بهالموضوع ما راح أتكلم لكم عن التنظيف بالإبرة لإزالة البثور البيضاء أو البثور..
إللي عبارة عن دهون وَ مسامات مُتسعة دخل فيها الغُبار وَ غيرها , لأن النظافة بالإبرة وَهو إللي تخآفون منه يبيله شَغل صح , وَ حرص مثلها مَثل البُخار لو ماعرفتي تغلقين المَسام رآح تزيد الحالة سوءً
بالإضافة إلى إن الضَغط بالإبرة مُمكن يوسع هالمسام , مُمكن يكشط الوَجه
مُمكن حتى شدة الضَغط ترهل الوجه ...
لكن مو معناه نخاف منها , لا نَتعلمها وَ نعرف شلون نغلق المَسام وَ هذي بيكون لها مَوضوع مُستقل مع البخار وَ تنظيف الوجه
لكن الطريقتين ما نَقدر نَستغنى عنها , ما تعرفين تزينينها بالبيت رَوحي عيادة يَنظفون وَجهك ,, لكن تخافين وَ تتكتفين وَ ما تنظفينها لا أنتِ وَ لا الخبيرة هذا مو حلو ...
تَخلصوا من الجهل وَ المُعتقدات الخاطئة بالعناية بالبشرة وَ الجمال ..
بسم الله نبدأ ~
راح نحاول نحاول نحاكي صنع قناع مطاطي بالمنزل بمواد طبيعيه موجوده بالمطبخ ، يعني
Peel Off Face Mask من حواضر المنزل
موضوعنا بيكون فقرتين
------------------------------
● فقره لمحاولة محاكاة لزقات بيوريه للبثور Pore Strips
● فَقرة أقنعه مقشرة للبشرة ( اللي تنزع بالتقشير )
أساس وصفاتنا بهالموضوع الجيلاتين Gelatin
نحتاج لبودرة جيلاتين خالي من الألوان وَ النكهات الصناعيه يعني جلو الحلويات ما ينفع
Davis Gelatine ديفيس جيلاتين تجيك كرتونه فيها ظروف كل ظرف سعته 10 غرام
أما عابد جيلاتين فهو بودره غير مغلفه
السؤال وش فايدة الجيلاتين للبشرة ؟
الكل يعرف إن المصدر الرئيسي لأغلب الجيلاتين الموجود بالسوق هو الكولاجين الحيواني
( خاصه المستخلص من الأبقار )
وَ الكل يعرف أيضاً فايدة الكولاجين في تجديد البشره وَ صحة المفاصل في حال تم أكله ، راح يفيدنا إذا إستخدمناه كدهان بس فوائده بتكون أقل بكثير
في حال تم إستخدامه كقناع خواصه بتكون ك :
شد البشره لأنه مجرد مايجف عالبشره راح يبدأ يشد .
طبيعته الجيلاتينيه إللي تخليه شبيه المطاط راح يلزق بالجلد الميت بالبشره وَ ينتزع كل القشور وَ الجلد الميت .
بالإضافه إن البثور راح تلزق فيه وَ تتنزع أكيد .
يعني أقنعتنا بتكون منظفه ، مُقشره ، مُزيله للرؤس السوداء ، وَ تشد البشره وَ تحارب الخطوط وَ التجاعيد بفعل الكولاجين .
Make Your Own Pore Strips | محاكاة لزقات بيوريه لإزالة الرؤوس السوداء
راح نحاكيه بالمفعول مو الشكل ، وبديل مُمتاز عنه خاصه إن بيوريه الموجود بالسوق ماعاد صار مثل قبل , هذا راح يضاهي بيوريه القَديم وَ بجدارة
قبل لازم نهيئ بشرتنا وَ نحتاج لـ
● غسول مُنظف للبشره
● تونر لغلق المسام
● مُرطب
● منشفة مبلوله بماء دافئ
● قطعة ثلج مغلفة بالشاش
لصنع لصقات لإزالة البثور نحتاج لـ
كيس جيلايتن ( حول ملعقة طعام )
ملعقة و نصف حليب طازج
وَين ينباع الجيلاتين ؟
بالسوبر ماركت بجنب الفانيلا وَ ألوان الطَعام وَ الجيلي
تحصلونه بالدانوب وَ التميمي وَكارفور و أكيد ببنده وَ العثيم بكل مَكان بس إللي يعجز وَ مايحصل شيء
دآئماً يتوجه للسوبر ماركت إللي توفر المُنتجات المُستوردة
نصب الحليب في إناء قابل للتسخين في المايكرويف
نضيف الجيلاتين وَ نخلط ، وشوفي شلون شكل الخليط مثل العجين
نسخنه في المايكرويف لمدة 10 ثواني فقط ..
أهم شي يسخن من غير ما يغلي بحيث يكون سائل وكل ذراته ذايبه ، إللي ماعندها مايكرويف تقدر تزينه على النار وَ أيضاً تنتبه لا يغلي معها الخليط مجرد يذوب وَ يسخن وَ قبل درجة الغليان ترفعينه من عالنار
وهذا شكله بعد التسخين
طبعا مثل ماذكرت قبل لازم وجهنا يكون نظيف خالي من الماكياج ، نغسله زين
من ثم نبلل منشفه بماء دافئ أقرب للحراره ، ونغطي وجهنا فيها أو المناطق إللي راح نمد فيها المزيج لمدة ربع ساعه
( ممكن تصلحين بخار بديل عن هالحركه )
بس إللي حابه تسترخي حلو تصلح المنشفه .
ثم نجفف وجهنا
وَ نمد الجيلاتين مجرد مايكون دافيء بواسطة الفرشة ، أو أعواد خشب الشمع ، أو حتى بأصبعنا بس نحرص نمدها بنعومه وَ بشكل متساوي على مناطق الرؤوس السوداء ، خاصه التي زون أنا صلحت لخشمي وَ جبهتي وَ ذقني ، وصلحت لخوي بعد
نتركها لين تنشف ، تاخذ تقريباً 30 دقيقه ، وَ تأكدوا إنها نشفت وَ بدت تشد جلدك ، لين تحسنيها ناشفه وبدت تصير مثل الصحراء الناشفه إنزعيها
[
مُهم هالشيء , لو ما نشفت زين زين رآح يظل فيها نوع من المَطاط ماراح يزيل لك شيء ]
وهذي النتيجه ~
تنبيه ،,
راح أقرفكم زووووم
[
ضروري أوريكم هالشيء , لأن كلنا نَشوف أنفسنا نَظاف بس حتى أنا إللي أتفلسف عليكم الآن فيني من هالبَثور , فجربوا من ثُم قَولوا فيكم وَ لا مآ فيكم ]
إللي تَقرف تَنزل للرد إللي بَعده وَ تتجآوز الَصورة
وَ إللي بَعدين بَتقول يآآآي وَ قرف دَليل أنها ما تقرأ الَكلام وَ جالسة تَنط نَط بين السَطور وَ ما قرات التَنبيه
آستعدوآ
آستعدوآ
خَلاص متأكدين تبون تَشوفون !! , قد أعذر من أنذر
Boom
بعدها مرروا الثلجه من ثم أمسحوا المنطقه بالتونر وَ رطبوا بشرتكم ، ضروري تصلحون كذا عشان الحليب إللي بالخلطة راح يفتح المسام
بثور الجَبهه
تجيكم فوق الحواجب على طول كثير يحسبها شعر حواجب , أبداً مهب شَعر حواجب
جريبات شعرية صَغيرونه تنتشر هالجبهه وَ لا تبين أبداً تعطيك عدم بَهاء بمُجرد ماتنتزع
بثور الأنف وَ برواية الخَشم
ركزوا عالأسهم , أول سهم من اليمين هذي بثرة عند أرنبة الخشم إللي تجيك نَحيفة عبارة عن قريبات شَعر بالآساس تبين بثرة لكن هي مَثل الشعرة , وَ السهم الثاني هذي بثرة قديمة أخراجها بيتطلب ضَغط شديد بالإبرة وَ مبين من لونها الغامق قدمها ,,
أضطريت ما أنظف وَجهي أسبوعين لآجل أوريكم وَ أختبر مدى فعاليته بإزالة البَثور العميقة ..
شَفتوا الوَسخ إللي طَلع مَني !!
وَ هذا وَ أنا مَهووسة تنظيف , شَلون إللي ما عمرهم نظفوا وَش بيطلع ,,
Gelatin Peel mask | ماسك الجيلاتين لجميع انواع البشره
راح نحضر الماسك لجميع أنواع البشرة بلا إستثناء ، وكل بشره تختار المكونات اللي تناسبها وَ ترتاح لها
البشره الجافه وَالعادية
-----------------------------
عصير : البابايا - الدراق - التفاح مُفيد للشَد
توت - فراولة - اجاص ( كمثرى )
البشره الدهنية
-----------------------
عصير : جريب فروت - البرتقال - الليمون العادي وَ الليمون الزهيري نَقاط فقط منه
جزر - عنب أبيض - طماطم
جميع أنواع البشرة
--------------------------
عصير : خيار - منقوع بابونج - منقوع حبق ( مفيد للبشرة إللي تعاني من الحبوب )
شاي أخضر أو أبيض - حليب -بياض بيض
أنا إخترت الشغلات إللي تناسبني بين فواكه وَخضار وَ أعشاب وَ خليط بينهم .
● عصير جزر
● عصير خيار
● ليمون
● منقوع شاي أخضر
[ ممكن تستخدمين شاي أخضر بودره ناعمه وتخلينه بدون تصفيه ]
إستخدمت عصارة الجزر في العصر ، إللي ماعندها هالعصارة تقدر تخلط بالبليندر من ثم تصفي الخليط بالمصفايه ، وإذا تعقد معها العصر تزيد ماء.
يا دلبي عالعصارة تراها عودة شكلها أول إصدار من مولينكس عمرها فوق الـ 24 سنه
ما عَمرنا شَرينا غَيرها ما أدري متى راح تموت الله يَطول بعَمرها لووول , إما كانت على عُمري
شَوي وَ تصير بعُمر السلآحف بالنسبة للأجهزة
مَقَاديرنا ~
رُبع كوب من العصير إللي يناسبنا ( عصير طازج مو معلب ) أو منقوع الأعشاب
ملعقه طعام بودرة جيلاتين
مثل مازينا بالفقره الأولى بالحليب نفس الخطوات بس كمية السوائل أكثر
نضيف الجيلاتين للعصير ( إستخدمت عصير خيار وَ نقطة ليمون بما إن بشرتي دهنيه ) ونخلط .
نسخن الخليط بالمايكرويف لمدة 10 إلى 13 ثانيه ، أهم شي يذوب بس مايغلي ، أيضاً إللي ماعندها مايكرويف تستخدم التدفئة عالنار .
راح يصير قوامه أكثر ميوعه
نتركه يبرد بالبراد وَ نشيك عليه كل شوي ، ممن ياخذ 5 دقايق وَ يمكن أقل وَ يمكن أكثر حسب برادكم ، شيكوا عليه كل شوي وَ إذا بدأ يمسك بدون مايصير جلي يعني جيلاتيني بس رخو مدوه على وجيهكم وَ إحذروا من المنطقه المحيطه بالعين ، والشفايف وَ اماكن الشعر .
أتركوا الماسك لمدة نصف ساعه ( 30 دقيقه)
ماسك الجيلاتين مشكل
هنا خلطت عصير جزر وَ شاي أخضر وليمون بحيث مقدار الخليط كله ربع كوب
وَ أيضاً مع ملعقه طعام جيلاتين
وَ نفس الخطوات
شوفوا شلون قوامه مثل ما قلتلكم رخو وَ بنفس الوقت جيلاتيني ، إذا صار بهالشكل نمده على وجهنا
يترك 30 دقيقه ، ثم ينزع ، يقشر ، بينزل على شكل جلدك ، وشوفي البثور ، والجلد الميت اللي ينزل معه
قوه مضافعه | ماسك الجيلاتين وَ الحليب وَ بياض البيض
لو حابين قوه مضاعفه للتنظيف وَ أيضاً لشد البشره ، مالكم إلا هالماسك
نحتاج لـ
بياض بيضه صغيره .
ملعقة وَ نصف حليب طازج
ملعقة طعام خميرة ( او كيس )
الطريقه ~
نخفق بياض البيض لين يصير رغوي ( لاتخافون بياض البيض ماله ريحه)
وَ الحسآسين من بياض البيض تراكم تاكلونه بالمايونيز وَ تاكلونه بالمارينغ بالكوب كيك إللي مَنهبلين عليه
نذوب الجيلاتين في الحليب وَ نسخنها بالمايكرويف لمدة 10 ثواني ( مثل ماصلحنا بمحاكاة البيوريه)
أول مايفتر الجيلاتين وقبل لايجمد نضيفه فوق بياض البيض وَ نخلط لين يصبح بهالشكل
[
ليش قلنا يفتر الجيلاتين ما نبي بياض البيض ينطبخ أوكيه !! ]
نتركه بالبراد من 15 إلى 10 دقائق ويمكن أكثر وَ نمده على الوجه وَالرقبه
( ماعدا مناطق الشعر وَ الحواجب وَ حول العيون وَ الشفايف )
ننزعه بالتقشير بعد 30 دقيقه ، لين تحسون الماسك نشف
مُلاحظة |
مُمكن تتلعوزون شَويات مع الوَصفات , لأن هالوصفات تعتمد عالخفة وَ بما أن كميتها صغيرة جداً
مُمكن نسب السوائل تزيد أحياناً أو تنقص , حسب حرارة الجو وَ مدى أندماج الجيلاتين مع الخلطة وَ خفة يَدك , لذلك مع الوقت بتنضبط معكم عدل مَدل
مُهم مُهم تَجربونها على يَدكم , لأن فيه ناس مايتحملون الأقنعه المطاطية حتى الجاهزة بالسوق
وَ فيه ناس ألم النزع يكون قاسي عليهم وَ إللي فيهم بعد شَعر كثير بوجههم ينتبهون
إللي عبارة عن دهون وَ مسامات مُتسعة دخل فيها الغُبار وَ غيرها , لأن النظافة بالإبرة وَهو إللي تخآفون منه يبيله شَغل صح , وَ حرص مثلها مَثل البُخار لو ماعرفتي تغلقين المَسام رآح تزيد الحالة سوءً
بالإضافة إلى إن الضَغط بالإبرة مُمكن يوسع هالمسام , مُمكن يكشط الوَجه
مُمكن حتى شدة الضَغط ترهل الوجه ...
لكن مو معناه نخاف منها , لا نَتعلمها وَ نعرف شلون نغلق المَسام وَ هذي بيكون لها مَوضوع مُستقل مع البخار وَ تنظيف الوجه
لكن الطريقتين ما نَقدر نَستغنى عنها , ما تعرفين تزينينها بالبيت رَوحي عيادة يَنظفون وَجهك ,, لكن تخافين وَ تتكتفين وَ ما تنظفينها لا أنتِ وَ لا الخبيرة هذا مو حلو ...
تَخلصوا من الجهل وَ المُعتقدات الخاطئة بالعناية بالبشرة وَ الجمال ..
بسم الله نبدأ ~
راح نحاول نحاول نحاكي صنع قناع مطاطي بالمنزل بمواد طبيعيه موجوده بالمطبخ ، يعني
Peel Off Face Mask من حواضر المنزل
موضوعنا بيكون فقرتين
------------------------------
● فقره لمحاولة محاكاة لزقات بيوريه للبثور Pore Strips
● فَقرة أقنعه مقشرة للبشرة ( اللي تنزع بالتقشير )
أساس وصفاتنا بهالموضوع الجيلاتين Gelatin
نحتاج لبودرة جيلاتين خالي من الألوان وَ النكهات الصناعيه يعني جلو الحلويات ما ينفع
Davis Gelatine ديفيس جيلاتين تجيك كرتونه فيها ظروف كل ظرف سعته 10 غرام
أما عابد جيلاتين فهو بودره غير مغلفه
السؤال وش فايدة الجيلاتين للبشرة ؟
الكل يعرف إن المصدر الرئيسي لأغلب الجيلاتين الموجود بالسوق هو الكولاجين الحيواني
( خاصه المستخلص من الأبقار )
وَ الكل يعرف أيضاً فايدة الكولاجين في تجديد البشره وَ صحة المفاصل في حال تم أكله ، راح يفيدنا إذا إستخدمناه كدهان بس فوائده بتكون أقل بكثير
في حال تم إستخدامه كقناع خواصه بتكون ك :
شد البشره لأنه مجرد مايجف عالبشره راح يبدأ يشد .
طبيعته الجيلاتينيه إللي تخليه شبيه المطاط راح يلزق بالجلد الميت بالبشره وَ ينتزع كل القشور وَ الجلد الميت .
بالإضافه إن البثور راح تلزق فيه وَ تتنزع أكيد .
يعني أقنعتنا بتكون منظفه ، مُقشره ، مُزيله للرؤس السوداء ، وَ تشد البشره وَ تحارب الخطوط وَ التجاعيد بفعل الكولاجين .
Make Your Own Pore Strips | محاكاة لزقات بيوريه لإزالة الرؤوس السوداء
راح نحاكيه بالمفعول مو الشكل ، وبديل مُمتاز عنه خاصه إن بيوريه الموجود بالسوق ماعاد صار مثل قبل , هذا راح يضاهي بيوريه القَديم وَ بجدارة
قبل لازم نهيئ بشرتنا وَ نحتاج لـ
● غسول مُنظف للبشره
● تونر لغلق المسام
● مُرطب
● منشفة مبلوله بماء دافئ
● قطعة ثلج مغلفة بالشاش
لصنع لصقات لإزالة البثور نحتاج لـ
كيس جيلايتن ( حول ملعقة طعام )
ملعقة و نصف حليب طازج
وَين ينباع الجيلاتين ؟
بالسوبر ماركت بجنب الفانيلا وَ ألوان الطَعام وَ الجيلي
تحصلونه بالدانوب وَ التميمي وَكارفور و أكيد ببنده وَ العثيم بكل مَكان بس إللي يعجز وَ مايحصل شيء
دآئماً يتوجه للسوبر ماركت إللي توفر المُنتجات المُستوردة
نصب الحليب في إناء قابل للتسخين في المايكرويف
نضيف الجيلاتين وَ نخلط ، وشوفي شلون شكل الخليط مثل العجين
نسخنه في المايكرويف لمدة 10 ثواني فقط ..
أهم شي يسخن من غير ما يغلي بحيث يكون سائل وكل ذراته ذايبه ، إللي ماعندها مايكرويف تقدر تزينه على النار وَ أيضاً تنتبه لا يغلي معها الخليط مجرد يذوب وَ يسخن وَ قبل درجة الغليان ترفعينه من عالنار
وهذا شكله بعد التسخين
طبعا مثل ماذكرت قبل لازم وجهنا يكون نظيف خالي من الماكياج ، نغسله زين
من ثم نبلل منشفه بماء دافئ أقرب للحراره ، ونغطي وجهنا فيها أو المناطق إللي راح نمد فيها المزيج لمدة ربع ساعه
( ممكن تصلحين بخار بديل عن هالحركه )
بس إللي حابه تسترخي حلو تصلح المنشفه .
ثم نجفف وجهنا
وَ نمد الجيلاتين مجرد مايكون دافيء بواسطة الفرشة ، أو أعواد خشب الشمع ، أو حتى بأصبعنا بس نحرص نمدها بنعومه وَ بشكل متساوي على مناطق الرؤوس السوداء ، خاصه التي زون أنا صلحت لخشمي وَ جبهتي وَ ذقني ، وصلحت لخوي بعد
نتركها لين تنشف ، تاخذ تقريباً 30 دقيقه ، وَ تأكدوا إنها نشفت وَ بدت تشد جلدك ، لين تحسنيها ناشفه وبدت تصير مثل الصحراء الناشفه إنزعيها
[
مُهم هالشيء , لو ما نشفت زين زين رآح يظل فيها نوع من المَطاط ماراح يزيل لك شيء ]
وهذي النتيجه ~
تنبيه ،,
راح أقرفكم زووووم
[
ضروري أوريكم هالشيء , لأن كلنا نَشوف أنفسنا نَظاف بس حتى أنا إللي أتفلسف عليكم الآن فيني من هالبَثور , فجربوا من ثُم قَولوا فيكم وَ لا مآ فيكم ]
إللي تَقرف تَنزل للرد إللي بَعده وَ تتجآوز الَصورة
وَ إللي بَعدين بَتقول يآآآي وَ قرف دَليل أنها ما تقرأ الَكلام وَ جالسة تَنط نَط بين السَطور وَ ما قرات التَنبيه
آستعدوآ
آستعدوآ
خَلاص متأكدين تبون تَشوفون !! , قد أعذر من أنذر
Boom
بعدها مرروا الثلجه من ثم أمسحوا المنطقه بالتونر وَ رطبوا بشرتكم ، ضروري تصلحون كذا عشان الحليب إللي بالخلطة راح يفتح المسام
بثور الجَبهه
تجيكم فوق الحواجب على طول كثير يحسبها شعر حواجب , أبداً مهب شَعر حواجب
جريبات شعرية صَغيرونه تنتشر هالجبهه وَ لا تبين أبداً تعطيك عدم بَهاء بمُجرد ماتنتزع
بثور الأنف وَ برواية الخَشم
ركزوا عالأسهم , أول سهم من اليمين هذي بثرة عند أرنبة الخشم إللي تجيك نَحيفة عبارة عن قريبات شَعر بالآساس تبين بثرة لكن هي مَثل الشعرة , وَ السهم الثاني هذي بثرة قديمة أخراجها بيتطلب ضَغط شديد بالإبرة وَ مبين من لونها الغامق قدمها ,,
أضطريت ما أنظف وَجهي أسبوعين لآجل أوريكم وَ أختبر مدى فعاليته بإزالة البَثور العميقة ..
شَفتوا الوَسخ إللي طَلع مَني !!
وَ هذا وَ أنا مَهووسة تنظيف , شَلون إللي ما عمرهم نظفوا وَش بيطلع ,,
Gelatin Peel mask | ماسك الجيلاتين لجميع انواع البشره
راح نحضر الماسك لجميع أنواع البشرة بلا إستثناء ، وكل بشره تختار المكونات اللي تناسبها وَ ترتاح لها
البشره الجافه وَالعادية
-----------------------------
عصير : البابايا - الدراق - التفاح مُفيد للشَد
توت - فراولة - اجاص ( كمثرى )
البشره الدهنية
-----------------------
عصير : جريب فروت - البرتقال - الليمون العادي وَ الليمون الزهيري نَقاط فقط منه
جزر - عنب أبيض - طماطم
جميع أنواع البشرة
--------------------------
عصير : خيار - منقوع بابونج - منقوع حبق ( مفيد للبشرة إللي تعاني من الحبوب )
شاي أخضر أو أبيض - حليب -بياض بيض
أنا إخترت الشغلات إللي تناسبني بين فواكه وَخضار وَ أعشاب وَ خليط بينهم .
● عصير جزر
● عصير خيار
● ليمون
● منقوع شاي أخضر
[ ممكن تستخدمين شاي أخضر بودره ناعمه وتخلينه بدون تصفيه ]
إستخدمت عصارة الجزر في العصر ، إللي ماعندها هالعصارة تقدر تخلط بالبليندر من ثم تصفي الخليط بالمصفايه ، وإذا تعقد معها العصر تزيد ماء.
يا دلبي عالعصارة تراها عودة شكلها أول إصدار من مولينكس عمرها فوق الـ 24 سنه
ما عَمرنا شَرينا غَيرها ما أدري متى راح تموت الله يَطول بعَمرها لووول , إما كانت على عُمري
شَوي وَ تصير بعُمر السلآحف بالنسبة للأجهزة
مَقَاديرنا ~
رُبع كوب من العصير إللي يناسبنا ( عصير طازج مو معلب ) أو منقوع الأعشاب
ملعقه طعام بودرة جيلاتين
مثل مازينا بالفقره الأولى بالحليب نفس الخطوات بس كمية السوائل أكثر
نضيف الجيلاتين للعصير ( إستخدمت عصير خيار وَ نقطة ليمون بما إن بشرتي دهنيه ) ونخلط .
نسخن الخليط بالمايكرويف لمدة 10 إلى 13 ثانيه ، أهم شي يذوب بس مايغلي ، أيضاً إللي ماعندها مايكرويف تستخدم التدفئة عالنار .
راح يصير قوامه أكثر ميوعه
نتركه يبرد بالبراد وَ نشيك عليه كل شوي ، ممن ياخذ 5 دقايق وَ يمكن أقل وَ يمكن أكثر حسب برادكم ، شيكوا عليه كل شوي وَ إذا بدأ يمسك بدون مايصير جلي يعني جيلاتيني بس رخو مدوه على وجيهكم وَ إحذروا من المنطقه المحيطه بالعين ، والشفايف وَ اماكن الشعر .
أتركوا الماسك لمدة نصف ساعه ( 30 دقيقه)
ماسك الجيلاتين مشكل
هنا خلطت عصير جزر وَ شاي أخضر وليمون بحيث مقدار الخليط كله ربع كوب
وَ أيضاً مع ملعقه طعام جيلاتين
وَ نفس الخطوات
شوفوا شلون قوامه مثل ما قلتلكم رخو وَ بنفس الوقت جيلاتيني ، إذا صار بهالشكل نمده على وجهنا
يترك 30 دقيقه ، ثم ينزع ، يقشر ، بينزل على شكل جلدك ، وشوفي البثور ، والجلد الميت اللي ينزل معه
قوه مضافعه | ماسك الجيلاتين وَ الحليب وَ بياض البيض
لو حابين قوه مضاعفه للتنظيف وَ أيضاً لشد البشره ، مالكم إلا هالماسك
نحتاج لـ
بياض بيضه صغيره .
ملعقة وَ نصف حليب طازج
ملعقة طعام خميرة ( او كيس )
الطريقه ~
نخفق بياض البيض لين يصير رغوي ( لاتخافون بياض البيض ماله ريحه)
وَ الحسآسين من بياض البيض تراكم تاكلونه بالمايونيز وَ تاكلونه بالمارينغ بالكوب كيك إللي مَنهبلين عليه
نذوب الجيلاتين في الحليب وَ نسخنها بالمايكرويف لمدة 10 ثواني ( مثل ماصلحنا بمحاكاة البيوريه)
أول مايفتر الجيلاتين وقبل لايجمد نضيفه فوق بياض البيض وَ نخلط لين يصبح بهالشكل
[
ليش قلنا يفتر الجيلاتين ما نبي بياض البيض ينطبخ أوكيه !! ]
نتركه بالبراد من 15 إلى 10 دقائق ويمكن أكثر وَ نمده على الوجه وَالرقبه
( ماعدا مناطق الشعر وَ الحواجب وَ حول العيون وَ الشفايف )
ننزعه بالتقشير بعد 30 دقيقه ، لين تحسون الماسك نشف
مُلاحظة |
مُمكن تتلعوزون شَويات مع الوَصفات , لأن هالوصفات تعتمد عالخفة وَ بما أن كميتها صغيرة جداً
مُمكن نسب السوائل تزيد أحياناً أو تنقص , حسب حرارة الجو وَ مدى أندماج الجيلاتين مع الخلطة وَ خفة يَدك , لذلك مع الوقت بتنضبط معكم عدل مَدل
مُهم مُهم تَجربونها على يَدكم , لأن فيه ناس مايتحملون الأقنعه المطاطية حتى الجاهزة بالسوق
وَ فيه ناس ألم النزع يكون قاسي عليهم وَ إللي فيهم بعد شَعر كثير بوجههم ينتبهون