يعمي انا كنت عايز افضفض معاكم بخصوص موضوع الثانوية العامة
انا دلوقتي خلصت الحمد لله تانية ورايح تالتة والحمد لله ربنا كرمني وجبت 97 في تانية
وطبعا ده نصيب واي واحد فينا مكتوبله مجموعه وكل حاجة في حياته من قبل ما يتولد
لكن انا حاسس اني متضايق ومهموم بسبب اني لما شفت لطاتي في الامتحانات والدرجات اللي انا ناقصها اكتشفت ان كان في درجات في ايدي كان ممكن احققها لكن بارادة الله ماتحققتش
والحاجة التانية هي اني انا حاسس اني بذلت مجهود اكترمن ناس تانيين ورغم ذلك هما جابوا اكتر مني في المجموع بطريقة او باخري بس طبعا ده في الاول والاخر ده نصيبهم
والحاجة التالتة اني سمعت ان الطلبة في تالتة بتنقص مش بتزيد في المجموع وده اللي خوفني وفي نفس الوقت ضايقني.
يعني معلش انا اسف لو كنت طولت لكن انا كان لازم افضفض مع حد علشان انا كنت حاسس اني هنفجر وكمان زي ما قلت في الاول اني كنت متضايق
والسلام عليكم ورحمة الله وبركاته