الاخت بديعه مع انني اختلف معك حضرتك في بعض النقاط مثل الهجوم القوي على التيارات الاسلاميه دون ادله واضحه ونسب اي عمل ارهابي للمسلمين ايضا دون دليل وكذلك محاولت استحلالك للتبرج وعدم تحطيم الاصنام والتماثيل ولا اعلم هل لديك دليل على هذا الاستحلال من عدمه لاننا مرتبطين بشرع منزل من الله سبحانه ولا نريد ان نتحايل عليه وبرغم كل هذا فانا اتفق مع حضرتك في كثير من النقاط واحترم جدا مشاركاتك الصادقه والبنائه ومنها هذه المشاركه الرائعه ولكن فقط احببت ان اقدم لك النصح على هذه الجمله المقتبسه والتي لا اعلم كيف صدرت من انسانه متعلمه ومثقفه مثل حضرتك فقد تكون صدرت بطريق الخطاء .
لا يجوز ابدا ان انسان يقول لابد ان يستجيب الله سبحانه . فكيف لانسان يفرض على الله الاستجابه نحن نتضرع الي الله ونطلب الله ونلح على الله في الدعاء حتى يستجيب ولا ينبغي لنا اكثر من هذا .
ونصيحه للجميع الحظر من خطورة مقولة الشاعر التي هي شبيه بعبارة الاخت بديعه
اذا الشعب يوما اراد الحياه فلابد ان يستجيب القدر . بارك الله فيكم
واتمنى ان تقبلي مشاركتي بصدر رحب وهي نصيحه ليس الا ولك الخيار
تعريف اصنام؟؟؟؟ كانت زمان فى العصر الجاهلى تماثيل تعبد و تحت كلمه تعبد ميت سطر لو ما عبدتهاش ما تبقاش اصنام يعنى فى ناس بيعتبروا العروسه باربى بتاعه الاطفال اصنام و احب اقول لك ان فى السنه الرسول عليه افضل الصلاه و السلام كان بيلعب مع امنا عائشه رضى الله عنها بالعابها اللى كانت بتلعب بيها و كان من ضمنها حصان بجناحات ابتسم و قال لها (أحصان باجنحه؟) قالت له بما معناه (يقال ان سيدنا سليمان كان عنده حصان باجنحه) فابتسم الرسول صلى الله عليه و سلم لا قال لها اصنام و لا قال لها خرافه و لا كلام من ده ... ربنا عرفوه بالعقل و لازم نحكم عقلنا لما طفله تلعب بعروسه دى مش حرام لكن فى السعوديه صدرت فتوى بان باربى حرام لانها تثير غريزه الرجال ؟؟؟؟؟؟؟؟؟؟؟؟!!!!!!!!! راجل مين ده اللى تثير غريزته باربى مش فاهمه لكن اهى من ضمن فتاويهم الحلوه و علشان تبقى حلال عملو العروسه فلله دى كده مش صنم و مش بتثير غرائز الرجال قشطه
الاصنام كانت بتتعمل احيانا من العجينه يعنى تمثال زى البسكويت كده يعبدوه و بعدين ياكلوه يعنى الصنم ممكن يكون تمثال كبير او صغير او بسكويته
العبره مش فى التمثال العبره فى اللى بتعمله انت يعنى السكينه حلال و الا حرام؟ لو قطعنا بيها اكلنا تبقى السكينه حلال و لو قتلنا بيها حد تبقى حرام؟ لا طبعا السكينه مالهاش دعوه الحلال و الحرام هو عملك نفسه و نيتك ممكن واحد غاوى يعبد سكينه حد حيقول له لا والا حد حيقول السكينه حرام؟
الناس بنطبخ بيها اكلنا و ممكن نحرق بيها حد او نحرق بيها كنيسه او جامع و ممكن فى ناس بتعبد الناس تفتكر الناس حلال و الا حرام؟ النار مالهاش دعوه اللى بتعمله بيها هو اللى حلال و الا حرام مره واحد كان عنده شغاله هنديه دخل عليها لقاها مولعه الفرن و بتصلى للنار تفتكر يرمى الفرن فى الزياله و يرجمه و الا يرميها هى فى الزباله؟ و الا يحاول يكلمها و يدعوا الى سبيل ربه بالحكمه و الموعظه الحسنه و الا يطلع فتوى ان البوتاجازات حرام؟؟؟
الصادم لكل المسلمين دلوقتى انهم اكتشفوا من يومين مساجد فى اسبانيا (الاندلس) فيها فى وسط الزخرفه صور لاشياء حيه زى طيور او حيوانات و دى كانت صدمه لكل اللى بيقول ان الفن حرام و التماثيل حرام و من الاخر التشدد فى المنظر و ترك الجوهر مش فى الدين من شىء
حاجه تانيه احب اوضحها
قال الله تعالى فى قرآنه الكريم (ان الله لا يغير ما بقوم حتى يغيروا ما بانفسهم) صح؟ مش فيه ايه كده؟
يعنى لو غيروا من انفسهم ربنا حيغير وضعهم يعنى لو هم فعلا عايزين و عندهم اراده التغير يبقى ربنا حيغيرهم يعنى اذا الشعب يوما اراد الحياه فلا بد ان يستجيل القدر و القدر هو الله عز و جل علشان كده انا قلت فلا بد ان يستجيب الله سبحانه و تعالى لو فعلا عايزين نغير و عندنا اراده يبقى يد الله فوق يد الجماعه
زى اتقى دعوه المطلوم فانه ليس بينها و بين الله حجاب يعنى لو دعا المظلوم حيستجيب الله تعالى و كلمه لا بد تتقال يعنى لازم اكيد مدام ربنا قال كده يبقى حيستجيب
انا لا نتقد المسلمين انا مسلمه و مؤمنه و موحده الحمد لله و لكنى لا احب التعصب و لا التشدد فى الدين لانى على يقين ان الدين دين يسر مش عسر (ما شاد هذا الدين احدا الا غلبه)
يسروا و لا تعسروا
و تحيا مصر