الاخت الفاضلة / بديعة على / تحياتى و بعد....ثورة و قلنا ماشى .. تغيير نظام و قلنا ماشى كفايانا 30سنة .. محاكمة الفساد و قلنا ماشى و الموضوع يسير على قدم و ساق ..لكن وقف مصالح الناس و اعتصامات و كلام فارغ ؟؟ اظن كفايانا بقى و نشوف حالنا و ندى فرصة للعمل الجاد للمرور من المنحنى الخطير الذى نحن بصدده و الطلبات الفئوية كل يوم بتزيد بتزيد عن زى ما بيقولوا الحد المسموح .. فيه حاجة اسمها موازنة دولة و طول ما فى اعتصامات و تهريجات من الرخيصة دى خلينا محلك سر ( مين الخسران باقى ال85 مليون ) مش البهوات اللى فى الميدان خلصوا الامتحانات و رايحين يصيفوا .. يصيفوا هما حرين فى نفسم لكن المثل البلدى بيقول ( الشىء الذى يزيد عن حده بينقلب ضده ) مش كده و الا ايه يبقى الهدوء و فض التهريجات دى بقى و نشوف حالنا خلى العجلة تسير مش كده و الا ايه ؟؟؟؟؟
و خير الختام ذكر النبى عليه الصلاة و السلام *******
عليه افضل صلاه و سلام
يا اخى ريبل انت عارف ان مصر كان فيها الفساد للركب معشش فيها فى كل ركن و كل هيئه و كل نادى و كل نقابه و كل حاجه ده خير معروف تماما اللى الناس مش واخده بالها منه هو ان الثوره بمثابه المبيد الحشرى يعنى الثوار و الشعب و الجيش كلنا رشينا مبيد حشرى فى البلد كلها
طبيعى الصراصير بكل انواعها تطلع تهيج مخنوقه من الجو الجديد اللى حيقضى على البيئه النجسه اللى كانوا عايشين فيها يقومو يطلعو و يهيجو فى صوره مرتشين حراميه بلطجيه الخ ايا كان السبب اللى له تار اخده اللى ظابط عذبه و اهان كرامته راح دبحه و اللى عايز يسرق حيسرق و اللى عايز الخير للبلد يمشى فى طريقه لا يحود يمين و لا شمال
و البلد مش حتنضف بين يوم و ليله و الا احنا سذج قوى لو قلنا حنعمل الثوره النهارده بكره تنجح بعده مصر حتبقى جنه؟؟؟ ما فيش كده فى ثوارت بتقعد سنين المهم المطالب تتحقق
فى ناس بيراهنوا على عقليات عايزه تخلص و خلاص بقى و بكره الناس تزهق من قله الاستقرار و تقول كفايه زى ما حضرتك بتقول
دى لعبه النفس الطويل مين حيكون نفسه اطول و مين حيصمد اكتر و مين حيقضل رابط على مبادئه و مين حيستسلم طبعا مش السعب و لا مصر اللى حتستسلم
يبرطعوا فى البلد زى ما هم عايزين اهى فتره و تعدى بس البلد تنضف فى الاخر و تتحقق اهداف الثوره اللى هى اهداف الشعب كله (حريه بحق كرامه بحق عداله اجتماعيه بحق) انت شايف حاجه من دى اتحققت؟
يطلعو كرت البلطجه شويه كرت الارهاب شويه كرت ابو رجل مسلوخه شويه فى النهايه ان الله لا يغير ما بقوم حتى يغيروا ما بانفسهم و الشعب اختار التغيير و الحياه و لا بد ان يسجيب الله سبحانه و تعالى و ينجى مصر من اللى كانت عايشه فيه سنين طويله من الظلم و القهر و الاهانه و العبوديه و التعذيب و غيره
اللى بره مصر شايفين الى الان ان الثوره المصريه هى النموذج المحتذى فى العالم كله
و الحمد لله ربنا ساترها معاها الاعلانات فى التلفزيون بالهبل و انزل السوف كل حاجه موجوده دول حتى الاسعار اغلى و الناس بتشترى و المصانع شغاله و كله تمام فين الانهيار ده و الا الخراب
مصر عمرانه بيكم يا حبايبى
و ربنا يديمها علينا نعمه و يحفظها من الزوال و ينصر مصر و شعبها الطيب الجميل
و تحيا مصر