قال مسئول امنى اسرائيلى لاحد الصحف الاسرائيلية ان مصر بعد تنحى مبارك اصبحت غير قادرة عن حماية سيناء من عصابات البدو التى تقوم بالاستيلاء على البضائع و فرض الاتاوات على السائقين و قال ايضا ان قوات الامن فى سيناء على علم تام بهذه العصابات الا انهم لا يستطيعو عمل اى شى قال ان اكبر مثل على ذلك هو التفجيرات المتكرره لخط الغاز المصرى الذى يتم تصديره لاسرائيل و قال ايضا ان نظام مبارك كان يفرض سيطرته على البدو فى سيناء و كان هذه العصابات لا تستطيع عمل مثل هذه العمليات فى عهد مبارك

مع الأسف عندهم حق

لو كنا مشينا صح ومش اقصد الشعب

اقصد اذا الحكومة والمجلس والقضاء كانوا مشيوا صح

كان زماننا خلصنا وانتظمنا وعرفنا نحمى سيناء

لكن الجيش مشتت بين فك اشتباكات والقبض على المجرمين وحماية المظاهرات وبيحمى منشآت

بيشتغل شغل غير شغله نهائيا وطبعا ليها حق اسرائيل تقول ما تقوله

شكرا مشرفنا مستر هشام

ده كلام خطير قوي
بكره هيطالبو الامم المتحدة للموافقه على دخول سينا بغرض حمايتها
دول ولاد....... واكيد كلامهم ده مش كده وس
انا مش عارف المجلس الاعلى ساكت على التصريحات دي ازي
كان لازم يرد ويخرسهم
العيب برضو من وزارة الخارجية
لانها لازم تقول الكلام ده للمجلس الاعلى
دي امور يفهمو فيه اكتر

مع كل تقديرى واحترامى لحضرتك ، من المسئول الامنى وما اسم الجريدة ؟ اعتقد انها مجرد اشاعات وفبركة، ،، حضرتك عارف ايه لا قدر الله اللى ممكن يضيع الثورة مننا؟ هى الاشاعات والفبركة واهتمامنا باشياء تافهة لمجرد الحديث . شكرآ مستر هشام . . dr tarek

thank you mr hesham

يا جدة الجيش مش مشتت ولا حاجة

الجيش شغلة الشاغل هو عدم محاكمة الفساد وعلى رأسهم مبارك وكيفية الهاء الشعب عن ذلك لا اكتر ولا اقل

الجيش اساسا مبيفكرش يعمل الحاجات دى من الاساس مش حكاية قدرة

عالقدرة هو فى ايدة كل الحلول فى حل اى حاجة وغير كدا هيكسب فى صفة اهم سلاح فى الكلام دا كلة وهو الشعب

لكن تقولى لمين الكلام دا

ودن من طين وودن من عجين اذا كانوا بيسمعوا اساسا

يا عم ربيل ان كان المخلوع ماسك على المجلس حاجه خلاص يسيبوه ونخلص .
لكن هم بيحاولو حماية اي فاسد وانا فعلا مستغرب ومش عارف المجلس بيعمل كده ليه .
يعني لولا الله ثم المليونيات كان شوفنا النظام كله في الشارع وممكن رجعوا لمناصبهم كمان .
بصراحه حاجه تقرف . المجلس بيعمل كده ليه ولمصلحه مين .
وكل شويه يطلع رساله ويقول لك الوقيعه بين الجيش والشعب وقيعة ايه وزفت ايه بس طيب هو انت عملت ايه لمصلحه الشعب علشان نصدق ان هناك وقيعه .
وياريت المجلس كمان يبطل بقى حكاية انه دعم الثورة من يومها الال لان الكلام ده مش مظبوط والجيش نزل الميدان بأوامر من المخلوع يعني من الاخر علشان حماية المخلوع ونظامه والمجلس قالها صراحه في البدايه انا نازل احمي المنشأت العامه . يعني مش نازل يحمي الثورة ولا الثوار واخد طول الوقت وهو واقف محايد واعطى اوامر بعدم التعرض للبلطجيه حتى النقيب البطل ماجد بولس بكى من هذا القرار . يبقى فين بقى كان بيحمي الثوار . ولا علشان يعني ما ضربش الشعب زي ليبيا اعتبر ان دي حمايه طيب ماهو الجيش كان سيرفض ضرب الشعب بكل تاكيد وفي نفس الوقت كان الاعداد غزيره جدا وقرار ضرب المتظاهرين امر مستحيل . هو 85 مليون مصري زي 6 مليون ليبي .

مصر قادره و نص على حمايه سينا
و ضفر عيل صغير من اللى سرقوهم من سينا برقبه اسرائيل كلها
حراميه و خطافين اطفال و كمان بيتكلموا و عاملين بنى ادمين
رينا يورينا فيهم يوم يا رب

مشرفنا الفاضل / من قوانين المنتدى الصارمة ان خبر مبلبل زى ده يلزمه المصدر و اسم الصحيفة و اسم المسئول الاسرائيلى و الا يبقى الموضوع مجرد اقوال مرسلة لا معقب عليها و كاننا لم نسمعها او نقراها مش كده و الا انا غلطان ؟؟؟ لذا لزم التنوية لعدم اشاعة البلبلة بين الناس و شكرا .....
و خير الختام ذكر النبى عليه الصلاة و السلام ****

اه بيصطاد في المية العكرة اولا لو فعلا بيفجرو انابيب الغاز فدة مش بلطجة دول ناس جدعين ووطنيين وبيحبو مصر وبيخافو عليهااا ومش عايزين الغااز يروح لاعدائنا سلم ايدهم علي كدةوانا واثقة ان استحالة البدو الرجالة الجدعان يفرضو اتاوات دي بئا كدبة ابريل مصر حتفضل مصررررريا حلوين واطلعو انتو منها يا اسرائليين