|
عقب الاتهامات التي صرح بها اللواء حسن الروينى لقناة الجزيرة مباشر والتي مفادها أن حركة كفاية غير مصرية وأن حركة 6 أبريل بأنها تتلقى أموالاً من الخارج لتقويض الدولة ، قامت الحركة المصرية من أجل التغير ''كفاية'' بتقديم بلاغ إلى النائب العام تطالب فيه استدعاء اللواء حسن الرويني،قائد المنطقة المركزية العسكرية وعضو المجلس الأعلي للقوات المسلحة، للإدلاء بما لديه من معلومات، تعقيباً على تصريحاته التي اتهمت حركة كفاية بأنها "غير مصرية".كما أكدت في بلاغها أنها تطلب من النيابة العامة التحقيق مع أعضاء الحركة تأكيدا على أن الحركة ترفض أي تمويل أجنبي .وأضاف بلاغ الحركة أنه على الرويني تقديم مالديه من أدلة أو الإعتذار عن تصريحاته.
وصرح عبدالحليم قنديل، المتحدث الرسمي باسم الحركة، أن " كلام الرويني لا أساس له من الصحة، ولا يقبله عقل وليس له أي منطق" حسب قوله. مضيفا: "اللواء الرويني يقول أن كلمة كفاية تعني بالانجليزية enough "، وتساءل: " كلمة جيش بالإنجليزية تعني army ، فهل الجيش غير مصري؟" ، وتابع قنديل: " نأسف أن يصدر هذا الكلام من شخصية مثل اللواء الرويني في موقع مسؤول". |
|
القذرات بتاعة 6 زفت حاتبان اهيه .. و المخفى عبد الحليم قنديل اللى تعب تنطيط بين الفضائيات ياعينى ( اهيه سبوبه تعمل معاه مصلحة شوية بعد فك سجنه زمان ) و عمال يطلع فى ( الحصيرة ) و يعمل مناورات و مناقشات لو تسمعها بتمعن تعرف انه اعبط من العبط نفسه .. ربنا ( يهده و يهديه بعد ما يهده ) كله كلا م فارغ و بالونة هوا فاضية مافيهاش غير روايح زفت .. و اللى ما يعرفش يعرف و اهى معلومه ببلاشى و ماشى ؟؟؟ لا يجوز تقديم بلاغ للنائب العام ضد قيادة عسكرية .. القانون بيقول كده .. يا عبط ابقوا قدموا بلاغ للقضاء العسكرى ياهبل لان الفاضل اللواء / الروينى غير خاضع للقانون المدنى مش كده و الا نقول كمان ( لان التكرار يعلم الحمار ) مش كده و الا ايه قرفتونا و زهقتونا فى عيشتنا جاتكوا الف قرف مليون مرة ؟؟
و خير الختام ذكر النبى عليه الصلاة و السلام *****؟؟؟؟ 
|
|
لا يجوز تقديم بلاغ للنائب العام ضد قيادة عسكرية .. القانون بيقول كده .. يا عبط ابقوا قدموا بلاغ للقضاء العسكرى ياهبل لان الفاضل اللواء / الروينى غير خاضع للقانون المدنى مش كده و الا نقول كمان ( لان التكرار يعلم الحمار ) مش كده و الا ايه قرفتونا و زهقتونا فى عيشتنا جاتكوا الف قرف مليون مرة ؟؟
و خير الختام ذكر النبى عليه الصلاة و السلام *****؟؟؟؟ انا كنت عايز اسال عن النقطه دي هو ينفع يتقدم للنائب العام ولا ايه بس كويس انك اتكلمت يا قموس لكن تفتكر هم مش عارفين كده يعني . بس كده احسن عشان كل واحد يعرف بيقول ايه ان كان الرويني مدان حتى وان لم يحاكم بيكون ظهر امام الجميع وان كان محق ولديه ما يثبت قوله يبقى كشف للشعب الحقائق . وفي الحالتين المصلحه للشعب . لكن يا زيزو الراجل الرويني ده امبارح بيقول ان هم عارفين من سنة 2009 ان 6 ابريل بتدرب في الخارج على هدم الدوله وبتتلقى تمويل من الخارج تفتكر الكلام ده لو كان مظبوط امن الدوله بتاع مبارك كان سكت عليهم ؟؟؟؟؟؟؟؟ |
|
بكرة المية تكدب الغطاس
|
|
بص يا اخويا عبده ياماسى دائما و ابدا .. المعلومات متوافرة ضد 6 زفت ( لكن سياسة النفس الطويل ) موجودة داخل الجهاز ( الخاص بالقوات المسلحة ) مش قمل الدولة السابق !! لان ده اسمه ( جهاز متابعة النشاط الخارجى للمصريين بالخارج ) و طالما لم تصدر عنهم ايه تعديات ضارة بالامن القومى خلى المعلومات حبيسة الادراج عل و عسى الا تتطور الامور .. لكن المعلومات موجوده فعليا .. عرفت ياخويا عبد الرحمن ليه انا لسه مصر على عدم اختبار حلم القوات المسلحة ؟؟؟ و عاوزك تشوف التعليق على موضوع تهريب ضابط من قمل الدولة فى اسكندرية علشان تضحك شوية من قلبك على الفبركة الكدابة .. و خلى بالك من الفلاح العربى بتاعك ده ربنا يقويه فى الفحت و التكسير يارب ؟؟؟؟ :d
و خير الختام ذكر النبى عليه الصلاة و السلام ****** |
|
يعنى يا زيزو انت عايز تقنعنى انهم مستنيين لما الضرر يقع والمصايب تحصل وبعد كدا يتصرفوا
تفكير مش سليم ابدا والمفروض كانوا يحققوا معاهم ويعرفوا اية اغراضهم زى اى حد بيعمل وساعتها لو هم محترفين كانوا عرفوا عم عايزين اية بسياسة الضرب والقهر اللى كان ماشى بيها امن الزفت وكان كل واحد خد قفا محترم كان جاب اللى عندة كلةولا المجلس مبيستخدمش العنف وكان محترم وبيطبطب ولا عايز تقنعنى ان حسنى كان ممكن يسمع عن حاجة زى دى ممكن تقلب علية ونتايجها مش كويسة علية ويسيبها ولا اية رأيك؟ |
|
خطابات الجيش بقت زى خطابات المخلوع ليه كده؟
وبعدين لما هو عنده ادله ليه مش حققو معاهم لحد دلوقتى ؟ لما هما مخربين سايبنهم ليه ؟ لحد ما يخربوها ؟ ولا هو المجلس العسكرى عايز يموت الثورة ولو ده مش حقيقى على المجلس الاعلى للقوات المسلحة ان يثبت عكس ذلك ويثبت انه حامى الثورة فعلا مش بالكلام بالقررات وبتحقيق مطالب الثوار اللى هما قالو عليها مشروعة ودلوقتى بيخونو اللى طلبو المطالب المشروعة ! |
|
السلام عليكم ورحمة الله وبركاته
احب اولا احى السادة الافاضل رواد المنتدى على مشاركتهم المفيدة والمحببه ولكن بعض الملاحظات واجو عدم الزعل او الغضب بالنسبة للاخ المحترم (زيزو باشا) ارجو فى رد حضرتك على اى احد بلاش الكلام الى موش تمام ده عشان نقدر نفهم كويس وبلاش كل شوية شتائم حتى لو مختلفين معاك فى الرائ او الفكر وانا مستغرب جدا من كلام حضرتك والشتائم وفى الاخر تقول خير الكلام ذكر النبى محمد (صلى الله عليه وسلم) يااخى من لم تنه صلاته عن الفحشاء والمنكر فلا صلاة له حرام عليك الشتائم على الناس حتى لاتأخذ من اوزاهم وتضع على اكتافك يااخى وتقبل منى كل تقدير واحترام وشكرا لكم |
|
االسلام عليكم ورحمة الله وبركاته
مشكورين جدا اخوتنا فى المنتدى على جهدكم المتواصل فى متابعة الاخبار وعرض الرأى والرأى الآخر وكلمتى الى الاخ زيزو انا متابع جيد لتعلقاتكم جميعا وخصوصا تعليقات الاخ زيزو (القرفان دائما) مع احترامى الشديد له وثقافته العالية بس يا اخى زيزو وارجو انك متزعلش منى علشان انا بحبك لازم اوضح اللى مزعلنى منك وكلنا هنا اخوة فى الله انت ليه دايما قرفان ؟ وليه دايما حاسس انك عبده المعترض؟ ومش هقول على ملحوظة الاخ (العاشق لبلده ) جزاه الله خيرا بس انا دايما بحسك محلل سياسى اقتصادى عسكرى صحفى ... الخ كل المواهب الجبارة دى فى وقت واحد ماشاء الله وكلها انتقدات لاذعة فى الحقيقة وانا من هنا بحى الاخ جميل على توضيح الفرق بين الجيش كجيش والمجلس العسكرى كمجلس وارجو منك اخى الغالى زيزو ان توضح بنفس الطريقة ازاى الحكومة من 2009 فعلا ساكته على الناس اللى بتدرب خارج مصر على كيفيه انهيار البلد وبتقول الضرر بعيد تبقى حبيسة الادراج يبدو ان حضرتك مش متابع جيد للقنوات الفضائية لما هما زى مابيقول سيادة اللواء مجبهومش هما ليه بدل الادلة دى بدال البنت الصحفية اللى اتفبركت على قناة المحور وعملوا فيلم هندى وبابا حسنى وماما سوزان وانور وجدى وبكاء وتحويلات بنكية لكل اللى معتصمين فى التحرير وتدربوا فى قطر وامريكا على ايد مدربين اسرائليين اعتقد انه كان بالأولى انهم يقدموا الاوراق التى تثبت ضلوع اى حركة فى انهيار البلد وان الثورة دى ثورة انهيار وقتها كان النظام وكل المسئولين واكيد منهم سيادة اللواء بيدوروا على اى حاجة تثبت ان ده مخطط خارجى لذلك لجأوا الى التمثلية الهزلية ( العبيطة ) بتاعة الصحفية وكل المتصلين اللى اكتشفنا انهم ممثلين وموظفين فى اتحاد الاذعة والتلفزيون معقول مفيش حد يطلع المستندات الحبيسة فى الادراج دى ويقول معنا مليون دليل دا اذا صح يعنى انهم يتركوهم لحد ما يتغلغلوا بين الشباب والمجتمع المصرى بالشكل ده اعتقد ان الحوار هو هو الحوار مفيش تغير الروينى وطنطاوى ومعظم المجلس تربية النظام بنفس الفكر العقيم علشان كده مفيش اى تغير مازال حسنى مبارك يحكم مصر ولو بفكره ارجو من اخى زيزو انه ميزعلش يمكن انا راجل كبرت وخرفت بس العقل بيقول انه من المستحيل ان اى حركة تترك لحد ما تبقى ثورة خصوصا مع نظام زى نظام مبارك الفرعونى ( لا اريكم الا ما ارى ) الثورة دى ثورة شعب اتخنق من الظلم والاستبداد 30 سنة مش مخطط لها من اى جهة الا من العلى القدير اللى يقول للشئ كن فيكون مش مخططات ولا خزعبلات ولا حركات وسؤال اخير هو المطلوب من شعب مصر ايه ؟ السؤال للمشير وكل حاكم يحكم مصر بغير عدل مطلوب من شعب مصر ايه؟ انهم لازم يكونوا عبيد للحكام؟ انهم تتسرق امالهم واحلامهم واموالهم ويتفرجوا ويقولوا ربنا يخللنا الريس ؟ انهم تهدر كرامتهم فى كل مكان خارج مصر وداخل مصر ويقولوا ربنا يخللنا الريس معيشنا فى امن وامان؟ ايه المطلوب مننا يا ناس ؟؟؟؟ اننا نفضل فى خنوع واستسلام للأبد؟؟ لما كان عمرو بن العاص والى مصر فى عهد عمر بن الخطاب ضرب ابن عمرو واحد من الشعب وكان نصرانى راح النصرانى يشتكى لعمر بن الخطاب بعت عمر يطلب عمرو وابنه ولما وصلوا لعنده قال لنصرانى اضرب بن عمرو فضربه للقصاص وكان نصرانى ، وقال عمر بن الخطاب رضى الله عنه لعمرو متى استعبدتم الناس وقد ولادتهم امهاتهم احرار (نصرانى يا نصارى) ارجو ان اجد الرد على تساؤلاتى من اى مسئول ايه المطلوب مننا شعب مصر بعد الصبر على الامراض والفقر والجهل والذل والقهر حرام ناخد نفسنا حرام نعيش بكرامة علشان قلة تعيش مرتاحة؟؟ واقولها كما قالها شيخ جليل علشان الكل يرتاح (لن يحكم فى ملك الله احد الا بمراد الله) سامحونى على الاطالة بس القلب عليل واخيرا يجب علينا جميعا فى كل سجدة فى الصلاوات ان ندعى الله بألحاح بدعاء واحد اللهم والى علينا من يصلح ويحكم فينا بما يرضيك اللهم امين |
| مواضيع مشابهة: | ||||
| › بلاغ للنائب العام ضد توفيق عكاشة بتهمة تضليل الرأى العام | ||||
| › بلاغ من حركة كفاية ضد اللواء الرويني | ||||
