اليوم نشرت جريدة الفجر خبر عن قيام محامين لاحد اعضاء ائتلاف ثوار التحرير بلاغ للنائب العام يتهمون فيه الشيخ ابو اسحاق الحوينى بالتحريض على الفتنه و قتل رجل الاعمال نجيب ساويرس و قد جاء فى البلاغ ان الشيخ ابو اسحاق الحوينى قال فى احد البرامج على القنوات الفضائيه انه يجب قتل كل من يتطاول على الاسلام و المسلمين و فى ذلك اشارة لرجل الاعمال نجيب ساويرس بعد نشره لصور على موقع تويتر و تضمن ايضا البلاغ قول الشيخ ان الاسلام لا يعرف الاخر و الاخر هنا هو المسيحى او اليهودى يذكر ان نجيب ساويرس قد تعرض لحملة كبيره جدا لمقاطعة شركة موبينيل بعد نشره لصور على موقع تويتر تسى للاسلام

بكده بقى دخلنا فى حرب من نوع خطير جدا

والأمر اساسا لا يستدعى القتل ويكفى المقاطعة فقط

والا ستصبح شوارع مصر مليئة ببحور من الدماء وبدلا من الطوب والحجارة والطوب والحجارة أرحم

شكرا مشرفنا مستر هشام

انا مش عارف لازمتة اية يطلع الفتوى دى دلوقتى ما يقفل بقة ويخلية فى بيتة هو وبتاع غزوة الصناديق

هو ده اللى ناقص كمان

لا حول ولا قوة الا بالله

اولا الخبر كاذب ثانيا يا جماعة بلاش نرمي الناس بالباطل بجد الراجل ده هو والشيخ محمد حسان والشيخ محمد حسين يعقوب وغيرهم هيقتنبسو من ناس كتير اوى يوم القيامة من شدة الهجوم عليهم

هو اللى يقول كلام ربنا ويعمل زى الرسول ما قال يبقى متشدد وخاين و بيعمل فتنة و و و و

بجد حرااااااااااااااااااام

وفتوى ايه اللى هو طلعها ؟؟؟؟؟

مبدأيا هو مقالش كدة ومش هيحرض على قتل حد اساسااااااااااااااااااااااااااااااااااااااا وهتشوفو هينزل تكذيب للخبر واديني قولت

وكمان الكلام ميطلعش غير من جريدة الفجر ^_^ اللى ماسكها اساسا بتاع روزا اليوسف ودي اكبر جريدة بتكره السلفيين والاسلاميين والمسلميين واى حد يتكلم في الاسلام

شكرا على الخبر وكلامي مش لصاحب الموضوع لان طبعا الخبر منزله جريدة الفجر بس تعليق على الردود المهاجمة بس للشيوخ بدون ما يعرفو اصلا الخبر صح او غلط

يا جماعة احنا في وقت انتشرت الشائعات فيه بشكل خطير ... ولازم نتيقن من أي خبر قبل ماننشره .... واذا جاءنا فاسق بنبأ لابد أن نتبين ..... وأي فاسق أكبر من اعلامنا الكاذب الضال المضل الذي يحكمه فئة من الناس يريدون الحكم بأهوائهم
ولا يحمكون بشرع الله .... وطلع كلام ان الشيخ الحويني قال الحل في الأزمة الاقتصادية في رجوع الإماء والجواري وكلام
مسجل وظهر ان الشيخ قال هذا الكلام من 15 سنة في سياق شرحه لحديث معين ...... يعني نحن لم ندخل في نية الشيخ ونقعد نأول كلام الشيخ ونقول قصده كذا ....... وبعدين هو فين كلام الشيخ علشان تترك لنا الحكم عليه .......
أم بالنسبة للأخ ريبل فأنا أقول له اتق الله فان لحوم العلماء مسمومة ..... واعلم ان ظفر الشيخ الحويني أو الشيخ يعقوب أفضل من ألف من أمثالك ...... ولو في حد المفروض يقفل بقه ويقعد في البيت فهو انت وأمثالك ....... ولا على ايه ما انت قاعد في البيت أساسا وبتدخل على النت تشتم هذا وتسب هذا ولا على بالك ..... ولاتعرف قدر هؤلاء العلماء الربانيون ولا مايبذلونه في سبيل الدعوة إلى الله ولايرجون من وراء ذلك مالا ولا منصبا

اللى بيتكلم دا وبيقول بشتم وغيرة احب اقولك انك انت مش فاهم حاجة بتاتا وانا بتكلم من باب ان مينفعش اى شيخ من شيوخك اللى انت بتتكلم عليهم انة يطلع فتاوى دلوقتى والبلد مش مستقرة عشان البلد مش ناقصة فتن ووش وغيرة كل يوم والتانى ولا هو عشان بقى حسنى مشى كل واحد يقول اللى فى نفسة بقى واللى يحصل يحصل

كانوا فين الشيوخ بتوعك دول ايام النظام وايام الفساد مكنش حد فيهم كان يقدر يقول كلمة واحدة بس والا كان اتاخد

الله يرحم الشيخ كشك والشيخ الشعراوى اللى كانوا مبيخافوش الا من اللى خالقهم بس ومبيتقوش غير ربنا فى اى حاجة بيعملوها مش زى شيوخ اليومين دول فالشيوخ دول افضل من امثالك وشيوخهم مليون مرة ولما تتكلم اتكلم عن نفسك بس ما تتكلمش عن حد غيرك او اتكلم عن امثالك فقط

ايه يا ربيل انت جي افش كده ليه النهارده
يا ربيل فعلا الشيخ لم يخطاء ولم يتناول ساويرس بصفه شخصيه او مباشره انما كان بيتكلم عن فتوى شرعيه وده مش موضوع ممكن يضلل فيه والفيديو موجود على اليوتيوب ممكن تشوفه علشان فعلا الجرايد دي صفراء على راي زيزو باشا .
وبعدين بلاش يا جماعه حكاية شويخك وشيوخي دي هو احنا خلاص قسمنا الشيوخ ولا ايه .
والله العظيم يا ربيل يا حبيبي كل يوم بنشوف افتراء على المشايخ دول بجد يعني حتى فيه واحد من شهر كان بيتهم الشيخ محمد حسان انه كان ضد الثورة وكان بيكفر الخروج على الحاكم . وعندما ذهبت لاشاهد راي الشيخ في الثورة وفي الخروج على الحاكم اتضح ان الشيخ كان مع الثورة من اليوم الاول وكان يشجع على الخروج على الحاكم شريطة ان الخروج لن يستبب بضرر اكثر من الضرر الواقع بوجود الحاكم . يعني من الاخر الناس بتفتري على الشيوخ فعلا .
وبعدين انت فين النهارده شوفت العادلي تاجلت جلسته في خمس دقائق هههههههههههه

يا عبدة باشا انا بتكلم من ناحية ان مينفعش شيخ يقول كدا سواء قال او مقالش او لسة هيقول دا كل قصدى مش اكتر من كدا ولا ينفع حتى مجرد التلميح سواء قصد ساويرس او حتى فتوى شرعية عشان احنا مش ماشيين بالحكم الاسلامى فى البلد ولا هو يعنى المشاكل اللى فى الدين كلها خلصت ومبقاش فاضل غير الفتوى دى

انا بتكلم ان دا مش وقتها خااااااااالص دلوقتى

ثانيا انا مش مقتنغ بالشيوخ دول ودى وجهة نظرى وانا حر فما يقوليش ضفرهم برقبة الف واحد زيى والكلام دا ولا اية اللى عرفة اساسا عشان يتكلم هو يقارنهم بنفسة هو عشان هو ادرى واحد بنفسة لكن ميتكلمش عن غيرة

الواحد اتخنق من الاشكال دى يا جدع وبيتصدروا فى حاجات تافهة

الله يرحم الشيخ الشعراوى والشيخ كشك كانوا لا يهابوا فى الحق لومة لائم

لا وقت للفتاوي الان
اما ان نعيد النظام القديم فيما قبل ما يسمونه الثوره لان حالنا توقف
او ان ننخرط وراء الاجندات الخارجيه وتضيع مصر وهذا ارجح التوقعات

إلى الاخ ريبل ....... وانا بأقولك الشيخ الشعراوي والشيخ كشك حذائهم على رأسي من فوق ....... وأى شيخ يبلغ عن الله وعن رسوله فهو أفضل من مليار مثلي ...... وأنا سبب غضبي أنك لم تتكلم بأدب عن الشيخين (وراجع كلامك) .......
وحضرتك لك الحرية في ألا تقتنع بهؤلاء الشيوخ ولكن لا تخرج عن حدود الأدب .... وأنا بختلف مع حضرتك لأني شايف ان دي حاجات مش تافهة ...... وأكرر حضرتك لاتعرف قدر هؤلاء الشيوخ ومايبذلونه من أوقاتهم وصحتهم وأموالهم في سبيل إعلاء كلمة الله ..... وهم يقولون الحق ولو على رقابهم ولا يخافون في الله لومة لائم ...... وهم موجودون ياأخي من أيام النظام الفاسد ولم يتبدلوا ولم يتلونوا وليس ذنبهم أن حضرتك لم تسمعهم ........ وسامحني أخي أني قسوت في كلامي أمس ...
وأرجو منالله أن يوحد أمة الاسلام أمام أعدائها و ألا يفرق فيما بينها ....... والله الهادي إلى سواء السبيل .......

ألى الأخ ريبل ...... وانابقولك ان الشيخ كشك والشيخ الشعراوي حذائهم على رأسي من فوق ..... وأي شيخ يبلغ عن الله وعن رسوله فهو أفضل من مليار مثلي ....... وما أغضبني أنك لم تتكلم بأدب عن الشيخين (وراجع كلامك) ...... وحضرتك لك مطلق الحرية في ألا تقتنع بهؤلاء الشيوخ ولكن لا تخرج عن حدود الأدب ...... وانا باختلف مع حضرتك أنا شايف ان دي حاجات مش تافهة ....... وياريت حضرتك تعرف قدر هؤلاء الشيوخ وهم موجودون من أيام النظام الفاسد ويبذلون أعمارهم وصحتهم وأموالهم في سبيل اعلاء كلمة الله ..... ويقولون الحق ولو على رقابهم ولا يخافون في الله لومة لائم ........ وليس ذنبهم أن حضرتك لم تسمعهم ولقد دخلوا أغلب البيوت عبر القنوات الفضائية الاسلامية ....... وسامحني أخي على قسوة كلامي أمس ....... أرجو من الله أن بوحد أمة الاسلام أمام أعدائها وألا يفرق فيما بينها .......

اللهم أرنا الحق حقا وارزقنا اتباعه ........... وارنا الباطل باطلا وارزقنا اجتنابه

الاخ اللى بيتكلم احب اقولك انى عارف انا قولت اية كويس ومش محتاج اراجع اللى قولتة وثانيا انا مش زعلان من الاسلوب اللى بتتكلم بية عشان مبحطش الحاجات دى فى دماغى ودا واضح ان انا كان ممكن ارد عليك من اول رد وكنت هرد عليك كويس كمان بس كفاية اللى رديت عليك بية وانا مخرجتش عن حدود الادب وانا انتقدتهم من باب التصريحات اللى بيقولوها دلوقتى وان دا مش وقتها واعتقد كل حاجة قولتها مش محتاجة توضيح تانى ولا انت نسيت محمد يعقوب لما قال غزوة ورجع يقول كنت بهزر

الحاجات المتعلقة بالدين دى مفيهاش هزار عشان بتقلب البلد فى ثانية واحنا مش ناقصين وكل واحد من الشيوخ بتوعك دول يفكر فى الكلمة الف مرة قبل مايقولها عشان نتجنب المصايب اللى بتحصل وانا بسميها تفاهات عشان مش وقتها خااااااااالص

ولو عندك كدا فيديوهات ولا حاجة قوللى عليها اصل ممكن فعلا مكنتش سمعتها وورينى كدا هم كانوا مش متلونين ازاى ويبقى انت عملت ثواب

اللهم احفظ مصر واهلها من كل مكروه الشيخ كشك والشعراوي ومحمد حسان وابو اسحاق كلهم افاضل يبذ

السلام عليكم ورحمة الله وبركاتة اخواتي في الله اريد ان اوضح امر خطيرآ اولآ نحن جاهلون بالدين ولا يجوز نهاجم احد من المشايخ لانهم عندهم الحجة لأنهم ورثة الانبياء واعلم اهل الارض بكتاب الله وسنة رسوله صلي الله عليه وسلم .
وارجو ان نهتم بأعملنا لكي تنهض بلدنا لأن الكلام مش بيحل لكن بيعمل دوشة وبيخلي الامور تسوء الي درجات اسواء من ذلك .
بارك الله فيكم وندعو الله ان يغفر لنا ويتوب علينا من الذنوب والمعاصي لكي نسعد بحياتنا . اخوكم ( باسم )
اراسلكم من المملكة العربيية السعودية

الشيخ محمد حسان والشيخ ابو اسحاق الحوينى والشيخ محمد حسين يعقوب والله الناس دى جزمتهم فوق راسى لانهم خايفين على البلد بجد اماعن الشيخ على جمعه فخلاص اتكشف لانه منافق واكبر دليل انى الشيخ على جمعه رافض مناظره الشيخ ابو اسحاق الحوينى لانه يعرف تمام المعرفه انه على باطل