ياما قولنا كتير مانتوش فاهمين

والله غلابة والله مساكين

إزاى عايزين تطلعوا فايزين؟

...معقولة الفار يبلغ تنين؟

على طول بتنادوا وتقولوا راجعين

وبقالنا كتير مستنيين

طب بس قولوا لنا راجعين فين؟



الأول قولتوا ع الحكام

والنادى الأهلى بيدفع كام؟

جبنالكو أجانب من فيتنام

برضه الدنيا مش ماشية تمام

وإمشى يا هنرى وتعالى يا حسام

وفريقنا هايبقى ولا الأحلام

وهانكسب بقى مش عايزة كلام


بعديها قولتوا ع المنشطات

شوف وائل جمعة وشوف بركات

وإزاى يكسبوا كل الماتشات

ولا فيه إجهاد ولا فيه إصابات؟

وبيجروا فى سبق العربيات


بعديها قولتوا ده فريق حظيظ

ولعيبة تعبانة كلها عواجيز

وفريقنا شباب مليان بهاريز

وأهم العواجيز غلبوا التلاميذ


بعديها قولتوا لنا هناخد الكاس

وهانفرح بقى لو مرة يا ناس

وارقص يا حازم ... غنى يا عباس

واهو برضه فريقكم رجع محتاس

كل ده وانتوا مش فاهمين

والله جمهوركم فريق مسكين

نصه غلابه والباقى مجانين

ربنا يهديكم .. قولوا آمين

ههههههههههههههههههههه
اميييييييييين
ربنا يكون ف عون الزملكوية غلابة والهي ههههههههه
ثانكس

شكرا على مرورك

مفيش غير رد واحد

بص اولا القصيدة حلوة
ثانيا الزمالك هو اكتر فريق اتظلم من الحكام السنة دي والكل شاف ايه اللي حصل في ماتش المقاصة وغيره
ثالثا الاهلي مبقاش هو الاهلي بدليل اللي حصل في الوداد وكمان في الدوري كان بيكسب بفرق جول واحد يعني اتنين واحد وكده ماعدا ماتش المقاولون وطبعا شال تلاتة من الاسماعيلي
رابعا لاعيبة الزمالك هم افضل لاعيبة في مصر مهاريا
خامسا الاهلي من غير بركات بيبقي عامل زي فريق عزبة ابو قتاتة وجربوا كده والعبوا من غير بركات وابو تريكة خلاص خلص وشكله كده هايروح الخليج
سادسا لاعيبة الزمالك لو لاقية استقرار في النادي زي الاهلي كان زمان النادي حد كل البطولات زي الاهلي انما مفيش سيولة مادية ولا استقرار والله يسامح اللي كان السبب
سابعا حسام حسن احسن من حسن شحاتة وجمهور الزمالك كان كله بيحبه
وده طبعا مايغيرش موضوع ان الزمالك فرط في نقط سهلة جدا طول الدوري
تقبل مروري

شكرا على مرورك لكن:
لاحظ ان:
اولا: الاهلى كان بيفوز بفارق هدف علشان تغيير المدرب والدربكة
ثانيا: الى حصل فى ماتش الوداد ده كان خطأ دفاعى بسيط وحدش معصوم من الخطأ ومش هيكرر إنشاء الله
ثالثا: احنا معظم ماشات الدورى كنا بنلعبه من غير بركات وابو تريكة واذكرك بماتش حرس الحدود و3-0
رابعا: الزمالك متظلمش كتير
لكن انا اتفق معاك ان الدورى كان بتاع الزمالك ومحدش كان يتوقع فوز الاهلى به
وفعلا مفيش اسقرار فى الزمالك زى الاهلى
بس الاهلى عنده خبرة اكثر من الزمالك علشان كدة بيفرق فى اللحظات الحرجة
وشكر على مرورك