ناس كتير اتكلمت وقالت ازاي الاتحاد يرفض قيد اللاعب قناوي مع المصرى وقيد السيد حمدي مع الاهلى والكلام دة
القصة كلها
احمد شديد قناوي ماضي مع المصرى عقدين
العقد رقم (1) اللى هو موسم 2008 لحد موسم 2011 وانتهت فترة اللاعب اللى هى ال3 سنين و العقد دة فيه شرط جزائى بمليون ونص يحق للاعب الرحيل
ولكن المصرى كان عمل عقد جديد مع اللاعب لمدة سنتين اللى هو العقد رقم ( 2).. القادمين 2012 والموسم اللى بعده 2013 والعقد دة فية شرط عدم انتقال اللاعب الا بعد مرور سنة من عقد
تمام كدة خليكو فاكرين عقود اللاعب
بخصوص السيد حمدي ازاي الاهلى يقيده والكلام دة
اعتقد كلنا عارفين من شهور ان القيد هايفتح يوم 17 -7 و النهاردة 17-7 فتم قيد سيد حمدي النهاردة من اجل انه يلعب فى افريقيا
ولكن لسة لن يقيد في القايمة المحلية للدورى المصري لان لسة لن يحدد موعدها ولكن عامة اللاعب عقده مع الاهلى اتقيد وبقى عقد رسمي موثق
تمام كدة يبقى مفيش فضيحة ولا حاجة .. النهاردة يوم فتح القيد وتم قيد اللاعب النهاردة يبقى محدش ليه حجة
مشكلة المصرى بانه تم رفض قيد العقد الجديد احمد شديد قناوي
المصرى راح يقيد اللاعب اليومين اللى فاتو اللى هما ايام 15 ويوم 16 من شهر 7
ولكن تم رفض قيد اللاعب لان القيد لن يفتح حتى الان لان كلنا عارفين القيد هايفتح يوم 17-7 وبما ان يوم 17 -7 لسة مجاش مش من حق المصرى يقيد احمد شديد قناوي
كدة في فضيحة او اي مشكلة ولا لحد كدة كلو قانوني وتمام !
الكلام فى الاعلام ان الاهلى تعاقد مع اللاعب بالشرط الجزائائى امباارح
اللاهلى تعاقد مع اللاعب امبارح بالشرط الجزائى اللى موجود فى العقد اللى هو مليون ونص
المصرى بيقول طيب ازاي الاهلى يتعاقد مع اللاعب واحنا عقدنا مع اللاعب انه معانا لمدة سنتين وفيها شرط انه لازم يقعد سنة اقل حاجة اللى هى السنة الجاية
موقف الاهلى : العقد بتاعكو بتاع السنتين دة .. بالبلدى كدة .. اشربوه .. واسف في الكلمة دي بس انا بعطي مثال باللغة العامية حتي المعني يوصل للجميع
ملوش اي قيمة لانه عقد غير موثق وغير رسمي .. والعقد الرسمي الموجود في اتحاد الكورة . هو العقد رقم 1 اللى فيه بند الشرط الجزائى
واحنا نتعاقد مع اللاعب بناء علي العقد الرسمي الموجود واللى فيه شرط جزائى
يبقى كدة الاهلى مش غلطان في حاجة . والمصرى عقده الجديد رقم 2 اللى بيتكلم بيه ليس له قيمة لانه مكنش رسمي لما الاهلى تعاقد مع شديد قناوي
بعد ذلك الموضوع
هل الاهلى كدة صح انه تعاقد بناء علي العقد الرسمي الموجود اللى هو رقم 1 ولا انا غلطان