أكد سجين من خلال برنامج الحقيقه على قناة "دريم 1" والذى يقدمه الاعلامى "وائل الابراشى" من داخل سجن مزرعة طره بهبوط 3 طائرات هليكوبتر على السجن وعندئذ قامت الشرطه باخفاء جميع السجناء داخل السجن حتى لا يعلم احد ما نزل منهااو اخذ بها ولكى لا يروا شيئا اثناء هبوط هذه الطائرات.

كما اشار السجين "محمد" انه لم يرى "جمال وعلاء مبارك" منذ ذلك الوقت وانه قد رأى جميع رجال الاعمال المتهمين والذين يعاملوا فى السجن معامله خاصه جدا وانه يوجد لديهم الثلاجه وعلى مكاتبهم التليفزيون والمحمول واجهزة كمبيوتر كما قال انه يملك محمول منذ ان دخل السجن ويستخدمه بشكل طبيعى.

وقال "محمد" ان وزير الداخليه السابق"حبيب العادلى" السجين يوجد لديه 4 زنزانات مخصصه له فقط وتحت سلطته ومقسمين احدهما للنوم والثانيه للصلاه والثالثه للجلوس بها والرابعه كمكتب له.

ايه الخبر الغريب دا
طيب عايز يوصل لنا ايه بقوله لم اشاهد جمال وعلاء منذ هبوط الطائرات هل يقصد الثلاث طائرات هبطت لتستقل جمال وعلاء ولماذا ثلاث طائرات ؟؟؟؟؟؟؟؟؟؟؟؟
وبعدين هل يسمح لهذا السجين بالمرور داخل السجن وتفقد الذناذين لدرجه انه يعرف العادلي بيصلي فين وينام فين !!!!!!!!!!! .
السجين دا مش مظبوط والله اعلم هل هو سجين ولا بيتصل من اي مصيبه

فعلا يا اخ عبد الرحمن انا اتفق معاك تماما عامل زى الاخ اللى شاف علاء مبارك وجمال يوم ماتش الاهلى والزماللم حاااااااااااااااااااااااااجات غريبة والله وبعدين الاخ الابراشى ده بصراحة مع ابراهيم عيس والاستاذة منى الشاذلى والله كنت باحترمهم ولكن بعد اتفاقهم الضمنى والغير معلن مع ساويرس والتهجم الغير مبرر تجاه الجيش بصورة كانت واضحة من منى الشاذلى اتضح انهم غير امناء على التوقيت الذى نحن به والجميع يريد ان يزايد

طيب فيه حد عنده اثبات عكس ذلك؟

هل فيه حد عنده اثبات عكس ذلك؟

كفااااااااااااااااااااااايه

الامور ف مصر بقت ملخبطة الله اعلم ايه مستخبى ولا مين ليه ايد فى الفتنة اللى بتحصل ربنا يعدى الازمة على خير وميضيعش مجهود الثورة وتتقلب علينا

يعني مذكرش ان كل واحد له سيارة وطيارة خصوصي بيتحرك بيهم داخل السجن ايه الكلام الاهبل ده يعني ايه له 4 زنزانات تحت سلطته تقولش شاليهات واحد على النيل والتاني على البحر والتالت في قمة الجبل ولا ده يعني اكرام وتدليل له ان يكون له 4 زنازين .. للاسف فيه ناس بتقعد تهجص واحنا نصدقها من غير منفكر انا عن نفسي شاكك في الشخص اللي اتصل ده انه عاوز يهيج الناس وخلاص

ايه الخبر الغريب دا
طيب عايز يوصل لنا ايه بقوله لم اشاهد جمال وعلاء منذ هبوط الطائرات هل يقصد الثلاث طائرات هبطت لتستقل جمال وعلاء ولماذا ثلاث طائرات ؟؟؟؟؟؟؟؟؟؟؟؟
وبعدين هل يسمح لهذا السجين بالمرور داخل السجن وتفقد الذناذين لدرجه انه يعرف العادلي بيصلي فين وينام فين !!!!!!!!!!! .
السجين دا مش مظبوط والله اعلم هل هو سجين ولا بيتصل من اي مصيبه

ثلاث طائرات واحدة لعلاء والتانية لجمال والتالتة فيها حسنى كان جاى ياخدهم ويدلهم عالطريق اكمن الطيارين مش من هنا وهو طيار وعارف السكة بقى

وحكاية الاوضة الرابعة بتاعة العادلى اللى فيها المكتب دا اكبر دليل انة لسة فى الوزارة وبيقوم بشغلة على اكمل وجة

يا شعب مصر الحر والخلوق لا تنساقو لهده الاقويل التى ليس لها اساس من الصحه ولا دليل مثبت ==كيف لهد السجين ان يتجول ويدخل زنازين السجناء بحريه والارع غرف كما وكل غرفه مخصصه للايه ===يا شعب مصر الابى والعاقل احسببوها بعقولكم==ولا تمشو وراء المندسين الدى لاهم لهم سوى جلب الفوضى فى البلاد وتفككنا==وانشغالنا على نظره المستقبل والعمل والانتاج ---وعدم الاستقرار============ثقوا بالمجلس العسكرى صاحب اجمل واطهر الحروب ==========صاحب العقل والحكمه==صاحب االعدل-----ومن دافع على ارض مصر وحب مصر لايستهان بشعبه======وثقو ان ليس كل شىء يقال صدق ===هناك من يتامر علينا بدس الاخبار التى توقع بيننا بين المجلس العسكرى =============ولا تغضبو من قول وتهيد الفنجرىهو يملك من الادله على من يدس السموم باهله وبشعب مصر وليس كل شى يقال ااجعلوهم يمشو بهدوء ولا تساعدو المندسين علينا بالسموم -----وعاشت مصر وتراب مصروشعب مصر اللهم وحد كلمتنا وهدى شعبنا واحفظنا ياااااارب=========جنات

وقال "محمد" ان وزير الداخليه السابق"حبيب العادلى" السجين يوجد لديه 4 زنزانات مخصصه له فقط وتحت سلطته ومقسمين احدهما للنوم والثانيه للصلاه والثالثه للجلوس بها والرابعه كمكتب له.


دى اوسع من شقتنا يا عم
لا حول ولا قوة الا بالله


منار

والله تعالى اعلى واعلم احنا لازم نصدق
تعالوا نحسبها بالعقل فى ثورة حصلت فى اى مكان فى العالم كان الطبيعى بما ان النظام القديم فاسد وطغى فى الارض فسادا كان المفروض يحاكم محاكمة عادلة وفورية ومن قرار واحد لا رجعة فيه انما اللى حصل مش كدة وكمان مع المحاكمات اللى حصلت ناس فيهم اخدوا براءة يبقى الشهدا بقى هم اللى كانوا حرامية ولا ايه
طالما ان العدالة الناس بتلف حواليها كدة و مش عاوزة تنفذها يبقى فيه اتفاق ضمنى بين الناس اللى ماسكة البلد دلوقتى وبين الناس اللى كانوا خربينها زمان وعلشان كدة بيسوفوا لهم محاكمتهم ودا يدينا يقين ان ممكن كل اللى اتحكى دا يحصل وممكن كمان اصدق ان مرات حبيب العادلى كانت بايته بقالها للتين فى الزنزانة الخامسة بتاعته وان الزنزانة السادسة فيها الجاكوزى والساونا وان جمال وعلاء مش عاجبهم سجن طرة راحوا بالطيارات دى علشان يتسجنوا فى سجن فيينا او سجن الشانزليزيه

المشكلة موش فى اللى بيكدب ويهجص المشكلة فى الاهبل اللى بيصدقه

المكالمة انا سمعتها امس فى برنامج وائل الأبراشى وفعلا الكلام ده حصل

برامج التوك شـــو : لعنــــــة على مصــــر والمصريين
جميع البرامج على إختلاف اشكالها وألوانها كلهم واحــــد لا فرق بينهم اللهم قناة التحرير يعنى فى الطريق الصحيح لا تأجج النار أكثر
يا سادة والله مصــــر يتخاف عليها من الداخل اكثر من الخارج لية كل واحد بيدور على مصلحتة إبتدء من أصفر واحد حتى أكبر واحد الكل يرد لنفسة فقط والبلد آخـر حاجة بيفكر فيها
اللهم اهدى شعب مصــــر فإنهم لا يعلمون

كفايانا بقى اشاعات مغرضة و لا اساس لها من الصحة ياريت الناس بقى تحاول تشوف مصالحها و تبطل الانصات للكلام الفارغ اللى بدون هدف الا الاشعال و التهييج مش كده و الا ايه ؟؟؟؟؟؟؟؟؟
و خير الختام ذكر النبى عليه الصلاة و السلام ******

الله اعلم بس كل حاجه ممكنه فى مصر

واحد كان سبب في سقوط النظام واتمسك وأصبح في قبضة من سقط نظامه وكان سبب في إهانته هو وزملائه ونظامه أيضاً ماذا ماذا يفعل هذا الواحد؟
هل سيقوم بالترحيب به أو معاملته كأنه مازال رئيساً له ولا سينتقم منه ومن أوزاره وأعماله ومعاملاته له أثناء خدمته ورئاسته له من قبل.
فلو كان له غرفة سيعطيه ربع غرفة مش 4 غرف كما يقولون
ولو كان له وجبه سيعطيه ربع وجبه
ولو كان له حق يطلبه فسوف يعطيه له بدون نفس أو ربع نفس على الأكثر
فلماذا تتوقعون أشياء لا ترونها أنتم ولا تسمعون بها
مين عارف يمكن ربنا بيخلص حق المظلومين منه في الدنيا وده أرحم من حساب الآخرة إللي ما عملش له حساب
هو ولا غيره من شركاءه في النظام الفاسد الظالم الكافر الذي سطا على مقدرات البلاد وشتت أبناءه
ووضعوا في أدانهم عجين .. وغموا أعينهم عن شعبهم .. و اعتبروا الشعب عبيد ..
فلا أنسى شكل الضابط الذي يجلس على كرسيه جلسة متسكعة ممداً رجليه فوق المكتب وفي وجه رواد القسم الذي يعمل فيه ويقبض مرتب كي يخدم هؤلاء الرواد من الشعب
ولا أنسى بلاغات النجدة التي لا يلبي صرغة من يطلبها منهم لأن هناك من وصى بعدم تلبية نجدته
والكوسة وغيرها مما عانيناه من فساد
البلد بلدنا .....
مش بلد النفوس الضعيفة التي تعتبر نفسها فوق أخوانها من الشعب الذي هو أهلها وأخواته وأبائه وابن عمه وابن خاله وووووووو
اللي بيتبرا منهم
الله يبرأنا من هذه الأمثال

معتقدش ان الكلام ده مظبوط

ولكن .... اشك انهم لسة جوة السجن ده غير ان اللى مقتنع بيه انهم مش هيتحاسبو خصوصا مبارك

طبعا حقيقة امال انتم فاكرين ليه ماتحكمش على العادلى بالاعدام لغاية دلوقتى وليه لم يسمح بمحامين الادعاء المدنى زيارة المتهمين

ياجماعه الاخت راضوى نقلت لكم خبر صحيح والدليل الفيديو الموجود بالاسفل اما اذا كان مايعرض علينا فى قنوات التلفزيون صحيح من عدمه تلك لست مسئوليتها بأى حال ولكن مسئوليه الاعلام

كدابين ناقص ايه عايزين البلد تولع وخلاص شوفوا الاساتذة وائل ومنى وغيرهم مرتبتهم كام ويعرفوا ايه عن معاناة الناس ولا التكيف والعربيات والفلل حلوة عليهم وحشة على الشعب واتعينوا ازاى بواسطة مين ولا مفيش غيرهم فى البلد

ولا فيه مشكلة ابدا من هذا الخبر

ميدان التحرير لسه موجود وزى الشعب ما فرض على الحكومة ان المحاكمات تبقى علانية

ممكن جدا نطلب من الحكومة فيديوهات حديثة لجمال وعلاء بسجن طرة

خدوا الامور ببساطة خالص ولا يمكن حا يغشوا فى تواريخ الفيديوهات

واذا كان الخبر صحيح حا يبقى فيه تصرفات اخرى من الشعب اتجاه الحكومة

ويا ويلها بقى من الشعب اذا اكتشف تلاعب منها


شكرا مشرفنا راضوى