارستها
بجد اول مرة احس بالتفائل
رغم اني عندي شكوك ولااعلم الشيطان بيوسسه لي ام لا
انا لاارعف هذا الرجل
ولكن الذي اعرفه عنه هو انسان وطني وخلص
كيف وانا لااعرفه
ان التحية التي اداها للشهداء لااعتقد انها جزء من سيناريو وضعه المجلس الاعلى
بل تصرف ذاتي منه شخصيا
قد اقول قد يريد المجلس الاعلى التخلص منه بمشاركتهم باتخاذ القرار
انا اقول قد تكون وسوسه شيطان والله اعلم

يارب يكون خبر صحيح لان الجيش اعى فلا من الشرطة واتمنى ان يكون قرارته صارمه مع المتقاعسين عن العمل

حسب القانون العسكرى الخاص بالقوات المسلحة ( يحظر على رجال القوات المسلحة من مختلف الرتب العمل بديوان وزارة الداخلية لاى سبب من الاسباب و لو صدر بهذا الامر قرار جمهورى ) بس رقم المادة غايب عن ذهنى الان .... و بنفس الشروط قانون هيئة الشرطه رقم 108 لسنه 1981 و لوائحة المعدلة ينص على الاتى ( لا يجوز لاى من السادة ضباط القوات المسلحة العمل داخل جهاز الشرطة باى حال من الاحوال و ذلك لاختلاف طبيعة العمل للهيئة الشرطية من كونها بمادتها الاولى هيئة مدنية ( نظامية انضباطية ) و ليست عسكرية .. و فى حالة احتياج القوات المسلحة بجهاز المخابرات العامة فقط بالاستعانة ببعض السادة الضباط من وزارة الداخلية بعد الانتقاء و التدريب على الاعمال المخابراتية الفنية و تصديق القوات المسلحة على ذلك ينتدب السيد الضابط الى الجهاز و ان استمر اكثر من عام و لم يشوب سيادته اى تقارير عن عدم الصلاحية من الاوجه المختلفة ( انضباطيا و اخلاقيا و نفسيا و فنيا ) يعود مرة اخرى الى عمله الاصلى بالوزارة ( الداخلية ) و ان استمر للعمل بالجهاز يصل حتى رتبة اللواء ( لواء شرفيا و ليس عاملا بالجهاز ) حيث ان اصله الانتمائى لوزارة الداخلية و ليس للقوات المسلحة ......
هذا هو القانون فى الوزارتين لذا لزم التنويه للعلم ........
و خير الختام ذكر النبى عليه الصلاة و السلام ******

انا مقلق من الموضوع دا هو المجلس دا كل ما يشوف الشعب جاتلة سخونية يقوم مديلة لبوسة والمرة عايز اللبوسة تعمل مفعول عشان السخونية جامدة المرة دى

انا لا عايز فنجرى ولا فشخرى ومشكور عالتحية اللى عملها سواء كانت منة ولا من المجلس بس كفاية اوى لحد كدا اللعب على عواطف الشعب وادى تحية للشهدا كأن التحية دى رجعتهم للحياة تانى

التحية اللى بجد انهم يقبضوا عالمتهمين اللى ضربوا ويحاكموهم محاكمات عسكرية بلاش كلام فاضى ويقولوا تحية وبتاع مالكل كان بيقول اول مالجيش مسك ان طنطاوى والمجلس العسكرى ميعرفش ابوة وادينا شايفين النتيجة كلنا دلوقتى عاملة اية

يا ريت نكون واعيين وبلاش ندخل عواطفنا فى كل حاجة كفاية الفترة اللى فاتت دى كلها لو كنا ماشيين زى الناس كان زمنا قومنا العفريت نفسة

اخي الباشا
اعتقد ممكن التصرف بمثل هذه الامور
يعني ممكن احالته على المعاش من الجيش وتعينه وزير للداخليه
اي مش بالضروري يكون نقل من سلاح لسلاح
واكيد انت اعرف كما يبدو

شكرا كتير عم ابراهيم لتوعيتنا بهذه المعلومة الهامة

صحيح انا فرحت جدا من الخبر

ولكن من متابعتى لك عم ابراهيم ركزت كويس وفعلا كلامك مضبوط

كتير الفرحة بتخلى الواحد يعمى عن النظر لبعيد

ربنا يبارك فيك يارب

انا الفرحة طيرت عنيا خالص
ازيك يا جده وحشتيني والله
الفكره انه الجيش له طبيعة مختلفة تبعاً للمهمات الملقاه على عاتقه فاذا كان الضابط الخبره قد يفشل في مثل هذه الحالات الصعبة فما بالنا بالعديم الخبرة

اللى كان موقع بين الشرطه و الجيش هو النظام السابق و عامل تمييز بينهم فى المعامله دلوقت لازم المفاهيم تتغير و الراجل ده محترم و يا ريت يمسك الداخليه الخبر حلو يا جماعه و الله بلاش نبنى استنتاجات بناءا على اللى كان بيحصل دلوقت احنا فى مصر جديده خالص ده حيعلم الداخليه الانضباط و حسن معامله الشعب لان الجيش فى حمايه الشعب ربنا يحمى جيشنا العظيم خير جند الارض بشهاده الله و رسوله و ان شاء الله كل الخير و على بركه الله الخبر حلو قوى و يا ريت يحصل الراجل ده وشه حلو علينا كلنا

انا الفرحة طيرت عنيا خالص
ازيك يا جده وحشتيني والله
الفكره انه الجيش له طبيعة مختلفة تبعاً للمهمات الملقاه على عاتقه فاذا كان الضابط الخبره قد يفشل في مثل هذه الحالات الصعبة فما بالنا بالعديم الخبرة

ازيك يا عبد الكريم وواحشنى انت كمان جدا جدا جدا

يارب تكون بخير يارب

الجملة المظللة باللون الأحمر معناها منطقى جدا

وعلى رأيك ابنى اذا كان فشلوا فى فى المهمة التى وعدونا بها ومازالت الامور تتصاعد الى الأسوأ

فما بالك بقى فى المهمات التى نظامها غير نظامهم وليس لديهم اى فكرة ولا خبرة عنها.

تحياتى لك عبد الكريم ولا تغيب علينا لكى أطمئن عليك

الموضوع اكبر من المسكنات
المجلس العسكرى اصبح يتميز بالمياعه فى اتخاذ القرارات بالسرعه المطلوبه

استاذ زيزو بجد حضرتك موسوعه

بارك الله فيك

وشكرا على الخبر


منار

وهل الراجل هيوافق يضيع تاريخه مع شعب متقلب ومستفز لاقصى درجة ؟

يجب تحجيم وتفكيك جهاز الشرطة بشكله الحالي وتحديد دوره وطريقة عمله بمنتهى الدقة
دور الشرطة محدد بمنع وضبط الجريمة أما الاتهام والتحقيق والإحالة والمحاكمة وإجراءاتها والعقاب فهو من سلطة القضاء ومن ثم يترتب على ذلك :
1- إلغاء إشراف الشرطة على السجون وتحويلها لوزارة العدل
2- إلغاء الأمن المركزي
3- إلغاء مباحث أمن الدولة أوأي بديل ينشأ بديل عنها
4- نقل تبعية مصلحة الأحوال المدنية من الشرطة إلى المحافظات والإدارات المختلفة
5- كذلك رخص المرور للمركبات والقيادة وجوازات السفر وإدارة الموانئ والمطارات والمطافئ تنقل تبعياتها من الشرطة إلى إدارات الدولة الأخرى
6- إلغاء التخصصية المعوقة في التقسيم الإداري الداخلي لجهاز الشرطة
7- عودة الخفير والعسكري النظامي والدوريات الراكبة
8- تحقيق المحلية في جهاز الشرطة فشرطة المحافظة من أبناء المحافظة وشرطة المدينة من أبناء نفس المدينة
9- لاعلاقة للشرطة بالانتخابات العامة لا من قريب ولا من بعيد لا علاقة مطلقا
ابتداءا من تسجيل الناخبين وتحديد الدوائر والتقدم للترشح وإجراء الانتخابات وأخيرا إعلان النتيجة
دور الشرطة هو حفظ الأمن فقط مثل دورها في تأمين المباريات أو المؤتمرات أو الموالد أوأي مناسبة
10 - الفكرة الحديثة بالاستعانة بخريجي الحقوق وخصوصا في اعمال الادارية والاستجوابات والبلاغات والتحريات
بحيث يقوموا بكافة الأعمال الكتابية الإدارية داخل الأقسام وتكون مهمة أفراد الشرطة في الخارج فقط
11- تنظيم فترات إحتجاز الأشخاص وعمل نشر لها ويكون على النت ومعلق على أقسام الشرطة
12- رفع الرواتب بمايضمن عدم اللجوء للرشاوي
13- إزدواجية التفتيش على الشرطة لتكون من وزارة العدل بالإضافة للتفتيش الداخلي من الجهاز نفسه

شىء غريب فى تعليقات الجميع الديموقراطية تعنى أن أى شخص يمكن أن يكون وزير فوزير الدفاع فى بعض الدول المتقدمة لم يكن ضبطا بالجيش وقد يكون امرأة وبالتالى الوزير لا يعمل بالوزارة ولكنه عمل سياسى يعنى أى فرد يكون وزير .... بعدين احنا لم نتغير ونطلب من الاخريين تغيرنا كيف .. مازلنا كأفراد نقدم الرشاوى و نخترق الطوابير ونغش فى الامتحانات وليست الثانوية العامة ببعيد ونبحث عن الوساطة ... لابد ان نتغير حتى نغير

قمة الغلط
رغم احترامي لهذا الرجل
لكن لايجوز ان يتولى الشرطة رجل عسكري
رجال الشرطة لن يقبلوا

تخيلوا لما فشركة هندسة يقولك المدير هيكون خريج طب
اكيد مينفعش

اخوانى الاعزاء الحل بسيط جدا ولا يحتاج سوى 21 يوم لحل المشكله الامنية وحل البطاله معا
الساده الضباط الافاضل اللى مش عاوزين ينزلوا عملهم شكرا ارتاحوا فى بيوتكم على طول ويتم عمل دورات لمده 3 اسابيع لخريجى الجامعات ويتم تعينهم مكان الضباط الافاضل واهو ريحوا وريحونا

ياجماعه بصرف النظر ده ينفع او ماينفعش ماحدش سأل نفسه اشمعنى التصريحات دى دلوقتى ببساطه كده لان مطالب المتظاهرين فى التحرير مشكده خالص المطالب دلوقتى اننا عايزين مجلس مدنى والمجلس العسكرى يستريح وكفايه عليه وظيفته الاساسيه فى حمايه البلاد بالجيش المطالب دلوقتى اكبر بكثير من الاول ومتمثله فى مطلب واحد هو مجلس رئاسى مدنى مكون من عدد لابأس بيه من قضاه محترمين لهم سمعه طيبه وافراد محترمين من الاحزاب وبعض القيادات الشبابيه من الثوره مش مهم يكون عدد المجلس الرئاسى كام حتى لو كان من 80 او 100 فرد المهم نبقى ضامنيين ان كل اللى عايزاه الثوره يتحقق وبالسرعه المعقوله وعلى فكره المتابع للاحداث حيشعر قد ايه كل الفئات معترفه ان المجلس العسكرى لايصلح لرئاسه البلاد ولاشك انه له كل الاجلال والتقدير عما سبق اما الان فالمرحله الانتقاليه يلزمها مجلس رئاسى مدنى حتى نستطيع تحقيق كل مانريده ويوجد من الشرفاء فى بلدنا ومحبى مصر الكثيرون علشان نشعر على الاقل ان دماء شهدائنا لم تذهب وتسكب على الارض