فى قلب الاحداث التى كانت دائرة بين متظاهرين التحرير أثناء تقدمهم بمسيرة سلمية أول امس الى المجلس العسكرى بمقر وزارة الدفاع بشارع الخليفة المامون لتقديم مطالبهم وايقاف تقدمهم واعتراضهم من قبل اهالى منطقة العباسية والوايلى الكبير فقد جرت مكالمة بين قناة الجزيرة مباشر مصر وبين الناشطة السياسية اسماء محفوظ والتى تمثل وجه من وجهات حركة شباب 6 ابريل وبالاخص بعد ثورة 25 يناير فقد اتهمت الجيش المصرى بحماية البلطجية الذين اعتدوا عليهم بالاسلحة وكما حملت ايضا المجلس العسكرى المسؤلية كاملة لكل ما حدث لهم وما قد تعرضوا له وخاصة بالذكر المشير طنطاوى واللواء محسن الفنجرى واللواء الروينى قائد المنطقة المركزية

[YOUTUBE]7TXfNlSjZ_o[/YOUTUBE]

ارحمونا بقى يا جماعة من مواضيع ( ناشط سياسى ) بقى دى هوه حصل ايه البلد كلها ناشطون سياسيون .. ربنا يرحمن برحمته !!!
و خير الختام ذكر النبى عليه الصلاة و السلام *****

فيه حاجه مش طبيعيه وناس مش طبعيين====شامه ريحه خداع ووقيعه وفتنه=======وحرب من ماجورين على مصر====يا شعب مصر احزرو الفتن =====احزرو الوقيعه بين الجيش والشعب =لو المجلس العسكرى تركنا اصبحنا عرايا كلنا=يا شعب مصر =هناك من يندس من اهلنا ومن شعبنا ليوقع بمصر=====والمجلس العسكرى يحاول ان يدفع بهم عنا===========اتوسل اليكم لن يفيدنا موت ولا حتى معيشه مبارك======لن يفيدنا الا بلدنا وتراب ومياه بلدنا وسواعدنا وايدينا وعقولنا ===فوقو بقى ================جنات

كلام سليم

صدقوا يا شعب مصر وفوقوا واعرفوا ان المجلس عمرة ما هيحاكم حد من الشلة عشان هو اساسا واحد من الشلة

يا رب اظهر الحق و نجى مصر من الفتن و انصرها يا رب

يابهايم دي فوضه عايزين امان

قلت الكلام مليون مرة بس هعيدة تانى محكمة النظام السابق صعب جدا نلحق الى متبقى بالبلد علشان نقوم بيها وبعدين نحاكم الناس وساعتها مصر هتبقى قوية مش هنبقا محتاجيين حد ولو محصلشى كدا نبقى نعمل مظهرات تانى بس هتقول لمين عالم غبية جدا وانا رافض اى حركات ل 6 ابريل ولا اى حركة انا الشباب الى اعرفهم الى قاموا بالثورة شباب عادى جدا لا ينتمى لحزب ولا ديولة بس زى ما بيقللوا العجل لما يقع بتكتر سككينة اتمنى نفهم بقا

الشعب طلع ينادى الشعب يريد اسقاط النظام هو اسقاط النظام ان مبارك يتعالج على حساب الدوله فى شرم الشيخ و العدلى يتعلمه و باقى اتباع النظام صعب يتحاكمو؟؟؟؟؟؟
الرمزيه فى محاكمه مبارك و ذيوله اهم من المحاكمه نفسها لانها حتثبت ان احنا دوله قانون و عداله و الا دوله لو سرق فيها جعان رغيف عيش يتحاكم عسكري و اللى يسرق البلد ثلاثين سنه و يقتل اكتر من اللى قتلوهم اسرائيل فى غزه يجيله فطاره من فرنسا و هو فى شرم؟؟؟؟
عجل ايه و سكاكين ايه؟ واضح انك ما راحلكش عزيز و الناس اللى ماتت دى بالنسبه لك عجول و راحت
محاكمه النظام و اتباعه دليل اثبات حسن نيه من المجلس العسكرى و دليل عداله و دليل اننا ماشيين فى الطريق الصحيح و اللى فى التحرير مش بس بيطالبو بمحاكمه النظام لكن فى حق شهدا اللى راحوا (ولادنا) و حق الشعب اللى اتنهب ثلاثين سنه و حقك و حقى
فوقوا بقى ياللى بتحاربوا شباب التحرير لو رجاله تروحوا تقفوا معاهم قبل ما الشعب هو اللى يتحاكم و مبارك يطلع براءه و نبقى احنا اللى عضينا الكلب و الاسطى حسنى سواق عظيم بس احنا اللى ما بنعرفش نركب

خلاس يا اسماء انكشفتم على حقيقتكم
من الذى اعطاكم تاشيرة صربيا
ومن اين لكم بثمنها ولا 20جنيه اشتراك اعضائك هم هيخلوكم تلفوا حول العالم
ارحمونا بقه الشعب زهق منكم
ولو مش مصدقين شوفوا تعليقات قراء المواقع الاخباريه
على اي خبر يخص جماعة 6 مهابيل

تعليقات بعض قراء اليوم السابع

أعدائنا تفوقوا علينا للأسف
لازم ننسى مبارك ومحاكمه مبارك لو هاتواجهنا بالجيش
مش مهم يتحاكم المهم نبص للى جاى
اللى بيمشى ف طريق وباصص لورا
بيوقع ومش بيعرف يقوم
احنا مستحيل نقع
هاندافع عن بلدنا ضد اى حد فاكر نفسه ناصح او عاوز يعمل فتنه هانقفله ونتحداه ونحارب ونقتل الموضوع كبير انا شاب 28 سنه من فيصل مستعد اموت بجد والله فى سبيل الاسلام ومصر مستعد افتك بأى عدو لينا فاهمين

خلاص مابقتش فاهمة حاجة أحسن حاجة يتحاكم مبارك والشلة والضباط المتهمين بقتل الشهداء بسرعة عاجلة وساعتها المشكلة هاتتحل

انا ضد اى انسان يشوه صورة المجلس العسكرى
ربنا يحمى مصر من الفتن

الناشط السياسي لايدهب الي اي مكان يخص الجيش من قام بهدا العمل ليس وطني وطريقه أسماء نفس الطريفه التي ظهر بها مؤيدي مبارك في التلغزيون المصري التهويل والكدب حرام لاتضيعوا مجهود الثوار حرام

سلم يا رب سلم اللهم نجى امه محمد من الفتن

كلام سليم

صدقوا يا شعب مصر وفوقوا واعرفوا ان المجلس عمرة ما هيحاكم حد من الشلة عشان هو اساسا واحد من الشلة

كلامك مضبوط تماما

اللهم احفظ مصرنا الحبيبة من كل متربص ومن كل خائن
ومن كل من تسول له نفسه باى شيئ

مش كل حاجة نعلقها على شماعة المجلس العسكرع

برضه الضباط المتهمين بقتل ( الشهداء ) اقولكم حاجة قانونية و ان ما حصلتش ابقوا قولوا اننى عبيط و مافهامش اى حاجة فى اى حاجة .. استحملوا الكلام اللى زى الدبش ده لكنه الحقيقة بعينها و رزقى و رزقكم على الله..
(1) لم تذكر كلمة الشهداء باى من تحقيقات اى نيابة على الاطلاق فى جميع محافظات مصر كلها بدون حدى
(2) القتل الذى حصل ( للشهداء على ما يسميهم الناس ) قتل قانونا يسمى قتل المشاع اى ليس بسبق اصرار او ترصد نهائيا لان كل الحالات حال الاعتداء على الاقسام و محاولة اقتحامها و سرقة الاسلحة بداخلها مما دفع الموظفين بها ( الضباط الى الرد على الاعتداء ) و قانونا هذا جائز شرعا و قانونا
(3) ياريت نراجع فتوى الشيخ احمد سعيد الفاسى بالمدينة من كون المتوفيين ابان الاحداث شهداء من عدمه ؟؟؟؟
(4) بلاش العواطف اللى بتقول كذا و كذا و كذا بلدنا ليها قانون هو الذى سيعاقب مبارك و اذنابه جميعا و القانون واضح و صريح فى مثل هذه الحالات و القانونيين القح عارفينه كويس خالص ..
(5) كثرة الضغوط الاعلامية على القضاة سيمد امد التقاضى لمدد طويلة لان حبال القانون طويلة و ثغراته اطول ...
(6)طبعا كلامى كفر و العياذ بالله و اننى انتمى لمبارك و العادلى و اننى يجب ان يهدر دمى و غير ذلك كثير ؟؟؟ انا قلت اولا استحملوا الكلام القانونى اللى زى الدبش و هوه اللى حايحصل .. لاننا دائما كلمة الحق الخالصة لوجه الله تعالى بدون عواطف بتوجع جامد و تاثيرها سيىء للغاية و انا عارف كده كويس ... كلامى خلص و الله المستعان و الايام بيننا حاتبين صحة هذا الكلام من عدمه !!!!!!
و خير الختام ذكر النبى عليه الصلاة و السلام *****

زيزو باشا يا كبير اوى انا مصدقك فى كل كلمة انت بتقولها بس هل انت شايف ان البلد دى فيها عدل دلوقتى

البلد يا زيزو قامت فيها ثورة والعدل اللى مفروض يحصل ان يتقبض على اى مسئول كان ماسك منصب ويتقدم للمحاكمة بتهمة افساد الحياة السياسية زى ثورة 52 لما لغوا الاقطاع اللى كان مخللى الناس تتحكم بالاف الافدنة وناس تانية مش لاقية تاكل مقالوش ساعتها محاكمة وغيرة وان الفلوس دى والاراضى دى واخدها بطريقة مشروعة ولا لا ولا ورينى عقود الاراضى وانت وارثها ولا واخدها من مين

نفس الكلام هنا بالظبط من اللى عندهم ملايين وسيبناهم يهربوا واللى لسة موجودين ومكسوفين نروح نجيبهم

اللى بيحصل دلوقتى اسمة حاجة واحدة بس وهى مسخرة

وسيبك من القانون دا خالص يا زيزو فى المواضيع دى عشان القانون دا لو مشينا بية مفيش حاجة هتنصلح فى البلد وكلة بالمستندات وقابلنى لو القانون دا لقى ورقة واحدة ضد اى حرامى وانا وانت اهو والزمن بينا

فمتقوليش قانون دلوقتى خالص احنا فى ثورة مش فى حركة تطهير

نفسى تفهموا كدا

فى تصورى ان القناع سقط عن وجوه المجلس العسكرى وبدات تظهر لنا الوجوه الحقيقية ولاسيما بانه يوجد عشرة عمر بينهم وبين مبارك وبالتالى لايوجد محاكمات ولا هم يحزنون كل ما فى العملية مماطلة الى ان تاتى الانتخابات و ينشغل الشعب بها

برضه الضباط المتهمين بقتل ( الشهداء ) اقولكم حاجة قانونية و ان ما حصلتش ابقوا قولوا اننى عبيط و مافهامش اى حاجة فى اى حاجة .. استحملوا الكلام اللى زى الدبش ده لكنه الحقيقة بعينها و رزقى و رزقكم على الله..
(1) لم تذكر كلمة الشهداء باى من تحقيقات اى نيابة على الاطلاق فى جميع محافظات مصر كلها بدون حدى
(2) القتل الذى حصل ( للشهداء على ما يسميهم الناس ) قتل قانونا يسمى قتل المشاع اى ليس بسبق اصرار او ترصد نهائيا لان كل الحالات حال الاعتداء على الاقسام و محاولة اقتحامها و سرقة الاسلحة بداخلها مما دفع الموظفين بها ( الضباط الى الرد على الاعتداء ) و قانونا هذا جائز شرعا و قانونا
(3) ياريت نراجع فتوى الشيخ احمد سعيد الفاسى بالمدينة من كون المتوفيين ابان الاحداث شهداء من عدمه ؟؟؟؟
(4) بلاش العواطف اللى بتقول كذا و كذا و كذا بلدنا ليها قانون هو الذى سيعاقب مبارك و اذنابه جميعا و القانون واضح و صريح فى مثل هذه الحالات و القانونيين القح عارفينه كويس خالص ..
(5) كثرة الضغوط الاعلامية على القضاة سيمد امد التقاضى لمدد طويلة لان حبال القانون طويلة و ثغراته اطول ...
(6)طبعا كلامى كفر و العياذ بالله و اننى انتمى لمبارك و العادلى و اننى يجب ان يهدر دمى و غير ذلك كثير ؟؟؟ انا قلت اولا استحملوا الكلام القانونى اللى زى الدبش و هوه اللى حايحصل .. لاننا دائما كلمة الحق الخالصة لوجه الله تعالى بدون عواطف بتوجع جامد و تاثيرها سيىء للغاية و انا عارف كده كويس ... كلامى خلص و الله المستعان و الايام بيننا حاتبين صحة هذا الكلام من عدمه !!!!!!
و خير الختام ذكر النبى عليه الصلاة و السلام *****

(6)طبعا كلامى كفر و العياذ بالله و اننى انتمى لمبارك و العادلى و اننى يجب ان يهدر دمى و غير ذلك

ليه بقى ؟؟؟ هو اللى يفهم الناس ويوعيهم يهدر دمه والا بيبقى متواطىء مع مبارك ونظامه السابق ؟؟؟

احنا هنا كلنا مش حا نغير قوانين ولا نظام بلدنا ولكننا بنعبر عن آراءنا وبنتعلم أيضا وهذا ثانى

رد لك تعلمت منه نقاط هامة

شكرا لك زيزو


شكرا لك جميل

فى تصورى ان القناع سقط عن وجوه المجلس العسكرى وبدات تظهر لنا الوجوه الحقيقية ولاسيما بانه يوجد عشرة عمر بينهم وبين مبارك وبالتالى لايوجد محاكمات ولا هم يحزنون كل ما فى العملية مماطلة الى ان تاتى الانتخابات و ينشغل الشعب بها

بصراحة الرد وافى جدا لما يحدث الان
نورتنى يا غالى