السلام عليكم ورحمه الله وبركاته
انا ارتبطت بزميل ليا فى الشغل اشتغل معايا وراقب تصرفاتى وبعد كده ربنا كرمه بسفر بره وقبل سفرة كلمنى وقعد يقولى عوز اتطمن عليكى وسئلنى انتى مرتبطه ولا لاء ورديت عليه رد ناشف المهم بعد كده سافر وكان بيتصل بيا ويطمن عليا فى يوم قولت ليه انت عوز منى ايه بالظبط قلى انتى زى اختى وبطمن عليكى قولت ليه هو كل زميلنا بتتصل بيهم قلى هفهمك بعدين المهم بعت ليا رساله زعق ليه عليها قولت مفيش اخ بيبعت لاخته رساله كده المهم قلى انا بحبك وعوز اتجوزك المهم شديت معه وكل ما يكلمنى اقفل فى وشه وازعق ليه واقوله انت بتلعب وبتتسلى فى الغربه وفى يوم قولت ليه ادينى فرصه افكر وابعد عنى هو قلى اسئلى عنى كويس لقيته يعرف كل حاجه عنى حتى من وانا فى ثانوى لحد ما خلصت الكليه وبعديها سئلت كله قال انه انسان كويس جدا ومحترم ومتدين وشايل مسئوليت بيتهم المهم بدئت احبه وارتبطت بيه وكان اول حب فى حياتى وبعدين حصل بينا مشكله وكنت بعلى صوتى عليه واشد معه لانه ليه تحكمات كتيرة ورجعنا لبعض تانى واخوة الكبير كلمنى وقلى اخويا بيحبك جدا وكلمنى عنك كتير وهو لما عرف ان اخوة كلمنى زعق مع اخوة وزعل منى وقلى المشاكل بينا محدش يدخل فيها المهم نزل اجازة مصر بعد سنه ونص من السفر وكنا زعلانين واتصلحنا فيها وكان فرح اخوة الكبير امه قالت ليه مش ينفع اخطب ليك وانا بجوز اخوك اصبر اجازتك اللى جايه واخته كلمتنى كويس وعزمونى على فرح اخوة بس مروحتش قولت ليه مش ينفع وكلم ماما وقعد يتحايل انا نروح الفرح بس ماما قالت ليه مش ينفع المهم بعد كده قال لمامته انا هقرى فتحه بس قالت ليه هما ناس كويسين واحنا منسبنهم قبل كده وقالت ليه حاجات كتيرة انا مكنتش قولتها ليه وقالت ليه مش حرام عليك انك تكلمها قلها انا بحبها من قبل ما اسافر المهم كان محتاج عمليه قالت ليه اعمل العلميه وهروح اخطبها ليك بعد ما عمل العمليه قالت ليه انت باقى اسبوع وتسافر هروح اقول ايه للناس المهم قالت اجازتك اللى جايه نزل عمل كل حاجه لفرح اخوة شطب الشقه وفرشها وجهز للفرح واخوة نزل انتجوز فى نفس الاسبوع وجه السنه دى حصل مشاكل عنده فى الشغل وجه اخوة نزل اجازة بدون مرتب قاله مش تقلق انا هتفق فى الموضوع بتاعك على نزولك واهو ابقى حضرت لك حاجه المهم اخوة نزل ومش يرد على مكالماته ولا يكلمه ولا اى حاجه ولا يسئل عنه المهم رد عليه مرة قله انا كلمت ماما كتير ومش عندها نيه للموضوع وكلم امه قالت هبقى اسئل وربنا يسهل ومرة تقوله كبيرة وانا عندى 25 سنه ومستنيه من 3 سنين ودخله فى ال4 وهو اكبر منى ب2 المهم فى يوم قالت ليه على واحد صاحبه يعرفها المهم قلها اه بس مش يعرف انى بحبها لانه مكنش معرف حد من صحابه وبعدين لقيت صحبه ده مكلمنى لانه كان زميلى فى الجامعه وقلى ان اخوة الكبير مش عوز الموضوع ومفهم اامه عنى كلام وحش جدا مع انى والحمد لله عارفه ربنا وبنت ناس اوى ومن عيله كبيرة والحمد لله قولت ليه مش ممكن اخوة ده كلمنى وقلى على اسرار تخصه وعندى صورهم كلهم واعرف كل خصوصيات بيتهم قلى والله هو جابنى علشان اعمل ليكى مشاكل ويكون هو بعدي المهم قولت ليه انا عوزاك تعرف احمد بالموضوع ده قلى ماشى المهم كلمه يومها وقله اخوك قال عليها كلام وحش ومفهم امك انا مش كويسه خالص وعامل المستحيل علشان امك مش تروح عندها ولا تدخل بيتهم المهم صاحبه ده كلم امه تانى وقلها البنت طلعت كويسه جدا وبنت ناس قالت ليه ماشى هناخد معاد وقول لاحمد كده و3 مرات تعمل كده اخوة الكبير راح لصاحب احمد قله انت هتحل الموضوع انا جايبك تعقده قله بس حرام البنت كويسه مش زى مانت قولت عليها قله خلاص ابعد الموضوع بين احمد واخواته ملكش دعوة بالموضوع المهم لينا وحده قريبتى قربته برده امه كانت عوزة تروح ليها اخوة ده عمل انه تعبان واغمى عليه علشان مش تروح المهم بعد ما سافر اخوة الكبير اخواته البنات كلموا احمد قالوا ليه احنا عوزين مصلحتك انسها وابعد عنها قلهم ده جزائى فى الاخر محدش شال الهم من بعد ابويا الله يرحمه واخوة راح ليه بدء يستفذ فيه ويوصل امه كلام مش بيحصل ويقولها انه بيمد ايده عليه وبيعلى صوته عليه وهو اكبر منه ب 7 سنين وقله انا هعمل المستحيل علشان انهى الموضوع ده وفى يوم قال عليا كلام وحش جدا وانا سمعته المهم شدوا مع بعض وخاصمه وزعق معه قله ماشى انا هتصرف بطرقتى بقى المهم كلم امه وقلها كلام تانى وحش واحمد كلم جوز اخته يكلم امه كلمها وقالت ليه ربنا يسهل وجت قالت ليه مش تدخل حد ده رئى وانا حرة فيه ومن المستحيل انى هوافق على الجوازة دى ومش تدخل حد انت هتزعل الناس من امك وبرده رئى مش هيتغير المهم قولت ليه مش تتكلم فى الموضوع لما تنزل انت علشان اخوك يهدى شويه المهم لما حس انه نازل قعد يقوله انت لسه صغير ولسه بدرى عليك انا اتجوزت وانا 32 وانت لسه 27 هات الفلوس اللى معاك ابنى بيها شقه تانيه ليا وادها ليه وكل حاجه يخدها منه وبيحب مصلحته وبس وقلى لو مش اخويا كنت هقاطعه وقلى حقى وحقك عند ربنا وربنا كبير قولت ليه حسبى الله ونعم الوكيل فى كل من اتكلم فى حقى مع العلم انى سكت علشان خطرة بس انا اهلى لو عرفوا ان حد غلط فيا ممكن يودوه فى ستين دهيه المهم اخته بدئت تبعت ليه رسايل وتقوله امك بتموت بسببك وانت بتعصها وتخرج من طوعها وربنا مش هيبارك ليك ومحدش فينا رايح معاك وروح لوحدك المهم قلها خلاص مش عنت نازل مصر تانى ملهاش لزمه قالت ليه انت اللى ظلمت نفسك لما كلمتها قلها انتى وعدتينى انك هتخطبيها ليا قالت ورجعت فى كلامى وكلمها لقيها بتعيطت وقعدت تقوله انا بموت بسبب الموضوع ده ومستحيل يتم وانت بتخرج من طوعى انا امك بتتخانق مع اخوك علشانها وتخرج من طوع امك علشانها حرام عليك مش هرضى عليك المهم قالت ليه انا علشان هى بنت مش عوزة اعمل ليها مشاكل واروح لقريبها اقول ليهم وكل كلمه امه بتقولها ليه بيكون اخوة قيلها قبلها بيوم المهم قالت ليه لو بتحبها شيلها من دماغك خالص وابعد عنها قلها لو حصل ليها اى مشكله مش تسئلونى هتنزل امتى ولا تحاولوا تعرفوا عنى اى شى ولقيته متغير وقعدت احاول معه لحد ما قلى على اللى حصل وقولت ليه والحل قلى هستنى لما الامور تهدى شويه وبعدين سمعت اخوة عمال يستحلف تانى وقله خلاص الموضوع ده انا هجيب اخرة ومش هيتم باى صورة ولا باى شكل ولقيته فى يوم بيقولى انا مش عنت نازل مصر تانى ابدا وقولت ليه وانا قلى امى دلوقتى مصرة على رئيها ومش منها فايده نزلتى مش تزعلى منى لو اتقدم ليكى اى حد كويس وافقى عليه قولت ليه بسهوله قلى مش بسهوله لكن انا هضحك عليكى وقعد اكلمك واوهمك وانا مش نازل قولت ليه وهتقول لامك ايه قلى هقولها على حسب ظروف الشغل مع العلم اخوة بيعمل كده علشان مراته عوزة احمد يتجوز اختها وامه لما فهمت عنى انى مش كويسه ومش محترمه وضحكه على ابنها فكرت فى بنت اخوها ليه وهو قلى انا مش هتجوز حد ومش هظلم حد معايا حتى صحابه بيحاوله يكلموه مش بيكلم حد وعدى معاد نزوله من السفر ومش نزل وقال لامه ظروف الشغل مش سامحه وقلى انا بحبك اه وعوزك بس من بعد رضا امى عليا وموافقتها لان امى حطتك فى مقارنه بينك وبينها وخيرتنى ومش تزعلى منى انا اخترت امى لانى من غير رضها عليا مش اسوى حاجه وبدخل على الايمل بتاعه اوف لاين علشان معرفش انه موجود انا مش عارفه هو كده مظلوم ولا سلبى ولا مش بيحبنى لدرجه انه يستحمل علشانى وامه دلوقتى دايما عيانه ده اللى بيوصل ليه مع انهم الاول لما كانت بتتعب محدش كان بيعرفه وعلى فكرة هو انسان عمرة ما كدب عليا حتى لو الحاجه هتزعل بيقول ومش بيهمه واسفه على التطويل بس اروجوكم فيدونى لانى بجد تعبانه جدا ومش عارفه اعمل ايه وهو قلى لو بعد 10 سنين حتى ولقيتك مش اتجوزتى هتجوزك

اللة يكون فى عونك انتى اكتر واحدة تقدر تحل المشكلة دة عارفة لية لانك اكتر واحدة اتعاملت مع الشخص دة وفهمتة

مش عارفه اقولك ايه غير انى حاسه بيكى ربنا معاكى بجد ساعات كتير الظروف بتكون اقوى من الانسان بس نصيحة اخت لو تقدرى تنسيه انسيه وابدائى حياة جديدة العمر بيعدى وبكرة هتندمى هتلاقى نفسك وحيدة بلا بيت ولا زوج ولا اولاد وانتى عملتى اللى عليكى وذيادة وهو اختار يبقى انتى كمان اختارى حياتك مدام مقدرش يوصلك يبقى مش يستهلك حتى لو كان كويس انا مؤمنه ان الانسان لو حب شىء باخلاص واصر على انه يوصله بيسخر الكون كله عشان يوصل لشىء دا وفى الهنهاية اقولك لو فيه خير ليكى ربنا يكتبه من نصيبك لو مش فيه خير يبعده عنك وعن قلبك ويكتبلك الخير ويرضيكى بيه

شكرا على نصيحتكم والله يا اخ ياسر هو انسان كويس جدا ومحترم وملتزم وانا لما ارتبط بيه علشان علاقته مع اهله وتحمله المسئوليه بعد وفاه ابوة لكن للاسف انهم مقدروش ده كله هو نفسه بيقولى نفسى حد يحط نفسه مكانى يعمل كل شئ وفى الاخر يلاقى نفسه ولا شئ